番禺會所華仁小學

麟媽媽

講開唱歌，琴日又係笑到我死死吓！
話說亞仔去旅行，咁成車人係校車上點唱，
輪到亞仔點，佢話要點「有了您」。
個個同學”R”晒頭唔識，最弊連老師都唔識！
亞仔大大聲話好好聽架！我成日係Daddy 車度聽架！
唉…. 陳百強死既時候，呢班仔都未出世啦！！
我老公鐘意陳百強架，不過係咪轉吓CD 好呢？
比如換番咩…..死喇，唔識D 新歌手既名添！！

麟媽媽

Raymond1981,

係啦！我仔應該唔係大聲唱，
我問過同車既同學有無聽到佢唱歌？
佢地都話無喎，可能風紀坐得近，
佢又唱得難聽，咪影響人地囉，哈哈！

小一時有一次係校車比人擇名，
呢次係「在校車發出怪聲音」。
我問你攪咩？佢話唔知，
好多時返學佢係校車訓著左。
我諗怪聲音應該係 >> 鼻鼾聲！！
平時佢係車訓左都打鼻鼾，
唉….咁都擇名？！問老師又難為情。

felix喵喵

有段可愛貓cartoon,
大家一齊睇下.....ATAGOAL..喵喵

麟媽媽

你咁鐘意貓，你估幾時可以養番隻？

felix喵喵 寫道:
有段可愛貓cartoon,
大家一齊睇下.....ATAGOAL..喵喵

SINDY-MOTHER

各位,

我今日想告訴大家一件事, 我的朋有的仔仔發生了一件很不愉快事情,講比大家聽是要大家的仔仔小心。
昨天放小息的鐘響,各小朋有都會快快步走到洗手間去沒,就是這個時候,我朋友的仔仔奔走到洗手間,被一位風紀哥哥捉住,說他不守秩序隨意奔走,要擇名還要見老師,這樣風紀哥哥就帶他見Miss Chan。 Miss Chan 見他是初犯,所以只是叫他罰企係教員室門口,這樣應該此事完結。
但完了小息後,這風紀哥哥連同另一位風紀哥哥到我朋友仔仔班房找他, 他們告訴老師此同學小息時擇了名, 現在要帶他去見孫老師,就是這樣完全沒有疑問下老師就放了學生出去。
這個小朋友出了課室後,不是去見孫老師,風紀帶了他到後樓梯,問他問題, 他不答就用雙手在心口位置推他埋牆及用手捉住他心口,試問一個二年班的小朋友比 3個風紀圍住一定是非常害怕,還要用老師不知道的方法去恐客其他學生。風紀可有此特權嗎? 這同黑社會有可分別? 他們用了一堂上課時間,做了這些事情, 那3位風紀是同一班, 為什麼有3個學生無上堂都沒有人知? 請大家記住四眼5年班的風紀哥哥叫自己仔仔小心！ 我真不明白身為風紀都不懂守學校秩序嗎? 真可怕！       

chelsea

SINDY-MOTHER,

This will be a terrifying experience and I will see this as bully.  What action has been taken for both of the victim and his mom, has he stood out to speak to the discipline teacher/officer in school.  If that is true, someone has to voice out to stop the bullying in school.  Zero tolerance for school bully.  

From your description, it's hard to recognize the "wear glass" perfect in school.  Their name tag will not mark "5-perfect".  Only advice I could given to my son, do not run/rush to toilet.

Chelsea

麟媽媽

Sindy-Mother,

風紀都只是小孩，他們做錯了，
如果無人出聲，佢地只會一直錯下去。
就呢件事，有人證嗎？
小二學生認得呢幾個風紀嗎？
還是只認得係帶眼鏡的？
放學生出去的老師定必認得呢3個風紀，
而孫老師亦可證明呢3個風紀講大話。

我覺得學生跑而擇名被罰係無問題，
但風紀私下教訓同學行為卻不當。
所以呢件事應先向訓導主任反映，
佢地會作出相應的跟進。

我個仔小一時，亦是發生了風紀問題，
同車的幾個小一學生，不知何故回家做出粗口手勢，
我地追問下原來是同車一個3年班同學教佢地，
訓導主任問呢個3年班學生點解咁做？
一再追問下，原來是同車風紀哥哥教的。
之後，訓導主任同細既解釋，而佢地亦明白，
而風紀當然受罰，佢亦知錯表示不會再犯。
呢個風紀一直繼續當風紀，但收歛了，
之後亦盡力做佢風紀應做的事。

小孩子都係要教的，將佢地做錯的地方指證出來，
唔係話想佢地受罰，而係比佢地知自己犯錯，
錯而能改，對佢地將來反而一生受用。

ms99

SINDY-MOTHER

那麼受害者的媽媽如何處理此事件呢,
若那個風紀是同一人, 可以向miss chan了解事件,
而且, 學生/家長有責任向老師報告啊.

