取消中小學考試名次制度

Radiomama

beastiebistro 發表於 22-11-3 21:13
其實都係因為我衰多口搭嗲先搞到有咁多版啫。不過，我真係唔同意又唯有出下聲。教仔方法有好多種，有啲人 ...

你所講的情況，有共鳴。

我認識一些朋友的孩子讀這些公認好的本地學校（男校、女校和男女校），都係從小學就開始，但到中學「散」咗，明明細個好精靈、好有表現，但到中學都係唔知自己可以點；成績去唔到最高果班、運動又只係有興趣玩但唔係好有成績，作為中游份子，連理想夢想都冇埋。

有些朋友會以轉校去解決，他們説解除名校光環後，孩子搵返「自信」。

stillgood20

Radiomama 發表於 22-11-4 07:05
你所講的情況，有共鳴。

我認識一些朋友的孩子讀這些公認好的本地學校（男校、女校和男女校），都係從小 ...

莫說名校．
就算普通較優質學校．同學要爭精英班．要爭名次．要爭成績．
產生不少由家長．學校．學習上的壓力．

shadeslayer

Radiomama 發表於 22-11-4 07:05
你所講的情況，有共鳴。

我認識一些朋友的孩子讀這些公認好的本地學校（男校、女校和男女校），都係從小 ...

呢個就係孩子有大多人在他們身上放上沈重的期望。家長，老師，親朋戚友，姨媽姑姐等等。同時間由細到大學業上行為上唔比佢哋犯錯，只要專注學業。

名校更甚。咁樣細佬中學畢業都係為別人期望而讀書，唔能搵出自已興趣與能力。

所以我上面說睇開啲，期望自然無咁高。

shadeslayer

Yanamami 發表於 22-11-3 22:37
Upbring呢個可能係我家唔合用了。同一個阿媽生，資源一樣，但大細Y兩個就好唔同。大果個傻更更，從小到大屬 ...

成長呢樣野係包括所有生活環境人和物。係大女定細女已經唔同。

ABC-DAD

shadeslayer 發表於 22-11-4 08:36
本帖最後由 shadeslayer 於 22-11-4 08:37 編輯

呢個就係孩子有大多人在他們身上放上沈重的期望。家長 ...

咁似乎係兩代人定位上出左問題，忽略左小朋友自身嘅亮點，唔係學校或者身邊人期望太沉重，係㨂錯跑道，鬥志同信心無適合嘅回饋去助燃，慢慢就躺平左。
要發展嘅係自我形象，同自我認知，唔係學業成績。

太過敏感嘅選校攻略，我就唔講啦，本身基礎好，定意成功轉平台，重現光芒嘅真係大不乏人。

stillgood20

ABC-DAD 發表於 22-11-4 08:56
咁似乎係兩代人定位上出左問題，忽略左小朋友自身嘅亮點，唔係學校或者身邊人期望太沉重，係㨂錯跑道，鬥志 ...

我有一個口頭禅:
食得落就食．
食唔落唔好食．

e個食野(讀書,學習,工作,生活…)如是．

勉強,成為持久性行為．
無好處．

beastiebistro

Radiomama 發表於 22-11-4 07:05
你所講的情況，有共鳴。

我認識一些朋友的孩子讀這些公認好的本地學校（男校、女校和男女校），都係從小 ...

係㗎係㗎，所以我先會有我嘅睇法，正係shadeslayer兄所謂嘅唔同體驗引致唔同睇法。

一般香港家長以為考入咗傳統Band 1A名校，小朋友就掂晒從此平步青雲喇。但係其實講真，可能都有三份一人係讀唔到書，部分大學都入唔到，部分係求其入間求其搵科讀吓。呢啲如果從來冇入過嚟，或者去咗職業先修，或者去咗做職業運動員對佢哋長遠發展會更好。

另外中間嗰三分一就有你講嘅「高不成低不就」，左又唔係右又唔得個種心態。可能轉校會幫到，但係中五summer同我傾mentorship，仲邊有時間轉呢？呢啲就係我話明明冇能力冇方向，初中幫佢轉走，佢仲可能有得救。去到我同佢哋傾嘅時候，已經死局。唔排除極少部分會可能最後發力，但係大部分就係唔知想點，求求其其算數。

就算比較叻嘅都有部分有問題。人人都爭入精英班（先得嗰一班）一定要讀M2，入咗跟住半班都drop M2，咩玩法呢？咪就係讀精英班威啲囉，其實根本就唔係想讀M2（或者有啲根本未必讀得嚟），咁做咩唔好好哋去普通班呢？

