鑽石山靈糧堂幼稚園家長分享

fostermak

呢個post已經石沉大海好耐,不如撈番上黎,睇下有冇其他家長,打個招呼先...

原帖由 fostermak 於 09-4-6 12:35 發表
miclau:
其實到四至六月,要訂校服交書簿費果陣,會陸續有家長放番d學位出黎,因為有d會hold住幾個學位響手慢慢揀,再等下啦...

BellDandy

請問你們有無坐校車返學? 請問如果住將軍澳，大概車程要幾耐??

fostermak

BellDany:
我地住響牛頭角,兩個小朋友都有搭校車,俾足兩程車費,但我選擇放學先搭,因為想朝早自己帶返學,睇佢地上早會,好難得今年佢地兩個讀同一間學校,下年又會分開...

你住將軍澳邊度?我見車表,都要好早上車,如果係
東港城--7:41am上車
清水灣半島---7:45
君傲灣---7:49
將軍澳中心---7:52
維景灣畔---7:56
城中駅---8am
但實際車程時間,要問下負責的司機叔叔或學校...

原帖由 BellDandy 於 09-9-5 23:01 發表
請問你們有無坐校車返學? 請問如果住將軍澳，大概車程要幾耐??

[ 本帖最後由 fostermak 於 09-9-6 16:10 編輯 ]

ILBC

I've applied for N1 next year to Nam Tin Ling Liang.  Thank you for your info, fostermak.
I like Diamond Hill LL more firstly.  As I live in TKO and Nam Tin LL will move to Laguna City in Nov, I've changed my mind.  The place is much bigger.  I hope the teachers there are as nice as those in Diamond Hill...  But the school fees are quite expensive $3200/month!
Any NET there?  How about the English level of LL's students?

原帖由 fostermak 於 6-9-2009 16:08 發表
BellDany:
我地住響牛頭角,兩個小朋友都有搭校車,俾足兩程車費,但我選擇放學先搭,因為想朝早自己帶返學,睇佢地上早會,好難得今年佢地兩個讀同一間學校,下年又會分開...

你住將軍澳邊度?我見車表,都要好早上車,如果 ...

[ 本帖最後由 ILBC 於 09-9-7 01:28 編輯 ]

tinbb

Fostermak:
你好呀...又係我啦....係<選校攻略>度問過你問題,好多謝你o既回覆呀...
我都會幫我囡囡申請藍田靈糧n1,因為只有得藍田呢間分校有n班,所以都好擔心囡囡入唔到...請問佢地有冇o的咩收生標準呢?本身唔係教徒,請問有影響嗎?

BellDandy

Fostermak,

Thank you for your information. Where did you find the schedule of the school bus??  I also want to read it. Thax!!

siumiso

原帖由 BellDandy 於 09-9-11 13:29 發表
Fostermak,

Thank you for your information. Where did you find the schedule of the school bus??  I also want to read it. Thax!!

Can you give me some info?
Thanks

fostermak

tinbb:
因為藍田靈糧o既n1係新開,我都唔知佢地o既收生標準,照計小朋友咁細個,去面試,個個都差唔多,你肯俾錢,應該都會收你個小朋友讀n1,同埋家長中有信徒,亦有唔係,應該影響不大...

BellDandy & siumiso :
你係咪靈糧家長?如果係,你可以登入
學校內聯網-->佈告版---->校車表(有上下午班上學及放學車表)
或
學校內聯網-->通告---->d0991開學通告內,即家長日派俾你果份好厚o既資料都有校車表

如果你未係靈糧家長,學校網頁冇顯示出黎,同埋每年o既入讀學生及編排車程以至乘車時間都唔同,有時預左係咁,但到實際又可以同校方或司機叔叔再斟酌...

原帖由 tinbb 於 09-9-7 11:12 發表
Fostermak:
你好呀...又係我啦....係度問過你問題,好多謝你o既回覆呀...
我都會幫我囡囡申請藍田靈糧n1,因為只有得藍田呢間分校有n班,所以都好擔心囡囡入唔到...請問佢地有冇o的咩收生標準呢?本身唔係教徒,請問有影 ...

