一呂現家長 / potential 家長會

candytl

仔話班主任話明年教3x班..唔駛驚？-----阿女實開心c, 唔係佢個班 , 但佢話3x啲人好乖架渦, 因為佢現時有幾位好文靜的同學轉去3A.

Homama2004

Alice, 唔好寫埋邊班呀! 比人知就死呀!!

我細囡平均分94.83,我想他們分數差別很少,可能係小數後兩個位的差別 所以細囡keep係20名內都很滿意了

alicetong

Candy,
學Homama話齋...
〝唔好寫埋邊班呀! 比人知就死呀!!〞
  我改左,妳記得都改番呀...??

Homama,
〝我細囡平均分94.83〞真係好叻女呀.....佢自己又要聰明
醒目,妳又要教導得好..真係要多向妳指教..仲有Candy女女都係呀？

Homama,Candy,
星期四,五要落Hall幫手做全日...呢兩日無得同大家傾計0拿..

     唔好咁掛住我啦喎？

Homama2004

Alice,  這幾天你工作的地方一定很忙.咁星期六再傾!!
我這個月的星期六全部要返工,因上月囡囡考試,同事好好人同我調了週.希望快些可以行5天工作周,到時就發達囉!

Candy,我今晚電郵你囡囡領獎的相片給你,很可愛呀!   我大囡話都記得下佢,話佢好乖!!

candytl

alice,

我梗掛住你啦

homama,

好呀, 我潯日臨出門唔記得帶相機, 返去俾我老公 :evil:
哈哈, 如果我女係屋企又似係出面咁乖就好囉

Homama2004

Candy
好呀, 我潯日臨出門唔記得帶相機, 返去俾我老公 :evil:

>如果係我
1. 我就會 :evil: 番老公 or
2. 嗲番佢"你又唔提我",所以佢通常"無我乎"

哈哈, 如果我女係屋企又似係出面咁乖就好囉  >
   好的方面想起碼在出面乖...我想十個出面乖有八九個在屋企都會變面的呀!!

昨天頒獎禮回家後,我大囡突然變得非常有禮貌喎!甚麼都"唔該媽咪前該媽咪後",不知是否拿了個"禮貌獎"...希望繼續保持...      

在"初中教育"那邊看到有媽咪報料話佢囡囡培基連面試的機會都沒有,現在因有"田徑+體能"入到體藝. 佢囡囡好似成績比我大囡更好,咁咪....真擔心....

candytl

"嗲番佢"你又唔提我",所以佢通常"無我乎"----哈哈, 部相機係佢前晚開柜筒攞出來擺係臺面的, 我走時忘記咗 頭先有位呂小媽咪話要emai相俾我, 今次唔該晒你哋.

我直覺你大囡性格係好温順, 好就得人的, 將來一定係個好太太, 好媽咪

我又聽講培基收唔少呂小學生渦, 定啲黎.
你有冇考慮過培橋書院?

Homama2004

你囡囡咁可愛,一定大把人幫佢拍照呀!!!

我又聽講培基收唔少呂小學生渦, 定啲黎.

>但又聽講好多呂小生係去拿面試經驗,收了又不去讀.真是有點"累街坊"的感覺...我參加完簡介會就非常喜歡這所學校,如是天主教就更完美了.

你有冇考慮過培橋書院?

>無.太遠,不知怎樣放學.另有考慮浸大附屬中學,參加過簡介會,但個校長好高調(有點似沙呂校長),而且講到要全收Band 1學生咁.所以有點保留

candytl

大圍過間直資培橋渦!!
唔係港島過間.

Homama2004

大圍過間直資培橋渦!! 唔係港島過間.

>>謝謝! 我知地點,在大圍半山,不就腳呀!!

candytl

早晨!

培僑個地點又真係幾吊脚.

我細囡今日散學禮, 暑假期間我家企日日都會好"熱鬧", 工人姐姐有排受.

candytl

homama,

我老公嘅細侄女派咗去協恩, 應是自行考的. 大侄女舊年也是入協恩, 兩個都係讀培正的. 家姐舊年級排前10, 舊年考女拔候補, 妹妹可能排級前15名到. 係bk見到一個case, 讀培正約排二十幾名, 自行考到上智. 上智同協恩, 俾你楝幾間?

