馬灣基慧小學

010

CSW
真係想錫啖你
再加多句唔該晒呢

fion88

想問吓, 唔知幾時有open day 呢?

010

fion88
暑假時7/15時已經搞左開放日啦,你要再等等啦...

lawrencewong

ＣＳＷ，

你Ｄ電腦技能好勁，我有野想問你：
如果我有一個網址，想同人分享個網址，點樣可以打咗個網址後，人哋一ＣＬＩＣＫ之個網址就可直接入到佢
謝謝   

CSW

lawrencewong ,

你只需click url 個粒制, 係個格內打入個網址, 按'確定', 佢會出第二個格, 你就打你想人click落去就去到個網頁既字句, 例如: click here 或 小一功課日誌等, 再按按'確定',咁就會有條html既code放左係你既內容最後的位置....
如你想移動該html, 記得要成條code複製呀。

rclamlam

我女都係基慧舊年畢業(今年升中一), 講真基慧既功課量數真係唔多, 同埋次次見佢都做得好快, 基本係我放工7點前番屋企阿女都已經做晒, 比起好多小學來計真係小朋友會讀得開心, 學校環境又好, 真係有好多資源比到小朋友去學習.

CSW

我想問下你地既小朋友而家一放學回家會做d咩呢? 佢地需唔需要等你番去陪佢做功課呢?
還有, 記得上校網看看他們新影的班相啊!有d都影得好鬼馬的。

rclamlam,
請問你囡囡派了去哪所中學? (若不方便可pm我)
我知基慧在網上沒有注明他們的升中派位結果...所以想知道他們上年的大概情況。謝謝。
  

010

rclamlam

唔好怪我八掛，我都好想知囡囡派了去哪所中學? (pm我也可以啊！)

CSW
開放日時我都有問過兩個學生，一個派去何傳耀，一個去派王少清！有位老師話我知佢地派位都幾好，但就係無實際數據．．．．

又有媽咪同我講佢個小朋友唔中意返學，但返左馬灣基慧就好中意返學   

jk923

rclamlam：
我都想知呀？

Angel

我在第一天帶小朋友返學時, 看到學校在校務處附近放了一個 Board 已將2005-2006年六年班所有學生升中派位的結果列晒出來, 不過唔知道現在搬走未呢? 我大約看過十多位學生派到四至五志願外, 其他全部都派頭三志願, 結果都算不錯

LeeBikChun

CSW,

我由佢讀幼稚園開始,放學回家後就要先做功課,然後待我回來檢查,即使我喺屋企,都唔會陪佢做功課,以免佢有依賴.一旦我有應酬,咁咪唔使做,直至現在,都是如此,所以我回家後,可以有時間同佢溫習,仲可以一齊玩.(近排佢兩兄弟好鍾意玩Uno同砌砌圖）  

CSW

因為我兒子之前讀的幼稚園沒有甚麼功課, 而且佢番全日班, 就算有功課都可以在校內完成, 所以回家(將近5pm)基本上便可以休息, 玩和看小小tv。後期我讓他讀了珠心算, 那才開始每天有固定功課要做, 不過到上了第十級(即學了約半年)之後, 他便愈來愈不喜歡自己做功課, 就算叫他做, 他亦大部分做錯, 結果也是要我或爸爸與他一起做, 不斷在旁鼓勵他(但他是做得很不情願)。到將近升小一時, 我怕他既要適應新生活, 又要做珠算功課會太辛苦(不只他, 我們也很辛苦), 所以便停了珠算(因為再學下去已到念乘數表了, 我覺得可以再過一會才念)。
現在他回家已差不多4:30pm, 沖完涼休息一會已5點多, 他每次都在此時打電話來求我讓他看一回他心愛的卡通片, 於是我會讓他看一小時, 然後吃晚餐。到他吃完晚餐, 我和先生才回到家, 開始吃飯。然後在怱忙吃完飯後, 便幫兩兄弟看功課和溫習。通常9:15pm前要他們去洗面擦牙, 準備聽故事和祈禱。9:45pm便一定要上床睡。
最近上了小一後, 他每晚上床不到10分鐘便睡著了, 你說他多累。

LeeBikChun 寫道:
CSW,

我由佢讀幼稚園開始,放學回家後就要先做功課,然後待我回來檢查,即使我喺屋企,都唔會陪佢做功課,以免佢有依賴.一旦我有應酬,咁咪唔使做,直至現在,都是如此,所以我回家後,可以有時間同佢溫習,仲可以一齊玩.(近排佢兩兄弟好鍾意玩Uno同砌砌圖）  

LeeBikChun

CSW,

啊!原本如此!我嘅兒子好樂意做功課,不過就粗心大意,做錯,做漏兼貪快,d英文字寫到好似打風咁,真係比佢激死!好似尋日嘅英文功課(轉寫Capital Letter),佢居然有兩句照抄原句就算,其實喺幼稚園已經學過,又唔記得,本來好想鬧佢,但都叫自己控制吓d情緒,驚佢怕咗讀小學,你話啦!而家做媽咪都係一門高深學問.

QUEENIE54

Hello LeeBikChun and CSW

我的囡囡將會在今個月擇小學, 而我心目中就係馬灣基慧和石鐘山,
我好想分享一下你地小朋友在馬灣基慧讀書的意見, 見到你地的對話都感受到小朋友的開心.

