荔天家長交流區

pamcheung

pamcheung>>囡囡呢個月帶飯習慣嗎???
- 尚可, 但都會說飯壺重, 但仍堅持帶飯, 她說學校只有雞翼 飯好食 !? .......
- 阿女有份參加比賽
- 在學校不能完成功課, 但在家做功課快咗, 這兩天我返到屋企已做完.
- 第一句識寫 the, 第二句再默 the 已經唔識寫……
- 運動會: 要返工去唔到, 阿女會坐來回校車

mameme

hello Babyruby

返舊校玩得開心嗎? 多唔多舊同學返去呢? 亞仔都好懷念個波波池, 可惜星期日返教會都無得入波波池玩呢!

自從開始小睡至今都有成個星期, 成效係有...但未算解決到問題, 小睡後沖過涼先做功課, 確係精神 d狀態好d, 最有效係幫助溫習, 真係較易入腦, 但做功課就只係將時間順延, 一樣係需要同樣時間, 若果佢可以同你囡囡一樣, 功課係學校可以做完就最好喇 ! 有 d 咩野改善既方法.... 期望大家賜教啦


至於溫默書方面, 你地唔講.....我倒仲以為個仔記憶力有問題! 其實同你地情況差唔多, 好似個"共" 字咁, 家課冊都常見啦 (抄詞x個 共x個), 睇家課冊佢識讀喎, 但書本出現就好似完全未見過呢個字咁! 係每次喎...次次都叫佢睇返家課冊佢先記得 ! 真係莫名其妙 ! 不過都無得擔心喇, 學我老公話齋...呢舖係一世都無得投降既 ! 點都要諗辦法面對如何幫佢學習, 唯有不斷嘗試...搵到適合既方式啦!

我聽日唔去呀....而亞仔都係參加障礙賽呢 !! 希望各位小朋友都攞個大金牌返黎啦 ! babyruby, 仲記唔記得以前 d朱古力金牌呢 ?  

Babyruby

mameme ,
有呀,囡囡都有約好多舊同學返校,亦係學校見到好多同學仔,仲吃左棉花糖&爆谷,仲有玩左紙黏士,出年真係要早d去,可以玩耐d

囡囡雖然做得快,但係有時d字真係嚇水人架，不過如果唔太過份我都比佢過關架拉(當然同幼稚園比真係差左拉)你有冇覺HB筆好似好淺色，我同事教我用2B，佢話會深色d播．．今晚買黎試試先!!!

溫書真係一個問題，好似今次第２課咁，如果單係同佢溫詞語真係唔知佢實質有邊個字係唔識，我係讀默叫佢默哂成課架，不過佢真係好支力０羅，尋日我見佢己太概字都掌握到，而加上今日要默英文，所以先抽生字出黎同佢默咋，你除左溫默書會唔會同佢溫其他科架？？

中文字真係要睇多d先會記得架，以前幼稚園老師教我將佢唔識d字整成字卡久唔久取出來考佢，佢睇多左就會識，不過真係要用好多時間０羅

原來你地明天個個都唔去，我仲以為家長一定要參與添，不過唔緊要拉，反正我請左假，明天去同亞囡打下氣先!!!

mameme 寫道:

hello Babyruby

返舊校玩得開心嗎? 多唔多舊同學返去呢? 亞仔都好懷念個波波池, 可惜星期日返教會都無得入波波池玩呢!

自從開始小睡至今都有成個星期, 成效係有...但未算解決到問題, 小睡後沖過涼先做功課, 確係精神 d狀態好d, 最有效係幫助溫習, 真係較易入腦, 但做功課就只係將時間順延, 一樣係需要同樣時間, 若果佢可以同你囡囡一樣, 功課係學校可以做完就最好喇 ! 有 d 咩野改善既方法.... 期望大家賜教啦


至於溫默書方面, 你地唔講.....我倒仲以為個仔記憶力有問題! 其實同你地情況差唔多, 好似個"共" 字咁, 家課冊都常見啦 (抄詞x個 共x個), 睇家課冊佢識讀喎, 但書本出現就好似完全未見過呢個字咁! 係每次喎...次次都叫佢睇返家課冊佢先記得 ! 真係莫名其妙 ! 不過都無得擔心喇, 學我老公話齋...呢舖係一世都無得投降既 ! 點都要諗辦法面對如何幫佢學習, 唯有不斷嘗試...搵到適合既方式啦!

我聽日唔去呀....而亞仔都係參加障礙賽呢 !! 希望各位小朋友都攞個大金牌返黎啦 ! babyruby, 仲記唔記得以前 d朱古力金牌呢 ?  