Homama2004

我電郵了相片給你,還有一段短片呀!遲啲比埋你.

我會選協恩.聽聞協恩很好喎!

我識一個小朋友都係讀培正,考全級五名內,但她堅持讀番培正中學,她媽媽話尊重她的意願.那小朋友好叻,記得我大囡讀一年級即是她讀緊二年級,我們有機會一起去跟畫苑到上海蘇杭等地方時.她看到介紹一副畫畫於1911年,她立即可以娓娓道來那年是中華民國成立等等歷史資料. 嘩!厲害!!

candytl

我收到相喇, 多謝!
企係我女隔離著白衫過位女仔係我女幼稚園同學, 你睇我女足足矮佢一個頭呀!
有啲乜係可以食長肉長高的呀?

我hb都係培正出黎的. 不過佢唔叻

Homama2004

有啲乜係可以食長肉長高的呀?
> 聽聞可以試下吃魚肝油丸

我細囡前晚肚肚出現紅點,昨晚同佢看醫生,醫生話9成以上係德國麻疹,唔係麻!打了針喎! 唯一係驗血才知,但認為沒有必要.昨晚我上網查資料,原來打了針只係95%有抗體.佢就中5%,希望第日派位都咁好彩啦 (幾阿Q).醫生話沒有嘔便沒大問題,應是孕婦最怕感染會畸胎,其餘人感染都是發燒出疹等輕微反應.我老公便是高危一族,那年紀的男仕多沒有打疫苗 潛伏期14-16日才知我們一家有沒有受感染了. 我最擔心學校有老師大肚,計落妹妹應在學校受感染,都不知好好通知學校,我老公又話可能會嚇親孕婦更衰...15/16

我老公就係係沙官出來的,都係唔多叻一族啦!!

alicetong

大家好..我返0黎0拿？哈哈..
Candy,
長肉長高其實主要睇遺傳..但唔一定100%0岩,因為我大伯兩公婆矮d仔女未又好高..其實父母系兄弟妹妹有高0既？都可能會高架？最好例子我兩公婆唔算矮..但個仔都唔算好高
0既..??發育時期食多d新鮮有營養0既野,做多d運動一定有幫助架？
Homama,
德國麻疹係未就係老人家話齋0既〝假麻〞呢？印象中女仔5/6年級到就要打,我細個都出過麻疹同假麻..最記得爸爸帶我去九龍城睇鍾伯明醫師..d苦茶飲到叫救命..哈哈！
德國麻疹主要對懷孕婦女最有影響0者..唔駛驚..另外都放左暑假咯...無謂通知學校,真係會嚇親d大肚婆架。

:

原來妳地d先生都係名校出0黎0既難怪遺傳到d女女讀書都有番兩手啦！哈哈！   

candytl

Homama,

你囡囡好翻未, 除咗發燒, 德國麻疹有乜症狀?
好彩宜加放緊假, 唔係可能有好多學生傳染到.
星期六同我女去聽講座, 本地儿童文學作家金明英, 金明珠主辨, 分享到來自澳門, 臺北幾間小學的閱讀心得.
圖書館有好多黎兩位作家的書. 我女之前也借過黎睇. 潯日聽完順便去中央圖書館, 想借本冰心的書, 點知全部係簡體版. 我女話唔識睇.

Alice,

醫生講遺傳係身高一個好大因素, 先天已不足, 我好希望后天可以補救翻啲啲, 唔希望將來兩個囡好似我咁. 我老公家族算中等身高, 但我屋企啲人算矮. 睇黎兩個女都係遺傳架喇.

你仔仔嘅成績都好好, 如果中文考高啲分, 一定可以達到你目標. 我老公未得閑去睇字曲呀, 我女都好心急, 時時叫爹哋快啲去.

Homama2004

Alice,  掛住你呀!! 忙完囉!一眾家長都應撲完囉! 我有同事仔仔派了第二志願(都係英中-大埔區),結果都可以敲門成功入番第一志願.真"鄧"佢開心.... 我見呂小有幾個男同學上到五六年級會突然開竅,成績突飛猛呀!所以你不用太擔心!