BabyHilary

fostermak,

我都報左藍田靈糧PN, 請問靈糧校車費貴唔貴?
想預算下油塘去藍田一個地鐵站嘅距離大約要幾多錢。

[ 本帖最後由 BabyHilary 於 09-9-12 15:48 編輯 ]

fostermak

BabyHilary :
我諗你打去問下藍田靈糧會好d,因為我地個車表係計由鑽石山去返...

由於靈糧係自置校車,要跟車姨姨同司機叔叔,成本一定比自己搭地鐵/巴士/小巴貴,同埋你要預若只搭一程,都要俾全費來回,冇得減半費或三分之一...

原帖由 BabyHilary 於 09-9-12 15:43 發表
fostermak,

我都報左藍田靈糧PN, 請問靈糧校車費貴唔貴?
想預算下油塘去藍田一個地鐵站嘅距離大約要幾多錢。

yotal

我住將軍澳，我上年打算同我個仔考，咁我就打去學校問校車費大約幾錢，果時鑽石山果間話大約$1100，藍田果間話大約$800，唔知係咪真係咁貴(或者記錯??)，我都係打去問，你地都可以試下打去問丫。

fostermak

係呀,搭校車一定唔會平得去邊...

舊年細囡返九龍灣德福bb班,家姐返鑽石山靈糧,由於麻麻一個人負責接放學,佢冇可能同時去兩間學校,結果兩姊妹都要搭校車,就算麻麻住九龍灣地鐵站隔離,好近德福幼稚園,單程都要俾$350一個月,家姐來回搭校車都要近$800,我地搭地鐵,兩個站就到鑽石山,仲平仲快,但接送時間唔許可,為免老人家撲來撲去咁辛苦,俾錢搭校車都要...

原帖由 yotal 於 09-9-13 05:00 發表
我住將軍澳，我上年打算同我個仔考，咁我就打去學校問校車費大約幾錢，果時鑽石山果間話大約$1100，藍田果間話大約$800，唔知係咪真係咁貴(或者記錯??)，我都係打去問，你地都可以試下打去問丫。 ...

喧嘩

hihi, 搭下傘先, 亞女啱啱靈糧畢業, k1香港果間, k2&k3鑽石山, 而家讀緊私小, 有小小嘢想同大家分享

亞女考幼稚園果陣好smart, 比起同齡小朋友叻好多, 肯講, 唔喊, 問佢平時去邊度玩, 佢話圖書館果隻, 果陣唔想俾咁大壓力佢, 所以選活動教學, 以為適合佢
k1冇乜特別, 最好就唔洗返學, k1己經識講, 亞女聽日放假喎, 佢會答, 好嘢, 聽日唔洗返學
k2轉校, 用左半年適應, 都仲會問幾時放假
到k3超多朋友, 個個爭住同佢玩, 畢左業佢地自己仲會搵紀念冊d電話號碼同同學煲粥, 但係佢都會覺得放假放得太短, 咁快要返學, 總之寧願喺屋企呆坐都唔係好鐘意返學啦, 但k3會好少少啦, 會有少少掛住同學仔

