2007年8月開學宏福幻兒園既媽咪一齊入來傾下

626mama

各位,

我星期一,二放假，這裡就拜託各位喇。

626mama

留完言，我去收電郵。
我剛剛收到一封電郵係18發出，我幾天沒有收電郵，
係我個好好朋友 a  send比我，內容係，佢媽媽過了身。

我聽到真係好唔開心。
**********************************
想起去年7月我個好好朋友a生日出來食飯，
當時也約了一位朋友b出來食飯，食飯時傾計講開，
我兩位朋友媽媽都剛剛驗到有cansa(我唔識打)。

今年2月收到一封電郵，我朋友b話
"係媽媽最需要比爸爸關心佢時，他走了"
*********************************

我剛剛打電話比朋友a個電話冇人接聽，我都唔知講咩好。
只係覺得好唔開心。

因為由醫院直按去歌連神，不切靈堂。
共實我可唔可以寄支票去我朋友家呢?

唔好意思，我講埋這些野。

hongmimi

原文章由 626mama 於 07-7-20 16:59 發表
留完言，我去收電郵。
我剛剛收到一封電郵係18發出，我幾天沒有收電郵，
係我個好好朋友 a  send比我，內容係，佢媽媽過了身。

我聽到真係好唔開心。

626mama,
叫妳唔好唔開心真係好難....:cry: 每個人聽到呢d消息都會好難過，總要時間去淡化。

同樣事情早兩年亦發生在我身邊(親阿姨)，我一直都唔開心，直至囝囝出世，小生命既奇妙終於令我明白咩叫「生老病死」(好老土， 但係係真既)。

雖然我地topic係為囝囝囡囡將會一切讀書而結識係度傾計，但除左傾學校同小朋友我地都可以share開心同唔開心既事 ，妳有唔開心講出黎係好好，唔洗唔好意思。

我唔清楚可唔可以寄支票，不如妳先搵到妳朋友再決定。

黎緊有假期，妳多d同囝囝玩或者休息下唔好諗咁多喇!

ElainAiolia

626mama,
而家選小學跨區好平常，但我勸你到K2至算，因為而家o的教育制度成日轉，就算你諗好o左，到時又轉o米又要諗過。我阿媽好犀利，你突然間問佢2個禮拜後o既星期三好唔好日子，佢都會答到你 ，甚至電髮或剪頭髮佢都會睇通勝，連我o地新年後開工日子都睇，不過我o地有時都唔會理佢，政府工無得揀幾時開工。

你朋友媽媽過o左身，你唔好太過唔開心；若果你太過唔開心去安慰你朋友，佢o米仲唔開心，平常心咁面對，你會舒服D。你話想比張支票比你個朋友，我諗你問o下你個朋友先，因為佢可能連吉儀都無預備，不便收帛金。另外，你唔駛唔好意思講出o黎，呢度又唔係硬性規定要講學校或仔女經，大家係網上吹水咁耐，我都當大家係朋友，有乜o野唔講得o者，講o左出o黎大家分担o下個心會舒服D，起碼唔會有病呀(抑鬱病)。我都贊成hongmimi講：時間會淡化一切。希望你放完假玩完會開心D呀！

pcdogxx,
我阿媽都贊成我順產，亦無諗過擇日子，只不過無諗過子聰會揀日唔好日o者(對佢信通勝o黎講)，其實我最痛都係大約維持o左2個半鐘，子聰就出世。

ElainAiolia

hongmimi,
我覺得你係公司做o野好慘，成日有人監視住。


子聰出世果日唔係好特別o者，只不過佢舊曆早我阿媽3日，原本已安排好同阿媽慶祝生日後等生，結果我住係醫院，而屋企人就掛住o黎醫院探我同子聰，取消同佢慶祝生日，所以佢成日話子聰出世累到o的人唔記得佢生日(尤其是每年一月份一定重提舊事)。

唔好話匡匡剩係錫o爹o地，子聰o米又係。
我每次問佢："媽o米錫邊個？"
佢一定答："陳子聰o羅。"
我再問佢："咁陳子聰錫邊個？"
佢就答："o爹o地o羅。"
我再問佢："咁o爹o地錫邊個？"
佢就會答："陳子聰o羅。"
我都有少少嬲o架，但每次有乜o野事或者訓覺，佢就一定揾番我o架。
所以你唔駛担心，加油呀！

