大家要keep住聯絡呀!一齊努力一齊進步!

blmom

bigheadgirl,
I have transferred $104 to your account at around 6p.m.  Thanks a lot for organizing!

YYMM2007 and Amon,
Hope Amy and 華豐 will get well soon!  See you both next time.

Veron Chan,
Thanks for the info.  I have also applied online but I am only available for the Sunday afternoon session.  Will any mommies join this session?

All mommies,
Sorry I have been busy and haven't been online much these days!  Hope to catch up with you all tomorrow.

原文章由 brenda0505 於 07-9-15 00:09 硐表
YYMM2007 & VERON CHAN,

我都上網登記咗啦, 另外我好想做埋會員, 因為佢地d course又適合迪迪同收費平, 正! 好多係星期六或日, 啱曬我. 其他姊妹都快d參加啦, 個日玩完下半場繼續聚會perfect! veron, 多謝你既提供, ...

yymm2007

原文章由 bigheadgirl 於 07-9-15 00:32 硐表
May,
份handout下次聚會比係丫.

好呀 ! 吾該晒 ! ^^

MAY

yymm2007

原文章由 brenda0505 於 07-9-15 00:09 硐表
今日同may傾完電話後, step打黎話迪今日轉班後俾新同學咬面 , (我平日只會擔心佢有冇打人, 估唔到會咁)...見佢番黎成個牙印, 好心痛但冇嬲, 但主要擔心佢會否受驚後情緒有異樣,(因為佢呢個月拍打我和姐姐既問題已改善, 唔想因呢件事影響到...) 明天再傾!

...

Brenda :

我同你一樣 , 未知道AMY比人咬之前 , 只會擔心AMY打人 , 當知道佢比人咬...個心真係拿住拿住(仲要係比人咬左3個星期) ! 依家我老公已為AMY爭取到公道 , 把那"咬AMY既男仔"調去第2度 ! 老師星期五又打電話比我 , 佢話調走左個男仔後 , 發現左我個女好多"正面"既野 , 如 : 佢對老師提問有回應 & 主動作答, 追到進度 ! 但我同老公現保持觀望 , 密切留意AMY回家後的反應 , 盡量睇下有無異樣 & 同AMY多些傾計(或玩角色扮演既遊戲 ! 或取佢番學既書出黎扮上堂! ← 係呢個扮演過程, 我地都發現好多 , 雖然好多吾係AMY直接講出黎 , 但可以了解佢在校情況 !) 我老公認為 : 最緊要AMY番學同小朋友相處到 & 開心 , 學吾學到D嘜生字都係其次 ! & 吾想嚇怕左AMY, 如令AMY有個壞印象...番學就要比人咬 , 咁就有排煩 & 到時真係吾知點同佢洗去呢個壞印象 !

所以我同AMY講 , 你要守學校規則 , 聽老師話 ! 要同小朋友一齊玩 , 要愛護小朋友 ! 咁你就叻叻又乖 ! 爸爸 & 媽媽鍚晒你 ! 但係如小朋友吾守規則搶你玩具和書 , 或者咬你 , 你就要舉手話比老師知 ! 千祈吾好咬番 & 打番小朋友 , 否則你就吾守規則 ! (跟住係屋企同老公跟AMY玩角色扮演練習下)← 暫時我地係做到咁多 , 到時又睇下是否有效...然後又再作檢討 !

AMY瞓醒要食藥 , 得閒再傾過 !

MAY

[ 本文章最後由 yymm2007 於 07-9-15 22:19 編輯 ]

CCnam

Irene，多謝提供大量玩具及安排場地。 你個仔好大幾會是資優/天才兒童，現他以玩弄你為他的目標，在他心目中你亦好好玩，因為你的IQ未必夠你個仔高。他知道玩 "人"是最好玩的，他懂得挑戰你的呎度，(你)人每次反應都不同，好過玩的死板玩具(無反應)。

由於他主力集中精神玩弄你，所以未能發揮他潛在的 "某類天才" 本領，不要管束他自已的喜好/行為(當然以人生安全為上)，讓他自由發揮！在家日日播及唱無賴！等他聽到都驚，你唔准，他越要挑戰 "唔准"，老"狼"靚仔，當他中學生般教，投入他的角式(最好當他是你的朋友/玩伴)。因他好多事情是明白和理解的，唔可以當他3歲小孩。 好好跟他鬥法啦！不要被他 "擊" 倒！

