06年9月入讀蘇淅幼稚園K1既家長, 入唻交流下啦!

十月媽咪

joeytcy,
你阿女好搞笑呀, 又會唔記得攞書包既, 咁食茶點果陣咪無毛巾用囉? 呵呵!

你阿女就好啦, 起碼畀你屈到一啖, 我果個唔得架, 一啖都唔肯試架! 真係名副其實既麻煩友唻架!

所以我而家煮餸呢, 盡可能都只係煮d佢鍾意食既野, 一唻慳番我d腦汁, 唔駛諗咁多花巧野; 二唻又唔怕煮左出唻唔啱佢心水, 而嘥晒我一擔心機!  

CanKan

joeytcy,

悠悠都好，起碼肯試一淡，我有時不知要用幾多口水、軟硬兼施先叫倒佢食少少，我只係要佢食少少試下，試左唔鍾意唔會勉強佢，但係攪到我好似要佢食毒藥禁，真係激死。

cankan

CanKan

十月媽咪：

熊熊係咪係觀塘架？如果你搵倒 d 合適既，彈 d 料黎參考下。

我會係平安夜前夕同亞女去睇話劇，已經買左飛啦！而家應該重有飛賣，但若果anson想同亞女一齊坐，就要查下隔離有冇位。我地睇果套叫‘ x x 啤 x 熊’。

其實當初我同亞女去睇既時候係冇諗到套劇禁長，買飛時預計只係個半鐘，點知後尾差唔多兩個半鐘；果次唔單止係我同個女睇，重有其他小朋友，不過係睇既過程其實小朋友之間係冇傾偈，只係係中場休息既時候傾兩句，其餘時間亞女都係自己坐係度睇，間唔中我驚佢唔明同佢講兩句。

cankan

joeytcy

cankan
係呀....食飯時...畢左d餸比佢...馮親佢見到唔食個d...佢就會指住問呢d係咩黎架....又或者mummy我唔想食呢d呀...甘我就會一野畢左一淡(有時兩淡), 擺係佢個口前面..然後話你試左一淡先...食左真係覺得唔好食mummy唔迫你...甘就屈左一淡...不過試左後真係唔食..我就會叫佢夾晒落我到... (其實知佢唔食架啦...不過一開始夾左落去等佢食一淡都好過無...同埋等佢自己唔食個d要自己夾番出黎)

呀..重有有時搵d野飲利誘下   

joeytcy

係咩????咩黎架....要交咩圖晝呀...形容下得唔得呀...我好似唔知有呢樣野喎............

另果然大家評估都一樣....不過我個紅印擺係友愛到......

wewetwet

幾好丫!評估方面大家都有啲進步了!

好得意呀,原來你哋小朋友都好有性格地,唔喜歡的食物絕對唔食!
好彩阿囡好像天生喜歡吃較健康的食物,菜是她的number 1,尤其是西蘭花,豬牛羊都唔好,只吃雞,甜品一見到就掉頭走,豆腐只係食玉子豆腐,汽水唔飲,但最閉就是始終喜歡食糖,朱古力和薯片.

wewetwet

十月媽咪,

Anson好番末?
我而家又患感冒了,浵浵又好似有啲鼻水,放心啦,
我或者唔俾她番學了!

你哋有冇想過和小朋友打流感針?

十月媽咪

wewetwet,
anson仲未好番晒呀, 不過就應該好番好多喇! 噚日本來都已經咳少左, 撞鬼佢, 阿女一放學, 就同我講: 媽咪, 頭先我喺學校食左牛奶糖呀...(唔係下嘛? 食糖???, 咁今日飲左咩呀?) 益力多囉! (唉...我當堂暈低), 呢頭講完, 果頭佢又咳咳咳...

我已經千叮萬囑左老師, 千萬唔可以畀維他奶, 益力多呢d野畀我女飲, 但佢地真係無乜耳性的, 你今日講話唔好畀, 聽日無講, 咁聽日又會畀, 大佬呀, 我已經戴晒口罩咁返學架喇, 咁即係代表我認為個女未好番晒啦, 咁都唔醒水既, 唔通真係日日打個電話畀老師, 同老師講唔好食呢樣, 唔好食果樣咩, 佢唔覺得煩, 我都覺啦! 真係   

十月媽咪

cankan,

熊熊坑口新寶城智趣樂果度有分校, 星期六朝早好似有兩個時段係for k1-k3既幼熊的!

