馬頭涌官立小學家長請入來傾吓

Leolonglongma

各位媽咪:

好耐無上o黎, 見cslamo既發表, 又忍唔住要講下.  我自己都係"忟薑"一族, 個仔出世後情況更嚴重, 佢少少唔合自己心意, 自己都好"忟", 而且所有情緒會浮上面部(根本自己都唔覺!)但唔一定係嬲佢, 只係真係控制唔到自己情緒, 我試過離開現場, 但佢會跟住你!  不過個仔就認定咗係我嬲佢, 成日會同我講:"媽咪你唔好嬲, 我乖番啦!" 但佢越講我就會越慶, 忍住道"火"叫佢收聲等我靜o下, 但個仔反而更變本加厲的說:"我乖番啦, 我乖番啦......"情況只會越來越失控(佢同我都係!).  好多家長都叫你生多一個, 細路同你自己都無咁集中係對方身上, 情況會好d, 但問題係你敢唔敢搏?  如果生多一個更加難教時, 咪仲死得快d?  我都明小朋友會是大人的影子, 有時佢話番我的說話都是似曾相識; 話說有一日佢放學回來, 把聲好疲累, 關心下佢, 問佢今日點呀?  佢竟然無端端講: "唉!真係想開個窗跳落街算數!" 我個心係到盤算緊佢攪乜, 但又要即時俾反應佢, 唔想佢對我反應太認真, 扮輕鬆咁同佢講:"你唔好添呀! 唔係人o地告我; 話我高空擲物添呀! 罸我一萬伍仟呀!"  佢當時反應即時笑番, 仲鬧我:"同你講正經o野, 你唔關心我, 仲講埋o的咁o既o野.....", 我只好回應:"你都唔係講緊正經o野!"  不過真係唔可以o下o下控制到自己, 今次叫做淡化件事, 下次佢又唔知出邊招?!  如果你係佢阿媽, 你會點做?   

多利是

cslam, leolonglongma

我都係呀..阿囡真係好似我倒模咁架..  :-|  :-| 自己eq都唔好, 又點寄望囝囡好好eq呢??  :cry:  :cry:

教細路真係一條好高學問, 好漫長既路..大家一齊加油, 努力啦    

ngyanting2000

leolonglongma,

好耐無見 , 你近排好忙呀,  我以為你唔記得我哋添  ,記得有時間就上嚟同我哋分享吓,

多利是, cslam, leolonglongma,

我都係一個好難控制自己情緒的人, 好多時對住囝囝一唔滿意，就係塊面表現出嚟，囝囝立即同我講”你又想鬧人呀”，可能我EQ真係好低。囝囝未升小一前，好輕鬆，無咩壓力，學好多課外活動都無咩問題，ｅ＋想多少少時間同囝囝玩都難。好似上次測驗咁，我老公都同我講”叫我要好好控制自己的情緒，囝囝考得差又鬧，考得好又鬧，其實囝囝都考得唔錯，唔好俾咁大壓力囝囝同自己，放鬆ｄ”，唔知係唔係我哋做媽咩都比較緊張，有時都想放鬆ｄ，由得囝囝自己做，但係又唔係好放心，ｅ＋先啱啱開始，重有好漫長既路要行，如果有機會我哋可以大家相約出來傾吓計，大家交換吓ｄ心得

ngyanting2000

YUNG媽，

你有無問吓囝囝點解唔鍾意學小提琴？係老師好嚴定還是無時間練習？我都想了解多ｄ呀，因為我都想俾囝囝下年學。囝囝可能見到同學仔學小提琴佢又想學，成日問我學校幾時先有得學小提琴，我同佢講話要二年級先有得學，ｅ＋已經開咗班，到時，我都要問清楚囝囝係唔係真係想學先同佢報名，如果一開始學就一定要學到學期尾先可以完。

3b

各位,

Hello ! 請問34區大囝得15分, 抽中馬頭涌官立小學的機會大嗎 ?