每個小朋友都仲意o都八達通，子聰都係；每次搭地鐵，佢都一定要o都。有時有好多o野拎，抱唔到佢o都，而佢又一定要，我o地就比佢o都係個閘前面個剪咀度，之後我o地扮聲"桅"佢，佢都好開心。
試過有一次，我個印印又係咁樣比佢玩，隔離有個男人好認真咁同印印講："八達通唔係o係下面o都o架，係o係上面o都o架。"
我個印印o米唯有答佢："唔該晒。"
你話幾瘀呢？

626mama

hongmimi,ElainAiolia,各位,

我仲未找到我朋友，唉...都唔知佢點。

我都想緊，星期一.二我一個帶住軒軒可以去得邊，
可能星期二入迪士尼，因為我有年票，
平日入去應該會好d，而家反青衣方便。


ElainAiolia,各位,
咁又係，教育制度成日轉，都唔知佢地想點。

妳最痛都係大約維持o左2個半鐘，
子聰就出世。
咁好，點解我會咁內???真係其怪。

我有個朋友，公司所有send 出入的 e-mail 都會去老細到。
我都覺得好有私忍。

軒軒出世舊力都公公差7日，軒軒出世時，
公公都叫我地唔好興祝，唔係幾好喎。
不過今年都系係婆婆家食下野，婆婆都話，
長輩未興祝生日，做細唔準興祝?????咁都有

軒軒問親佢錫邊個，都係"婆婆"。冇第二個答案。
我覺得都好正常。
軒軒日日都有同樓下一班小朋友玩，
有個婆婆話，個小朋友答錫婆婆，
個爸爸成兩個星期都唔同個仔玩。
嬲佢喎。真攪笑。
唔知點解，仔多數都話錫爸爸~!

八達通對小朋友仔講，真係好大吸引力。
我成日就反假日比軒軒幫我增值，可以"禁機"
我試過拎$20去比人同我增值，個人望下我。
可能見我咁窮入$20咁可僯。

個男人咁認真，佢以為印印唔識用呀???
佢睇唔出大家係度玩緊。

626mama

hongmimi,

我老公長短週剛剛同妳一樣，
咁我以後都記得妳長短，係幾時喇。

我地出來做咩好呢????
唔知做咩好添?

原文章由 hongmimi 於 07-7-20 14:55 發表
我返五日半，星期六長短週，聽日就短，下個禮拜就長....妳地自己計喇! 星期六日出黎聚都無所謂，帶唔帶老公就睇下佢到時得唔得閒啦! 唔知佢地成班細路第一次見面係點呢? 我突然間諗起我公司樓下d日本婆帶住班細路hi tea個情景........班細路走來走去好鬼嘈......

天藍

ElainAiolia / hongmimi / pcdagxx,

嘩~~好彩我係一等一良民, 原來黎到甘多
亞sir同Madame, 特區警察你地好~~
我係公司坐我對面同後面個同事佢地個
老公又係當差, 仲有我老闆有兩個哥哥
又係當差, 我日常生活原來甘多差人家
屬係我身邊, 以家連上BK都係, 哈~~
哈~~,好多人保護我!!!
你地都幾好同住一坐老公又同行, 大家既
話題都會好接近, 我八掛下想問你地大
窩口個到係宿舍定係自己既物業, 因我同
事佢地住綠楊個到, 係宿舍又係私家樓,
佢話每月交$1,xx0租, 都幾好有甘既
福利, 又三房一廳, 因佢地係舊底入職,
以前佢地既仔女讀小學同去外個讀書
都有津貼, 真係幾好, 好似到退休有長
俸又有公屋囉, 都真係幾好羨慕C人~~
真係你地就好啦!!!

hongmimi

我公司真係好鬼衰:tongue: ，又唔係俾唔起，有時抄人鍾意捉人痛腳，叫人地自己resign唔補錢。自從裝左幾部CCTV之後，我返工放工o都咭時專登向著個鏡頭笑，咪同佢鬥變態囉!

細個時阿媽唔俾我地提生日同慶祝添! 話會唔吉利喎! 後來到我地呢代先唔理之嘛!

ElainAiolia,
都唔知話個男人好心定多事，嘻!!

子聰咁架! 大包圍好似匡匡咁嘛! 所有識既人都話錫都無咁傷呀! 有時都幾心酸 ，好似放工返婆婆到，通常都係我入門口先，匡匡見到我無反應，一見到爹地係後面，就會掉低玩緊既野，繞過我衝埋爹地到攬佢主動錫佢，之後仲遞埋拖鞋。我要炸型佢先錫一啖。 如果個晚得我一個返去呢! 佢望一望係邊個就繼續玩唔理我。唉! 心淡….