好啦k3選小學, 我得一粒女, 當然會考私校, 直資做後備啦, 但係靈糧學術程度較低, 完全同唔到人地爭, 總之考學術問題就一定係陪太子玩啦, 人地問計數, 亞女伸手諗住數手指, miss就話得啦, 唔洗, 下一題啦, 又要考串字.... (除非家長本身好勤力, 校外做左好多準備, 否則,,,)總之次次收信都好失望啦, 最後得一間收, 一間waiting, 收果間唔係咁出名, 比起果陣考幼稚園, 由你選學校變左學校選你感覺真係唔好受, 好啦, 派位派第二, 唔想讀, 因為註冊見到太多新移民, 好似街市咁, 而且註冊己經俾兩本作業你開學交, 但係間學校又唔係乜名校喎, 感覺好得個谷字, 又唔見成績, 唔想俾個女讀 , 最後迫不得以俾錢讀一間自覺唔係咁出名, 但係老師出左名有愛心的學校, 估唔到亞女勁鐘意間學校, 佢返學頭果幾日俾同學蝦, 我聽到都覺得好過份, 好冇家教, 出口傷人都算, 郁手郁腳, 仲拉佢條裙拉鏈, 知道亞女有帶錢就話好嘢, 可以攞你d錢...., (好彩而家調左位)我覺得幼稚園得著係亞女唔同人計較, 唔會因lee d事而唔開心, 做左一個基督小朋友, 而咁啱lee間又係基督教, 可能真係天父想亞女跟佢啦, (我地冇宗教), 亞女成日問我點解果陣唔俾佢讀lee間小學的幼稚園喎, 就算佢開頭俾人蝦但係都好鐘意返學, 之前打三號波果晚我要返工(零晨), 亞女就問我, 會唔會打八號, 我想打八號你可以陪我訓唔洗返工, 跟住我話係ar, 我都想, 我又唔洗返工, 你聽日又唔洗返學, 點知佢話咁唔好打啦, 我唔想冇得返學
亞女之後講返點解唔鐘意幼稚園, 佢話幼稚園好低能, 日日都唔知做乜, 英文堂又唔明佢講乜
小學有好多堂, 好開心, 又有小息, 又有lunch, 雖然英文堂都有英文人喎, 但係佢會知佢講乜喎, 又好玩, 老師超級好人, 總之幼稚園都讀lee間啦
如果各位想小朋友第日考私校或者去叩門的話, 要另外替小朋友準備, 因為靈糧教的係唔能夠應付去考小學的, 我今次真係好好彩, 俾亞女入左間佢鐘意的學校, 原來佢係唔鐘意活動教學嫁
你地都要摸清楚自己仔女, 選一間適合的學校俾佢地, 祝大家成功啦
就算佢幼稚園返下午班, 每日訓到十一, 二點, 而家小學六點起身, 佢都冇扭計, 到而家我先知原來間幼稚園唔適合個女

fostermak

喧嘩:
好耐冇見到你,咁你囡囡舊年考左邊d直資/私校呀?同埋去左邊間?我聽其他k3家長講,今屆鑽石山o既小朋友好多都搵到好學校...

我都幫囡囡報緊小學,暫時音小收左佢,可以放心參加大抽獎,但都想參考下你舊年點樣部署搵小學...
同埋你點樣幫囡囡過渡上小學,等佢適應或銜接得快d?

其實十隻手指梗有長短,重學術,可能其他方面就會少d,
就算係咪讀靈糧或九龍塘o既根德園,各校家長仍會覺得學校有不足地方,都會同小朋友額外加補,家長o既支援都好重要...

原帖由 喧嘩 於 09-9-14 09:13 發表
hihi, 搭下傘先, 亞女啱啱靈糧畢業, k1香港果間, k2&k3鑽石山, 而家讀緊私小, 有小小嘢想同大家分享

亞女考幼稚園果陣好smart, 比起同齡小朋友叻好多, 肯講, 唔喊, 問佢平時去邊度玩, 佢話圖書館果隻, 果陣唔想俾咁 ...

[ 本帖最後由 fostermak 於 09-9-14 14:14 編輯 ]

喧嘩

哈哈, 你重記得我, 音小都幾鐘意收靈糧, 咁就好啦, 咁快有一間就唔洗驚, 基本上靈糧d家長鐘意搵返活動教學的小學, eg :播道, 真道, , 尤其將軍澳果d, 真係大半班都去考, 但係唔係太多人入到, 都係得一兩個, 可能太多人爭, 叩門後就唔知, 其他傳統私小就唔係太多人去, 每間都係兩三個小朋友去考, 而我知宣道有一個入到, 個女仔寫字超叻, 畫畫靚到嚇死我, 佢媽咪一早已經知道個女入梗, 唔知點解, maybe佢識人或者佢覺得個女真係好叻, 佢只係考左宣小, 又真係俾佢入到, 不過佢就有宗教囉 ,但係佢又真係有實力的
其他eg: 陳守仁, 英華, sfa, gh ,kts都好似冇人考到, 咁公道d講句又唔係太多人去考
我自己就想轉番傳統式, 所以冇考直資, 音小果類, 我就去考gh, sfa, kts果d囉, 咪死晒囉, 得krs收左, gh-waiting炸, 不過我暫時只知得我個女讀私小, 三四個讀直資, 其他就津校, 冇乜人派到band 1小學, 只知油天兩個(有分), 隔離班一個, 有個跨區甲一派到好似沙呂, 有d第一輪將軍澳x道衞理, 你話佢地派得好又唔係, 但又唔算太差, 通常都派第二志願, 亞女咪入左頭輪即收佢果間krs=禮賢, 唔知你聽過未, 初初我唔鐘意, 因為本身兩公婆唔係公務員, 要俾錢讀當然想讀間名牌小小啦, 不過好在唔收, 如果唔係我同亞女都會適應唔到, 而家反而覺得krs好啱亞女, 亞女好鐘意, 我暫時都好滿意, 你最緊要睇下你個小朋友係咪真係啱活動教學lee種, 我個女原來係唔鐘意活動教學, 我而家先知, 不過佢又唔可以太谷, lee間真係啱晒佢 ,當你搵到一間適合你小朋友個學校, 好似我咁, 佢升小學完全唔係問題, 起身唔會扭計, 做功課都ok, (因為功課唔多, 而且喺學校做晒) ,溫書就差d (唔多願), 佢咁鐘意返小學, 我乜都唔洗胆心, 最胆心都只係蝦佢個同學