YUNG媽

問過亞囝, 佢面有難色說好難學. 我想定必是在學習的過程中不甚愉快.  所以把原來已沒有興趣學的他更感到學小提琴是一件苦差. 亦跟導師聯絡過, 他說亞囝坐唔定, 不集中. 這個答案對我有點意外. 這並不是亞囝在學校的慣常表現. 所以我感覺到他對要上小提琴班已產生恐懼.
如果可以比我選擇, 我寧願放棄.  那管說我/亞囝沒有毅力, 我總不想由於硬要他學多一種興趣班而影響他的情緒和學習興趣.
從小到大, 他也曾被安排去學一些自己沒有興趣學的課程, 可是最終他都會享受學習的過程, 學多學少都不是我所關注的事. 我只想和他一同探索那些是他較有興趣和專長的.

gordon7e

hello,各位好,
其實我當初都有想過讓囝囝學琴或小提琴,可是家裹實在放不下鋼琴,去琴行練又好煩。小提琴呢,聽朋友說小朋友要很留心聽音,否則不易學好,手指按絃時很痛,一定要很喜歡才有恆心學下去。因此,我打算小一適應期後,小二才看有否需要。我也應為如今的小朋友真是學得太多東西了,其實他們也會很攰,只是沒有機會說"不"吧了。

YUNG媽

都應該鼓勵下小朋友學習/接觸d新興趣或課程既.  因為未試過大家都唔知是否會有興趣和天份.  有時會有d驚喜架. 如果無天份但佢enjoy都係好事. 但無興趣的話就唔好再糾纏, 否則只會浪費金錢, 時間和親子關係.

如果係校外課程, 我的自由度大d.  在校內學就多左一重壓力. 我依家常常提醒囝囝唔駛迫自己咁唔開心, 學得幾多, 吸收幾多都總好過未學過.  起碼你會知道多一點小提琴的知識.
套用佢常識科個句, 每個人的興趣和能力都不一樣, 呢樣沒有天份, 下次再試下其他囉.  都好, 等佢都知道下自己唔係瓣瓣掂, 要受下挫折.

最緊要係我知道佢的進度, 從旁輔導下, 希望唔好影響佢對其他事物的學習興趣和對自己的信心.  

ngyanting2000

YUNG媽,

你囝囝學小提琴的情況, 我囝囝都係學鋼琴出現個, 早兩個月囝囝叫着唔想學鋼琴, 因為剛升上小一, 無咁多時間練琴, 囝囝到上堂時, 歌曲彈得又唔係咁熟, 可能自己屋企無琴, 要到琴行練琴, 大家都好辛苦, 有時一星期都練唔到一兩次, 所以囝囝就好唔想學, 我唯有將學琴時間由四十五分鐘改為三十分鐘, 等老師慢慢教, 我同囝囝講唔好同人哋比較, 只係當一種興趣去學就可以, 今次彈得唔好, 下堂再學多一次, e+囝囝學得好開心, 反而最唔開心係老師, 成日同我講囝囝學得好好, 好有天份, 點解唔俾多d時間學, 咁會拖慢囝囝的進度, 我唔介意人哋點睇, 我只係要囝囝學得開心, 我唔想囝囝對學習有一種恐懼, 如果強硬要囝囝做得好, 大家都辛苦, 倒不如放鬆一吓, 換另一個角度睇, 對大家都開心d呀。

YUNG媽

ngyanting,
多謝你的分享.  係呀, 最重要係要保持到佢地愉快學習的狀態.  囝囝都有學鋼琴, 我沒有迫佢幾多歲要考到幾多級, 只是知道學彈琴對佢運用左右腦, 手眼協調有幫助.  所以都希望佢繼續慢慢學.  同齡小朋友考到幾多級我都唔會羨慕, 人家又識法文日文都係咁話啦, 各有各學, 各自修行.

