低功能自閉症=腦葉酸缺乏症

Kyle

原帖由 Kyle 於 13-05-25 發表
突然覺得阿仔情況依然好差下，教咩人! 自己果個都搞唔掂。我成日係咁，隔一排會突然好驚，panic attack。



  ...

我去拜神，緊係想幫阿仔整走衰運，廟祝居然話事到如此，唯有樂觀啲。拜神都無用。

Hello101

原帖由 Kyle 於 13-05-25 發表
突然覺得阿仔情況依然好差下，教咩人! 自己果個都搞唔掂。我成日係咁，隔一排會突然好驚，panic attack。



  ...

壓力大，放自己半天假，一個人看場电影，吃個正晚餐。。回家冲個涼訓埋覺先再黎砌過。。

mrmaozi

原帖由 Kyle 於 13-05-25 發表
我去拜神，緊係想幫阿仔整走衰運，廟祝居然話事到如此，唯有樂觀啲。拜神都無用。



  ...

我上次同佢地講佢都叫我對個女＂不可貪心＂，但我個女依家有D進步ar!!唔需要太過信廟祝！好似你食嘢買嘢都會自我過濾下！凡事風水信小小，只求誠心作個福保平安！我地繼續努力！一定有曙光！信自己信個仔！可以挨過去的！

Kyle

原帖由 mrmaozi 於 13-05-25 發表
我上次同佢地講佢都叫我對個女＂不可貪心＂，但我個女依家有D進步ar!!唔需要太過信廟祝！好似你食嘢買嘢都 ...

阿仔真係信唔過，點解人食b雜兩個禮拜咋都話脫胎換骨，我果個食咗兩年啦！未又係專注力失調。

Kyle

原帖由 Kyle 於 13-05-25 發表
阿仔真係信唔過，點解人食b雜兩個禮拜咋都話脫胎換骨，我果個食咗兩年啦！未又係專注力失調。



  ...

嘥錢嘥時間，心灰意冷，一早已受夠。

mrmaozi

原帖由 Kyle 於 13-05-25 發表
阿仔真係信唔過，點解人食b雜兩個禮拜咋都話脫胎換骨，我果個食咗兩年啦！未又係專注力失調。



  ...

唔好比較先！個仔係你ge!你惗惗佢其實都進步好多la!個天要我地今世做仔女個守護神我地咪繼續努力做好個崗位！我信因果，我信你好人有好報！我地盡博所有一定個仔會明會好番！你一定要有個信念一定信自己得咁個仔肯定有更多進步！

Kyle

我原本個仔好地地，係我做得衰野多, 搞到佢咁，佢咩都唔知㗎！我要受番自已之前種下的因，而家要pk， 都唔知p 到幾時。

why-me

原帖由 Kyle 於 13-05-25 發表
我原本個仔好地地，係我做得衰野多, 搞到佢咁，佢咩都唔知㗎！我要受番自已之前種下的因，而家要pk， 都唔 ...

唉！心底條刺俾個廟祝挑出嚟！滴緊血！我哋都係表面堅強，內心依然係內疚、條氣唔順！人生仔我生仔，人打針我個仔又打針，點解偏偏選中我個仔？冇得問點解！我信耶穌，係佢認為我有咁嘅能力去照顧一個特殊兒童，所以賜咗俾我（雖然我有時都問神佢係咪攪錯咗，搵錯人，我無能為力，就快想死）當我一問，個仔又俾到小小驚喜我，令我又充滿信心！呢啲V型反彈耐唔時都有！Kely 你喊一陣好啦！洗個面重新嚟過，廟祝咁準佢唔使做廟祝啦！你已盡晒能力，俾最好嘅治療你個仔，無論個仔將來係點，你已冇欠到個仔了。唔好同人比較，咁對你同個仔都唔公平，要比較就將個仔同佢自己比！一年前個仔能力係點？而家呢？有冇進步過？你自己最清楚！願主祝福你重新振作！

Kyle

原帖由 why-me 於 13-05-25 發表
唉！心底條刺俾個廟祝挑出嚟！滴緊血！我哋都係表面堅強，內心依然係內疚、條氣唔順！人生仔我生仔，人打針 ...

以前我信天主時，成人學人去講＂祝您平安＂，我真係唔敢祝您呢樣野，我完全缺乏平安，自己都無，俾唔到啲你。阿仔洗完禮唔夠一個月就出事，可以講係同期出事，可能天父要試下我個心係米堅， 可能佢知我為咗果5分投靠佢，唔鍾意我，但神父講明，任何人不論什麼原因去信主，天父都會歡迎㗎！天父對不起，我只是新教友，整我咁大鑊，我無咩信心。係教堂到捱咗一年，就離開咗。

dorisfan

原帖由 Kyle 於 13-05-25 發表
我去拜神，緊係想幫阿仔整走衰運，廟祝居然話事到如此，唯有樂觀啲。拜神都無用。



  ...

