「鄰舍輔導會新翠育嬰園」媽媽吹水站

my1215sui

NAMNAM05
係喎,我仔仔兩月生日點解會通知我呢,真係傻傻地.....
原來你個仔星期六冇返呀,吾怪得啦
你仔仔通常星期返吾返呢,係咪星期六好少人返呀

my1215sui

剛剛收到主任send e-mail
鑑於大組近日（16/10至今）有數名嬰兒相繼有肚

Namnam05

my1215sui,

唔使擔心嘅,可能係一些過慮性病毒,相信學校衛生情況都很好,又有可能之前有些B感冒未清去左條腸道咪變疴囉~小朋友不要太夜訓,喝多些水及吃生果,扺抗力便会好些,就無咁容易感染啦   

我逢三、六下午都放假的,間中会放全日,所以我個仔Sat有時会唔返架  

hyma

[quote]
my1215sui 寫道:
剛剛收到主任send e-mail
鑑於大組近日（16/10至今）有數名嬰兒相繼有肚

jocola

好驚...........係唔係只係嘔同瀉架咋？

我個仔傷風咳左好耐都唔精呀！
扺抗力咁差，咪好易"lai野".........好擔心添

my1215sui

我個仔咪又係病左咁耐都未清晒,佢現在抵抗力都差呀....
真係好擔心,
今日接仔仔放學時都有同殷姑娘傾計,佢都話有幾個小朋友都係咁,所以要留意下自己個bb....

hyma
咁仔仔係咪突然嘔同肚瀉呢,咁睇左醫生食左藥就好番呀,佢冇返幾多日呀....

hyma

my1215sui 寫道:
我個仔咪又係病左咁耐都未清晒,佢現在抵抗力都差呀....
真係好擔心,
今日接仔仔放學時都有同殷姑娘傾計,佢都話有幾個小朋友都係咁,所以要留意下自己個bb....

hyma
咁仔仔係咪突然嘔同肚瀉呢,咁睇左醫生食左藥就好番呀,佢冇返幾多日呀....

初頭無啦啦，一個朝早嘔足５次，食嘜嘔嘜，唔食野都嘔，立即同佢９秒９去睇醫生，醫生話係感冒菌入賜而影響腸胃，醫生都有開止嘔止瀉藥比豪豪，止嘔藥就食左２日，我見佢無嘔就無再比佢食，而止瀉藥由始至終都未食過，因豪豪都唔係瀉得好勁，醫生話如果唔瀉得西利就唔好食，有得佢瀉左ｄ菌仲好，今日已經無瀉啦，但學校而家又咁，好驚又再受感染！！

jsbaggio

hyma

豪豪要保重身體，如果可以的話，可否休息多幾天先返學呀?

winwin815

唉...我今日好慘, 話說我姑姐今日入黎沙田同麻麻食飯, 跟住麻麻打黎話姑姐未見過b女, 叫我過埋去食, 其實我麻麻地想去, 因為b女隔個半至兩個鐘就要食人奶, 出街食, 好輪盡, 但係麻麻爺爺不斷叫我去, 咁啱老公又ot, 咁咪去囉, 點知...真係出事

d餸一黎, b女已想食奶, 佢好鬼準時, 但係人又未齊喎, 再加上b女見親人都好乖, 唔喊架, 佢連肚餓都唔喊, 咁在座各位都叫我等b女喊先餵, 因為要返上麻麻屋企餵, 如是者過左一個鐘, 我個胸越黎越谷, 尤其是近underarm, 有wire個個位, 到我頂唔順要返上麻麻家時, 已經成個胸變左石頭, b女食都有d困難, 所以不斷喊吓, 餵吓, 訓吓, 喊吓......最慘係我個胸好痛, 個人仲有少少發滾添, 用毛巾熱full試過, 沖熱水涼試過, 都唔太得, 咁啱屋企有椰菜, 咪試下囉, 由12點幾full到依家, 又真係冇咁痛喎, 至少個胸冧返d, b女先食到嘛, 下次真係怕怕啦....

