禮賢家長請進, 繼續交流!

fat-ping

小一日營第一日，小朋友巳經要學步操，摺衣服，摺被，穿鞋帶等等．明天可能更精彩哈哈！努力加油！

honeybbb

YYJC
真係唔好太客氣, 一年前我都係初哥, 都係多得禮賢家長解答, 之前一直都聽到好多人講禮老師VERY GOOD, VERY NICE, 禮賢家長VERY HELPFUL又高質, 我都希望禮賢KEEP 住咁高質, 我地D仔女就有福!   

honeybbb

HA HA 我個仔話好悶, 唔好玩, 都無得走黎走去 梗係! 訓練營呀, 真係應該訓練下呢班驕生慣養既先生小姐!
聽日應該好玩D 既    

fat-ping 寫道:
小一日營第一日，小朋友巳經要學步操，摺衣服，摺被，穿鞋帶等等．明天可能更精彩哈哈！努力加油！

honeybbb

和平飯店可愛姬姬
唔好諗咁多, 最緊要阿仔無事, 有個easter 比佢休息下都好, 身體健康最緊要!
我個仔中文弱左好多, 禮賢d 中文的確唔係容易架, 我而家買左好多課外練習佢easter 做, 閱讀理解同作句最差, 但我買左本全本都係閱讀理解既練習佢做, 係由淺入深, 佢又好有興趣去做, 因為佢覺得自己應付到又容易做, 所以信心強左, 希望令佢有進步la, 我地一齊努力!!

bigbaby

和平飯店可愛姬姬

唔好灰心,你有冇同中文科老師傾吓,如何幫到你個仔。我個仔數學越來越低分,我都有同老師傾番,佢話我個仔上堂唔專心,所以我就多D提醒佢唔專心上堂就會跟唔上數學。

賣旗日好開心又好辛苦,因為企足4小時。不過滿足感好大,因為我個仔係唔怕醜,會主動叫人買旗,有唔少人都話:「見你咁乖,一早陪媽媽賣旗,就幫你買。」其實,係我陪佢就真。賣完旗仲要趕去診所覆診。希望復活節假期後,大家的小朋友都健健康康!

Bigbaby

和平飯店可愛姬姬 寫道:
hi honeybbb

我個仔由3月19日病了無番學到今天28日已好好多,因為發燒左5日先入院至知是輕微肺炎.我就日日打電話去學校請假.
訓練營都沒去,我已為個仔在學校被人忘記左,都沒收到學校一
個關心的電話.之前聽人講禮賢的老師很有愛心,我個心一沉.
我想一想老師只講仔仔中文再唔合格就要留班,學校又沒輔導班班,只叫我加強中文溫習,如果真的跟唔上要留班我會轉校.
但是今天終于收到老師關心的電話,個心開心了.只是遲來的電話.今次測驗唔合格
:cry: !
你們會去賣旗?

honeybbb

help!!
今日阿仔寫手冊, 常識科唔知寫咩---->做楆價牌    即係做咩?

bigbaby

和平飯店可愛姬姬

我哋自己坐地鐵到中環站，係港內線碼頭附近賣旗，阿仔見到一個隔離班的同學仔，另外有一批十多廿歲的美女少。不過，當日三間機構一齊賣旗，所以唔少人話買咗其他旗（護苗），就冇幫我哋買。我哋主要「客源」係搭船的人，人流不及地鐵多，賣到12點先至用完5張半旗紙，剩餘的半張，阿仔留下做紀念品。佢仲問最快何時有得再賣旗。我都覺得好好玩，不過又好辛苦！

Bigbaby

和平飯店可愛姬姬 寫道:
hi bigbaby

多謝関心!

