阿仔BAND2頭,而家派左BAND3尾,呆左.

cheukmanlai

原帖由 kenchtam 於 13-07-12 發表
回復 cheukmanlai 的帖子

唔好灰心!  其實，每間學校都有第一名和最尾名。凡事隨遇如安，積極裝備自己，相 ...

細仔而家同大仔玩緊，仲同大仔話:阿哥入九工我都好開心的，但阿哥要考全級第一，我會很開心的！

BabyLincoln

大仔細仔都是乖仔
希望在明天

yinyinBB

我仔都係今年升中，放榜嗰日，亞仔校長喺放榜之前同我地班家長講，依家中學傳咗學制 ，中學一讀就會讀6年，好多中學，(尤其B2 or B3) 都會放好多資源喺一啲成績比較好嘅學生身上，所以如果真係入唔到學生成績好啲嘅中學都唔駛咁唔開心，因為你仔仔成績唔差，就算佢入咗B3中學，學校會投放好多資源黎培育佢，咁都未必係一件壞事。希望可以幫到你地一家放開心情，向好嗰方面想。加油！

DD仔

默默向上游

幸運不肯輕招手
我要艱苦奮鬥
努力不會有極限
若遇失敗再重頭

現實欺弄不擔憂
我要跟它決鬥
挺著胸對抗命運
用力握實我拳頭

像怒海的小孤舟
冷雨淒風繼續有
我願那苦痛變力量
默默忍淚向上游

add oil!

Jackieson

其實而家九工真係咁差咩? 我地果年代九工無論成績及運動特別羽毛球都好勁㗎，老友阿哥九工畢業，唔係最好果批，會考都有2A4B，最後入中大畢業。

khmama

原帖由 cheukmanlai 於 13-07-12 發表
而家已經好多學校cut叩門了，之前交的表都好像石沉大海，知道機會渺茫，只希望阿仔無論入到邊間都好，都吾 ...

唔好氣餒，試下去黄大仙區碰運氣，呢區比較多位剩，未到開學都仲有機會叩門。

cheukmanlai

原帖由 TOMATO1010 於 13-07-12 發表
本帖最後由 TOMATO1010 於 13-7-12 23:27 編輯

真係睇到心都酸埋,樓主你千祈唔好放棄啊,,

真係好多謝你，我無諗過會在這裡得到這麼多的支持同鼓勵，其實我仔一直好黑的，基愛當時都第八志願，當時都想過轉校，但問左幾個朋友同教書既同學都話ok的，可能真係自己吾好彩，其實精英班的阿sir對家長都很好的，只是我仔的班主任就，，，，只能說阿仔又吾識做人，今日打電話返去，又聽左一番冷言冷語，所以上到黎真係好温暖，再一次感謝大家！

cheukmanlai

原帖由 Jackieson 於 13-07-12 發表
其實而家九工真係咁差咩? 我地果年代九工無論成績及運動特別羽毛球都好勁㗎，老友阿哥九工畢業，唔係最好果 ...

其實而家連九工都未話收我仔

smalleye

cheukmanlai 發表於 13-7-12 22:59
其實我係一個單親媽咪，細仔係有讀寫障礙的，成績一直好差，全級尾數的幾個，是一定band3的了，一早諗好同 ...

不能否認來到這刻我感到很難過，心也實了！大仔今晚曾躲起來哭，可以理解，這幾天給他的挫敗感，莫說一個十二歲的小朋友難以承受，就連大人也不易捱得過！但來到谷底，像運動員的心態用頑強的鬥志去面對，不放棄，當所有人都捱不住放棄，你伴著大仔堅持下去，吾輸人吾輸陣，你們就是勝利！今日才是截止註冊日，相信學校整理完註冊人數後，好大機會啲學生由一間跳到另一間，你叩門的學校有空缺也不是不可能的。你說大仔在校內不懂做人，可能只是他較為單純，我認為發生在他這年紀，不是壞事。
像Khmama說，未到開學，機會還有的！振作！

www

cheukmanlai 發表於 13-7-12 22:29
如果惠僑同諸聖比呢？

唉，冇人答你，大家都唔敢話邊間較好，因為兩間都...


