旺角基督教服務處雋匯幼兒學校

waiwaichu2003

Twins & fionkwok,

BAD NEWS - 我昨日返去都收到封信話我既申請已被reject,好似係收入方面超過限額咁上下原因la!

fionkwok,

急問下你阿囡d"底褲仔","裙","底衫","手巾仔"等會唔會縫label呀? 仲有,除左留係學校個對鞋外,著返去個對鞋駛唔駛縫label呀?

我開始發覺距離開學得番兩個禮拜時間,實在唔係好夠用,宜家晚晚一有時間就係咁縫label,全部衫褲被都"未"洗,洗完仲要熨,哎呀!救命呀!

YENCHAN,

怎樣呀? 係咪仲係度同老板 FIGHTING緊呀!我地會係網上支持你ga!
你老公條腰好番d未?
TAKE CARE!!!

fionkwok

waiwaichu2003,

我覺得社處都有d問題既, 又唔講清楚要年薪幾多至可以申請, 等人係唔係都去申請, 結果又係唔得, 不如一早講清楚, 如果知道唔得既, 就冇謂浪費我地咁多時間攪咁多野啦! 好似你地咁, 兩公婆做野, 起碼都2-3萬啦! 如果佢講明3萬樓下至可申請既, 如果自已真係多過既咪唔申請囖, 大家都做少d嗎! 呢d又係浪費資源! 咁我而家係得一個人做, 係咪都費事申請好呢?

d"底褲仔","裙"等我已經用筆寫咗名啦! 如果要全部用label根本就唔夠, 同埋我d手勢真係幾差, 縫到好肉   , 見到面你睇吓就知啦! 但底衫及手巾就縫label, 因為實在冇位寫啦! 同埋手巾如果用筆寫, 過曬底又唔好睇! 我估所有鞋都係有須要有小朋友個名既, 因為佢地返到學校就要換, 冇名老師點幫佢地認返d鞋著返屋企呢? 另外想問吓你個仔買咗幾多號鞋呀? 我叩朋友幫我買咗對nike 9 號, 唔知會唔會大呢? 因為仲未攞!

仲有, 有冇諗過d襪係縫label好定係寫名好呢?  

waiwaichu2003

fionkwok,

你講得啱呀!我老公同你講法一樣,所以佢未被reject前已經寫左一封建議及投訴信比有關部門la!

吓!你諗住連"襪"係縫label,唔係呱!!!
我老公昨日晚見到我又縫label,已經出晒聲問我有冇d比錢幫手車label既公司ga,我答佢"如果有就唔駛我晚晚縫la,你估我好得閒咩!"

我都唔記得阿囝幾號鞋喎,不過都冇關係la,你阿囡隻腳同我阿囝隻腳d size未必一樣,而且每隻牌子d size都有d出入,你快d去你朋友度攞對鞋同你阿囡試la,唔啱就要快d去換,記得著襪試同預鬆d呀!

waiwaichu2003

fionkwok,

"咁我而家係得一個人做, 係咪都費事申請好呢?"
我覺得你橫掂有時間,不妨打電話問齊所需資料包括供養父母等試下申請,可能bingo呢!

fionkwok

waiwaichu2003,

你老公咁"堅"既, 都未reject就諗住投訴啦! 係呀嗎, 好似你咁交齊文件都去咗兩3次, 如果一早知唔得就唔使浪費時間, 人力物力啦! 都唔知政府入面d人點做野既? 嘻嘻! 唔好意思, 你係咪公務員嚟架? 如果係, 講聲sorry先!     

你覺得"襪"唔使縫label呀? 好似都要帶對襪返去喎, 唔怕唔見咩? 我係驚寫會化啫!

我都覺得阿女返學前仲有好多野未做, 但有時"那"起手又唔知做邊d好, 真煩!

twins,

你又攪成點呀? 有冇過海做label呀? 仲有d咩未攪呀? 大家提醒吓啦!

waiwaichu2003

fionkwok,

我唔知使唔使縫labe係"襪"度呀,我淨係知可能要縫多樣野而頭疼咋!
話時話,我地會唔會患上"學前憂鬱症"!

fionkwok

waiwaichu2003,

我地真係有可能患上"學前憂鬱症"呀!  係我地緊張, 定個個媽咪都係咁呢?

Twins

waiwaichu2003,

e..e…我咪有兩日可以見到你law, 不過到時
唔知仲有冇時間傾下計lu~

至於學費減免我梗係唔係好高人工啦, 果日我老
公當場同社處d人講, 叫佢地而家睇下d資料我
地夠唔夠資格申請, 如果唔夠就唔好side大家d時
間, 所以個果人就幫我地即時計下, 就係咁樣咪知道
自己機會唔大law, 但係佢地話已幫我地開左file,
所以都要比資料佢地跟, 不過佢話到時會寄返封reject
信比我地, 但到現在仍未收到.
仲有果日社處都問左D問題, 唔知有冇問你呢?
(e.g: 邊個送囡囡返學 & 放學)

聽你咁講, 其實你囝囝已準備好介片lu 喎, 起碼佢識自己
上廁ma, 你真係比佢試試唔著片出街啦.

Fionkwok,
查實我係一共放日半假, 所以連兩日都冇, 係咪好失望呢?
其實我一路都冇諗住陪亞囡咁多日架, 你地都知平日都唔會
係我帶佢返學, 所以我想佢習慣由送返學既人陪.