原帖由 fostermak 於 09-9-14 13:42 發表
喧嘩:
好耐冇見到你,咁你囡囡舊年考左邊d直資/私校呀?同埋去左邊間?我聽其他k3家長講,今屆鑽石山o既小朋友好多都搵到好學校...

我都幫囡囡報緊小學,暫時音小收左佢,可以放心參加大抽獎,但都想參考下你舊年點樣部署 ...

muima

原帖由 喧嘩 於 09-9-14 21:34 發表
哈哈, 你重記得我, 音小都幾鐘意收靈糧, 咁就好啦, 咁快有一間就唔洗驚, 基本上靈糧d家長鐘意搵返活動教學的小學, eg :播道, 真道, , 尤其將軍澳果d, 真係大半班都去考, 但係唔係太多人入到, 都係得一兩個, 可能太多 ...

hi,

my daughter also study in K3 at LLC in Diamond hill and i also concern what school is suitable for her.

yes, i agree with you about the opinion in LLC. this school is not too aggressive on academic so much but we can say " good " or " not good" based on what do you want and get.  also, i afraid she is not so lucky to get the seat of the school in opinion (1) in 1st & 2 round and therefore i will try to find some private school for her back up.  hope this is okay

fostermak

喧嘩:
原來你主要報傳統小學,唔怪得你話靈糧淺啦,因為傳統同直資小學o既面試要求都好唔同,傳統小學梗係想揀響幼稚園已學緊小一課程o既小朋友,讀九龍塘幼稚園o既小朋友一定有優勢,但直資小學揀小朋友性格同家長理念,如果係咁,你可能要了解每間學校要求,同囡囡響k1開始加強英普訓練縮短差距...

我舊同學家人個小朋友今年響銅鑼灣靈糧畢業,我年頭問佢媽咪,佢話靈糧o既小朋友出去考直資/私校,係好
outstanding,最先港大同學會收左佢囡囡,後尾入左St paul...

恭喜你,囡囡咁鍾意禮賢,禮賢梗係名校,都唔差,雖然冇協恩或女拔咁出名,我前日先去左佢地o既簡介會,係一間有人性,重宗教和品德的學校,我都有興趣報呢間,呢間收生有乜野要求架?

講真讀靈糧o既家長都唔prefer幫小朋友揀太傳統o既小學,我都唔想日日都囡囡搏鬥拉鋸,唔想佢黎緊六年o既親子時間係只得返學+做功課+默書測驗,好想有時間繼續學下野,睇下書,玩下,繼續有個快樂的童年...

我自己認同靈糧o既理念,覺得靈糧好好,唔催谷學術,響小朋友能力o既培養+品德+宗教方面做得好好,能力o既培養係長遠見效,培養小朋友主動去想去問去學去做,而催谷係短線見效...

家姐響靈糧呢三年轉變好大,有自信,表達力強,講野都大聲左,唔似以前咁鵪鶉,去人地屋企會企響度唔郁成個鐘,放暑假去公園玩都掛住學校+同學+老師...

