好激氣呀 之- Part I (完)

ruby2004

原文章由 jackie1986 於 08-3-27 19:40 發表
RUBY,如果真係熄總掣,怕唔怕佢嬲左你呀?
我舅父仔(其實都三十幾歲)試過打機打到三點幾,我婆婆嬲得滯熄左個總掣,
我舅父嬲左佢成個月呀 ...

呢個下下策 , 用既機會係零 , 我唔想做到咁激 , 昨晚數吓都有四樣未做 , (其中數學好多) , 佢依然都係果句 , 今日玩少d電腦 , 唉

ruby2004

[quote]原文章由 jackie1986 於 08-3-27 19:36 發表
其實我覺得..我自己曳過,
有時真係阻止唔到,
家長唔比佢做,唔等於佢唔做
即係家長唔准上網用電腦,佢大不了走去網吧玩
我老公做補習,都教過書,
接觸過好多呢d既學生,情況比你地仔女差
真係同爛泥無咩分別

我見c6同呢d學生溝通方法係:
常用佢地既語言(如:攪爛gap)
同埋留言佢地既喜好,
咁岩我老公(成三十歲人 )鐘意玩高達,玩模型,所以同d學生會有d共同話題
又有時借d漫畫比佢地睇~
可以做一個先朋友既角式,討好下佢
但有時又會哦下佢,同佢講下道理
難聽d講,真係一啖沙糖一啖X

~~~~~~~~~~~~~~~~~~~~~~~~~~~~~~~~
jackie1986 : 謝謝你的現身說法 , 很受用唷

究竟我是誰

原文章由 正46 於 08-3-28 08:45 發表
Jackie 你係依到講出0左好多小了友0既情況, 同心聲, 其實我地面對0既小朋友絕大多數只是曳, 不是壞! 回想一下自己咪一樣係依種環境長大, 依0家咪一樣係好人一個.
每個時代小朋友0既生活習慣都不同, 只要佢地不是真正 ...

正46, 講得好啱....
小朋友有時只係曳, 唔係壞.
但如果我哋處理得唔好,
到時真係會變壞.

所以同仔女溝通, 係好高深嘅學問....一起努力吧~

究竟我是誰

原文章由 ruby2004 於 08-2-29 12:43 發表
成日教亞囡(f.1)做人要有誠信 , 唔好講大話 , 已經比我篤穿左幾次 , 我都係語重心長咁勸佢、教佢 , 我唔鍾意佢放學帶同學返屋企 , 點知又比我發現佢有, 真係好激氣呀 .
親子都無用 口既 , 唔鬧唔打又點 ? 咪一樣唔 ...

其實佢知唔知點解妳唔比佢帶同學返屋企?

ruby2004

原文章由 究竟我是誰 於 08-3-28 11:44 發表



其實佢知唔知點解妳唔比佢帶同學返屋企?

我有講過 , 唔熟既人我唔想咁快就招呼入屋 ,(我d衰性格 ) 佢小學d同學仔都有黎架 , 中學真係好難同d家長熟絡 .
既然佢地(中學同學)都黎過 , 所以在這假期當中 , 亞女話同學想我地屋企做project, 我都無反對 , 好過亞女出去 , 兩者選其一 ,
我不斷咁調節緊自己

究竟我是誰

原文章由 ruby2004 於 08-3-28 12:59 發表





我有講過 , 唔熟既人我唔想咁快就招呼入屋 ,(我d衰性格 ) 佢小學d同學仔都有黎架 , 中學真係好難同d家長熟絡 .
既然佢地(中學同學)都黎過 , 所以在這假期當中 , 亞女話同學想我地屋企做project, 我都無 ...

慢慢嚟啦, 我都好火爆同專制嫁...
不過, 一担砂糖一担屎...罵完之後又會比番D甜頭佢哋
所以我哋D關係暫時都OK

ruby2004

原文章由 究竟我是誰 於 08-3-28 13:36 發表



慢慢嚟啦, 我都好火爆同專制嫁...
不過, 一担砂糖一担屎...罵完之後又會比番D甜頭佢哋
所以我哋D關係暫時都OK

我好怕佢地成日話去街 , 我話唔好去 , 一定問點解 , 解左又一定駁, 無論講乜都有得駁 ,好似非去不可咁 . 講真充分理由就係我唔想佢地咁細個成日去街 , 在佢地立場當然不成理由啦 , 所以都幾難處理

正46

      

原文章由 究竟我是誰 於 08-3-28 13:36 發表



慢慢嚟啦, 我都好火爆同專制嫁...
不過, 一担砂糖一担屎...罵完之後又會比番D甜頭佢哋
所以我哋D關係暫時都OK