每年mentorship programme搵我報跟醫生嘅可能有三十人，報得嘅成績都係比較好㗎喇，結果真係考入醫學院嘅十個都唔夠（有時一隻手數晒）。咁點叫我接受50%人有能力讀醫呢？5％都俾多咗喇。事實上就係唔係人人都有能力讀醫囉，就係有人會「覺得」自己有能力，或者好「想」（或者老竇老母好「想」），但係就係唔夠囉。因為人唔係無限可能，人天生係有能力上嘅分別囉。咁當然如果港大／中大降低入學門檻，或者去外國某啲入學門檻比較低嘅學校，少部分可能都讀到醫㗎。但係咁變咗搬龍門囉。

貼返題，其實我覺得唔單止唔應該取消考試排名，我認為反而應該要學返外國行完全精英制，每科都有streaming。即係科科都分set，嗰科能力高就讀高啲set，能力低就讀低啲set。每term考一次試，考得好可以升set，考得差降set。最後高set嘅同學考難啲嘅公開試，可以入強啲嘅大學讀強啲嘅科。低set嘅同學考易啲嘅公開試，入啲職業先修學校，學吓手藝。因為係continuous streaming，任何人都有機會翻盤升set，但係就要keep住不停考試assess。唔得嘅同學因為都知到條路點走，就可以冇咁徬徨。不過呢樣要超多資源（無論軟硬件），亦繼續會被升唔到set嘅家長話唔公平，所以都冇計。

最後兜返少少底。雖然傳統Band 1名校都唔代表一定讀得書，不過兄弟情，隔代師兄照顧師弟嘅傳統一定比普通學校強好多。所以都有值得讀嘅因素，唔係間間學校都做到。

又大放厥詞咗一輪，多謝收睇。

cow

stillgood20 發表於 22-11-4 09:08
我有一個口頭禅:
食得落就食．
食唔落唔好食．

小心用詞

ABC-DAD

stillgood20 發表於 22-11-4 09:08
我有一個口頭禅:
食得落就食．
食唔落唔好食．

正適合從商嘅你。

cow

stillgood20 發表於 22-11-4 08:27
莫說名校．
就算普通較優質學校．同學要爭精英班．要爭名次．要爭成績．
產生不少由家長．學校．學習上的壓 ...

我讀過兩間小學, 每級有5班. 我一向全級考廿幾, 小五時轉了校, 覺得啲同學成績比較差, 收到成績表後才知新校有精英班 (舊校沒有), 最後以全班第一, 全級25, 入了精英班, 小六期考全級16. 比我揀我會揀沒有精英班的.

cow

beastiebistro 發表於 22-11-4 09:18
就算比較叻嘅都有部分有問題。人人都爭入精英班（先得嗰一班）一定要讀M2，入咗跟住半班都drop M2，咩玩法呢？咪就係讀精英班威啲囉，其實根本就唔係想讀M2（或者有啲根本未必讀得嚟），咁做咩唔好好哋去普通班呢？

有幾多係自願Drop科? 點解要高分先可讀M1/M2?

我仔女中四都有讀M1, 兩個都曾被勸退讀M1. 因他們想繼續讀, 我寫信後他們可不用drop科. 之後阿女自己吾讀.

我一直話DSE對基層吾公平. 小兒DSE 中英文 PG 1,3 結果係 2,4; M1 PG 2, 結果係 3. 中五署假開始自修IAL, Maths A, 入CityU 讀佐 LLB 一年 (之後無讀)

如果佢無得揀, 只讀DSE, 香港一定讀吾到大學, 亦吾會有UCL嘅CO

如果無我這樣的家長, 小兒drop了M1, IAL Maths 亦難考到 A. 當時他只是比封drop M1信叫我簽名.

ABC-DAD

本來職業導向應該係教育要帶畀學生嘅認知課題，係獨立成年人嘅最終出路，人人都要為自己同社會而去工作，但係本地普遍嘅焦點就在能升上大學，或完成高中就投入社會工作。

社會要嘅咩人才呢？政府嘅人力統籌工作做得太少，工能組別嘅目標變左選特首，大佬，向學生家長介紹多啲自己嘅專業發展，想辦法提升自己界別人員嘅素質，未來發展方向先係可持續嘅發展。
Mentor schemes 或多或少都值得全面推廣，現時就係一個起步，如果可以攪到好似書展咁嘅規模，相信未來香港嘅教育會有一個新嘅面貌。

beastiebistro

cow 發表於 22-11-4 09:56
有幾多係自願Drop科? 點解要高分先可讀M1/M2?