希望比d 意見我.萬分感激.....      

CSW

QUEENIE54,

我都係唔同既forum度見到你問小一學校的事宜, 就好像我上年的情況差不多。所以, 如果有任何問題, 我可以答到你的, 我都會盡力試答。

不知你有沒有去参觀過馬基, 如果未, 你真的要找機會去看一看他們的校社, 因為大部分家長和小孩都會對佢一見鐘情。他們的校舍不單止設備新和多, 校園也很大, 而且開陽, 有無敵大海境, 且無閒雜人等在校舍附近出沒。

他們的老師彼此很有團隊的合作精神, 加上校長的管治方針, 可讓小孩有愉快的學習體驗, 學懂自理獨立的精神, 培養閱讀的興趣。 另外, 加上兩位外籍英文老師的協教, 及他們基慧的良好校風, 你不難發覺在基慧讀書的小朋友都很乖巧大方, 這些你都可在校園大使的身上見到。

說到親身體驗, 暫時我的小孩也只是上了兩星期的課, 但他亦表示很喜歡上學, 他們每班分了5組, 每組約7人, 分成5組T字形的桌椅來坐。我尤其欣賞他們的英文教學, 最初一個多星期會先教他們BASIC的phonics, 然後才慢慢插入longman express的書本來教, 到10月頭才會有默書, 有些是會用worksheet形式, 讓他們像填充那般填入適當的字。而且, 他們的默書分數不會計入考試成績, 所以小孩和家長沒有那麼大的壓力。另外, 他們今年亦開始改為二測二考。

說了一大堆, 希望不會讓人覺得我像賣廣告吧。總的來說, 我原本是心儀深水埗區的一所男校, 不過幾經波折, 都未能入到。但現在回頭一看, 發現其實基慧可能更適合我的小孩, 而且這也是他自己喜歡的學校。

當然, 基慧仍有他可以改善的地方, 我也很希望在將來有機會的話, 能向學校提出一些我認為可以改得更好的地方....不過, 暫時來說, 我對此校是頗滿意的。

LeeBikChun

Hi Queenie,

您好!其實我覺得選小學,最重要係你要認同學校嘅教學理念,確認自己要求d咩,千奇唔好人云亦云,無謂日後因性格不合而分手.當初我對馬基都不太熟識,只知是硬件充足,有良好嘅學習環境,其他都只是一知半解,但自從開咗家長會,與老師溝通過後,再加上兒子放學後嘅會報,對佢地就日漸了解,而我也可以告知你,每位老師對教育都充滿熱誠與抱負,而且仲愛心爆棚.至於課程方面,我覺得唔深,功課適量,上堂是小組形式,唔死板,唔沉悶.以上各點,你可以參考一吓.  

rclamlam

我女派左去東華三院伍若瑜夫人紀念中學, 聽學校講係自行已經收左, 你地知唔知係邊度呀?

QUEENIE54

Hi CSW

Thank you very much for your sound opinion!!!     

我之前無諗到觀校的重要性, 所以一所學校都無參觀過, 到我囡囡k3 開學後, 選小一的時間迫近, 我才急急地到處找資料. 真係有d 內疚. :cry:
而馬灣基慧係我囡囡的校長推薦比我的, 雖然遠d, 但如果我囡囡可以係一個快樂的環境下學習, 我都會擇基慧.
但我只得15分, 第一輪入去的機會唔知大唔大  

QUEENIE54

Hi LeeBikChun,

真係好多謝你和csw 給我的心得, 依你們的資料, 馬基的教學方式真係我想要的. 我好驚囡囡入到一d只懂催高成績的學校, 小朋友會變得討厭返學, 其實在小學黎講, 最重要係打好基礎, 令佢地有讀書的興趣, 咁佢地會在高年級些的時候自自然然發力.
我星期六會去馬基外圍睇吓, 希望可以更進一步瞭解呢間學校.

若我有進一步的問題, 希望你地會繼續比意見我... Thanks,,,  

CSW

QUEENIE54,

第一輪入校的機會應該有7-8成吧...我想他們學校近年的名聲也愈來愈好, 可能會多了人報。我上年也認識有住馬灣村的家長報第一輪落空了, 要到第二輪才入到。當然, 石鐘山、浸聯等也是很好的學校, 其實荃灣62網算是個不錯的網, 當中很多所學校都好好, 所以也像leebikchun所講, 要看看你自己和小孩的要求是否該學校所能給予的, 另外, 距離和交通也要留意。像我的小孩, 現在只需7:20am起床, 也可輕鬆地乘坐8:10am的校車回校, 比起要六點多起床的小朋友, 那的確是很舒服。而回家的時間是4:20pm, 星期五更放早45分鐘, 3:25pm便可回到家。

另外, 有一樣要留意的是小朋友的學習情況, 如果他本身就讀的幼稚園不是很谷的那種, 當他去到一些很傳統形的學校時, 會相當辛苦, 例如很快便要求背書或默書, 相信你在某些forum中已可見到有這情況。但, 有些小朋友又的確可以manage得到, 適合該種學習方法, 所以選校確是不能別人說哪家好, 便去哪家, 因小孩子個個不一樣, 他們的家長期望也不一。希望幫到你啦。