ruby2004

原文章由 究竟我是誰 於 08-3-28 13:36 發表



慢慢嚟啦, 我都好火爆同專制嫁...
不過, 一担砂糖一担屎...罵完之後又會比番D甜頭佢哋
所以我哋D關係暫時都OK

但佢地只會記得啖屎咋

ruby2004

好文分享

青少年成長的轉變：踏入青春期的青少年在生理上和心理上都面對劇烈變化，身高體重迅速增加，第二性徵出現，同時心理上也逐漸過渡至成人階段，自主和獨立意識明顯增強，但同時亦常出現一些矛盾，如希望受到尊重卻對他人不予尊重；要求獨立自主但又不能獨立；渴求被理解卻不願意透露其情；性生理需要與道德約束等等。

社會急劇的變化：基於社會急劇變化，兩代人的經歷截然不同，以致對生活、工作、社會等問題的態度和觀點都會有所迥異，倘若家長未能以坦誠善意的態度與年輕一代溝通，而是力圖把自己的想法、觀念和標準強加給新一代，兩代之間的隔閡只會愈演愈烈。

權威性的家庭管治：作為華人家長，往往受到中國傳統思想影響，認為子女是自己養大的，家長擁有絕對的權威和尊嚴，子女必須聽話，否則會不講情由地責備，使子女感到難以接受；有的家長則仍會用管教孩童的方式來對待青少年子女，給予過多的呵護、過嚴的管束及指責，令子女厭煩並逐步形成反叛心理。

此外，家庭間缺乏了解和溝通，亦是製造無形鴻溝的因素，例如家長忙於工作，缺乏時間與孩子相處，又或只關心子女的衣食住行及學業成績，而忽略了解孩子的情緒及想法。

人與人之間存在代溝是十分自然的；然而，有「溝」沒有問題，只要能「通」就可以了。對青少年的想法及變化不單要靠觀察，還必須經常與他們溝通，才能了解和把握他們的心理。要拉近兩代之鴻溝，可參考以下幾種建議：

了解青少年的成長特徵：青少年的成長正處於自我認同、追求獨立自主的階段，看重朋友對自己的評價而非父母；喜歡批評、反抗權威傳統等特性，父母該對青少年這種成長特徵有所認識及體諒，尊重年輕人正在逐步成長為一位成年人。

平等對待 互相尊重：父母要明白世上沒有兩個人的價值觀念是會完全一致的，更何況親子兩代相差多年，若年輕人認為得不到尊重，事事受管束，有話不能說，久而久之便不想或不敢將自己的想法與父母交流。家長要放下架子，試?站在對方的立場，誠懇地傾聽他們的意見和感受，可以拉近彼此的距離，試?參與對方的生活，可以促進彼此的瞭解和尊重。

多讚賞 多鼓勵：許多家長習慣用批評和教訓的方式教導子女，忽略他們的優點。雖然目的是為了他們改善、進步，但往往會適得其反，導致他們喪失自信，變得自卑，甚至與父母形成拉鋸關係。

平常心看待代溝問題：青少年成長受社會次文化的影響深遠，他們喜歡聽一些流行曲、崇拜偶像，或者標奇立異，穿一些所謂追上潮流的奇裝異服。其實當青少年逐漸長大，思想慢慢成熟時，他們便不會再迷戀這些潮流，這只是一個過渡期，父母不需過於緊張。

減少干預：子女認為與父母間出現的溝通問題，很多都是具體地表現在日常生活中，例如穿衣打扮、作息時間及金錢運用等。這些外在行為，正是青少年受?次文化影響的特徵，父母不必過分擔憂與干涉，不妨用一種幽默的態度來欣賞青少年的此等行為。

有研究發現，親子關係良好、代溝小的家庭，他們子女的適應力一般較強；而子女的教育程度亦相對較高；自我形象的建立也相對較正面。因此，為減低代溝的負面影響，最重要的是家長子女間要多溝通、多了解、多接觸、多分享，使一家人相處得更融洽。

資料由新生精神康復會提供

[ 本文章最後由 ruby2004 於 08-4-9 10:16 編輯 ]

究竟我是誰

原文章由 ruby2004 於 08-4-3 09:35 發表





但佢地只會記得啖屎咋

唔好咁諗啦, 佢可能未識表達出嚟姐.

究竟我是誰

我囡囡今年九月升中一,
因佢成績差, 入梗BAND3學校,
只望佢能夠派間校風略好,
唔好學壞就謝天謝地,

佢其實都有好多好多缺點,
我成日都會因為咁而轟炸佢,
但冷靜過後, 我會將佢D優點放大, 咁我就會開心番哂

ruby2004

學童身體檢查唔去得唔得架  ???

jackie1986

其實呢個年紀好難話唔去街架喇~
不如你同佢傾下幾時返屋企(例如係食晚飯前)
