觀塘band2

nganc9

ivan&yoyo:

係呀, 慳好多呀.

nganc9

ivan&yoyo :

其實如果負擔得到應該買新書.

KYU

ivan&yoyo
記住再check pm.

nganc9

ivan&yoyo :

我仔好接受, 佢之前都話過如果考唔到匯基, 福建中文班都照讀. 所以佢都費事理, 琴日己經跟咗大伯一家去camp, 聽日先返.

同埋我諗福建真係要有band1水準先可以入英文班, 好似我仔間學校有5個派咗福建, 只有讀精英班的一個入英文班, 其如讀普通班的四個就入晒中文班.

我計過英文班有108人而中文班有106人, 咁係咪每班36-38人呢? 咁唧係有6班中一囉?

rclamlam

nganc9,

咪好囉, 入到第一志願, 我同事個仔唔係呢間呀, 今年入唔到英文班唔緊要啦, 可能升中二時可以入呢, 我女學校無分英文定中文班架, 不過有精英班.
多謝你, 我都一樣要恭喜你, 我唔係官塘區架, 係葵青區伍若瑜, 唔知你知唔知.

nganc9

rclamlam:

葵青區伍若瑜我唔識, 不過睇番Ｄ資料應該係band1學校.     

rclamlam

nganc9,

都算係band 1學校, 只不過係中中來, 因為博英中我怕入唔到, 而且呢間中學校風好好架, 又近婆婆屋企, 我會好放心.

nganc9

rclamlam:

不要被中中一定差過英中嘅觀念困住, 學到嘢讀得開心才是最重要.

nganc9

ivan&yoyo :

吓! 唔係掛! 兩班半? 其中一班一半中一半英?

rclamlam

nganc9,

我唔會因為中中覺得學唔到野, 只係阿女既成績應該可以入到英中姐, 我唔擔心佢讀唔掂, 只係擔心佢中四時轉英文會有困難, 最重要係佢明白老師講咩, 理解同分析力提高姐.

vivi_vivi

nganc9 & ivan&yoyo,

記住留番d 書呀, 可能出年我囝囝用得着呢?

我想問妳哋知唔知西貢區與觀塘區啲band 1 分數 (呈分) 會差幾遠呀? 我想睇下佢哋誇網過黎要追幾多分呀?
咁如果觀塘區同深水埗區比, 邊區啲分係高d 架?

vivi_vivi

ivan&yoyo,

其實我知我細囝既就應該係band 2 架喇, 就自去到邊區都應該唔會跌band 既.

問題就係個大囝囉, 睇佢而家啲成績, 如果佢仲係保持既話, 可能都係band 1 中至尾囉, 但係如果由西貢區誇過觀塘或者深水埗區, 咁我就驚佢會跌band 囉, 到時揀學校都會頭痛d 架....

好似nganc9 講過話觀塘區要平均分囉A 先至係band 1, 我大囝都係B 咋, 咁點算呢?????

vivi_vivi

ivan&yoyo,

我唔會揀西貢區, 一來競爭大, 而來得好少band 1 中學.
我會誇網, 正在考慮觀塘定深水埗

nganc9

vivi_vivi:

以我仔間咁普通嘅學校, 要3A1B才是band1, 我仔2A2B已經係band2啦, 因佢學校得1/3band1位.
不過你兩個仔仔出年要計埋今年7.18個編班試成績, 學校banding位會有改变. 所以選校要穩陣Ｄ, 不要太博. 如果我係你, 大仔唔轉網, 自行同统一會選景嶺, 再報幾間直資; 細仔就轉官塘網博入band2頭嘅中學, 如聖若瑟、羅陳楚思, 及再報幾間直資. 深水埗網唔熟不敢給你意見. 不過始於要睇埋佢哋第二次呈分試才决定.

nganc9

rclamlam :

如果你覺得女女有能力讀英中, 咁叫女女比心機讀好中一, 升中二時試下插班讀英中.