浸會大學附屬幼稚園,小學及中學(王錦輝中小學)

Allie

lypc,

你好呀!  我們保持聯絡啦!

我都係上星期去實地睇過, 我夜晚去, 見到好似起好哂咁, 咁係咪我睇錯呢?  但真係好大座架喎!  

你幾時收到通知架? 你係咪都係浸幼生呀?

Allie

ka媽,

其實我有野想問你, 我想問下你上來家長會有無講過除了學費外, 重會有咩費用呢?  書薄費? 課外活動費? 雜費? 校車費?.... 想有個預算呀!

另, 我想問你, 浸幼有無教phonics架?  要唔要默書架? 我聽過浸小話英文由phonics教起, 咁係咪而家唔使學住呢?  我怕佢套phonics同出面學的不同會引起confusion呀!

ka媽

我每隔2-3天就會乘馬鐵出九龍, 一直都有留意浸小的建造進度, 將近完工的那一座係浸大的國際課程進修大樓, 右邊剛做好樁柱的係小學, 一層都未起, 偏左的中學位置好似連樁都未有, 我睇應該夠位起運動場, 不過場面就沒有浸小綱頁所見的宏偉浩大.  
校長一直冇提過書簿費, 校車費及雜費, 不過書就係老師負責編印教材, 可能唔使買書?? 課外活動如指興趣班就免費, 而且熱門冷門都一一有齊. 好似浸幼咁, 月費$3100, 其他沒有任何雜費, 連每日茶點小食都任由家長自定讓小朋友帶回校的.
我去浸幼觀課, 佢地的英文及普通話堂都係一些淺易的日常用語, 學生們又多是聽, 然後要回答提問, 不著重寫字, 至於音標就唔見有教, 默書? 浸幼唔使, 浸小唔知呢? 每月一次都可接受, 我估....英文音標邊度教都會係果個讀音啫, 照計唔會有好大差異呱??

rinapang

各位好,近來都沒有新消息,看見有關於校舍話題,都來傾傾!
現在我與朋友傾開囝囝小學問題,好都家長都說未有校舍擔不擔心?其實我都預佐明年實未起好, 到時校方一定會有安排,最少都有大學校舍呀!,小朋友返學,校舍係點對於他們不是重要,最重要是同學好,老師好,大家開開心心返學,係邊都一樣!
其實我最擔心係學校說教材由老師負責,不用買課本,但我有些做教師的朋友說直資學校教師壓力大,要編教材,要安排課外活動,又要多與學生及家長溝通(作為家長我當然覺得好),所以老師流失量高,到時學校空有理想也沒有人去連貫實行...等等,不過太多問題也擔心不來,到時才算!

Allie

ka 媽,

多謝你的資料!  如果課外活動真係不用收費就真是太好了!  因我知就算津貼學校都有好多課外活動係要自費的.

我個女而家間幼稚園是活動教學, 而學術方面是比較淺, 所以好擔心佢上小一的適應問題.  不過聽你咁講浸幼都不是太深, 我就放心一點了!  我覺得小學要默書都不是大問題, 不過要由淺入深囉!

Allie

rinapang,

我都覺得校舍唔係大問題, 浸大一定有地方比佢地上堂的.  我亦唔擔心佢地的自編課程, 因浸大的教育系都幾出名, 相信佢地做教材一d 困難都無.

反而我就擔心老師質素問題.  因而家都未開始請教師, 咩都未有!  而且而家咁多直資學校, 好的老師一定好多人爭, 浸小點可以請到一班高質素的老師呢?

kae

Bob&Wendy 寫道:
Allie,

今年開始K1及K2小朋友開始學phonics(my son is now studying in K2 but the school doesn't have phoics lesson last year).  唔知K3有冇學?

今年佢地有3個英文老師, 英文堂增至一星期3堂, 所以有資源/時間開始卦 :

我淨係知今年英文有phonics學，但我地k1仔都係1星期1堂，原來k2巳改了一星期3堂啦，咁又幾好噃。

Allie

bob&wendy,

thanks!

增加phonics堂, 唔知係咪配合番浸小呢?   因浸小講明用phonics教英文的.

原來你小朋友係浸幼k2, 而kae係浸幼k1.  你地覺得浸幼點呀?  聽聞今年多左好多人, 遲d 浸小可能只係收浸幼生了!

Bob&Wendy 寫道:
Allie,

今年開始K1及K2小朋友開始學phonics(my son is now studying in K2 but the school doesn't have phoics lesson last year).  唔知K3有冇學?