但記住係傾,而唔係大人去set個時間

ruby2004

原文章由 jackie1986 於 08-4-7 19:24 發表
其實呢個年紀好難話唔去街架喇~
不如你同佢傾下幾時返屋企(例如係食晚飯前)
但記住係傾,而唔係大人去set個時間

而家遠憂係暑假期間 , 肯定會同同學出街 , 亦可能同佢best fd(鍾意去網吧)去 . 搵d乜班物班比佢去學 , 佢say no 亦無符 (超硬頸兼固執 , 就算比左$佢話都唔會去)

近憂重係掛住打機 , 我都唔明學校點解會無功課做 , 自從農曆年假過後,放學都無功課做 , 叫佢睇吓課外書啦 , 真係睬我都傻,
重要"唧"一聲講你話完未呀 .
學校應該要佢地寫讀書報告啦, 無謂浪費時間 , 我地叫又唔聽 ,
重不耐煩兼要黑面 .

究竟我是誰

原文章由 ruby2004 於 08-4-8 10:09 發表




而家遠憂係暑假期間 , 肯定會同同學出街 , 亦可能同佢best fd(鍾意去網吧)去 . 搵d乜班物班比佢去學 , 佢say no 亦無符 (超硬頸兼固執 , 就算比左$佢話都唔會去)

近憂重係掛住打機 , 我都唔明學校點 ...

佢哋已經唔係小學生,
我哋無可能再安排佢哋做呢樣做個樣,
我諗佢會覺得妳好專制, mud都話唔得, mud都要管,
久而久之, 就會有衝突/隔膜.
妳試調節一下自己, 作出小小讓步, 等佢覺得同妳仲有商量餘地,
然後慢慢改善關係.

另外, 妳post出嚟文章好好呀.

ruby2004

原文章由 究竟我是誰 於 08-4-8 15:15 發表
佢哋已經唔係小學生,
我哋無可能再安排佢哋做呢樣做個樣,
我諗佢會覺得妳好專制, mud都話唔得, mud都要管,
久而久之, 就會有衝突/隔膜.
妳試調節一下自己, 作出小小讓步, 等佢覺得同妳仲有商量餘地,
然後慢慢改善關係.

另外, 妳post出嚟文章好好呀.

我已經讓左好多喇 慢慢調節緊 , 見佢咁懶散 , 抵唔住頸至話兩句咋 . 佢進步少少我都贊佢(雖然距離好多).

以後看到好文章都會post出來與大家分享 ,做唔做得到就另計啦

silviang

原文章由 ruby2004 於 08-4-8 10:09 發表




而家遠憂係暑假期間 , 肯定會同同學出街 , 亦可能同佢best fd(鍾意去網吧)去 . 搵d乜班物班比佢去學 , 佢say no 亦無符 (超硬頸兼固執 , 就算比左$佢話都唔會去)

近憂重係掛住打機 , 我都唔明學校點 ...

你POST個篇文章好好, 要PRINT出嚟俾老公睇下先.

我都唔知這個暑假點同佢安排活動. 升唔升到班都唔知. 我之前同阿女講, 話暑假去台灣. 佢話好啊. 我話但係你呢兩個幾月要俾心機讀書. 升到班就可以去啦. 根住就話咁即係唔駛去啦. 佢已認為自己一定唔得, 真係俾佢激死. 我話你現在開始努力, 我相信一定得. (都係想用台灣嚟激勵佢) 然後佢上星期同我講, 上堂好專心, 冇傾計, 連老師都話佢乖喎, 不過佢唔知自己D3分鐘熱度可以維持幾耐. 唉! 佢有付出當然要即讚啦. 呢兩日終於肯的起心肝閉門苦讀. 祝佢成功. 無論結果係點, 都要讚佢曾經付出過既努力.

ruby2004

原文章由 silviang 於 08-4-9 09:50 發表
我都唔知這個暑假點同佢安排活動. 升唔升到班都唔知. 我之前同阿女講, 話暑假去台灣. 佢話好啊. 我話但係你呢兩個幾月要俾心機讀書. 升到班就可以去啦. 根住就話咁即係唔駛去啦. 佢已認為自己一定唔得, 真係俾佢激死. 我話你現在開始努力, 我相信一定得. (都係想用台灣嚟激勵佢) 然後佢上星期同我講, 上堂好專心, 冇傾計, 連老師都話佢乖喎, 不過佢唔知自己D3分鐘熱度可以維持幾耐. 唉! 佢有付出當然要即讚

哈哈 , 真係一模一樣 , 考呈分試時為左鼓勵佢考好d , 如全級30名內就會買NDS, 佢都係話咁即係唔駛買啦
你亞囡都乖 , 肯發力 , 抵贊

樂樂

今個暑假我想給亞仔去M記做parttime,
聽講15歲就可以做,
等佢捱下學下野,
不過唔知佢肯唔肯去.