天藍，
警察咪又係人，都係一份工，市民一個 。我地住既係紀律部隊宿舍，全幢都係警察、消防、海關同入境處，之前係政府停售居屋黎既。另外仲有好多宿舍單位係私家樓，好似綠楊、海濱、德福都有。

626mama,
軒軒玩埋八達通入錢添呀? 唉! 而家d小朋友….. 唔該唔好俾匡匡知有增值機。佢就試過走去o都汽水機 (汽水機o都個位好低架)，夾硬迫我買汽水，係連續兩次即係兩支汽水。

626mama/pcdogxx,

市又好似好嘈同多人，又唔可以坐咁耐。但就算唔食野，都要飲下野掛。地區方面呢? 會唔會一定係番青衣? 定係荃灣同其他呢?


天藍/ElainAiolia,
妳地出唔出黎聚呀?:loveliness:

天藍

hongmimi,

如果你地定左日期同時間再通知我, 我要睇下個日得唔得,
因我星期六要返半日一點先放工, 星期日無約人都ok!!!

哦~~原來有咁多都係宿舍!!! 話時話你地成日係到講
葵芳個到咪好多人C, 個陣我朋友都話係個到遇到個,
因佢都係住個到, 佢有同我講都好恐怖~~

ElainAiolia / hongmimi / pcdogxx / 626mama,


唔知係咪個個小朋友都好喜歡"八達通",
我仔仔又係上巴士同搭地鐵一定要爭住
拍卡, 唔俾佢就會發脾氣~~
同我仔仔都係車痴, 好鍾意車車, 一帶佢
坐車佢就會好高興, 係街到見到車輛駛過
係咪望係咪望!!! 所以都買左好多車仔玩
具車仔衫俾佢, 因仔仔鍾意, 可能男仔係
天生鍾意車~~
你地過獎啦!!! 我仔仔名都ok啦!!! 係個
"昊"字少人用, 所以先好似特別, 但唔睇
個字就甘讀佢個名就無乜特別, 睇左點寫
就特別少少, 看似平凡, 但卻有內涵~~


我生我仔仔個陣好快咋!!!

因我仔過左預產期都未出世, 故要回醫院
催生, 點知個日一返到醫院, 醫生叫我食
完早餐就上番房吊藥催生, 點知醫生一講
完黎番說話, 我就突然肚有少少痛同穿埋
水見埋紅, 嚇到個個手忙腳亂, 即刻上左產
房, 姑娘話我子宮開得好快, 過程頭尾三個
鐘仔仔就出左世, 都唔使催生咁就生左~~
所以比較幸運唔使痛甘耐!!!
唔知生仔快慢有無遺傳, 因我聽我婆婆講佢
生我亞媽幾姊弟都係好快4, 5個鐘, 我亞媽
生我地幾姊弟又係4, 5個鐘左右就ok!!!
不過, 無論點母親生我地養大我地都係好偉大!!!

ElainAiolia

hongmimi,
匡匡好彩o都汽水o乍，如果o係地鐵站等緊人佢走o左去o都，你o米要去搭一個站地鐵(講笑o乍) 。不過都係小心o的好。約出o黎，如果時間就得o岩，我都會出o黎o既，但我老公同子聰到時先決定帶唔帶佢o地。

天藍,
你個醫生一講完要吊催生藥，昊藍就即刻出世，我諗係個醫生嚇親佢，所以佢咁快出o黎。:tongue:

626mama,
唔知你揾到個fd未呢，如果未都唔駛擔心，可能佢仲攪緊佢媽媽o的o野唔得閒o者，有乜最新消息通知我o地，我o地會支持你o架。~~~

pcdogxx

626mama,
嘩..  乜你生軒軒痛左咁耐呀...  陰公咯...    俾我真係唔知頂唔頂得順, 痛到真係想打人呀...     點解醫生入黎老公就要出去既? 唔係可以陪產既咩? 又唔係開刀...

做乜咁好放兩日假呀?    我都想放假呀...   唔想做...  