加油！希望在明天。未到九月開學，仍有機會。

希望你早日找到心儀的學校。

cheukmanlai

其實我要特別感謝今天在佛教大雄中學面試的兩位老師，校務處姐姐、同門口接待處的叔叔，叩門這幾天，今天是最感到窝心的，因為我和阿仔太緊張同重視E次面試機會了，一早熨好校服同擦鞋，約了2：30，忍不住1：45就到了，校工叔叔見到我們在門囗裝装下，我表明來意後，佢叫我地上去等，阿仔大汗成頭濕晒，校務處姐姐即刻開禮堂同冷氣俾我地等，跟手問我仔約了幾點，我說2：30後，讃我地好有誠意，即刻帶我地入教員室接見，接見的兩位老師笑容滿面，比段英文阿仔讀，阿仔緊張到讀漏成行，miss都即刻笑笑口提阿仔，知道我們的叩門經過後，都鼓勵阿仔，說雖然E一刻仲未有人放棄學位，但都有一個希望，因為有一個升中學生可能移民會退學，叫我們不要失望不要放棄，等到開左學都仲有機會，因為都試過開左學都仲有人退學，雖然自知機會渺茫，此時此刻，確實窝心！

www

cheukmanlai 發表於 13-7-13 01:10
其實我要特別感謝今天在佛教大雄中學面試的兩位老師，校務處姐姐、同門口接待處的叔叔，叩門這幾天，今天是 ...

佛教大雄點都好過惠x同諸x。希望你早日收到學校的佳音。

係呀，有些學校九月頭仍會call 人。

humbertcarol

cheukmanlai 發表於 13-7-12 23:52

HI, 我係基福家長, 這幾天同你一樣帶住細仔周圍叩門, 亦見盡人情冷暖, 連續幾日班主任沒有關心個我囝囝,  反觀校隊老師隔日打電話比我問叩門情況.............


今日下午去咗長沙灣中聖叩門, 見到幾個基福同學仔註册, 我囝囝都唔開心...................
但出人意表係呀仔面試其間,  接到葵涌循道中學電話約我1小時後到佢學校面試,,,,,,,....嘩, 我已經攰到死死吓, 仲要立即趕去.   去到循道有兩位老師接見,  面談時很輕鬆,  呀仔有問有答,  老師見呀仔操行有B 同埋有很多運動獎項,  就話收你機會很大,  但要我等到4點鐘才決定,  因為我後面仲有一位叩門生約咗4:00面試,  但她/他最後沒有出現, 所以收咗我個仔.


呀仔很開心,, 還要我打電話比同學仔報喜.  

雖然呀仔係BAND 3 , 佢都叩門成功, 所以你唔好放棄, 大家都係聖公會的家長, 你要好好頂住, 希望在明天......

cheukmanlai

原帖由 www 於 13-07-13 發表
佛教大雄點都好過惠x同諸x。希望你早日收到學校的佳音。

係呀，有些學校九月頭仍會call 人。

佛教大雄其實係阿仔自行，同派位既第一志願，阿仔有幾個成績比他差的同學都派到，仲要係很要好的同學，這幾個同學也特別好，每天都打電話比我仔問叩門情況怎樣，所以阿仔真的好想入大雄的！

cheukmanlai

原帖由 humbertcarol 於 13-07-13 發表
HI, 我係基福家長, 這幾天同你一樣帶住細仔周圍叩門, 亦見盡人情冷暖, 連續幾日班主任沒有關心個我囝囝,   ...

多謝你支持，其實你阿仔派左去邊？點解去中聖叩？

humbertcarol

回復 cheukmanlai 的帖子

我3 月轉葵青校網,  我派咗去青衣葉紀南中學,  在自行我放鄧鏡波第一, 莫慶堯第二
到攪珠時亦張莫慶堯放第一{這校是葵青它區有10個位, 所以我博}

我第1,2 志願是2尾, 第3-11間是band 3 , 但我派了第6志願, 老師對這間佛教學校評價不太好.

中聖雖然是基督教但我嫌這校太細又沒操場, 所以遲遲都沒有叩門.    今日我地校隊要返基福接受頒獎禮, 校隊老師都叫我嘗試到中聖叩門,  我個仔又想試, 因昨天去註册, 他很抗拒金色的大佛像在禮堂, 狂叫我走不要註册, 但我沒有理會照註咗册先.


其實我叩的學校全部都是band 3, 但我想近屋企些同埋校風好些少而已

lucia6119

cheukmanlai  : 你看看最後叩門結果如果都不儘人意, 又不介意誇區去沙田, 便PM 我吧

austism

原帖由 lucia6119 於 13-07-13 發表
cheukmanlai  : 你看看最後叩門結果如果都不儘人意, 又不介意誇區去沙田, 便PM 我吧 ...

人間有情！

每日追住樓主既 post, 心感到很心酸！你仔仔經過這一役後，一定會好好努力向上，珍惜讀書既機會！

多利是

原帖由 cheukmanlai 於 13-07-13 發表
佛教大雄其實係阿仔自行，同派位既第一志願，阿仔有幾個成績比他差的同學都派到，仲要係很要好的同學，這幾 ...

會否考慮直資？誇區？或試下聖道迦南，顏寶玲？

ivory0915

lucia6119 發表於 13-7-13 03:05
cheukmanlai  : 你看看最後叩門結果如果都不儘人意, 又不介意誇區去沙田, 便PM 我吧 ...

樓主，請問你小朋友的學校，我之前有問，但說已無位，請問知不知沙田區還有什麼可試，謝謝 ~