鑽石山靈糧堂幼稚園家長分享

喧嘩

冇問題, 我識的一定答你
亞女自選同甲一: 都係誇區天神 (雖然誇區, 但係好近屋企)
               甲二: 協恩 (本區)
               乙一: 協恩
               乙二: 獻主會聖馬善樂
               乙三: 獻主會( 屋企隔離)
跟住唔記得
選天神係知道協恩冇得叩門, 一心諗住派唔到協恩就去天神叩門, 唯一叩左lee間, in左兩粒鐘, 全程筆試, 中英數, 大約100人, 有個小朋友考到sfa去in都fail左, 有家長見到數學題係人地小一下學期的文字題, 英文有小朋友講番 who put out the fire
冇得選, 自已串, who take care the patient, 咁上下啦, 我個女成板冇做, 我冇叫校長寫信ar, 咁行, 個個一樣, 冇乜特別

原帖由 fostermak 於 09-9-17 13:30 發表
喧嘩:
聽左你咁講,去埋禮賢簡介會,我今早都去左禮賢交表,有問題到時再請教你...

咁囡囡第一同第二輪派位,派位邊間?同埋你有冇去叩門或搵學校幫你寫信?


...

BabyHilary

我知道妳地個表只係diamondhill來回,
只係想作個預算, 例如彩紅/黃大仙去學校車費?
因為可能藍田靈糧會話出年組校車路線先答到我,
thanks!

原帖由 fostermak 於 09-9-12 23:36 發表
BabyHilary :
我諗你打去問下藍田靈糧會好d,因為我地個車表係計由鑽石山去返...

由於靈糧係自置校車,要跟車姨姨同司機叔叔,成本一定比自己搭地鐵/巴士/小巴貴,同埋你要預若只搭一程,都要俾全費來回,冇得減半費或三 ...

fostermak

BabyHilary:
係啊,我抄給你的車費也只能作參考而已

彩紅去鑽石山分校車費---$654
黃大仙去鑽石山分校車費---$523
藍田/觀塘/麗港城去鑽石山分校車費---$840


喧嘩:
似乎叩門仲難過登天,咁細個小朋友坐定定考兩個鐘筆試,仲辛苦過會考呢...

[ 本帖最後由 fostermak 於 09-9-19 01:12 編輯 ]

BabyHilary

fostermak, many thanks!

原帖由 fostermak 於 09-9-19 01:09 發表
BabyHilary:
係啊,我抄給你的車費也只能作參考而已

彩紅去鑽石山分校車費---$654
黃大仙去鑽石山分校車費---$523
藍田/觀塘/麗港城去鑽石山分校車費---$840

fostermak

摘自9月24日都市日報---有關銅鑼灣正校的介紹 標題:灣仔幼園無痛學習

童年是快樂的，學習也應該是無痛的。位於灣仔的香港靈糧堂幼稚園一向重視以孩子為本，不靠考試、不靠抄寫，孩子一樣可以快樂地獲得知識。 重視音樂教育是靈糧堂的一大特色。早在10年前，學校已率先引入奧福音樂，透過身體律動、唱遊和節拍，讓學生音樂創作的過程中建立自信，同時亦培養他們的創意思維，對學習其他科目也有幫助。 自製課本　鼓勵主動學習 事實上，校園內處處都是創意點子：水龍頭款式個個不同，為的是說明取水也有不同方法，藉此提高學生解難能力；師生自製課本、字典，鼓勵學生主動學習；家長每周可到學校觀課一天，既了解子女學習情況，亦促進家校關係。 學校不設考試，平日功課量亦不大，但校長陳曾建樂不認為這代表課程淺易，只是知識存在腦內，而並不顯示於簿上而已。因為她相信，「能將知識靈活運用，比做抄寫機器更重要。」 另外，值得留意的是由於原校舍正進行擴建工程，學校要暫遷往位於東院道、但面積更大的前維多利亞小學校舍，為期兩年。學校現已開始接受入學申請，有興趣的家長可致電預約到校參觀。

大熊仔

fostermak,

鑽石山靈糧一問
1. 多分組活動嗎? 每組有多少人?
2. 自由嗎?
3. 多自己操作時間嗎? 自己選擇時間嗎?
4. 蒙特梭利課室 – 何時使用, 怎樣使用?
5. 老師教學 - 引導? 說教?
6. Project approach, 活動教學 – 同其他活動教學幼稚園有何分别?
7. 照顧孩子個別性格嗎?

fostermak

大熊仔:
其實你係咪比較緊幾間學校?你本身有冇邊方面較為着重?或希望你同小朋友呢三年點樣過?你希望幼稚園可以令小朋友學到d乜?