*****
唔好意思, 按錯掣, 用了ms99的account, 今次入我數....喵喵

felix喵喵

raymond1981 寫道:
Dear Felix喵喵
Who's Atagoal?
Raymond

Atagoal !!! i even don't know wor, it might be the name of movie. i hope you will enjoy it!

and i know who is Don McLean Vincent and his song "starry starry night", CLICK HERE

felix喵喵

麟媽媽 寫道:
你咁鐘意貓，你估幾時可以養番隻？

未知呢, 我諗越快越好吧....喵喵

睡公主

我都有件唔知點解決既事，
話說亞仔同隔離位個同學異常咁好朋友，
本來我也覺得這未常唔係一件好事，
因為亞仔從未試過對一個朋友咁上心，
他們還私下交換電話號碼及電郵，
雖然我真係唔想干涉佢地既友情，
我只是制止佢唔可以喺上堂時傾計，
但亞仔喺自理同自律各方面都差，
所以睇住佢上堂同學習既態度每況愈下，
個心真係好唔舒服。
但今日更差，
因為亞仔收到個由呢個同學回覆既電郵，
內容係：

亞仔個電郵： 某某同學，早晨！
個回覆居然係： 吃 X 仔（人體排出的廢物），收 X 小子（ 頑x），f xx k（英文粗口），XX仔（英文字母 - O 之後同 J 之後），X水 （新年最喜歡 - x 到）

啲 X 真係打唔出，請睇括號內註解：
雖然這個電郵完全沒有意思，
但我當時好嬲（可能工作太忙連情緒都失控），
本來我都唔想將個責任加諸別人身上，
又真係覺得近朱者赤既道理，
我即刻叫亞仔唔准再同呢個同學玩，
而且我話明天我會同 Miss Tam投訴呢件事，
亞駙馬仲幫口話應該係個同學仔哥哥做的，
唔關個小朋友事，
Delete個電郵咪冇事囉！
亞仔都話會叫個同學阻止佢哥哥再這樣做，
現在心情平復又真係唔知應唔應該攪到投訴咁大件事，  
我又唔想當冇事發生，
如果直接同佢家長講會否不妥？
因為我唔識呢個同學個家長，
請俾啲意見我應怎樣處理呢件事？    

chelsea

Morning friends :)

麟媽媽

睡公主，

有無了解過電郵係咪真係同學仔回覆的？
看來，駙馬講得啱，內文唔似一個小二生寫的，
加上如果係好朋友，點會寫呢D 野呢？
同學哥哥多大？是同校學生嗎？
如果係我的話，我會一個個詞解釋比亞仔知，
讀男校遲早學到呢D 野，真係在所難免，
與其唔比佢接觸，倒不如講比佢知係點解，
當佢了解到係如此粗鄙，佢應分析到自己應否跟著做。
我有解釋比亞仔知某些粗話，我唔教佢既話，
佢去到馬場波地，亦難免會聽到一D 男人大聲講，
我唔可以用玻璃罩蓋住佢，佢有自制分析力最好。
我老公都話佢地好細都識粗口了，但有無必要講呢？
我覺得可以私下跟同學家長傾傾，去到老師度呢，
好似唔係幾好，始終唔係個同學犯事，錯在佢哥哥嘛，
老師之權力未必可及到哥哥度，咁同佢媽咪講好D。

另外，「近朱者赤」呢…. 都有既，但全禁唔係好辦法，
講明互相影響，點解唔可以係你亞仔影響同學向好呢？
你個仔就算口話OK 唔啋佢，但佢地係學校係點你唔知既，
咁不如叫亞仔同個同學講，你哥哥講左好多曳話，
叫佢唔可以學佢哥哥，因為比老師知道唔得了的！
如果佢地係好朋友，同學一定對你仔講既野上心，
因為佢根本唔知發生咩事，一刀切亦影響你亞仔情緒。
你可以同亞仔約法3章，做好朋友無問題，但要識分時候，
上堂、排隊、早會…. 一定唔可以傾計，如果比人寫手冊，
便會罰，唔比睇最鐘意既卡通一星期(或其他佢最鐘意既野)。
佢一定會駁咀話人地叫佢先，咁你叫佢上堂唔好啋佢囉！
我仲同我個仔練習，我扮叫佢，之後要佢忍住唔好應。
如果你仲係好擔心，佢地開學後掉左位未？
不妨同老師了解下，亞仔係上堂傾計還是自己都發白日夢？
如果係成日傾計，同老師講下次掉位分開佢地遠D，
但如果上堂無咩傾計，便要問吓個仔呢排做咩雲遊？
好多原因既，比如D 野佢識，佢覺得無聊聽唔聽都得，
又或者專注力唔夠，坐近窗門掛住望出去……
而家D 小朋友好聰明，唔係家長話「唔比」佢地就服，
最好同佢地傾，了解吓佢點諗再引導佢好D。

ms99

各位早安!!

睡公主：

下火未?! 我都好認同駙馬爺同麟媽媽見解，
事情出現了，亞仔又睇過，我唸佢都滿腦子???
唔好發火住，亞仔都唔知係嘜東東，
畀我會以同情及憐憫的態度話畀亞仔知，
寫呢D野

麟媽媽

ms99,

Please check pm.

ms99

麟媽媽：

反彈pm, Thanks!!