今年佢地有3個英文老師, 英文堂增至一星期3堂, 所以有資源/時間開始卦 :

kae

Allie

遲d可能只會浸幼生?? 梗係唔會啦，到3年後都唔知會改成點，又可能學校穩定左會因應學生人數而加班呢。

今年係多左好多人報呀，相信跟住呢1,2年都會好多報，淨係身邊d朋友今年都叫我幫佢地law form，但其實佢地認唔認同學校0既理念我就不得而知啦，我都好慶幸囡囡入到去讀，都係佢自己好運姐，不過都要睇下年k2就會知多唔多人退學，因每年都有部份家長覺得學校課程未乎合佢地要求而退學架。

3堂英文的改動我諗都有些因數是配合番浸小，但其實本身浸幼1星期一堂的英文事實上又係少左d0既，而家改動左咪幾好law。

ka媽

浸幼今年未有安排家長觀課, 所以其實可能k3有phonics學我唔知, 但我睇學校的"下高甲"時間表, 好似都係只有一星期一堂英文(Wed), 另外在星期二一個下午有2堂英文唔知係咪與k2下午班一起上呢? 因為圖註:(低甲), 又可能係英文唱遊班, 因為我女在家多了唱英文歌.

浸小的教師問題, 其實可能浸大自己會有"貨源", 分分鐘好平人工o添. 到時找個資力深厚d的老師1拖3, 老師班底就此成形, 其實採用新入行的老師都有個好處, 就係一般都對工作充滿熱誠o羅.  

浸小課外活動, 採用校長的講話:"...好多家長在小朋友放學後馬上又馬不停蹄趕住上興趣班, 我覺得他們太辛苦啦, 而且也要花好多錢, 如果入讀浸小, 他們這些都可免了, 因為校內會有好多興趣班的選擇, 而且係免費, 希望小朋友放學後放下書包就真係可以輕鬆一下..."

JanWong

Allie 寫道:
ka媽,

其實我有野想問你, 我想問下你上來家長會有無講過除了學費外, 重會有咩費用呢?  書薄費? 課外活動費? 雜費? 校車費?.... 想有個預算呀!

另, 我想問你, 浸幼有無教phonics架?  要唔要默書架? 我聽過浸小話英文由phonics教起, 咁係咪而家唔使學住呢?  我怕佢套phonics同出面學的不同會引起confusion呀!

I really don't understand when people have so many questions about 浸幼 and 浸小, why not send an e-mail to the school for more information.  No one can speak for the school here.  Too much guessing!  One should have more faith on the school and not making comments on it when nothing's being processed as yet.   

ka媽

我今天打電話給浸小, 我話:"...希望校舍女廁有踎廁, 雖然唔知校方的圖則可能都會有此安排, 但如果冇, 請校長可以明白做媽媽的憂慮, 考慮接受我的見意, ...", 接電話的Miss Wong同冼小姐一樣咁nice, 佢話學校會參考其他學校的校舍設施, 不過唔知係唔係一定有, 佢話會向校長轉告.

另外, 如校服的方面希望選用d實用容易打理的質地及款式, 以免增加家長處理校服的時間, 雖然這些都係小問題, 但卻係要面對的實際問題.

浸小話在10月底或11月左右會安排家長可再次與校長對話.

Allie

janwong,

多謝你意見.  在於我, 我當然希望從所有途徑來收集小學的消息.   而其中一個途徑就是網上, 而網上其中一個channel就是bk了! 這也是FORUM的生存價值吧! 就好似你看嬰兒醫護的問題, 難道他們不知道最直接是問醫生嗎?  但她們就是想聽聽其他人的意見及經驗吧 !

無論如何, 多謝你的提點!

Allie

ka媽,

今日上浸小的網, 發覺多了一個叫家長問答區的網頁.  我即刻send了一個email讚他們重視溝通及反應快呢!

我覺得學校的資源真的不錯, 可能有浸大做後台吧!

不過當我知道只有中文科用中文教外, 其他用英語就有點失望.  雖然英文好重要, 但講難學, 中文真的比英文難學好多倍!  所以我其實是希望低小是多點中文, 到高小時才增加英文的.  不過可能要迎合家長吧, 現代的家長簡直把英文神化了.

ka媽

如果小朋友上學只用普通話以及英文, 都係好事, 社會上的人一直都將英文神化了, 這是事實, 我們只有接受現實啦, 其實香港人都常用中文, 但多數係用著一些有語病的中文, 我個人認為, 如果想學好中文的話, 最好都係從傳統正確的中文開始著手, 普通話出現語病的機會低d, 而且世界上講普通話的總人數係僅次於英文咋, 小朋友的適應力很強o架, 唔使太擔心, 我反而十分認同校方此做法.  

ka媽

其他科用中文教, 係指勞作, 美術, 體育, 公民教育?

judy001

I know that the school conducted another round interview today. Can anyone tell me why?