唉.. 我都好驚聽到身邊既朋友有人過左身....   而家做人好化學架咋..  同埋好似越黎越多人患 cancer咁既..  我老爺而家都仲係做梗化療,  我朋友個老爺又患左cancer, 不過佢好彩d唔係擴散得咁勁, 保得住條命...   佢地都係腸cancer呀..    大家食野真係要小心d:-x

Hongmimi,
你公司變態到裝埋cctv?   攪錯呀..   真係一d私癮都冇呀..  office 者, 使唔使做到咁呀....   返工放工有打咭機都好清楚啦

果次我又係俾張八達通鈞渝玩, 我都驚佢就去汽水機到嘟, 跟住俾我沒收左...  哈哈..

ElainAiolia,
鈞渝都未識答話錫邊個既...   唔問仲好, 陣間佢話唔錫我真係心傷呀..  哈哈..   鈞渝又係勁鍾意嘟八達通,  搭小巴人地嘟佢又用把口嘟..  而家用親都要俾佢嘟架..   

天藍,
乜你識咁多人都係當差既...   其實以前入職果d福利先好架咋..  而家入果d假又少, 又無長俸, 好鬼搵笨..   

講樣好笑野你地聽吖..  果日同鈞渝尖東,  係火車站天橋一落到黎, 鈞渝就好開心咁又叫又跑, 我睇黎睇去都唔知有咩野令到佢咁興奮, 跟住再行前d, 我就知咩事喇..  佢以為花都夜總會係冒險樂園呀..  哈哈..  因為佢門口有d燈係咁閃, 同冒險樂園一樣..  佢誤會左..  笑到我屎屎下...   跟住佢越跑越近就發現唔對路喇..  佢個表情真係好鬼好笑...   你地有冇帶囝囝去冒險樂園架?

hongmimi

天藍，
我都係星期六返半日一點放工，睇下約邊日到時再夾呀!
男仔都係天生鍾意車，三歲定八十。

pcdogxx,
哈哈哈!! 鈞渝好攬笑!! 以為花都夜總會係冒險樂園! 好彩無走埋入去o者!

匡匡緊係鍾意冒險樂園啦! 公公婆婆日日每日飲完茶都帶佢去一轉，唔去佢會發皮四。! 我有入會，俾定d金幣婆婆用，不過暫時好多遊戲匡匡都未識玩，唔係用好多金幣，最多坐下車、玩多啦A夢飽飽車同打波咁。有次假日我同佢係葵涌村飲茶，佢要落地仲甩開我一支箭咁衝出酒樓出隔離冒險樂園，追都追唔切。

ElainAiolia,
唔係掛? 要搭一個站…. 不過真係有一次差d俾佢捐左入閘呀! 唔好啦! 妳唔帶老公唔緊要，我想見子聰嘛! :loveliness: 擒晚我大既八點幾返屋企見到有個工人姐姐帶著小朋友出黎掉垃圾，我老公仲同佢地笑添 ，唔知係咪子聰呢?

626mama,
唔知妳放完幾日假心情會唔會好d呢? 可以對住囝囝咁多日幾好呀! 我有時可以幾日都對匡匡真係好開心，但到第日要返工帶佢返婆婆到o個晚就已經開始掛住佢….

各位，
我呢兩個禮拜係公司做o古o厘呀! 因為要換file櫃，要將所有files搬入箱又再搬上架，搬到我腰骨痛(舊病復發)，又污糟喎! :tongue:

原來妳地個個都係順產，雖然我係開刀，但陣痛既痛楚我都領教過，真係超痛 ，聽見妳地要痛咁耐，真係諗起都怕怕，母愛真係偉大!!

天藍

pcdogxx,

你女女都好搞笑以為花都係冒險樂園,
好彩女女都好醒目行到門口見唔對路
就閃, 唔係都唔知點算
我仔仔都好鐘意去冒險樂園玩, 因我
住個邊都無會所, 所以以家天氣咁熱
姐姐都常常帶仔仔去商場個冒險樂園
玩, 我仔仔最鍾意玩打保齡球個部機,
成日都要打保齡, 咁你女女鍾意玩d
乜???
你女女係咪11月先返宏福N1???

hongmimi,

啊~~原來你星期六都返半日, 甘
可以約星期六下午二點後or星期
日都ok~~
唔知你返工係邊一區, 唔知會唔會
又係係附近??? 我就係荃灣返工,
近南豐中心個邊, 咁你呢???
你仔仔係咪都係同pcdogxx個女女
都係11月先開學???

