番禺會所華仁小學

麟媽媽

ms99,

呢本新中文書D字都幾深，
剛同個仔默完書，有呢個詞句︰溼漉漉
真係考起我？！原來「溼」意思同「濕」一樣。

你亞喵生出差了？去幾多日呢？
亞仔今晚實好happy，可以霸左老爹個床位！

easiness

請問2B1嘅家長, 有無人知道中文 - 聽, 寫, 讀測試範圍? 今日家課冊見阿囝寫完呢句後, 又無"下文"? 唉.....! 最重要就無左! 點溫呀?

easiness

ms99,

我同你一樣, 都未同阿囝開始溫習! 做完功課, 溫埋中, 英文默書, 都無乜時間!

easiness

ms99,

我同你一樣, 都未同阿囝開始溫習! 做完功課, 溫埋中, 英文默書, 已經要瞓覺, 仲邊有時間溫測驗嘅野!  

睡公主

ms99 寫道:
唔係咁快就作戰狀態嘛?!
可能我懶啦，功課都追到氣咳，邊得閒溫習喎。

今晚隻貓去咗公幹，小咗把聲好唔慣，最慘冇得鬧人發洩添。

麟媽你個比喻唔錯，呢個詞語又幾深喔。

我都想同亞仔温書，
但係呢排忙到人都癲，
手頭上有幾個大 project，
晚晚冇九默都唔收得工，
呢個星期六日都要返工冇得去玩添，
亞仔又唔生性，
佢成日恃住自己好記性，
好似我話其他班已經背默第七課，
叫佢有時間背住先，
佢又一於好少理，
到手冊寫要讀默第六課同背第七課，
佢仍然唔知死！
好在第七課短，佢十分鐘就背咗，
但我絕對接受唔倒呢種讀書態度，
我成日同佢講我著重過程多於結果，
如果佢蠢，OK！
但佢懶就 no way！
駙馬就覺冇乜所謂，
順其自然喎！
亞仔就勇於認錯，永不改過，
有時真係俾佢激到眼淚在心裡流！
所以今次測驗我都冇眼睇！
今年真係大考驗（自己既EQ），
晨早起身已經好難頂，
仲要忍受亞仔既懶散同態度惡劣，
皮質醇指數上升唔少。    
希望下次你們見到我，
我唔會變咗燥狂症！

easiness

睡公主,

我個仔都係一樣, 你急佢唔急, 明知就o黎測驗都懶到c! 好似寫家課冊咁, 永遠就係寫啲唔寫啲, 昨晚佢仲寫左有聽, 寫, 讀測驗範圍, 但是就無左後面o個part, 攪到我都唔知點同佢溫! 另外, 2B2佢地可以入番自己班個網頁, 原本是老師俾左啲密碼佢地, 你個仔有無同你講? 定係衹有佢地班先有?

SINDY-MOTHER

easiness,

我個仔雖然唔係2b1班, 但我個仔都係二年班, 昨天在手冊寫中文測驗範圍是:
書及作業 - 1-6課
補充 : 1-5
如英文你都需要我可以明天告訴你,因現在無資料在手。
希望能邦到你   

easiness 寫道:
請問2B1嘅家長, 有無人知道中文 - 聽, 寫, 讀測試範圍? 今日家課冊見阿囝寫完呢句後, 又無"下文"? 唉.....! 最重要就無左! 點溫呀?

chelsea

Morning friends :)

Wow, just back as being an English Reading Mom today, it's quite a different of the style I was before in his Kindergarten.  But it's interesting!

Chelsea

麟媽媽

唉….D 仔懶懶閒既佔大比數，
我仔班有個男仔真係好定架，
寫字又靚，做野又小心，
從來都無見佢玩到傻晒咁既，
佢好好成績架，佢媽咪都好忙要返工，
佢咩都自動自覺，呢D 都係性格生成，
亞仔如果學得佢一半，我都願囉。
所以，我地D 仔咪要人提囉，
不停叫住，下晝不停打番去叫溫吓啦….
真係佢唔覺我長氣，我都覺講到無氣！
琴晚同佢默書，佢仲心情大靚，
又話而家都幾鐘意默書！我問點解？
佢話︰因為而家默書你唔鬧我囉！
我咪話你而家下晝聽話，肯溫定D 默書，
無打晒交义我咪唔鬧人囉！我都好激氣架！！
佢仲係度笑！可能我鬧少D 真係會好D。:cry:

M+M

easiness,

Hi, 我亦唔見個仔有寫任何有關自己班個網頁D嘢喎! 另外有關測驗範圍 , 幸運地我個仔有寫 , 明天我話比你知啦 ! 唔好心急 !

easiness

SINDY-MOTHER & M + M,

真係唔該晒你地呀!  
上次老師寫左中文測驗範圍, 佢淨係O係家課寫中文測驗, 但是就無寫範圍! 今次老師寫中文-聽, 寫, 讀測驗範圍, 佢亦都係無寫範圍! 都唔知佢上堂有無聽老師講野!  :evil:  成日都依賴我! 好彩班主任(英文科老師)知道啲仔抄都會抄錯, 所以佢PRINT好左英文範圍, 之後再幫啲學生釘係家課冊度, 呢位真係細心!