鑽石山靈糧
1. 多分組活動嗎? 每組有多少人?
k1除左體能課或出外參觀係全班廿幾三十人上之外,其他課堂係將一班分開兩組,十幾人一組...
k1上學期係老師分組,到k2,小朋友每星期有部分堂課係自選到不同區上課,例如語文區/美勞區/數學區/烹飪區/模擬區/積木區等,有d好多人揀o既區採用先到先得方法,有名額限制,如果老師發現同學未去某d區,會鼓勵佢地去,所以小朋友自主性很強...

2. 自由嗎?
--->你想問邊方面?我唔係好明,
你所指o既自由係咪話有冇考試測試默書果d?呢度冇,學校有中文字卡+普通話字卡+英文字卡+串字卡,也有請朗讀圖書計劃,要小朋友每兩星期搵24個人講故事,咁唔係硬性規定一定要做到,讀唔晒,老師唔會罰小朋友,好睇小朋友自發性/性格/家長鼓勵,呢方面睇係好自由,又或者係呢度遲到,學校唔會響手冊吸隻黑豬或印上"遲到"俾你,都好自由架...

3. 多自己操作時間嗎? 自己選擇時間嗎?
---->唔係好明,你想問係小朋友定家長操作或選擇時間?

4. 蒙特梭利課室 – 何時使用, 怎樣使用?
蒙特梭利課室主要係上普通話課,但上其他課堂,好多時都見會滲入蒙特梭利意念...

5. 老師教學 - 引導? 說教?
---我見係引導,試過去年觀課,同學要根據一幅sample畫,自己再畫一幅出黎,有同學仔錯左程序,老師以問題形式引導佢,並解釋後果,等小朋友諗一諗,自己發掘及改正...

6. Project approach, 活動教學
---你想問乜野?可唔可以詳細講講?

可能呢d你打去學校問會更好...

大熊仔

Fostermak

係呀,比較緊鑽靈同浸幼,兩間都是很好的活動教學幼稚園,感覺浸幼以project approach較特色,校園有open area,據聞小朋友有很好的自信,而鑽靈音藝,學習區,閱讀計劃及德育較特出,亦培養小朋友創意和自信,整體教學上較傾向鑽靈,但浸幼有半條龍,雖說鑽靈小朋友考直資不錯,但擔心這幾年競爭較大, 兩者真是一時俞亮,唔知點揀   

1. 分組活動
    - 分兩組,咁三個班主任點分?

2. 自由嗎?
    - 其實想知多唔多自選活動時間及playground時間?
    - 老師會不會對小朋友管教過緊? 多唔多同小朋友傾計?
    - 小朋友多唔多表達機會?

3. 多自己操作時間嗎?
    - 多唔多自己操作教具時間?小朋友鍾唔鍾玩?

5. 畫sample畫
   - interview所見d畫好free,覺得靈糧好識教藝術,應唔係
     用倒模式教畫畫?

6. 活動教學
    - 其實現在d幼稚園多數都係活動教學(如project
      approach,主題教育,朗讀計劃), 屋企附近都會有d區
      內出名亦有質素的幼稚園,點解你唔揀近d的學校? 當時
      你有無考究慮過浸幼?

[ 本帖最後由 大熊仔 於 10-1-20 00:17 編輯 ]

fostermak

大熊仔:
其實我細妹個大女響浸幼讀,浸幼係活動教學,宗教氣氛冇鑽石山靈糧咁濃厚,但訓練出黎小朋友表達力強,有自信.,
而浸幼唔係直上小學架,聽我細妹講係只收部分...