ElainAiolia,

我都係甘話唔知係咪嚇親仔仔, 所
以催生都唔使就出左世!!!
不過, 個個係女醫生都幾靚女(醫生
黎講咋)
你估下你仔仔開學個日會唔會哭???
我估我仔都會哭, 因之前我帶個
佢返協康會pg, 返兩堂唔比家長
陪, 一堂約9個字, 仔仔都有眼紅
紅, 都有斷斷續續聽到仔仔既哭
聲

626mama

各位,
好多謝大家問候，我朋友有心唔比任可人找到她，
只再send了第二封電郵比全部朋友，
話...抱歉因為有家庭成員有紛歧，
以致有好朋友想送媽媽一程也不行...
現在我需要時間和生活上的適應，
短期內都未必能一一回電話致謝，盼見諒。


星期二去唔成"迪士尼"因為星期一睇新聞，
有好多人中暑，婆婆唔比我地去。
一早反左青衣，成個下午，都係度繨軒軒名字嘜頭，
繨了五件衫褲，三對鞋仔，原來嘜頭可以打開佢。
(通常對摺用)，鞋底拎出來，將嘜頭放係上面，
再用針繨好佢。用交剪收反個圓位都OK嫁。

[ 本文章最後由 626mama 於 07-7-25 11:38 編輯 ]

626mama

睇下大家有冇興趣。


一年一度既BB衫/童裝夏季開倉又黎啦~~今次只限五、六、日三天~欲購從速，勿失良機~~
詳情如下:
日期 : 27/7/07
下午 12:00 – 20:00 pm
28/7/07
上午 10:00 – 20:00 pm
29/7/07
上午 10:00 – 20:00 pm
地址: 葵涌葵樂街2-28號
裕林工業中心A座7字樓1室
(葵盛泳池對面/葵芳地鐵站C出口)

626mama

hongmimi,
軒軒都係個個都錫，都唔錫我。
(連舅公，舅婆都錫埋)
我講比我妹妹知，妳喇喇聲，買了兩次氣水。
笑到佢彎晒腰。

天藍,
妳仔仔真係錫妳，唔比妳吊催生藥，
那那應就出來。

ElainAiolia,
妳真係好好想像力。

係lu，我地去邊好呢????????

原文章由 ElainAiolia 於 07-7-24 00:57 發表
hongmimi,
匡匡好彩o都汽水o乍，如果o係地鐵站等緊人佢走o左去o都，你o米要去搭一個站地鐵(講笑o乍) 。不過都係小心o的好。約出o黎，如果時間就得o岩，我都會出o黎o既，但我老公同子聰到時先決定帶唔帶佢o地 ...

[ 本文章最後由 626mama 於 07-7-25 14:13 編輯 ]

天藍

626mama,

我成日問我仔仔最錫邊個佢都係
答鍚"爹D" , 但我仔仔都會睇人
眉頭眼額, 佢見我手羅住食物就
會走過來抱住我話最錫"媽咪",
你話亞仔幾胃食~~

原文章由 626mama 於 07-7-25 12:02 發表
hongmimi,
軒軒都係個個都錫，都唔錫我。
(連舅公，舅婆都錫埋)
我講比我好好知，妳冇喇喇，買了兩次氣水。
笑到佢彎晒腰。

天藍,
妳仔仔真係錫妳，唔比妳吊催生藥，
那那應就出來。

ElainAiolia,
...

626mama

pcdogxx,
唔知點解嫁，總知醫生入黎老公就要出去，
就算未生得時，醫生入來查檢，佢都要出去嫁。

我放兩日假係因為婆婆要照大腸。星期一照，
我見佢話唔痛，又冇咩野，星期二才一早回去。   
我個朋友父親都係cancer去...
所以佢地聽到媽媽又有cancer，佢都好受打擊嫁。
花都夜總都好吸引小朋友，軒軒一歲時，未識去冒險樂園，
佢都會比d閃閃發亮d燈吸引。

各位,
軒軒都係好鍾意冒險樂園! 公公婆婆久不久
便帶佢青衣城冒險樂園，
玩多啦A夢車車次次都走唔luck，
不過唔知點解，佢更加鐘意去反斗城。

hongmimi,
可以對住軒軒咁多日都幾開心!不過就好眼訓，
佢訓覺成日反身，反來反去，又要將隻

係公司做o古o厘!一家會覺得周身散晒。妳腰骨痛(舊病復發)記我搽反藥酒!

[ 本文章最後由 626mama 於 07-7-25 14:15 編輯 ]

626mama

hongmimi,

妳今日係咪仲做緊o古o厘。
所以唔得閒上來。