Babyruby

pamcheung>>>咁囡囡習慣就無問題了，咁你咪好辛苦０羅，每朝要煮飯，囡囡都有比選中呀，佢係邊part呀
係呢，我地班係咪仲未派返張針卡呀？？

pamcheung 寫道:
pamcheung>>囡囡呢個月帶飯習慣嗎???
- 尚可, 但都會說飯壺重, 但仍堅持帶飯, 她說學校只有雞翼 飯好食 !? .......
- 阿女有份參加比賽
- 在學校不能完成功課, 但在家做功課快咗, 這兩天我返到屋企已做完.
- 第一句識寫 the, 第二句再默 the 已經唔識寫……
- 運動會: 要返工去唔到, 阿女會坐來回校車

pamcheung

帶飯: 早上只會煮簡單嘅, 材料會叫姐姐早一晚洗切好, 所以唔使好耐.
運動會: 囡囡參加"左右跳"
係喎, 日日掛住d功課同默書, 完全忘記咗張針卡潻!
仲有, 每日做完功課已經幾攰嘞, 所以唔係成日溫默書, 間中清閒d果日就溫少少, 默之前一日再溫吓, 記得幾多真係靠佢自己, 有時溫果陣識, 默果陣會唔記得架.  
明天各位小朋友加油,加油, 全力以赴, 做到最好 !   

穎妍媽咪

今天是運動員的小朋友,有取得奬牌嗎?

Babyruby

DEAR ALL.

我個日有同囡囡去運動日,好彩我個日有同佢去咋,因為當天真係都好亂下,如果唔係有家長陪佢地真係都幾傍煌,我當天無同囡囡坐校車,一入運動場就有D班別既牌,咁我同囡囡就排左係自己班別既牌下,但係等了一陣唔見有人排,咁我就去問門口既工作人員拉,咁工作人員話如果有大人帶可以自行帶佢上看台,咁我同囡囡就上左看台,上到看台再問個度既工作人員,佢又話運動員己在操場採排,叫我帶囡囡去操場,當我去度操場時,個度D風紀話因為我囡囡參加障礙賽賽應在係去看台運動區等候,但係等候區係無註明咩運動係坐係邊,只分左1,2年級運動員區,咁我唯有陪伴囡囡至出場比賽,校方每集合一次只會舉牌召集,如果小朋友掛住玩真係分分鍾會MISS左架,到比賽完,佢地就會返返去自己班別既區域內,不過可能老師在操場裡工作拉,我見佢地個班既小朋友真係坐係位都唔見得有,真係走失左去邊都唔知架(當然一定係唔會走出個會場拉),因為囡囡當天有活動要學我就係散會前早退了,不過以我經驗睇如果係明年都都會跟埋佢去運動會因為可以加以照顧,真係我實在唔放心

囡囡當天比賽,佢個組有3個小朋友佢跑最尾,一比賽完返看台,好唔開心仲喊左比黎添呀

pamcheung

囡囡都冇攞獎呀. 不過可以參加比賽應該已經好開心嘞.
果日好熱, 囡囡返嚟已經好攰, 食兩啖粉就 咗, 跟住仲發燒, 尋日去咗睇醫生, 仲未好返, 今日返學叫佢體育堂唔好跑跳休息吓.
Babyruby,囡囡心情好返未?

Babyruby

pamcheung
係呀,我地個班都有2,3個小朋友取左金牌,都幾叻架拉...
囡囡今日好d無??感冒定0侯0龍發炎呀??個日真係好熱呀,佢地1a坐個個位仲有好哂添(無瓦傘頭),我同囡囡坐左陣都走左去1b班到坐,個日囡囡返到屋企幾點呀??
個日喊完己無事lu,小朋友好快無事

pamcheung 寫道:
囡囡都冇攞獎呀. 不過可以參加比賽應該已經好開心嘞.
果日好熱, 囡囡返嚟已經好攰, 食兩啖粉就 咗, 跟住仲發燒, 尋日去咗睇醫生, 仲未好返, 今日返學叫佢體育堂唔好跑跳休息吓.
Babyruby,囡囡心情好返未?

pamcheung

原來曬咗成日, 唔怪得佢猛話果日好熱啦. 我諗佢都係體力透支抵抗力弱咗, 所以打敗仗啦.   (平時晚上做完功課已經好眼瞓嘞, 星期尾情況就更嚴重) 佢有幾聲咳, 醫生話係細菌感染 , 出年開始會陪佢去運動會嘞, 因為佢好想有家長陪.   