至於鑽石山靈糧,有部分等大抽獎抽官津,有部分考私校/直資的,我暫時知道多數都有至少一間私校或直資在手,有d考入音小/播道/真道/蔡繼有/優才/培道/禮賢/九龍真光,佢地出去o既表現好突出架...

1. 分組活動
- 分兩組,咁三個班主任點分?
---一班有三個班主任,另外仲有外籍英文老師/普通話老師/宗教科老師,我見過係專科專教時,有半班跟普通話老師教,班主任負責拍低小朋友上堂表現,另外半班則跟另一位班主任上另一節課...

2. 自由嗎?
    - 其實想知多唔多自選活動時間及playground時間?
--->視乎班級,k1上學期冇自選活動時間,但每星期都有去小禮堂進行大肌肉活動時間
k2會每星期有部分課堂,但唔記得有幾多,
k3課程較多學術知識教授,少左自選活動時間...

- 老師會不會對小朋友管教過緊? 多唔多同小朋友傾計?
-->老師會管教,但唔覺好緊,反而好有愛心,唔惡,小朋友好鍾意老師,亦有同小朋友傾計,大囡其中一位班主任今晚十一點幾放左工仲響屋企透過學校內聯網同我分享囡囡在學校一些值得讚賞的事,d老師好錫學生架...

- 小朋友多唔多表達機會?
多,只要小朋友肯舉手,肯主動答,有大把機會,例如早會老師會請小朋友作答,上繪畫美勞,做完有分享時間,去積木區砌積木,砌完要分享砌乜野...

3. 多自己操作時間嗎?
- 多唔多自己操作教具時間?小朋友鍾唔鍾玩?
-我從學校o既校園相簿見某d堂係小朋友自己操作教具,學會主動學習,主動探索,佢地學認字,學常識,學科學都好好玩,一d都唔悶,唔係一味抄寫,原來學習都好有趣,佢地不知不覺間學左好多知識...

5. 畫sample畫
   - interview所見d畫好free,覺得靈糧好識教藝術,應唔係用倒模式教畫畫?
---我記得舊年k2睇大囡上美勞課觀課,老師會有一幅sample畫,小朋友可以參考幅sample去畫,可以有自己風格和變化,老師唔規定佢地要一式一樣,但要有步驟次序...

6. 活動教學
    - 其實現在d幼稚園多數都係活動教學(如project
      approach,主題教育,朗讀計劃), 屋企附近都會有d區
      內出名亦有質素的幼稚園,點解你唔揀近d的學校? 當時你有無考究慮過浸幼?
----我兩個囡囡兩歲果陣響屋企附近一間幼稚園讀完N班先考入靈糧同幾間幼稚園,大囡果陣都掙扎左耐,因為n班老師好好,不過有得比較之下,發現靈糧老師整體質素仲高,教學理念以至多方面都好好...

我地冇考浸幼,反而同兩個小朋友分別考過根德園/聖三一/崇真/又一村/九龍城靈糧堂,咁多間幼稚園中,同老公最鍾意靈糧,一去完面試,不約而同話,靈糧收佢就讀靈糧,根德園收都唔考慮,因為好想大囡開朗d,有自信,有創造力,表達力強,鍾意返學,咁學校呢三年真係做得到,學校同老師功勞實在不少...

原帖由 大熊仔 於 10-1-20 00:04 發表
Fostermak

係呀,比較緊鑽靈同浸幼,兩間都是很好的活動教學幼稚園,感覺浸幼以project approach較特色,校園有open area,據聞小朋友有很好的自信,而鑽靈音藝,學習區,閱讀計劃及德育較特出,亦培養小朋友創意和自信,整體 ...

GB14

fostermak,

留意您的post很久, 小兒現在也就讀鑽石山靈糧K1. 想知道如果想小學容易d考學校, 現在有什麼可以準備, 例如有那麼興趣班可以上 (以便寫 profile) 或在家可以怎樣教呢? 謝謝您!