放完假我會打電話比中文老師傾吓,賣旗日好開心.你坐校車去定自己去?我是自己坐車的.的9:10去到金鐘m記對面mtr出口賣旗至11:30,跟住去左大家樂食第一餐,再坐叮叮過中環交回比人.由朝早都不是見到好多krs人,你們去左那裡賣旗?

honeybbb

和平飯店可愛姬姬
thanks! 我幾經推算, 又估, 又拷問個臭豬, 最後都比我諗到應該係數學科, 因為有關價錢, 再問個仔, 佢至話係用張白畫紙在課堂上至做   我驚佢又欠功課, 容咩易3次記埋小過

honeybbb

我對禮賢看法暫時都so far so good. 但老師對學生既關顧我都覺得無之前聽各界講得咁好, 可能今年小一每班學生太多, 成36人一班, 一個老師有時真係唔關顧得咁多!

但課程上我就幾滿意, 小測, 測驗, 考試都分配得好好, 都唔太太壓力, 我覺得英文科mrs. so教得最好, 阿仔由害怕英文到而家佢話鐘意上英文課, mrs. so功勞都不少! 而且阿好鐘意返學, 未試過話唔返學, 反而返幼稚園時都會話唔想返!

loveman

最初我和bb覺得好辛苦, 我們是由幼兒園(no dictation and seldom homework) 升小學. 天天為功課嘈.  功課太多款,再看其他小學,原來人人也一樣.
這是適應period.  如果三個月也適應不了,就補習班. 辛好我們做到了. 1.5-2 hrs finished homework

小測, 測驗, 考試都分配得好好----- I  agree, more tests and small coverage, so it become easy to catch up.

My daughter told me about 2 events about their teachers.  Teachers like to invite pupils to speak in front of the class.  I think they want to train up their presentation skill and confidence.  Once a little boy came out and spoke out 課文, 好多字讀錯, 同學大笑, 老師話他好好、有勇氣, 給了利是作鼓勵, 全班只有他.

第二件是中文造句測驗, BB有好多錯字, 竟然有93 分, 再看原來結構完整, 內容豐富, 老師把分加在結構和內容, 小孩沒有因錯字失去信心,

教師不主動打電話給家長, 大部分學校主動打電話給家長,多數是生病、意外或,紀律問題,所以最好不要找我.

所有老師斱有愛心,就不敢言,但應該有.

自己照顧兩個斱覺得精疲力盡, 何妨 36 人 .

honeybbb

做家長真係好多野要不停去適應去應變, 阿仔上小一後, 我覺得佢不停在變, 為功課, 為温習而傷和氣, 我相信絶大部份既家長都有咁既情況出現, 我都在不斷學習, 如何與萬變中的阿仔溝通相處, 發火時又要學識冷靜, 又要不停面對阿仔既衝擊, 不停同佢接招過招, 真係希望佢快d生性, 有良好既學習態度及價值觀, 咁我就放心同開心, 不過, 我諗呢日無咁快黎, 唔知仲要同佢周旋幾耐, 大家共勉之!!   

bigbaby

honeybbb，
絕對認同你的感受。在五月和六月，會非常辛苦，因為阿仔仲係要推佢才會郁，唔會自動自覺溫習，打開本書半分鐘就話俾我知溫完。我就試吓苦肉計，當佢溫得唔熟結果分數低時，我就會同佢講咁樣馬虎了事，唔會有好成績，咁樣佢先至會俾多少少心機溫習。

NNGG，
下學期好似冇人退學，可能會到二年班開學時才會有人轉校。

Bigbaby

honeybbb 寫道:
做家長真係好多野要不停去適應去應變, 阿仔上小一後, 我覺得佢不停在變, 為功課, 為温習而傷和氣, 我相信絶大部份既家長都有咁既情況出現, 我都在不斷學習, 如何與萬變中的阿仔溝通相處, 發火時又要學識冷靜, 又要不停面對阿仔既衝擊, 不停同佢接招過招, 真係希望佢快d生性, 有良好既學習態度及價值觀, 咁我就放心同開心, 不過, 我諗呢日無咁快黎, 唔知仲要同佢周旋幾耐, 大家共勉之!!   

honeybbb

和平飯店可愛姬姬
輪到家訪你la? 好以話係咪人人都會家訪架?