對救世軍幼兒園(各區)的評價-可讓家長們在此討論

No.2

有冇媽咪知大埔大元幼兒園環境、師資好唔好?? 難唔難報呢??   

大眼仔米高

Dear No.2,
我在上個月底幫我個女在大元幼兒園報名，亦參觀過該校，知道他們在去年曾做大裝修，環境舒適。此外，在師資方面，大部份是已受訓的教師，有些更是大學生呢!
我建議你可先到該園報名，順道看看環境。

ANDYmother

調

lam's-mother 寫道:
有無海富幼兒園家長,因我想知多D資料.好似比較少D人讀,所以心大心細.

    我的兒子在救世軍海富幼兒園已讀了三年,今年畢業,我覺得這間幼兒園的設施很完善及很安全.因為這是一間較新的幼兒園,所以環境衛生方面都很好,而且又有自己的廚房,食物衛生方面相當好!她們的老師對小朋友很有耐心很有善,而且她們都是在開園時由救世軍其他園校抽調過來的精英,有豐富的教學經驗.她們的教學模式非常好如:她們的英文會採用phonic拼音教學,又有很多蒙特梭里教具訓練幼兒的專注力,配合數學教學所以我覺得這是一間很好的幼兒園!

啤啤熊1989

今天去了白田幼兒園聽講座,順便看看環境,因我個女快2歲了.白田邨最初給我的感覺是舊的,老化的,但當入到學校時,感覺好舒服寧靜,園內亦有育嬰園,BB足月就可入學,一讀就可讀到6歲,啲BB好醒,一歲多些就識講好多字,仲可以自己食飯添,好守規矩,跟住參觀幼兒園課室,見到D個小朋友好安靜,專心地看圖書,D先生亦會在旁同他們一同看,感覺好warm,早知我個女一出世就入黎讀啦,我而家上網下載報名表,下星期六仲有講座,到時交埋報名表,希望學校肯比我個女入黎讀啦.

4眼妹

白田幼兒園在那兒?地鐵在那站下車?深水埗或是石硤尾?

km

hi ,啤啤熊1989
我侄仔讀緊白田，入學後獨立了很多，自理行為做得好好，嬰園先生很細心，時常都有提醒家長如何關注幼兒。我也曾講過不要少看屋

km

4眼妹 ：
白田幼兒園搭地鐵在石硤尾站下車，下車後若果想行去就由C出口出，若果懶行就在A出口，乘搭9M專線小巴在救護站下車，對面藍色十幾層高的樓就是了，是新樓呢

啤啤熊1989

你好,km
白田幼兒園真的好舒服,光線充足,環境開揚,同一般屋邨學校真的與別不同,就好似我樓下xxx幼兒園,D窗又細,透明道不高,完全看不到入面幼兒做什麼,放學又不能直接入課室,要在大門口等,感覺好好似好神秘.白田幼兒園就不同,從窗外好容易看到小朋友活動及情況,放學又可以走入課室與班主任說話,了解幼兒情況,透明度甚高,我對此學校都十分滿意!!

No.2

大眼仔米高,
Thank you for your information!!
仔幫你囡囡報讀今年 or 明年呀??

銘銘媽

all mom
我剛到這topic睇, 覺得救世軍好好, 但我個仔已經成19個月, 而家先準備入form會唔會好遲?? 同埋我個仔係11 月份出世, 我問過救世軍, 佢地話如果而家先準備入form, 到時插班既幾會好細, 所以要到下年先可以入讀, 所以如果到時俾佢讀n1會唔會遲得濟, 我驚哂左佢一年時時(如果到時真係無得插班, 我會俾佢讀第二間n1先)請大家俾d意見.

有無卜凱賽琳(油麻地永星里果間)既媽媽呀?? 我都想問埋果度既情況呀!!

ANDYmother
我想問海富果間救世軍每日既sch係點既?? 而小朋友會有d咩食物既??

唔該哂!!

大眼仔米高

No.2,
我幫我個囡囡報讀今年低班呀
另外,該園21/6及12/7都有講座,你可以打電話報名參加,順便參觀同幫你小朋友報名呢!
電話:2664 9725

mandyfung

我同你們一樣好想知大埔大元幼兒園環境、師資好唔好?? 難唔難報呢?我囡囡巳八個月,是否現在要報?是否讀n1開始好D?請比D意見我,謝謝你們!                                      

BabyG

我仔仔而家係大元讀緊高班。當初我比佢讀幼兒班(n1) 係想佢早些過群體生活，學習與人相處，我仲記得佢係幼兒班返學時好開心, 好快就識叫同學仔的名，仲成日話要帶玩具、圖書同埋食物返去介紹同埋分享，我都好欣賞先生讓我的小朋友學習到"與人分享"呢個優點。
仔仔入幼兒班時 (已經係三四年前的事)，幼兒園仲係好殘舊，只不過係屋村入面一間毫不起眼的幼兒園，初時都有擔心。但係呢幾年幼兒園經裝修及擴建活動室之後，小朋友活動空間多左，環境亦好好多，一點也不花巧，但係就令人好舒服。

ANDYmother

lam's-mother,

其實救世軍全綫的幼兒園課程都是一樣的, 課程編排不算深, 因為她們着重的是引發小朋友的學習興趣和引導小朋友自覺去學習, 而不是要硬性地塞一些東西給小朋友, 其實在幼兒園階段能培養小朋友自覺學習和對讀書有興趣才是最重要的。

我兒子派到第二志願, 我是以就近方便親自接送為選校條件。

ANDYmother

銘銘媽,

救世軍海富幼兒園是全日制幼兒園, 她們早上回園後有早餐,  做Project, 分小組上課, 做功課, 食午餐, 午睡, 茶點, 唱遊及大肌肉運動, 各班有不同的編排。

膳食方面是由幼兒園的厨師嬸嬸自己煮的, 每天每餐都有不同的菜式, 午餐會有不同的湯和餸菜, 但一點也不會象外購飯盒般肥膩, 飯後會有水果, 我兒子都經常贊嬸嬸煮的餸好好味。茶點, 嬸嬸會親自焗蛋糕, 有時友會做班戟, 馬荳糕等不同的美食, 既新鮮又美味, 我都覺得好正。

Pretty

想問各位媽咪, 啲小朋友讀左全日制幼兒園係唔係成日病架?

WW

救世軍幼兒園又有講座聽呀, 各位媽咪可以打電話去留位喇. 唔同幼兒園有唔同o既 topic.

銘銘媽

ANDYmother
唔該哂呀, 你話你仔仔派到第二志願, 而你屋企又o係幼兒園附近, 咁唔知你介唔介意話我知你屋企個網係油尖區網定深水po網呢??