Babyruby

pamcheung
小朋友真係好容易借d"意",咁今晚好快d叫佢做埋功課同溫埋默書早d訓拉,明天仲要默書..
你有冇同囡囡參加英文每日一篇呀??
係呀,佢地見到人地d daddy /媽咪都係,一係想自己個個都係,不過我個人都覺去埋真係好d,因為好多野都可以照顧到佢地

pamcheung 寫道:
原來曬咗成日, 唔怪得佢猛話果日好熱啦. 我諗佢都係體力透支抵抗力弱咗, 所以打敗仗啦.   (平時晚上做完功課已經好眼瞓嘞, 星期尾情況就更嚴重) 佢有幾聲咳, 醫生話係細菌感染 , 出年開始會陪佢去運動會嘞, 因為佢好想有家長陪.   

mameme

babyruby,

睇你咁講都幾亂, 下年我都考慮同亞仔一齊去喇, 果日過後我先知, 原來亞仔好想我去, 唯有同佢講下年補返一定去啦! 亞仔都無牌....但亦無乜唔開心, 返黎剩係話:原來小學要贏先有金牌架, 以前輸咗都有朱古力喎! 最好笑佢話睇過其他小朋友個金牌話: 媽咪...硬架..唔食得架

pamcheung

囡囡好返未呀? 試下飲多d水吖, 我個仔好得意, 逢親開始小感冒加發燒, 只要灌佢飲多多水, 通常都不藥而癒, 果日真係又曬又熱, 我已經比平日裝大壼既水佢帶去, 佢飲晒唔夠仲要去問老師加水飲! 返到黎食過飯就即刻覺覺豬...真係好攰囉!

pamcheung

Babyruby, mameme,
多謝你地關心, 佢仲未好返哂, 不過我打電話比佢,佢話好d嘞, 盡量比佢早d瞓.
mameme, 你囝囝抵抗力幾好喎.
我有join 英文一日一篇呀.

mameme

冬季校服到手喇, 好好笑...亞仔著左條褲扣好鈕, 擰兩擰個pat pat, 條褲鬆到sir左落地 打左去歐美問已經係最細碼, 要留低俾佢拎上廠改呢!

小考黎喇....大家努力努力啊!    

pamcheung, 囡囡好返晒未呀?

pamcheung

mameme,

由於囡囡屬嬌滴滴型, 佢件恤衫都幾鬆，不過摺一下袖都ok
嘅！囝囝條褲要自己拿去校服公司嗎?

小考終於來臨，連我都有ｄ壓力呢！

囡囡退燒了，還有少少咳，不過已經好好多了，多謝．星期五學校假期可以瞓晏ｄ．

今日老師派了默書貼紙，囡囡急不及待帶本成長手冊返嚟 "show off" (平時本成長手冊係放喺柜桶家嘛！）

囝囝最近做功課有冇加快速度呀？     

mameme

pamcheung

校服我自己拎去...都無所謂..唔係太遠, 反而擔心係個仔太瘦就真 佢一路試衫...我就唔停咁講 "你話食唔食多d飯吖...?!你話喇! 食多d飯啦...仔...唔生肉喇 !......."     ( 越黎越明白亞媽既 吟吟噚噚日鵝夜鵝症 係點形成   )

亞仔功課開始穩定, 都算可以係指定時間完成, 係抄詞語果日會慢d , 話時話....本成長手冊...亞仔題都無題過喎!!

穎妍媽咪

你哋派咗考試範圍未呀?我哋派咗啦!這個假期開始..準備..温習.   

pamcheung

大家咁話, 我囡囡又係食好少就飽, 但胃口嘅野真係好難迫, 咁囝囝喺學校食飯食成點呀? 我囡囡食得好慢架.......   預備好少份量比佢都會食唔哂, 不過佢話有時又唔夠時間食, 因為個個食完收飯盒離開課室佢就拿拿臨收埋個飯壺嘞, 佢話: 唔通一個人留喺課室咩?....... 希望佢會有改善啦, 不過我希望咗5年嘞......  

Babyruby

我囡件恤衫都要摺,裙就要改(因為亞囡有胃腩,細一個碼唔得),PE褲就稍長著左鞋都OK,校樓都係要摺,不過都可以接受,mameme>>最細係咩SIZE呀??
小考真係我都有壓力呀,尋日無端端派返本中文補充練習有重組同閱讀理解個D呀,真係要溫溫....
成長手冊,我囡尋日都貼左拉,仲好開心咁返黎同我講添,你囡儲左有幾多張呀...
pamcheung>>你有冇睇尋日數學工作紙條挑戰題呀,好考佢地呀

pamcheung

穎妍媽咪
高年級溫習會唔會自律d? 抑或都要家長跟得好足?

穎妍媽咪 寫道:
你哋派咗考試範圍未呀?我哋派咗啦!這個假期開始..準備..温習.   

Babyruby: 我冇數囡囡貼紙呀. 工作紙嘅挑戰題真係要頭腦清醒d先得呀.   仲有, 條絨裙好似好"吉"肉喎......