我仔女中四都有讀M1, 兩個都曾被勸告drop M1. 因他們想繼續 ...

Sorry，校政嘅嘢我無權過問喎。我「估」都係認為考試成績最好嗰啲先讀得掂M2（calculus）啩，M1（stat）反而冇乜入讀條件。但係學校基本上係唔會叫學生drop科嘅（因為已經係精英班），所以drop嘅全部係自主。

我衷心恭喜你兒子呀，but as I said，for every success story，there're so many more failures... 而我估嗰9成嘅failure嘅家長都唔會有心機時間上嚟EK吹水啦。上得嚟，梗係某程度上有啲success嘅朋友。

beastiebistro

ABC-DAD 發表於 22-11-4 10:05
本來職業導向應該係教育要帶畀學生嘅認知課題，係獨立成年人嘅最終出路，人人都要為自己同社會而去工作，但 ...

我好努力㗎喇。我敢講我哋個programme算係中學之間規模最大㗎喇，不過都係杯水車薪。而且career development唔係淨係高中做吓mentorship，其實由初中開始要定期俾小朋友接觸唔同範疇㗎喇。但係資源，時間都嚴重唔夠（尤其係津校）。家長又唔多會做，一味就係醫師律師會計師...

shadeslayer

cow 發表於 22-11-4 09:56
有幾多係自願Drop科? 點解要高分先可讀M1/M2?

我仔女中四都有讀M1, 兩個都曾被勸退讀M1. 因他們想繼續讀 ...

佢唔讀DSE，後來讀乜？

ABC-DAD

beastiebistro 發表於 22-11-4 10:13
我好努力㗎喇。我敢講我哋個programme算係中學之間規模最大㗎喇，不過都係杯水車薪。而且career de ...

你地有歴史根基嘅先攪到，一般津校靠學校自己做一定吃力不討好，就算傳統名校，都重一定係某些專業範疇先會有人參與，其實好多行業都有唔錯嘅發展機會畀中游嘅同學，裝修、汔車維修-都係工程界、只係大多畀人負面印象啫，如何經營網路生意己經係一個吸引人嘅課題。

shadeslayer

beastiebistro 發表於 22-11-4 10:08
Sorry，校政嘅嘢我無權過問喎。我「估」都係認為考試成績最好嗰啲先讀得掂M2（calculus）啩，M1（stat）反 ...

The mentality of : I as the school know better than you as a student /parent in choosing subjects.

選科都要爭，在本地學校好普遍。我覺得唔係由學生自由選擇，就唔係咁好，唔係為孩子，可能為學額，管理方便，成績好的考慮

cow

shadeslayer 發表於 22-11-4 10:34
佢唔讀DSE，後來讀乜？

有考DSE, 同時自修IAL. drop CityU 後去荷蘭讀 Economics. 有關數學嘅科相對特別高分 (一個被勸退讀M1的).

Yanamami

shadeslayer 發表於 22-11-4 08:36
本帖最後由 shadeslayer 於 22-11-4 08:37 編輯

呢個就係孩子有大多人在他們身上放上沈重的期望。家長 ...

咦？我係女好細時已教佢比，書你係為自己讀，唔係為我，去咩比賽都係你為自己而戰。我衹係個阿四，係側邊幫你咋。

Radiomama

beastiebistro 發表於 22-11-4 09:18
係㗎係㗎，所以我先會有我嘅睇法，正係shadeslayer兄所謂嘅唔同體驗引致唔同睇法。

一般香港家長以為考入 ...

Brotherhood 呢樣野真係好得意。

阿仔在一間學校讀左13年，跟佢一齊玩嘅同學真係好friend，不過又好似唔同你所講嘅兄弟情。

入到美國嘅大學，佢哋有種學生組織叫Fraternity / Sorority, 以希臘文為名稱，加入組織要經過一定儀式/程序，過關嘅話，就會收到正式邀請函確認；阿仔話，以前這種組織就是用來管理學生，師兄師姐帶領師弟師妹、兄友弟恭、關懷世界。不過依家變咗一種身份象徵，有一些更會是白人至上。他對這不以為意，一來每年會費勁貴，所謂聚會都係飲酒吃喝party, 免費招待女生。更甚是freshman要接受被「整」的挑戰，阿仔覺得不合理，所以不會參加。

然而，美國家長趨之若鶩，孩子成功加入frat, 會在FB放閃。