[ 本文章最後由 CCnam 於 07-9-15 23:25 編輯 ]

bigheadgirl

我就真係比佢玩死 ,有時我真係唔識点教佢,樣樣嘢都比佢lead住,我就等如佢嘅太監&宮女,要服待佢,仲要比佢玩;其實我都覺得佢好多古靈精怪嘅"計仔",但我又發覺人地講果D自閉特徵,佢又有D有,有D冇,其實我都唔知佢係咩 ,点都好啦,好似你話齋,点樣都係自己個仔,有咩辦法丫

頭先聚會真係有D唔好意思呀,有幾位新mummy我都無時間同你地傾計呀,sorry呀,希望下次聚會再見到你地丫.
頭先夠唔夠嘢食呀?我驚大家食唔飽呀,我個仔唔知係咪玩到餓晒,番嚟叫爹吔煑通粉比佢食

Brenda,
凡事都要睇開D,不過我諗我同你都係緊張自己個仔果D人(唔好介意我咁講),所以我地都要學吓点樣放鬆D(雖然好難,我自己都做唔到),對自己對仔仔都好,我過兩日call你丫,係咪下午方便D?

原文章由 CCnam 於 07-9-15 22:42 硐表
Irene，多謝提供大量玩具及安排場地。 你個仔好大幾會是資優/天才兒童，現他以玩弄你為他的目標，在他心目中你亦好好玩，因為你的IQ未必夠你個仔高。他知道玩 "人"是最好玩的，他懂得挑戰你的呎度，(你)人每次反應都不同，好過 ...

ccfj

Dear Irene,
今次聚會真係好多謝你嘅悉心安排 , 辛苦晒.

我同鋒鋒玩得好開心, 我最開心佢肯食pizza, 以前佢唔肯試, 及好鍾意食你整嘅芝士蛋糕, 真係好好味, 多謝你, 想問吓難唔難整嘅?

另唔使同新mummy講sorry啦,我哋其他mummy都有傾計, 希望下次聚會再見到大家.

Joyce

CCnam

Irene,你club house的設施(play room)小朋友都未玩過，可否在10月(星期六/日)再安排?

今日比個仔玩左(戲弄)未啊?

tackeyli

Dear yymm2007

Could you help me to teach me, how to stop my son not to hit people (尤其佢打人好勁果時 !) my son always hit people like in queue or someones else press the lift buttom first, please help me to teach my son not to hit someone anymore in public or in home, thanks so much!

brenda0505

wor, 原來冇上黎1日已經好多post, 想同尋日幾位新媽咪講聲唔好意思, 冇同你地介紹同詳談. 希望之後聚會都見到你地. 黎緊10月我都希望可以再去多irene會所一次, 因為佢會所既conference room擺設夠靈活, 可以俾小朋友好多活動空間. 繼而我就想11月入秋之後大家組隊攪下戶外活動如xxx一天遊, bbq等等. 今日同2個小朋友媽咪去咗數碼港wisekids既playroom好大好靚, 每位兒童$80. 最好既賣點係分開咗8個個別主題section, 俾唔同年齡既兒童玩,但因今日有parents book咗做生日會, 所以冇得入去玩只好攞單張同參觀, 我一定會多d去呢度, 因為有時放假, 唔去戶外既活動, 都冇咩好兒童節目. 除咗我veron應該仲方便, 多d同adrian去下呢度啦. 另外, ccnam, 音樂冶療既資料已p.m俾你. blmon, 我都email咗訂圖卡既資料俾你.  早幾日veron post 兒童保護協會既活動. 我發覺入面好多正課程收費又平, 不過做會員年費$360.00. 大家不訪都研究下. 最後, 感激幾位媽咪may, irene, veron, phyllis & rebecca分享同開解我既難題, 今日同迪出街兩個出街佢一樣好naughty 同辛苦, 但唔知係咪尋日同你地傾完, 心情都唔係好差, 真係神奇

原文章由 CCnam 於 07-9-16 17:06 硐表
Irene,你club house的設施(play room)小朋友都未玩過，可否在10月(星期六/日)再安排?

