兆麟聖彼得堂 06 k1入來傾下丫

luluma

各好午安呀.......食完飯未呀

終於可以溫習三大頁la

我都覺得個書包好重呀, 但無計啦, 想帶少本都唔得……..或者咁想啦, 小朋友係要訓導吓, 將來可行的路更遠呀, 我地細個時都係咁架啦….(所以我生得唔高囉)

話時話, 星期二那晚真係叫多功課, 一版耶穌, 一版練習, 仲有一版好似係習作紙….油到手仔都軟, 阿女油到近二樣, 己經開始話好累喎, 我咪唯為鼓勵佢囉….我都唔計佢油得靚唔靚, 要佢油得靚, 真係好難架, 叫佢唔好油過界, 好就偏要過比你睇, 激唔激死呀…..我就抱住, 做晒功課的精神, 至緊要佢願意做, 過程開心咁我都收課lu….

June_june

個牙齒印, 退左未呀…哈哈, 正所謂不打不相識呢…, 好返未呀

Catnapper

碩仔應該可以返學啦, 係嗎 ?

Hviy

嘩, 你真係要介紹多幾款比我地呀, 你講那些, 寶礦力加水,可代替止痛片, 唔講真係唔知 下次一定要試下……

係喎, 那些你介紹的湯水, 不如打個list出來，　得唔得呀，　即係好似食譜名咁呢

係喎, 我個細女得8個月, 佢無乜野, 但一日有一兩聲咳, 同好似有痰咁, 可以食乜野呀?  我試過比佢食猴棗末, 頭一日, 佢大大內有痰, 之後少左, 但還聽到有聽的聲音呀.

Pancy

Welcome, 多些一齊交流呀…..我個女係下幼D呀….

幼兒教育 “學券”

原來, 半日及全日的非牟利幼稚園小童都可以授這優惠, 只要全年學費分別不超過2萬4千元(半日), 同4萬8千(全日), 最少可得全年一萬元或最高達一萬三千元的資助, 咁講法, 我地每月可比少近一千元呀, 真係慳唔少…..咁我地學校合資格有餘啦…..

嘩, 你地估下年度, 申請入學的小朋友會唔會更多LE, 因為在私人幼稚園的小朋友係無得受惠, 可能會多左人轉讀非牟利都唔定喎…

catnapper

我想問下, 如果阿囝只係剩返少少燒(有時度到有, 有時度無), 仲好唔好睇多次醫生呢?

luluma

我自己的做法係

首先, 阿女如無咳, 或己餘下好少咳, 無乜running nose, 痰要無顏色, 即係已消炎, 人要精神如平日般, 開心, 再加上度數在耳探計 37.8以下, 肛探就38.2or3以下…..咁我都未必會再帶佢再睇醫生….除非阿女個樣好累, 眼dup dup咁啦, 有其他地方唔舒服或痛

以我認識, 在可接受的溫度下發燒係對打低細菌好有幫助, 即耳探 38.以下, 或肛探38.5以下, 如無乜唔精神, 少咳, 痰無色, 我都唔會比佢食發燒葯..呢d係我這幾年問過不少醫生及姑娘所知的

通常我會在溫度38.4or5 或以上, 才會考慮給發燒葯...

june_june

唉, 係公司做到無停手, 點都要上黎hair 一陣....

luluma:
亞仔個手錶型牙齒印好快就冇左lu, d印都退左啦!!!  

june_june

hivy: 我想問你個大女是否讀保圓呢?  因為我係隔離小學雜談見到你呀, 所以想請問你law?  這間小學難唔難考呀? 而今年學費又係幾多呢?  而面試d問題容易嗎?   唔好意思呀, 問下問下好多問題, 如果你有時間先回覆我啦, 打攪曬! Many tks!   

catnapper

咦, 我首選都係呢間喎, 我都想知, 講下你對呢間學校o既睇法丫.

june_june 寫道:
hivy: 我想問你個大女是否讀保圓呢?  因為我係隔離小學雜談見到你呀, 所以想請問你law?  這間小學難唔難考呀? 而今年學費又係幾多呢?  而面試d問題容易嗎?   唔好意思呀, 問下問下好多問題, 如果你有時間先回覆我啦, 打攪曬! Many tks!   

hviy

luma,

其實化痰湯水都不外乎嗰幾未啫,羅漢果,無花果,川貝,陳皮,海底椰,沙參玉竹,淮山百合,雪梨,鱷魚肉,海龍海馬....而煲湯肉就用鷓鴣,鵪鶉,水鴨,生魚,呢d不單止清熱化痰,仲無工人養殖,唔似雞鴨咁多賀爾蒙....自由配搭都得,最緊要易煲,好飲,無壓力,易解決     