學費減免果樹我都好想知reject d mud, 現在等梗封信, 不過
我諗多數都係收入方面架啦~
其實我估你都未必合資格申請, 雖然你屋企得老公搵$, 但有你
照顧小朋友, 所以都未必得.

我囡都有對nike係7號, 但今年都唔會o岩著, 我估最快要明
年, 因都幾大下. 所以你個隻9號會唔會勁大呢?



嘩……你兩個已經比我叻好多啦, 做左咁多野, 我今個星期
六先會帶囡囡去打針, 仲要幫佢買鞋, 搵公仔縫被, 連name
label都未買, 點算呀~~~~天呀~~~~
我只係洗左d校服 & 被, 諗諗下都仲未同囡囡影學生相架.
唔知你地影左未呢?
Mud學校有話要帶襪咩? 自己著住左一對喎, 仲要拎???

fionkwok

twins,

mud第日唔係你自己揍返學架? 咁係邊個揍呀? 咁第日咪好難見到你囖? 咁你而家唔係日日接個女返屋企架? 咁會唔會好少時間見佢呀 ?

死啦! 7號鞋都大呀? 咁我對9號實著唔到都得啦!

帶對襪係驚小朋友如果係學校賴尿都有得換囖!

waiwaichu2003

Twins,

如果你明天去基教做bodycheck,順便可以過埋對面馬路間shop睇下d label啱唔啱心水,間shop係梗鋪黎,可以同你囡囡慢慢揀~

不過,如果你怕縫label,我見"自由報料"有個topic係group order燙印label,好似話$2/個,如果我唔係已經買左之前個d label,我都會買燙印果隻,唔使煩ma!

"襪"-開學需知果張紙好似係咁寫ga,可能驚susu時整濕對襪呱!

咦!乜要影學生相咩?要黎仲乜ga?

fionkwok

waiwaichu2003,

mud原來果度又有咩? 你使唔使再做多d label 呢? 你樣樣野都係縫label, 會唔會唔夠用呀? 我買咗3件底衫, 6條手巾仔都已經用咗9個啦! 仲有兩對鞋呢? 如果你連校服(2套), 運動衫(3套)及底褲仔都縫就唔夠啦! 唉! 除咗呢d, 仲有d mud野要有名架?

twins,

係囖! 影學生相來有乜用呀? 唔係已經交咗相俾學校咩?

waiwaichu2003

fionkwok,

所以我決定底衫褲"寫"名算la,想問下你買果d手巾仔係"方"定係"正方"形ga?
除左你講個d,我連外套都係縫埋label呀,lee樣都幾緊要ga!

fionkwok

waiwaichu2003,

我買果d手巾仔係"方"型架, 我諗唔使好大條呱?
學校件外套有位可以寫名架, 唔使縫都得架!
仲有呀! d校服你諗住熨架? 我冇諗過喎! 我自己d衫都冇熨啦!

fionkwok

yenchan,

成個星期冇見你啦! 公司d野攪成點呀? 真係冇得傾呀? 老公好d未呀? 個仔放暑假未呀? 唔好諗咁多住啦! 當同個仔放暑假玩吓先囖! 抽到時間就上嚟見吓我地, 唔得既我地都會為你祝福架!  good luck!!!

waiwaichu2003

fionkwok,

我知,但我驚阿囝唔認得自己個名,所以我都有縫係件外套度,因為個label我揀左佢最喜愛既thomas公仔,再加上佢晚晚睇住我縫佢d衫褲,相信佢d衫就算真係同人掉轉,佢自己都會認得返!

Twins

waiwaichu2003,

bodycheck之前已經叫婆婆帶左去做啦, 仲順便問埋有
冇水逗針打, 原來都有架, $400一支. 不過冇同佢打呀.
今日我地pg會係tst返, 所以到時我會去你話果樹look下.
真係唔該晒你! 如果到時我搵唔到發個輪比你得唔得呀?

哦...襪原來係開學需知已寫明架, 因果file唔係我樹,放左
係我媽子到, 所以唔知tim~ 好在有你地提我o者.

Twins

fionkwok,

e......mud你唔知平時我唔洗湊囡架? 以前我好似講過喎.
我住得遠ma, 所以囡囡就交比婆婆樹湊既,平時放假先至
係我自己湊返, 因此我唔係成日見到亞囡架.

我想問你買好返學個對波鞋未呀? 我去左好左度都冇囡
囡既size, 暫時只有Dr Kong有, 但我又想買有公子果d款喎!

waiwaichu2003

Twins,

其實我冇去過果度睇label架,不過,我上label's website睇到果豎有咋,你有時間既話,可以去睇番佢地個map!

仲有,最近d流感好"勁"下,我囝囝已經中左招,發左5日燒,睇左2次醫生la,所以如果冇乜特別就唔好去診所d地方la!

waiwaichu2003

Twins,

如果你想買有顏色公仔果d款,你不妨去harbourcity間magicxxx或jusco或uni睇下,好多女仔公仔款,都幾靚架!

Twins

waiwaichu2003,

點解我上網睇唔到話tst有店既?

而家你囝囝點呀? 好返晒未? 真陰公發左成5日燒.

其實波鞋係咪一定要買白色低架?