今日比個仔玩左(戲弄)未啊?

[ 本文章最後由 brenda0505 於 07-9-16 22:44 編輯 ]

yymm2007

原文章由 tackeyli 於 07-9-16 21:05 硐表
Dear yymm2007

Could you help me to teach me, how to stop my son not to hit people (尤其佢打人好勁果時 !) my son always hit people like in queue or someones else press the lift buttom first, please h ...

tackeyli :

因要解決"打人"呢個問題都幾複雜 , 因每個小朋友"打人"背後既原因真係各有不同 ! 而我都係邊學邊試 & 多聽多問 ... 幸好真係搵到啱我個女既方法 ! 而家改善不少 !

請放心 , 只要你吾介意我呢個外行人 (因我只係一個好普通既媽咪 , 無參加過d嘜野專業訓練 ! ) 呢度好多姊妹都好叻 ! 相信大家都好樂意同你分享的 ! 記住 ... 你並不孤單 , 只要努力試 , 一定有成績 !  

由於依家我個女已番學, 早上要做家務 & 準備大小姐份"午餐" & 做運動 ! (因屋企無人幫到我 ! 我要一腳踢 ! 如下午"大小姐"肯瞓午睡 , 我便可以與你在電話中詳談 , 大家分享下 ! 所以如你mon-fri 下午有時間的話 ,你可Pm電話比我 , 我會等"大小姐"瞓左就打電話比你 !  

又或者你可參與我地每月的聚會 , 我地各位姊妹都又叻又nice ! 到時大家再分享又得 !

yymm2007

原文章由 brenda0505 於 07-9-16 22:33 硐表
.然後我就想11月入秋之後大家組隊攪下戶外活動如xxx一天遊, bbq等等. .

DEAR BRENDA :

吾好客氣 ! 我多謝你就真 ! 吾該晒你的EMAIL ! 很實用 !

另 , 戶外活動都好喎 ! 贊成 ....贊成 !

yymm2007

各位姊妹 :

講個笑話比大家聽 !

話說今晚AMY睇"無記"個節目"亞笨與亞占" , 佢竟然話"爸爸"係亞笨(亞笨係AMY既偶像) , 媽媽似"亞占"(AMY話亞占搞笑又倫盡)! 心諗....亞女 ! 你係咪咁傷"媽咪"既"自尊心" ?

仲有, 佢依家係我屋企個"管家婆" ! 今晚佢又向我訓話→媽媽 ! 你入厠所要小心地滑呀 ! 吾好(扇)到呀 ! 知..吾..知..? (係拖長既教訓語氣) !

bigheadgirl

姊妹們,
多謝大家棒場,不如我聽日去clubhouse睇吓有冇場,再滙報比各位知,係咪多數姊妹都prefer星期六?

Brenda,
我想問吓wisekids係邊度?使唔使book位架?我都想同亞朗去玩呀.另,我都贊成outing呀 ,非常好的提議呀.多D傾計會開心D架,最緊要記住你並唔係孤身作戰,我地呢班姊妹雖然唔係識咗好耐,但我相信我地都會支持你的,亞朗而家返下午,我下午會得閒D架,可以傾电話or約出嚟tea都得架.

楠楠媽,
我今日用咗你老公條橋呀,work喎,話說我今朝係厠所"開大",亞朗走入嚟話要睇,入咗嚟又話要食,我同佢講:"好丫,媽咪疴多D再比你食."佢個樣...直情呆咗 ,然後勁""咁話:"汚糟呀!"仲唔比我玩番你一次.

Joyce,
如你有興趣,下次比份cheesecake recipe你丫.

brenda0505

IRENE & 各姊妹: wisekids 數碼港playroom website
www.wisekidstoys.com/playroom.html

另外, 各姊妹留意下保護兒童協會既course, 希望可以係堂上見到大家.  

原文章由 bigheadgirl 於 07-9-17 00:28 硐表
姊妹們,
多謝大家棒場,不如我聽日去clubhouse睇吓有冇場,再滙報比各位知,係咪多數姊妹都prefer星期六?