妹妹o岩o岩入黎讀,呢一個幾禮拜都唔同左,好肯定係佢鍾意靈糧,鍾意返學,日日睇學校拍o既相都見到佢開心咁笑,會主動舉手,上堂成日企得好前,之前番德福幼稚園o既bb班,佢好唔合作,幾乎成年唔肯食茶點,從未講過話掛住老師和同學,擺明係同老師搞對抗...
我只可以話幼稚園係一個啟蒙期,一個開始,佢仲有小學中學,甚至大學,十幾年學習生活等緊佢,佢鍾意返學,自然肯學,學得好,學得多,肯記入腦,唔鍾意o既話,點樣催谷,最終只會適得其反,妹妹肯定係咁...

原帖由 喧嘩 於 09-9-14 21:34 發表
哈哈, 你重記得我, 音小都幾鐘意收靈糧, 咁就好啦, 咁快有一間就唔洗驚, 基本上靈糧d家長鐘意搵返活動教學的小學, eg :播道, 真道, , 尤其將軍澳果d, 真係大半班都去考, 但係唔係太多人入到, 都係得一兩個, 可能太多 ...

[ 本帖最後由 fostermak 於 09-9-15 00:51 編輯 ]

喧嘩

銅鑼灣果間好難入gar, 同埋較出名, 好多小學都識靈糧, 我當年就係見我d同事d小朋友喺入面讀考到聖士提反, 叩門又叩到st. paul, 真係唔差, 所以我先去, 我兩間都讀過, 我就覺得香港果邊d家長質數高好多(父母係醫生律師), 串d, 有錢d(放學門口d私家車好鬼多, 好多名車, 有d仲係有司機), 好多同仔女溝通都用英文, 有d小朋友直情唔講廣東話, 相比鑽石山就比較平民化, 較易入, 家長nice d, 所以香港果邊考到私校/直資一d 都唔出奇
你都好勤力, 我就未去過任何一間學校簡介會, 因為我好懶, 禮賢都係收左我個女我先開始留意, 開始問人, 初初只係聽人地話好咪in下囉, 之後慢慢留意, 雖然佢唔係活動教學, 但係好適合我地lee d唔係傳統幼稚園出來的小朋友, 佢跟課程教, 唔會教深, (不過我已經覺得都唔淺)唔多功課(比較小抄寫), 每日lunch後都唔洗上課, 一, 三做功課, 二四聯課活動, 五就早放, 老師超好(個個都係咁講), 而家連我個女都係咁講, 佢話上堂好開心, 一d都唔悶,  中文用普通話教, 佢話唔會唔明, 因為如果唔明, 仲有個講廣東話老師解釋, 英文都係, 佢地會有少少英數, 常識就下學期開始用英文教, 仲有一樣好就係基督教, 你知啦, 亞女接觸左三年, 佢已經好信, 佢平時唔會祈禱, 有事就會, 好攪笑, 所以搵返間基督教小學俾佢地我覺得適合d, 你不防考下lee間啦, 到時先再選擇

喧嘩

冇錯, 各人想要的嘢都唔同, 但係原來香港同鑽石山兩間都唔適合我同亞女, 不過而家發現都未遲, 最緊要選啱小學, 佢鐘意返學就自然唔會憎讀書, 咁對佢以後有好大幫助, 你地要睇清楚自已小朋友啱邊種, 其次就係自己諗住俾小朋友行邊條路, 祝你地好運啦, 不過我始終唔鐘意lee個統一派位制度, 唔想俾佢玩晒,就要自己去考d學校做後備啦

原帖由 muima 於 09-9-15 00:26 發表


hi,

my daughter also study in K3 at LLC in Diamond hill and i also concern what school is suitable for her.

yes, i agree with you about the opinion in LLC. this school is not too aggressive on ac ...

fostermak

喧嘩:
聽左你咁講,去埋禮賢簡介會,我今早都去左禮賢交表,有問題到時再請教你...

咁囡囡第一同第二輪派位,派位邊間?同埋你有冇去叩門或搵學校幫你寫信?

原帖由 喧嘩 於 09-9-15 23:33 發表
冇錯, 各人想要的嘢都唔同, 但係原來香港同鑽石山兩間都唔適合我同亞女, 不過而家發現都未遲, 最緊要選啱小學, 佢鐘意返學就自然唔會憎讀書, 咁對佢以後有好大幫助, 你地要睇清楚自已小朋友啱邊種, 其次就係自己諗住 ...