原帖由 fostermak 於 10-1-20 01:26 發表
大熊仔:
其實我細妹個大女響浸幼讀,浸幼係活動教學,宗教氣氛冇鑽石山靈糧咁濃厚,但訓練出黎小朋友表達力強,有自信.,
而浸幼唔係直上小學架,聽我細妹講係只收部分...

至於鑽石山靈糧,有部分等大抽獎抽官津,有部分考 ...

fostermak

GB14:
會唔會我細囡同你個囝囝係同班同學黎架?我細囡讀上午幼兒班架,如果係同班,可能你見過我,我又見過你都唔定...
你想準備幫小朋友考邊類型小學?

如果係搏官津,第一輪官津小學係靠分數派位,包括爸媽係咪教友或舊生/有冇信教/係咪首名子女/係咪適齡兒童,今年第一輪,今年大囡的同學十個有十個都抽唔到,佢地已經唔係抽超名校,淨係抽地區名校新蒲崗嘉諾撒,有哥哥家姐必收就例外...

第二輪係大抽獎碰運氣,有d家長為左入心儀小學,會搬屋或租屋黎增加機會,你會唔會搏第三輪去叩門,考筆試面試?我覺得呢個時刻最難,因為學校可以出盡法寶慢慢揀o力學生...

如果係考直資或私校,個別學校收生要求同面試形式都唔同,有d重學術,會考計數(加簡單個位減數),會考認字(中英文),有d學校睇小朋友合群/創意/禮貌/表達力/家庭配合...
有d會睇 profile,有d講明唔收,係淨睇小朋友和家長面試表現,你要睇下間學校要求黎預備

憑我大囡經驗,如果考一d重性格,重表達力o既小學,靈糧小朋友表現都好突出,好似考音小,十個有九個都收...
反而考一d重學術o既小學,例如九龍塘學校,根本佢考果陣,學校先教加數,但面試係考減數,咁家長就要教定小朋友減數...

--k1下學開始派英文字卡,同小朋友多讀多睇,自然佢地記得到串埋字...

準備小一方面:

--k2開始教小朋友寫自己中英文名,識簡單計加減數,串下字,教小朋友禮貌,

---k2開始,學校會響不同課堂有好多present環節,小朋友表達力會強左好多,我同囡囡去左多個面試,發現有好多課堂上教或玩o既活動,會響小一面試環節出現,如音樂椅,砌積木,講故仔...

---興趣班,我地冇特別為左考小學而揀,亦冇報任何面試班,冇報英文班,純粹就佢興趣同性格,係k1開始俾佢讀公文數,因為靈糧k1冇乜家課,大囡本身做乜野都好慢,所以俾佢習慣下每日做下公文數,訓練佢做野快d

---鼓勵小朋友完成每次學校o既"請聽我讀"計劃,等佢地認多d字,唔怕表達,有自信,學校其中兩套書"青田的我會自己讀+oxford tree floppy 系列,你每星期去圖書館分level借黎去同囝囝睇兼認字,好有用架,包佢功力大增...

---睇小朋友性格幫佢克服一d弱點,例如我大囡內向慢熱,去親同學仔生日會都企埋一邊,就算玩都係最尾最慢果個,唔肯玩集體遊戲,怕人多迫黎迫去,所以如果同學仔搞生日會請佢,我會盡量多帶佢去同學仔生日會,等佢習慣玩集體遊戲,因為有d小學面試,有集體遊戲呢個環節,大囡會好蝕底...

---如果考重學術,教深教快人地的小學,聽其他家長做法係k1開始幫小朋友讀下英文班,可能拼音班或鬼佬會話班,有d家有賓賓,小朋友當然英文流利好多,真係認下學校字卡,都有用...

查實我要返工,每晚跟小朋友共處的時間一定比全職媽咪少,所以都係做到幾多得幾多,盡力而為,最多每晚同佢講故仔,講唔上乜野心得,反而k2果年,學校真係幫左唔少,囡囡進步好大,唔怯場,對答得體...

遲d學校會搞小一分享會,你可以報名,好有用架...