今日打俾MISS TAM, 原來每班都有班網的, 若果寫好後, 老師會講個密碼俾每位學生! 因為2B2已經派左密碼啦!

easiness

麟媽媽,

自從阿囝上左小學後, 白頭髮同皺紋都唔知多左幾多! 若果佢啲讀書態度仲係咁, 遲多兩年, 細佬上埋小學, 我仲C呀! 到時兩個一切考試, 我真係唔知幫邊個溫呀!

麟媽媽

Easiness,

放心啦！到亞細入學，亞大都漸入佳境了！
佢地上到3-4年班，點都要佢自己跟吓架喇，
如果一直都要我地跟，上到中學點攪呀？
有D 野真係要佢地自動波既，從中有錯都無法，
一路錯一路學，怕咩？錯完又再錯先至要驚！
佢地細既時候我地家長可以扶佢一把，
但大大吓，便要靠佢自己了，唔通我跟埋上中學？

我頭頂都生左好多白髮，有時都覺好勞心，
有次亞仔問我有白頭髮既？我話係架，平日染左之嘛！
佢好down 咁話唔想我老，老人會死喎……
我心諗激少D 我可能長命D，哈哈！
今年唔錯，勞少左氣，希望黎緊測驗都係咁，
如果佢生生性性，我真係好感恩，天父一直待我不薄。

ms99

ms99

麟媽媽,

麟仔真係好細心，一定珍傳自佢爸爸

easiness

麟媽媽 & ms99,

你地兩位公子都咁識諗, 真係替你地高興! 如果阿大咁識諗就好啦! 我日日返到屋企都要同佢鬥智, 無白頭髮就奇啦!

totoro

收到通告話亞仔有本圖書未還, 但係找過居企都冇那本圖書, 而我問亞仔佢話冇借過( 我亦冇見過本圖書 ), 點算好?!
  

Thanks

SINDY-MOTHER

totoro,

我都試過這個情況, 我都是找全屋都找不到本圖書,亦問個仔仔都無借過,所以我就寫o左張便條比 Miss Poon 佢係圖書館主任告訴她我仔仔沒有借過這本書,請查清楚如有什麼問題與我聯絡。
到放學的時候,仔仔話有個圖書館既哥哥同佢講,已查清楚本圖書係上午班的同學借不是他.
我想你也可以用這個方法。     

totoro 寫道:
收到通告話亞仔有本圖書未還, 但係找過居企都冇那本圖書, 而我問亞仔佢話冇借過( 我亦冇見過本圖書 ), 點算好?!
  

Thanks

@Smile

Dear all P.1 parents,

Did your sons 背詩 to their teachers? (There are ten Chinese poems.)
Is it 背詩 to their Chinese teachers, but when ?
During lessons or recess time ?

Can you tell me.  Thanks.

@Smile

麟媽媽

ms99,

亞仔對死亡有點恐懼，
佢成日驚婆婆會死，驚我會死，
因為我老爺早3 年多前好突然過左身，
唔好話亞仔接受唔到，我老公都好大打擊，
佢好疼亞麟仔，佢知人死了以後都不能再見。
我都不時同佢講，人必定要經過生死，
死亦不要怕，因為只係會去左天父身邊，
爺爺都快樂，將來係時候我地會再見的。
但佢又問我，如果人人生存後都會死，
那為什麼要活著？始終都要回到天家的？
唉…..我都唔知點答佢，我咪同佢講，
人活過，從中你得到的亦不少呀！
你愛婆婆，婆婆又愛你，你不是很快樂嗎？
但佢又話，咁我地係呢度同天堂都同婆婆一齊，
我唔覺得有分別喎！(真係比佢激死！)
咁我話婆婆很關心所有人，時時去做義工，
又成日返教堂做野，佢將來一定上天堂的，
但如果你係世上唔做好本份，又或者做壞事，
婆婆上天堂，但壞人唔上到天堂架喎？
佢即時話要做好人，要同婆婆一齊。

有時我真係唔知點同佢解釋死亡，
講得好美滿，死後得到永生/平安/快樂，
佢第時遇到不快，諗住死左咪仲好既話，
咁咪弊？！你知而家幾多細路….唉！好難攪！