香港基督教服務處大坑東幼兒園 - PART II

lilychan

Coral:
真道位於調景嶺，是一間直資小學。

Carol

lilychan : 嘩咁遠!咁你小朋友係咪讀緊大坑東幼兒園?

雯雯

我都聽過,我仔仔最friend果個同學仔既媽咪都計劃日後讀真道,但對我來說太遠了,而旦我個仔果樣比較斯文,傳統既學校好似岩D!

Sally21

你0地真是一個心思細密的媽咪，我就未有咁長遠的計劃，而且而家都無咁多人生仔，都無人同你爭學校啦！最緊要而家既學校好，小朋友讀得開心，能適應群體生活。
不過雯雯，我有小小的經驗同你分享，我網友個仔都好斯文，以前讀培正(都好難先入到)，於是讀緊幼兒園都轉校，不過後來又轉返同一間幼兒園，一來個仔喊啦，二來老師既教學死板又沉悶(老師都年紀都....)，返到屋企無以前讀幼兒園咁開朗，真係過份斯文喎！
相信民生亦差不多啦！我就認為活動教學好D！

法子

以我0既經驗...........老師年紀同教學死板唔多唔小有關係.

我都已經留意住我心目中0既小學,我自已唔中意太活動0既學校;不過亦唔需要太傳統.
校風/教學理念是首要選擇.小朋友讀得上;讀得開心就係好學校.
我自已唔中意陪小姐讀書又冇時間睇住佢...
中西區/慈雲山區/觀塘區都有我心水學校,頭痛緊揀邊區好.

Kammy

唉, 阿囝都考到培正呀, 我而家仲喺 15 16....

14號前就要決定了！ (大坑東要交留位費lar)

順便一提, 明晚 (9/6) 真道小學有答問會喎！

lilychan

我家姐個仔之前都入了培正，佢仔仔好斯文，不過成半年都未適應，而且又唔太跟老師，唔知係唔係好似法子話d老師.....，而且教學好傳統，所以.......，因此佢地專登考入後都轉校，所以轉校都要考慮清楚，浪費學費及校服文具事少，影響仔女就唔好啦!

Sally21

其實我之前都有大包圍九龍塘區幼稚園及幼兒園，民生好難入咩，唔通我個囡係天才？培正又收、民生又收、耀中都收啦！我覺得有錢就間間都收，不過老公話唔係貴就好喎，民生通知我今個禮拜六參加資深學前幼兒服務者坐談會，佢話咁咪即係搵D老師講0野，一D都唔重視同專業，呢度攪既講座又有醫生，又有社工，仲之就係專業人士啦！

lilychan

SALLY:
(9/6) 真道小學有答問會喎！你去唔去???CHECK PM

雯雯

Sally21

甘你女女真係好叻女,甘多學校都收佢,佢一定係人見人愛la.

你女女依家讀邊班?

oscarmummy

Sally21,

聽到你咁講我都好擔心我仔仔唔適應, 因為佢而家讀梗大坑東N2, 今年9月就轉讀民生, 我怕佢會唔適應轉校, 所以已經經常同佢傾就讀民生既事, 初初佢話要讀番大坑東架, 又話D先生唔捨得佢走. 終於經我一輪講解之後, 佢就話想讀民生, 但都怕佢會唔適應, 所以大坑東返到7月尾就唔返, 8月就同佢去旅行及報讀暑期班課程, 希望佢慢慢適應轉換環境啦!!!
其實民生一D都唔難考, 面試時仲簡單過大坑東.

lilychan

Sally

好奇怪，以前民生、培正在這個時間都已收滿生，重好鬼死高鬥話唔收，大把WAITING LIST，但這幾年就不斷有位，舊年我個小朋友都考到，不過去左大坑東個新生家長會，覺得老師同主任都比民生專業，所以都係唔讀，但唔知係唔係我地d家長比以前叻，著重小朋友多方面發展，唔鍾意死板學習，所以收唔到生呢???

Sally21

雯雯：
我囡囡未讀書，今年八月加入大坑東幼兒園的大家庭，原本可以和你0地成為校友，但你0地又話轉校，難道真的為了「名牌效應」和所謂一條龍而放棄一間咁有質素既學校咩？唔通「創意學校」就無出色既學生咩？

雯雯

Sally21

我並沒有說過"創意學校"就無出色.

我仔仔係2000年千禧龍年出世,出生率又係近幾年之冠,我仔仔又沒有你女女咁人見人愛,大把學校爭著收佢,對我來說,我又沒有抽獎命,依家民生肯收佢,而又有85%可以入讀佢間小學,我覺得巳經好難得.

或者因為你個女咁叻,你又點會擔心.你又點會明白我這個平庸既媽咪D憂慮

祝你女女在大坑東讀得開心,更有創意,將來成為女狀元.

lilychan

雯雯:

其實你唔駛咁擔心升小學啦!我都知道作為媽媽好擔心小朋友將來，不過只是睇升小一，係唔夠全面，因為小朋友未來更重要喎。香港d大學生就係一直受傳統教學影響，唔識思考，所以唔單止語言差，思考力亦弱，所以.......。因此我很重視學校教學方式，有無比小朋友思考機會，我唔想個小朋友大個左後，先後悔莫及。重有大坑東幼兒園很重視小朋友德育，上次重同d A班小朋友參加保護維港行動，我老公極欣賞，因為佢教書，佢D學生都無小朋友咁有主動性，所以佢成人都對大坑東讚不絕口。

Tammy

我作為 A 班家長有少少想同大家分享, 小朋友都有分很多類型, 有些比較動, 有些比較靜, 佢地係學習方面, 給收老師所教的野都因人而異.

大坑東比我的感覺係一間可以比到小朋友四年快樂的幼兒園生活.  係學術上佢地唔會太著重, 所以我係個女讀 C 班時已買一些補充作業佢做, (因為大家都知幼兒園同幼稚園的分別, 比得佢收去讀就預左), 係其他方面都算幾好.  係創意教學方面, 佢地個 idea 係好好, 不過唔係個個小朋友都吸收到囉.

同埋我地係三年前已經決定唔會同個女考私校, 所以唔想佢入讀 d 比較出名"谷"的幼稚園先決定比佢讀大坑東, 同埋最主要係近我公司, 方便我接送.

雯雯, 民生都幾好架, 我有朋友個仔讀緊, 佢地唔會太谷小朋友, 你仔又靜, 我估佢都會好快適應新生活, 放心比佢讀啦.

Sally21

雯雯：
多謝您的讚賞，其實我0既囡囡都好平庸，不過幸福在呢個年代無咁多人同佢爭

AngelaKo

好開心呀，原來這裡有咁多大坑東的媽咪！其實我都有好多的疑問呀！因為我仔仔將會在8月入讀大坑東，我都好想知道多d有關大坑東的丈資料，例如：老師、教學上、適應等等.......你知啦，從各位媽咪口中得知的資料是最能我知學校的生活的。其實我d親戚個個都話要送個仔入名校，但我同我老公都唔想仔仔讀得咁辛苦呀！希望各位媽咪俾d意見啦！

horo

Angelako:
HI!見到有關大坑東幼兒園的討論區真的很驚訝，因為初初只想同小學家長交流。見到咁多人討論，都引唔往多口講下，因為我個仔仔已升讀小學了﹐而且重已經適應小學的生活，所以我已經鬆了些，希望可以同大家交流下。

Carol

horo : 咁你仔仔係咪讀大坑東幼兒園畢業,派左邊間小學,幾耐先適應小學生活和學習方式,請分享!