神佛的嘢都係心理上的安慰劑，信則有不信則無，影響心情的唔好聽咁多了，有時間去做下運動，出一身汗心情都會好些，自己保重長期作戰！

Kyle

原帖由 dorisfan 於 13-05-25 發表
神佛的嘢都係心理上的安慰劑，信則有不信則無，影響心情的唔好聽咁多了，有時間去做下運動，出一身汗心情都 ...

應該係昨晚唔夠瞓，阿仔半夜彈起幾個鐘，我同佢老豆忍咗佢幾個鐘都無打仔。大仔又要考試，同佢温書，即係要我讀，自己考會考仲有把握啲。功課壓力，自閉壓力，壓力爆煲，瞓陣先。

why-me

原帖由 Kyle 於 13-05-25 發表
我原本個仔好地地，係我做得衰野多, 搞到佢咁，佢咩都唔知㗎！我要受番自已之前種下的因，而家要pk， 都唔 ...

我同老公心態：前世我哋係A，亞仔照顧過我哋；今世到亞仔係A，我倆公婆還番俾個仔！我成日同個仔講：媽咪今世還清還突俾你啦！下一世你有你生活，我有我忙碌，我唔搵你，你亦千其唔好搵我，各不相欠我好鬼亞Q

Kyle

原帖由 why-me 於 13-05-25 發表
我同老公心態：前世我哋係A，亞仔照顧過我哋；今世到亞仔係A，我倆公婆還番俾個仔！我成日同個仔講：媽咪今 ...

最好識得遠走高飛，有咁遠走咁遠！

Kyle

原帖由 why-me 於 13-05-25 發表
我同老公心態：前世我哋係A，亞仔照顧過我哋；今世到亞仔係A，我倆公婆還番俾個仔！我成日同個仔講：媽咪今 ...

呢個媽咪好鬼正，咁都笑得出

why-me

原帖由 Kyle 於 13-05-25 發表
呢個媽咪好鬼正，咁都笑得出

唉！諗咁多負面嘢做乜呀baby！開開心心又一日咪幾好！有個A仔係事實，冇得改變，倒不如調節自己心態！做亞Q幾好㗎一家人開開心心

Hello101

有無訓呀，好d嗎？

dorisfan

原帖由 Kyle 於 13-05-25 發表
以前我信天主時，成人學人去講＂祝您平安＂，我真係唔敢祝您呢樣野，我完全缺乏平安，自己都無，俾唔到啲你 ...

我今天的心情亦很壞。今早帶阿仔去睇順勢時好大雨，阿仔發癲咁在街典典共，狂叫話雨水整濕他，我雖有帶遮都攪到濕哂，仲開始作病添。

睇左大約半個鐘，加2星期藥水，盛惠$1480！都幾貴呀！唔知關唔關藥水事，阿仔下午癲過平時好多，食飯時不停在商場大叫走來走去，而我不停好似癲婆咁在商場追完一個仔，又要去追細仔，唉！希望這是治療初期的反應吧！

Kyle姐，你快些去讀順勢，醫阿仔之餘，收平少少幫下我地A仔媽吧！

apple~y

今日教呀仔都好勞氣,唔知呢0的日子幾時完
又無意中見到朋友facebook,同2個小朋友周圍去玩,又去影樓影家庭相
好開心,好幸福......0甘我呢?
我覺得同朋友係2個世界人,想當年我0地差不多時候懷孕,
大家結局真係天同地,我係辛苦命呢世人第一次坐白車係懷孕嘔到暈,脫水
深夜坐白車入醫院,當時我以為呀仔保唔住會無0左,
如果呀仔當時自然離開,有多好..........係天意,
條路仲有幾耐先行完?

Kyle

原帖由 dorisfan 於 13-05-25 發表
我今天的心情亦很壞。今早帶阿仔去睇順勢時好大雨，阿仔發癲咁在街典典共，狂叫話雨水整濕他，我雖有帶遮都 ...

個Course 一年 over 一皮，要讀唔知四定五年。都唔知留錢俾阿仔讀定自己讀好。我賺錢都算多，但月月清，而家好耐都無去做facial，由阿仔有事後都無做了, 鞋著爛咗打番個踭又再著過，儲錢只靠供樓果份當儲咗咋。

神婆星期六都接客？

Kyle

瞓唔到就食飯，而家又係温書時間。啲失眠發作。