我相信囝囝對自己要求都好高, 稍為落後, 都覺得唔係好開心. 今次學小提琴差d就咁唔開心和有壓力, 將來會遇到更多叻人和不如意事咪重睇唔開.  所以我要向佢灌輸學習的正確態度和目標, 重有我對佢的要求, 咁佢會開心d.  

Leolonglongma

ngyanting2000 寫道:
leolonglongma,

好耐無見 , 你近排好忙呀,  我以為你唔記得我哋添  ,記得有時間就上嚟同我哋分享吓,

ngyangting,

係呀! 真係好耐無上o黎!, 忙完Q3 BUDGET, 又開始07 BUDGET, 有時都唔明, 我千方百計唔入會計這一行(因為我是數字白癡), 到尾要做的工作同budget 最大關連!
今天回來趕report, 早餐午餐都無時間食, 剛剛先可以抖啖氣, 我已經即刻上BK啦!

見到你們的分享, 我亦有同感, 只希望俾小朋友多D機會接觸唔同興趣, 有興趣繼續, 無的話即CUT.  我試過排了半年才有位學YAMAHA 的鋼琴班, 但只學了一個月, 幾乎每堂唔係阿仔喊, 就係我喊, 因為課室太迫, 阿囝又不斷郁; 擺了鋼琴在小朋友面前, 但大部份時間不准掂, 3-4歲小朋友根本忍不住不玩, 湊巧坐在後面的又是一位比較自我的家長, 見到佢郁, 已經叫個囡唔好同我個囝玩, 因為呢D小朋友"唔乖"; 每次都好唔開心, 試過有一次, 他太頑皮, 我拉了他出課室跑到商場外, 打了他一頓, 這一堂後, 亦停了辛苦等來的位.   自此以後, 無論怎樣哄, 他都不肯再學琴!  所以每種興趣是否有成績/成就, 其實好在乎是否有個快樂的好開始, 遇上好的老師.  經驗讓他害怕的話, 縱有天份都是徒然!  所以現在囝囝學的興趣班全是他自己喜歡的, 我叫停, 他都不肯!  只是空閒時間越來越少, 無法不叫停部份他喜愛的活動, 如羽毛球, 哥爾夫球..

cslam

Leolonglongma,
我都試過同亞仔去上通利親子班，上左1年(原本係2年課程)，因為每個星期要放工就趕住同佢去上堂，好辛苦，一年就捱唔住，再加上佢唔肯工人陪同跟唔上，最後都停左，好可惜，但係無計。跟住學乜都學唔成，攪到我有d後悔停左個親子班。
亞女就好d，不過今日佢同我講話唔想上學校個劍橋班，佢好僧個老師，我問佢點解僧，佢又講唔到。其實佢上第一堂時，我已經後悔同佢幫名，因為聽其他家長講佢地拖長o黎教，雖然係平d，但係要到出年5月先可以考試，時間真係長左d。

cslam

3b 寫道:
各位,

Hello ! 請問34區大囝得15分, 抽中馬頭涌官立小學的機會大嗎 ?

我都聽過有人15分入到，但係機會幾大就真係唔知。不過以我自己為例，家姐哥哥係度讀緊o既真係唔小，咁又會減少左d機會啦。
下個星期六2點開始，馬頭涌有招待幼稚園參觀活動，如果你有興趣，可以o黎睇睇，因為o個日校長會有講座。上星期六佢係講座度仲俾tips d 家長，話第三輪扣門時要留意d乜。當日其實係有指定幾間幼稚園o架，不過我諗你walk in 入o黎都無問題，可以帶埋小朋友，你入去聽講座時，可以將個小朋友帶去天台「歡樂園地」度，有家長同老師同佢玩o架。
講座之前係地下禮堂，會有學生表演：管弦樂團、舞蹈等等。
最緊要係聽校長個講座，好有用o架。
上星期六有好多小朋友直情唔想走，因為玩遊戲有獎品o架。