原帖由 GB14 於 10-1-20 16:36 發表
fostermak,

留意您的post很久, 小兒現在也就讀鑽石山靈糧K1. 想知道如果想小學容易d考學校, 現在有什麼可以準備, 例如有那麼興趣班可以上 (以便寫 profile) 或在家可以怎樣教呢? 謝謝您!


...

onchai

fostermak, 可唔可以分享下你點 compare 又一村 vs 靈糧 (except 宗教背景)??  點解你當初咁堅定揀靈糧呢?

原帖由 fostermak 於 10-1-20 01:26 發表
大熊仔:
其實我細妹個大女響浸幼讀,浸幼係活動教學,宗教氣氛冇鑽石山靈糧咁濃厚,但訓練出黎小朋友表達力強,有自信.,
而浸幼唔係直上小學架,聽我細妹講係只收部分...

至於鑽石山靈糧,有部分等大抽獎抽官津,有部分考 ...

fostermak

onchai:
其實兩姊妹當初除左考靈糧,都分別再考多幾間唔同o既幼稚園,因為靈糧每年都好多人考,家姐果年係六百幾人揀一百個左右;到妹妹果年仲多,一千人揀一百個左右,唔知靈糧係咪一定會收細妹,所以要有後着...

我地都係聽其他家長推介,先幫細妹考又一村,家姐就冇考呢間,見又一村整個面試安排同老師都好好,又有課程簡介,
之不過家姐已經入左靈糧,讀得好好,就想俾兩姊妹讀埋同一間,等佢地有一d共同o既回憶,所以就算有其他好學校收都冇再考慮,但唔代表佢地差,純屬個人決定...

原帖由 onchai 於 10-1-21 11:35 發表
fostermak, 可唔可以分享下你點 compare 又一村 vs 靈糧 (except 宗教背景)??  點解你當初咁堅定揀靈糧呢?

GB14

多謝您既分享!
我囝囝讀下午班, 所以未見過您! 其實都未諗定會揀咩學校,大多數讀揀官津摼番d錢! 不過又驚無好學校收, 所以到時都會考下直資或私校, 睇下有咩要預備定.
見到音小收您囡囡都"登"您開心! 其實音小貴唔貴? 您有冇俾囡囡學定鋼琴.

原帖由 fostermak 於 10-1-21 01:37 發表
GB14:
會唔會我細囡同你個囝囝係同班同學黎架?我細囡讀上午幼兒班架,如果係同班,可能你見過我,我又見過你都唔定...
你想準備幫小朋友考邊類型小學?

如果係搏官津,第一輪官津小學係靠分數派位,包括爸媽係咪教友或舊 ...

fostermak

GB14:
係呀,如果抽到心儀o既官津,當然摼番唔少錢,但黎緊呢幾年出生人口激增,再加上小班教學,每班減人數,學額少左,如果拿15分(即首名子女+適齡兒童),要抽熱門小學,似乎難上加難,就算我地今年已經係沙士後出生率最低o既一年,第一輪抽心儀官津都好難抽到,所以最後報定私校做backup...

你可以先搵番你住果區屬於邊個校網,再睇校網內有冇心儀學校,如果有,可以上黎bk小學果邊問下d家長大概幾多分先入到,等你有個預算...

音小最早收左囡囡,但由於之後陸續有其他私校+直資收佢,結果我地考慮完後,決定出信通知音小取消學位,騰出學位俾其他等緊o既小朋友...

音小初小階段學費係三千九百幾元一個月,到高一係四千幾...

大囡響k2暑假開始學鋼琴,佢對唱歌音樂有興趣,所以先報音小,但妹妹反而麻麻地,所以收左家姐後,考慮左一輪先決定取消學位...

原帖由 GB14 於 10-1-22 12:54 發表
多謝您既分享!
我囝囝讀下午班, 所以未見過您! 其實都未諗定會揀咩學校,大多數讀揀官津摼番d錢! 不過又驚無好學校收, 所以到時都會考下直資或私校, 睇下有咩要預備定.
見到音小收您囡囡都"登"您開心! 其實音小貴唔貴 ...

