讀'聖瑪加利大幼稚園'家長入來傾傾啦!(PART 2)

Pochacco2001

heima,
我的意見就係咁的,我就覺得你應該keep住食藥先,因現在d燒都會一定係燒5-7日到就退!如果真係食完藥都唔得就要再去睇!因我囡囡之前試過又係發高燒,食了藥都唔退,結果去睇急症,醫生話如果我怕可以留院,結果係醫院每日都係4個鐘探熱一次,有燒食藥水,無燒等再遲d再探,再燒一路食藥水!我自己就會覺得向屋企自己keep住和囡囡探熱食藥好過向醫院囉!你自己諗諗啦!

VaiVai,
無辦法啦!學校多小朋友自己d菌都多d!

Pochacco2001

ckckcktina,
我向3月2日觀課呀!又見唔到了!唔緊要啦!又等下次啦!
你咁快交o左盆花呀?我都唔知交唔交好!今日聽人講有d小朋友盆花係買返來再交去學校的!哈哈!

JoJo

heima,
你女女今日點呀..  

Pochacco,
下... 買盆花返去 我冇聽錯呀.

felix喵喵

小朋友生病, 辛苦的不單是小朋友,
父母亦很辛苦, 又擔心...又費神...食唔安坐唔落..量要破財,
真是小d精力都唔掂,
祝願咁多位小王子, 小公主...
身體健康, 龍馬精神, 主佑平安.....喵喵....

小朋友年紀少, 抵抗力比較弱, 會較易生病,
到他們大d, 高班是情況會有明顯改善, 變得很少生病啊!
所以在幼及低班這段時間, 要特別小心...喵喵....  :-|

VaiVai

病 - 我都預左會有。但係囡囡就傳染左比細佬。而家細佬都係二個半月大，係佢二個星期到就比家姐傳染左 ，結果食左成個月西藥。我諗起都驚同怕怕。

JoJo

VaiVai,
而家細佬點呢..

我認識有兩位小朋友既媽咪, 個大既病, 細既就跟住.. 總知就一齊病..      

VaiVai

JoJo,

而家細佬好返好多。之前仲嚴重到要去拍痰同抽痰。但食奶就唔係好多。未病之前就一日八餐，每餐四安。而家就一日五餐，有時就五安一餐，有時就三安一餐。所以重得唔係幾滿意。囡囡又唔明點解唔可以同細佬咁close，我真係覺得細佬好慘。而家唯有諗計令家姐身體strong的。不過家姐的氣管好敏感，你估食中藥work唔work呢？

JoJo

VaiVai,
中藥係可以調理身體.. 你不妨試下..

如果你氣管差.. 真係去學游水.. 對佢好有幫助, 我識既朋友d 仔女都係學左游水.. 病痛都少d.

ckckcktina

Pochacco2001,
唉呀, 真係可惜lor, 咁下次先再見la, 係呀, 因為唔係只係幼稚園有種, 係全香港d幼稚園, 小, 中學住部都有種架, 所以好多人都要交返盤花返學校lor,
check pm la.

ckckcktina

vaivai,
我都係咁啊, 家姐病完就到阿妹病lor, 2個傳來傳去, 宜家好驚佢o地2個其中一個病, 好大鍋架.
我細女又係lor, 3個幾月大就入醫院去o聞氣&拍痰, 好彩保險有得claim返, 不過就攪到氣管衰lor, 醫生話佢氣管敏感啊, 仲叫我o地如果可以去外國住返一頭半個月先返來,

JoJo

Pochacco, Tina,
你地咁快有觀課既日期啦.. 我仲等緊呀.. 唔知今日有冇通告呢

Tina,
你知唔知, 拎左盆花返去.. 跟住會點.. 係未唔駛拎返黎.. 定點呢

JoJo

各位,
早晨...

明日就係大團拜嘉年華啦.. 好期待明日來臨.. 明日天氣唔錯.. 16-21度..

聽個仔講, 昨日有d 哥哥姐姐入黎學校做舞獅排練..  

ckckcktina

jojo,
幼班好似無咁快架, 你再等下添la.
pochacco尋日問左老師la. 老師話盤花帶左返學校就一路放響學校, 等d小朋友負責淋水, 唔會再俾返我o地la. 不過pochacco話可能就咁交report算lor, 因為佢唔捨得..(係個盤, not 花)     

JoJo

Tina,
笑死我.. 乜唔捨得個盆, not花呀. :  :  :

聽其他學校既家長講, 有d學校會送d 花去老人院送比d 公公婆婆家..

我覺得幾好.. 如果學校就咁安排我一定會拎返去呢

ckckcktina

jojo,
係啊, 因為佢一早已經將盤花移左去個好靚o既盆度lor.       我都係移左去個黑膠盆ja. (cheap cheap地)
唔知喎, 咁學校又無講過會送去老人院喎.. 可以唔使交都ok架, 因為我諗都唔係好多人交返去姐. 聽日返學校睇下先決定lor. 不過要響10號前交喎, 今日都deadline啦. 算la, 你又種得咁靚, 交report 就ok la.      

heima

多謝各位的意見, 但我未睇到你們的意見前, 我都係擔心, 同囡囡睇多次, 仲係星期三入左醫院了, 昨晚開始無再發燒, 今日仲係度撩人玩

醫生話係大腸桿菌引發尿道炎(我係咁理解)

今晚daddy當夜更, 我先可以番黎

Pochacco2001

ckckcktina,
衰野!講我盆花d野俾人知!
其實係我老公幫手淋水和照顧,所以係他不捨得交出來!

JoJo

heima,
原來女女入左醫院. 我所知尿道炎都可庂引起發燒既.. 而家退左燒.. 你都放心d..

小朋友一發燒.. 做家長係會好擔心家.. 所以話寧願佢曳d.. 唔好病囉..

各位,
今日既嘉年華會好成功.. 我地一家大細都好開心.. 最開心係睇到班小朋友舞獅表演, 老師跳中國舞, 仲有撕紙技術等等..

仲有好開心匯愛小組副主席充當財神為我地每一家人影合家照.. 真係要多謝佢地各位咁出心出力去攪呢個活動啦..

今日我地一家都玩得好開心呢

Pochacco2001

heima,
祝你囡囡早日康復!

JoJo,
今日好唔好玩呀?

felix喵喵

heima
囡囡情況如何呀, 辛苦你兩公婆了,
祝囡囡早日康復, 快快番屋企...喵喵...

星期六我都有同呀仔番幼稚園的團拜活動,
嘩.....真是好熱鬧啊...見到d小朋友個個都好開心,
不過我冇睇表演節目,
因呀仔要番學校(11:30am)課外活動.....喵喵... :-|