香港基督教服務處大坑東幼兒園 - PART II

Sally21

各位媽咪：
我剛剛入「2003年12月媽媽及bb會 (part 3) - pizza」討論區，唔知大家知唔知，原來香港基督教服務處有親子嬰兒班，仲好多人報名添！

horo

Carol:
我個仔讀間小學都係有少少名氣的小校，名是什麼就唔講了，但在九龍塘同九龍城附近，仔仔幾個月就能適應，因為學校老師對仔仔好好，佢地好睇學生的需要，初時我都好擔心係名校就難適應，所有我派到位後都擔心左好耐。直至有日同小學老師面談，我先放下心頭大石。原因仔仔以前在大坑東的功課唔多，我都有d擔心個仔升小一後會好多功課。點知老師話佢功課唔錯，重讚我個仔作文好好。咁我覺得好奇怪，老師話仔仔觀察力好強，語文根底好，而且好好學。我當堂抓頭，原來一日老師比左個題目同學作文，係「我最喜歡的老師」，點知仔仔不單可以好仔細描寫老師，重能夠運用好多形容詞，唔識寫的未又主動問。我當時開心到不得了。於是我知這幾年比佢在大坑東無錯，好彩無比佢入舊名幼稚園•

horo

我仔仔在大坑東讀了四年，讀至畢業。本來我幫仔仔報左幾間幼稚園。好多都出名，因為我唔識點為之好，所以當然找間出名啦!最好有小學一條龍，但係我個朋友係幼兒中心主任，佢唔係基督教服務處做，但都比個仔讀大坑東，所以我當然問下佢，佢話基督教服務處在幼兒服務界好出名，重好專業，於是我就上幼兒園參觀，經副主任細介紹後，發現佢地教學方式很有多方化，除一般幼稚園課程，更有兒童文藝，即是音樂、舞蹈、兒童戲劇、烹飪，重有創意教學同英語，於是就試一試啦!因為仔仔未夠年齡入幼稚園。點知仔仔返學後好開心，講野又叻，本來老爺重反對，點知後尾佢重開心過我，我交左培x幼稚園學費，都話唔好轉校呀!

lilychan

HORO
你仔仔果屆d學生通常派邊間小學???

法子

Agnes ma,
你去左邊呀~~
近排我病到7彩,月尾仲要"外出"添.....
Bovie 都病左,不過佢就好生猛....精力充沛

Sally21

horo：
咁你咪好放心！但係我好擔心日後囡囡長大讀小學時，我的工作會影響跟進囡囡的功課，你有什麼意見呢？其他家長可否分享一下？

AngelaKo

其實我都好擔心仔仔日後升小學能否適應，你知啦我個仔非常之百厭，我好擔心佢升了小學好難坐定定呀！
但係我又唔想俾個仔咁大壓力，我唔想有d唔開心的事會發生在我仔仔身上呀！

AngelaKo

horo,
你仔仔在大坑東的學習是怎樣的呀，我上次去參觀時，都有看見小朋友在跳舞，有d小朋友還在整野食tim，我老公話最鍾意個工作室，佢話環境好之餘，物料仲好豐富同多元化，真係好正。不過我仔仔就最鍾意個花園同泳池，因為同佢參觀完之後，佢突然食食下餅乾同我講話去花園游水喎，我心諗更係去樓下club house 的泳池啦，點知佢話係返學游池，又大叫又發脾氣！我先知佢講的係幼兒園內的花園泳池，真係笑死我呀！佢仲要將d書包呀、校服呀攤曬出來整到亂七八糟，攬到我都唔知點好呀！

Carol

horo : 比你講晒出黎!其實由我簡大坑東幼兒園到現在,我都有同一個問題?就係升小一的功課,因為幼兒園係活動教學,係無功課,只有習作紙,我怕佢識的生字唔夠多,唔識寫,到升上小一後就有排追!

horo

Coral:其實大坑東的功課量都ok，唔太少又唔太多。唔會得習作紙，而且會配合小朋友升班增加。如果無記錯，四歲班及五歲班每天有三樣功課，包括寫字薄、工作紙及書寫樂。而我個仔就最鐘意書寫樂。書寫樂係書寫遊戲，比仔仔輕鬆進行書寫根基遊戲。

horo

AngelaKo及Sally:
其實無論仔女讀哪一間幼兒園或幼稚園都必須要面對升小一的適應。不過在幼兒園的階段，學校好細心安排了一連串的配套幫學生同家長面對小一。包括小一模擬課程、家長會同參觀小學，我個仔仔最鐘意參觀小學，本來佢對升小學都有些少驚，但參觀完後就好開心話要升小學了!所以仔仔都好快適應，不過老師同爸爸媽媽的支持都好重要。

樂兒媽咪

法子 寫道:
Agnes ma,
你去左邊呀~~
近排我病到7彩,月尾仲要"外出"添.....
Bovie 都病左,不過佢就好生猛....精力充沛

我下星期二和Agnes去泰國玩五天呀!你想要咩手信?!只限一樣

法子

Agnes ma,
咁客氣呀....聽講泰國手袋,女性用品幾平.
我要"斜咩袋" la~~

我下星期三出發去星加坡->日本->HK
今次行程幾緊,仲好貴添呀....
所以今次唔帶Bovie 去住.
下年佢5歲生日,就一定同佢係日本過,
順便見下D"長輩"   
係喎,你要咩手信呀?   

仲有,麥X 24號上畫,
我應成左bovie 29號去睇,
有時間一齊去la~   

樂兒媽咪

大家見到有咩啱便買啦！不要問那麼多了    費時大家忙於找手信而冇時間自己行街啦！哈∼∼哈∼∼

２９號我要返工呀！除非你睇晚上啦！

horo

Sally:
大坑東幼兒園由小已培訓學生的責任感，小朋友由四歲開始已開始畫計畫紙，學習自己訂定計畫並完成，都幾好!相信你女女由小至大有機會學習自我負責，升小學我功課應該可能不用花太多時間，不過爸爸媽媽的支持都好重要。

hungng

hi,

各位媽媽, 想請問吓有無校車/保母車
到牛池灣威豪花園 或附近?
如有, 請問車程要幾耐?

thx.  

hungng

尚有一個問題請教大家,
如果我想bb2yrs.11月
入學(她９月底出世），
咁是否應報ｃ班（ｎ２）呢？

ｔｈｘ

Heather

hungng,
如9月開學已滿2歲8個月可讀N2(班中細仔);如你的女兒未曾讀過N1,也可考慮先入N1(班中大仔),那視乎孩子的成熟度而定,而且一般競爭激烈的小學都會喜歡先選大仔入學,覺得他們較成熟,容易吸收知識,細仔會作次選.

somimi

hello 大坑東幼兒園家長們,

請問n1 入學考甚

Heather

somimi,
基督教服務處的幼兒園是真正的有教無類,當年我向機構的coordinator求教,她說只要有位便會收,不會怎樣考小朋友,只會觀察小朋友有沒有不正常的情況,如有的話會建議如何幫小朋友.
入讀兩年半,我仍很欣賞和感受到學校這種廣闊胸襟和無私的愛,她們真是以教育小朋友為己任的,不會對人左挑右剔,你大可用平常心應付面試,自能讓孩子把最好的一面展露出來.