GB14

我都知等大抽獎真係好難! 所以先想準備定先! 依家做父母真係好困難!
您大囡好叻呀! 考到好學校就唔洗擔心, 妹妹都一定有着落!
想問下出面讀英文有邊間好呀! 我見靈糧的興趣班好貴哦!

原帖由 fostermak 於 10-1-23 00:59 發表
GB14:
係呀,如果抽到心儀o既官津,當然摼番唔少錢,但黎緊呢幾年出生人口激增,再加上小班教學,每班減人數,學額少左,如果拿15分(即首名子女+適齡兒童),要抽熱門小學,似乎難上加難,就算我地今年已經係沙士後出生率最低o ...

fostermak

GB14:
靈糧興趣班定價中等啦,例如芭蕾舞或繪畫班,九十幾蚊一堂,
一定平過王仁曼,但就比明愛中心果D貴,但我大囡上過,兩班老師都教得好,同埋學校係分開幼兒班,低班同高班上,老師可以就程度教,幼兒班同學自己又會熟D,唔似出面,係K1至K3一齊上,能力及進度好參差,所以妹妹今年都響學校上畫班...

至於英文班,聽聞林慕德果個口碑麻麻,所以我地冇報過,出面英文班,真係睇你想加強口語定文字能力,我都係等大囡考完小學面試後,先開始讀埋公文英文,等佢循序漸進打好英文認字寫字根底,反而口語,佢真係比較弱,我地冇賓賓,淨係得我得閒同佢傾幾句,或者得閒睇下英文台...

原帖由 GB14 於 10-1-25 15:36 發表
我都知等大抽獎真係好難! 所以先想準備定先! 依家做父母真係好困難!
您大囡好叻呀! 考到好學校就唔洗擔心, 妹妹都一定有着落!
想問下出面讀英文有邊間好呀! 我見靈糧的興趣班好貴哦!


...

GB14

我就冇報畫班因為返學唔係太近. 要自己接送比較麻煩.
英文班就想報下 phonics!

原帖由 fostermak 於 10-1-25 18:31 發表
GB14:
靈糧興趣班定價中等啦,例如芭蕾舞或繪畫班,九十幾蚊一堂,
一定平過王仁曼,但就比明愛中心果D貴,但我大囡上過,兩班老師都教得好,同埋學校係分開幼兒班,低班同高班上,老師可以就程度教,幼兒班同學自己又會熟D,唔 ...

fostermak

GB14:
其實我地都唔係住響學校附近,都要專登搭地鐵過去,
但因為以前俾過家姐出去王仁曼學暑期畫班,老師成日轉,每次都見唔到老師,唔會有機會問下小朋友進度或情況,加上小朋友k1至k3擺埋同一班, 一個月四堂先完成一個主題畫作,我個人覺得,可能兩堂已經可以完成,同埋小朋友初學畫畫,要有趣味性,每堂有一個作品,滿足感大好多,唔駛咁大製作,所以捨近取遠,返學校上畫班...

至於學Phonics,有d媽咪覺得對小朋友將來拼字默書有幫助,同埋學校老師都有教,唔知有冇派光碟俾你地呢,因為家姐果陣係有一隻英文老師自拍的拼音光碟,我就prefer小朋友認多d字先,識一定vocab學拼音似乎好一d...

原帖由 GB14 於 10-1-26 11:03 發表
我就冇報畫班因為返學唔係太近. 要自己接送比較麻煩.
英文班就想報下 phonics!

onchai

foster,

想問下英文堂係咪會由NET 教? 每星期2堂?? 有冇教 PHONICS 呢... 你認為仲要唔要自己係外面再報PHONICS course?? thx~~

原帖由 fostermak 於 10-1-27 01:10 發表
GB14:
其實我地都唔係住響學校附近,都要專登搭地鐵過去,
但因為以前俾過家姐出去王仁曼學暑期畫班,老師成日轉,每次都見唔到老師,唔會有機會問下小朋友進度或情況,加上小朋友k1至k3擺埋同一班, 一個月四堂先完成一個 ...