有d 擔心滿月個晚點添, 你地有冇經驗, 餵人奶點算, 最慘b女下下餵成半粒鐘架嘛, 原先諗住個晚餵奶粉, 但係原來仲有諗埋自己個胸谷奶喎, 點好呢...

my1215sui

winwin
我食滿月飯時出去前就泵定先,跟住就去食飯,我估出去兩三個鐘都吾會太谷law
不過當日我都帶定奶粉如果吾方便餵我就比女女食奶粉,而我就去toilet整o的出o黎吾要law,等自己舒服o的ma....

hyma
好在豪豪現在冇事呀....
學校昨日派左通告話可以打流感針喎,我個仔未好番都冇得打

my1215sui

唉....我媽媽話仔仔今日吾肯返學呀,都吾知佢仲咩
昨晚可能目訓得吾係咁好啦,冇端端係度喊話吾好
吾知佢係咪學校玩得興奮得濟呢,一話比同學仔蝦呢

因為今日媽媽返下午,所以佢幫我湊仔返學law

silvia_yu

唉
我個女都係呀
前排只係痌但無嘔呀
跟住睇左醫生介左一日口都幾好無再瀉了

近排真係好多病菌呀
我間診所lee幾日都有好幾個出水痘呀
我諗我要盡快同個女打水痘針了

maman

海琪媽

今早我係新翠崇真中學附近見到你呀，仲同你打招呼，我日日都好趕，冇時間同你相認添．．

Namnam05

my1215sui,

我今日見到B仔同B女返学呀,婆婆有冇話比你聽有個姨姨幫佢換鞋仔同執片片呢,B女好靚女好乖,B仔好似瘦左喎,我叫佢同阿仔一齐入課室吃早歺,佢就喊到飛起,拑住婆婆唔放啦,我個仔就自己走左入去,老師和我氹佢都唔肯,吃完早歺都仲晌出边,老師話佢哋昨天玩得很開心,新遊戲wor,所以阿仔昨晚都有發開口夢〝比呀〞咁,佢哋組的小朋友都好乖,應該唔會比人蝦既,唔使擔心啦~

my1215sui

NAMNAM05
係呀,真係麻煩晒你呀,
好在有你幫婆婆手,如果吾係就麻煩lu
可能仔仔玩得太興奮啦,佢又係發夢成日叫比呀咁law,但佢就係度喊,仲喊得好勁添
其實我都估佢吾會比人蝦,因為我見到o的小朋友都好斯文
但吾知點解呢,佢一向都好鐘意返學呀
或者明天等我同我老公自己親自送返先,
昨日放學佢又係度喊,一定要我抱,婆婆抱都吾肯呀

silvia_yu

maman,

原來今早係間中學附近打招呼是你
我記得你每日都好早帶bb落去媽
之前我都係準時8點帶亞女返學架
但因為近排同老豆一齊搭車所以遲左
而家攪到我一送完佢返學就仆去搭車返工
日日都遲到...哈哈

Namnam05

hyma,

豪豪好嗎?

my1215sui

今日三點半收到殷姑娘個電話,佢話我個仔目訓醒阿到成牀都係呀,佢地立即幫我個仔沖澡,換衫,跟住就要隔離,佢仲叫我快o的去接佢睇醫生
咁我一放工就搭的士去,當時仔仔放左係主任間房到,有姑娘睇住佢,佢地就話仔仔只是阿左一次,之後就冇事,又肯玩,冇扭計添,佢話今日都好乖,只是一返o黎扭婆婆計law
佢地就叫我觀察仔仔多一日先,好在今晚佢都冇事,仲肯玩,仲食,現在已經目訓左lu.....
我話因為佢這兩天大便好硬,阿得好辛苦,婆婆就去煲中藥比佢食,點知可能吾受得咪阿law.....

可能仔仔昨晚目訓得吾好就係肚仔吾舒服啦,希望佢今晚目訓得好o的

winwin815

希望你地d bb快d好返啦, 我都好怕第時bb病點算

hyma

jsbaggio 寫道:
hyma

豪豪要保重身體，如果可以的話，可否休息多幾天先返學呀?

我都想呀，但係無人幫我湊 ！！