但我又想畀阿女試下考香港兒童合唱團 (香兒), 佢地響將軍澳廣場比諾幼稚園有分校, 都係星期六, 但就下午, d時間同阿女個音樂班撞晒!

而阿女個音樂班, 仲有十堂左右就完晒, 咁我會等佢完左之後, 同佢試下香兒, 如果香兒唔收佢, 先報番熊熊!

而個音樂班完左之後, 佢如果想繼續學既, 我就會揀過另一d時間, 不過就可能要轉導師喇! 但我想轉番平日時間, 而跟開佢果個導師, 只可以係星期六日, 平日佢要返學的, 加上佢放學之後, 亦都有d私人學生, 所以轉平日就要轉導師喇! 不過都係唔理咁多住喇, 點都係要以阿女意願行先, 如果佢無興趣繼續學, 我都唔會勉強佢住! 同埋我都發覺, 佢鍾意唱歌多過彈琴呀!  

十月媽咪

joeytcy,
果幅圖畫呢, 係由ICAC等機構合辦, 主題係: "智多多故事"親子填色貼貼樂比賽.

題目係: 堅守原則

幅圖既內容係:
在馬拉松比賽中,小獅子一直落後, 嘩啦啦及貓寶寶等好友不斷勸小獅子趁人多混亂, 登上他們的滑板車或人造跑車快些到達終點,但小獅子堅決拒絕,終於跑畢全程. 全場觀眾都十分欣賞小獅子的體育精神,並對他堅守原則, 不欺騙別人的行為報以熱烈的掌聲.

咁幅圖就有一棵樹, 兩舊雲, 一隻小白兔, 一隻跑緊既獅子, 一條路, 一隻貓, 一隻狐狸樣既動物. 小朋友就要將呢幅圖填色OR搵D材料貼落去, 完成呢個幅畫囉!

我都無交到, 一唻阿女唔畀我幫手, 佢要自由發揮, 卒之畫到幅圖好得人驚; 二唻我都係星期日至叫佢畫, 心諗, 交都太遲喇, 所以當佢唔畀我幫果陣, 我都算, 純粹當係一個普通圖畫, 睇下佢油成點啫!

joeytcy

wetwetwet

之前同個女有打水豆針外...無打其他....亦無唸住打流感針

joeytcy

十月媽........
my god...我直程唔知有呢壇野........呵呵...

CanKan

wewetwet：

今日湊亞女返學既時候唔覺彤彤係課室，係咪唔舒服？有冇睇醫生？

我尋日送亞女返學既時候，見倒李老師打電話俾個家長，叫佢黎接個小朋友返屋企，我估果個小朋友唔舒服，果個男孩子係綠組架，我尋晚問亞女個男孩子有冇返學，佢話冇，今朝送亞女返學都唔見果個小朋友呀。依 D天時真係要小心至得，著多件見熱，著少 D 好似涼涼地，莫講話小朋友，大人都好容易領野，你真係要小心 D 至好。

至於流感針，舊年我都有諗過同個女打，不過最後冇打到，如果你問我，我都唔知打唔打好，始終今年同舊年情況唔同，舊年亞女讀 NURSERY 一班只係得十零人，但係而家係一個大家庭，朝早返學搭地下鐵亦好多人，我都唔知同唔同佢打好。

CAN

CanKan

October mammy,

Last time my daughter not feeling well & I asked the teachers did not give the juice to her.  The teacher then asked me when can they give them to her again.  

I think you may ask the teacher do not give all those drink to Anson until you tell them to do so.  It will be safe if you remind her every morning.

Cankan

CanKan

十月媽咪：

有冇多 d 香兒既資料俾我呀？我都想同 kelly 試下喎，你會幾時去報名？

cankan

CanKan

joeytcy / wewetwet,

我除左同亞女打水豆針之外，之前重同佢打左肺炎鏈球菌針。


cankan

十月媽咪

cankan,

香兒網址如下:

http://www.hkcchoir.org.hk/content/mevent/chkcc1.htm?IndexWebContentType=0

另外, 佢地今期招生已經完結, 要等下期, 即出年二月至再招生喇, 如果取錄的話, 出年七月至開班!

十月媽咪

各位,

我都係淨係打左水痘針咋!

wewetwet

CanKan,

可否告訴我肺炎鏈球菌針,是不是普遍GP 已有得打呢?
價錢如何呀?
我打算全家都打流感針了!因為有公司優惠只是$20支,都係打較好!

wewetwet

希望大家和小朋友都身体健康啦!