Brenda,
我想問吓wisekids係邊度?使唔使book位架?我都想同亞朗去玩呀.另,我都贊成outing呀 ,非常好的提 ...

[ 本文章最後由 brenda0505 於 07-9-17 03:04 編輯 ]

mcdull888

Amon

我去左ivy 介紹果個黃醫生度睇呀, 係旺角, 不過好多人呀, 要早d去排隊, 若果你要資料可以比你.

irene & brenda:

多謝你既安排同埋好味既cheese cake

hellowinn

irene, brenda, bigheadgirl

好多謝你們安排今次的活動, 我仔仔在今次的聚會玩得最開心, 需然未能與幾位媽咪傾偈, 但我相信下次一定有機會的

brenda, 你提供數碼港playroom website幾有用wor, 我都想帶仔仔去玩吓

各位姊妹們, 下次有活動記得預埋我呀!

veronchan

Brenda & Irene,

謝謝妳們的安排及玩具、遊戲, 以及Irene品牌cheese cake, 真係好正 Adrian雖然無怎樣同小朋友玩, 但可能已認得妳哋, 所以對大人時, 表現已無咁怕羞, 實在值得安慰。佢仲成日口up up, 話要坐MTR去將軍澳tim

Ivy & Rebecca,

唔該晒妳哋介紹黃醫生俾我, 我會帶Adrian去睇吓

其他新媽咪,
遺憾的沒有時間與妳們傾談, 希望下次再見到妳哋再傾過啦

veronchan

Brenda,

見妳心情好啲, 我都好開心。希望妳能夠學會放鬆自己, (雖然我知談何容易), 但試吓慢慢嚟啦, 妳一定可以做得到:loveliness: 千其唔好亂諗嘢, 有唔開心、需要傾訴, 隨時致電給我或姊妹各人, 我們都樂意為妳分憂的, 要記住妳並不孤單, 還有我們這班姊妹 再者, 妳話迪迪的問題, 其實Adrian以前都係咁, 慢慢大個小小, 就會好啲架啦

另外, Wisekids那處有個咁大個playroom真係唔知, 我都要去睇吓先, 我同Adrian只係响舊年參加過佢哋攪嘅halloween party, 都幾好玩架。唔知今年重有無呢? 結果唔係, 我哋所有人可以一齊參加

各位姊妹,

好期待下次聚會, 快啲可以與大家見面, 傾過暢快

原文章由 brenda0505 於 07-9-16 22:33 硐表
wor, 原來冇上黎1日已經好多post, 想同尋日幾位新媽咪講聲唔好意思, 冇同你地介紹同詳談. 希望之後聚會都見到你地. 黎緊10月我都希望可以再去多irene會所一次, 因為佢會所既conference room擺設夠靈活, 可以俾小朋友 ...

yymm2007

各位姊妹 :


(已更正) 日期:11月7日(星期三) , 下葵涌兒童體能智力測驗中心, 有個"親親孩子天家長講座" , 時間 : 上午9時 至 下午4時30分 ! (全日 : 分上午及下午 兩部份 !)

內容 : 介紹自閉症的特質 (典型 或 非典型自閉症都會介紹), 與孩子的溝通技巧, 處理孩子行為的方法 & 還有家長分享...等等 !

收費 : 每個家庭 HKD60.- (不能帶同小朋友出席)

未聽過的姊妹 或 有需要的姊妹可考慮下 , 如想參加 , 請聯絡你們的"醫務社工"便OK ! "醫務社工"會幫你報名 !

MAY

[ 本文章最後由 yymm2007 於 07-9-18 12:45 編輯 ]

ccfj

May,

多謝你成日報料呀! 你好犀利呀! 我都想去聽吓, 啱啱打被醫院社工想話報名, 點知佢下午放假, 唯有聽日報啦!

原文章由 yymm2007 於 07-9-17 14:21 硐表
各位姊妹 :

11月17日 (星期六) , 下葵涌兒童體能智力測驗中心, 有個"親親孩子天家長講座" , 時間 : 上午9時 至 下午4時30分 ! (全日 : 分上午及下午 兩部份 !)

內容 : 介紹自閉症的特質 (典型 或 非典型自閉症都 ...