Candy,多謝問候! 細囡如醫生所說在星期日啲疹真係退晒!佢話星期日退晒就係德國麻疹.咁現在最高危感染那位便是我老公,哈哈!!!! 症狀:出比玫瑰疹大的疹,頸後淋巴會腫,輕微發燒,頭痛,醫生話最要緊是沒有嘔,因頸後淋巴如不斷腫會壓著食道,氣管等等,就很危險,但很少會這樣.

Alice & Candy,
家姐考KET pass咗啦! 看那個分數分佈圖, speaking差不多拿滿分,listening就中間但reading&writing就剛合格多啲.
得4個grade,要85分以上才是Pass with merit,以家姐來說合格都很好了!

有證書
Pass with merit
Pass

冇證書
Nearly Pass (<咁得意,有個咁成績?!?!)
Fail

暑假用那些你們買的教材"操操"應可以應付有餘,我都係在了1-2星期前預備都可以有咁成績,如早啲開始應更好呀!

不知是否真的大個囡,還是有點"開竅"/佢對音樂興趣越來越大,昨天見佢沒有出廳同妹妹玩,埋頭埋腦地在房自己背默樂理(我完全唔識!)見到那些詞語很難串,唔係英文來...我聽琴姐姐成日同佢講"呢啲可能不用考,但你都要識喎!你就算考中文都要識喎!"琴姐姐成日話不用請翻譯比小朋友考試,啲考官多半講得很慢,佢哋應該要識唔係點考上去呀!咁又係不應依賴,好似妹妹上次考小提琴,請了翻譯結果因和學校考試撞時間要調時間考琴,考試局話係不會另外安排翻譯,還要+$180行政費,最終都係無翻譯下都考到128分.唉!但又有些家長話唔請翻譯驚小朋友"肥"咗又有得"賴"...

收到大囡4級琴試通知,11月11日幾好呀!星期六呀!不用請假.希望佢有好成績啦!! 見家姐好似真係越來越有進步喎!!希望一路keep住啦!! 單簧管老師教緊考6級的歌仔,但要5級樂理pass才可以報考. 我唔想咁多壓力比佢,所以可能都係等上中一才算.

Homama2004

想借本冰心的書, 點知全部係簡體版. 我女話唔識睇.
> 冰心作品對二升三來說可能會比較深奧,我想讓小朋友開始看簡體版書,應選擇一些有趣的,佢哋才會估下估下咁看下去,不會放棄. 我囡囡第一本看的簡體字書係"女巫","朱古力獎門人"那位作者作的.而我兩個囡囡最喜歡"玛蒂尔达"這本,簡直百看不厭.因喜歡所以女巫可以看埋英文版,但"玛蒂尔达"英文版就比較深,佢哋話很多生字唔識,所以興趣暫時不大....

我兩三年前在星光商務買,正價$16.剛查看dangdang都有得賣
http://www.dangdang.com/product/8805/8805695.shtml
我囡囡想儲整套,我好似只買到4-5本.回家查看下先!最近到商務看已只賣台灣繁體版$60一本呀!

Alice,你是否買成語動畫廊呀!如我買書可以幫你買埋喎! Candy,你可否興趣買达尔的書呢?? 我們可以夾單喎!!

alicetong

早晨！大家好...
Homama,
妳大女得妳咁悉心教導..音樂和KET有咁好成績真替妳開心呀....
  
如果妳地方便勞煩晒..我真係想買成語動畫廊呀？

想請教下妳書展有無咩中英數習作妳認為同學校課程係相關而值得買架？星期三會同仔仔去書展呀？特別係改善中文成績上..最近我買左5/6本冒險小虎隊佢3日就睇晒0拿？總算係一個好開始...至於簡體字？真係羨慕妳女女咁叻女睇得明？唔怕困難從估估下直到明白晒？

學校課本方面妳買左書未呀？...

Candy,
多謝妳鼓勵..希望佢中文有進步啦！暑假我每日都要佢做下囉..妳買左先比番我啦！妳暑假有無安排女女每日要做d咩呀？

Homama,Candy
不如大家講下暑假安排孩子在家裡做甚麼好嗎？        希望可以偷下師學下妳地點管教到小朋友成績同課外活動都咁好？