Leolonglongma

cslam 寫道:
Leolonglongma,
我都試過同亞仔去上通利親子班，上左1年(原本係2年課程)，因為每個星期要放工就趕住同佢去上堂，好辛苦，一年就捱唔住，再加上佢唔肯工人陪同跟唔上，最後都停左，好可惜，但係無計。跟住學乜都學唔成，攪到我有d後悔停左個親子班。
亞女就好d，不過今日佢同我講話唔想上學校個劍橋班，佢好僧個老師，我問佢點解僧，佢又講唔到。其實佢上第一堂時，我已經後悔同佢幫名，因為聽其他家長講佢地拖長o黎教，雖然係平d，但係要到出年5月先可以考試，時間真係長左d。

cslam,

音樂親子班上唔到, 還有大把其他親子班, 唔好灰心或者唔開心, 最緊要其實係小朋友enjoy學習過程呀! 咁, 佢地先會吸收架 (所以如果囡囡解釋到點解唔想上堂, 家長又幫唔到佢衝破呢個障礙, 其實quit咗學校o既course再出去報, 可能得到的更多, 慢慢氹你囡囡, 睇佢有咩困難啦, 小朋友學習興趣和動機才最重要)! 至於親子班, 我建議大家報中電/煤氣的親子烹飪班, 過程輕鬆, 小朋友有得食, 有得玩, 而且安全. (缺點是太多人報, 很多時都額滿, 但趕到月頭網上報是仍有位的!), 最重要是無壓力; 大家都輕鬆, 完全達到親子目的.

YUNG媽

ngyanting, leolonglongma, cslam,

所以肯定的是如果所選的興趣班是小朋友所喜歡的, 佢地會自然投入, 有興趣學就有成績, 事半功倍.  如果是迫佢上的, 最終還是敷衍上堂, 學不了甚麼.

cslam

各位馬頭涌o既家長,

唔好意思，想借一下哩度幫家教會傳遞一個訊息，請各位到以下網址看內容(有函1及函2)，如果大家可以幫到忙o既，可直接與他們聯絡。如果你地無舊電腦，但係知道親戚朋友有o既，亦請幫忙聯系，因為真係有好多家境較貧窮o既學生無得上網做功課。希望各位能幫忙將哩個訊息傳開去，越多人知就越有機會得到多d人幫忙。唔該晒各位！鍚晒你地

cslam

Leolonglongma 寫道:
至於親子班, 我建議大家報中電/煤氣的親子烹飪班, 過程輕鬆, 小朋友有得食, 有得玩, 而且安全. (缺點是太多人報, 很多時都額滿, 但趕到月頭網上報是仍有位的!), 最重要是無壓力; 大家都輕鬆, 完全達到親子目的.

煮o既食？好喎，佢地好鍾意o架，係咪search 下就知道網址o架啦？等我都去睇下先，唔該晒！

ngyanting2000

Leolonglongma ,

我想要中電/煤氣的親子烹飪班D資料, 可以係邊到搵到Ｄ資料呀, 我囝囝就最鍾意吃, 可以自己親手下廚, 一定開心死佢  

Leolonglongma

有興趣o既媽咪可以瀏灠中電樂廚坊

hotline: 2729 2188
https://www.clpdelight.com.hk/
中電樂廚坊

要成為佢地o既會員(入會費好似是50/100元, 入會太耐已經唔係好記得), 但最新有效100報讀課程優惠至12月31日.還有小組報名(最少6 人)繁忙時間現在有8折優惠
$150->$120
$180->$144
$250->$224
要視乎你學煮食物有幾複雜!  如果有興趣, 不如約一次組團參加, 但我未試過, 唔知要book 幾耐才會有位(時間).  我同阿仔參加過2 次, 每次佢都十分enjoy, 不時問幾時可再去.  TST 及荃灣都有CENTRE.

ngyanting2000

Leolonglongma,

我好有興趣, 特別係甜品同蛋糕, 我亞囝一聽到就好開心, 問我幾時有得上堂，如果係就快ｄ集齊人，一齊參加，到時記住留返個位俾我同囝囝