有無幫細女拍痰呀~~其實佢疴到出嚟都ok架啦...最緊要係飲多d水,因為佢地飲奶都係好難清d痰架,我知有d人會煲羅漢果水俾BB當水飲,重見佢個B飲到好滋味添     

june-june & catnapper,

乜你咁快就睇定小學    連保圓個topic都睇埋    勁~~ 有乜野想問呢??? e+學費$800,出年$880. 面試題目都算ok架,小朋友可以應付,最緊要佢肯開金口,英問英答,普問普答就得

beautymother

hviy
你好犀利呀，乜都知，有你係度真係幫o左我地好多呀。

pancy
今朝見到你個女啦，係唔係爸爸送返學，我地在輕鐵站附近見到的，你今晚問下你個女，早幾日佢地仲拖住手去厠所添，我阿女話同一組的，跳跳虎組。唔知係唔係每班的組名都唔同呢，早幾日在學校門口聽到有的媽咪話薯條組，應該全是m記食物喔。

june-june & catnapper
你地又真係幾早睇小學喔，不過有時我都會去八下o既。

hviy

早晨呀!!! 有無入校網睇過???又有新相啦~~~    今次又俾我揾到阿女,係正面,不過..........好細好細,只係認得佢個image同埋對波鞋至可以確定咋    仲見到我fd個女嘅大頭tim....你地快d睇完上嚟報料la           

hviy

其實咁早睇定小學都只可用嚟做參考咋...我大女以前K1時都係咁    當你倍佢一起成長咗K1,K2後會對你個小朋友嘅學習才能認識多咗,到你要選小一時就會考慮你所心儀的小學是否適合他??不如好好享受呢幾年kg生活仲好la....   

beautymother,

我夠8ma.....
    

pancy

beautymother,

係呀！係爸爸送佢返學架。佢都話同你個女同一組喎。阿女話隔離組叫小熊維尼組，因為佢個男朋友仔係

celia_ip

點解你地小朋友入D組個名咁好聽o既??!  我囝囝係芒果組呀, 佢地班全部都係生果黎架.....

我都係學校個網度搵到囝囝啦,    單人照o個張呀, 一開個網頁都嚇一跳呀, 老師咁益佢, 登張單人照呀~

岩岩開學咁快讀睇定小學 ??! 不過其實我揀依開學校前, 都諗定將來會揀邊間小學, 首選 何日東, 跟住就保良局千"希" , 胡少渠, 但係見去年多人選圓玄 , 係咪因為轉左保良局 同埋直資呢 ??

我想問萬勝節學校係咪會攪party架??! 因為好似早二年見到有學生扮到成隻鬼咁返學, 如果係, 就要同囝囝揀定衫啦~

luluma

hviy

鷓鴣, 水魚係邊到可以買到呢.....平時真係好少會食到這些食物, 咁有益, 真係要多些煲至得

剛入學校網, 多左好多相呀, 見d小朋友好開心咁上堂, 仲有升旗儀式, 嘩, 人頭湧湧呢.......黃老師好認真係個樣

不過我仲未見到阿女在網上出現, 好期待呀.....

至於選小學, 現在都未有清晰的決定, 你地講的都好似幾好, 真係要了解下個女的性格同學習態度, 才能選合適佢的學校.....到時一定好頭痛呀  

明白係家教會成立日, 你地會去嗎 ?

不過我一定要去學校, 因為我仲未替阿女的冬季校服試size呀.....(慢百拍)

順道睇吓先.....

celia

芒果都幾好呀, 咁好味 , 我個女係白兔組呀.....

beautymother

呵，原來真係班班唔同組名呀，都幾得意喔

唉，今次在學校個網度搵唔倒阿女添，上兩次都有呀。

我全部同阿女訂M碼校服呀，都唔知啱唔啱添，因為都係無時間試，想試時又好多人，試唔倒。

pancy

beautymother,

我老公就叫我幫個女買晒加細碼，我都唔知佢有無幫個女試過。不過夏天校服就真係要加細碼先合適，佢試過條細碼，好似著晚裝，又長又闊。

hviy

luluma, 鷓鴣响鮮雞檔,生魚响淡水魚檔買

celia, 我個女係蘋菓組   

hviy

celia,

保良局千"希"??係咪志豪??? 你講嗰幾間都係hit school,好多人選圓玄,相信係不滿政府嘅教育制度多d囉...轉左保良局都有d嘅,話晒都係教育界名牌    而我嘅原因係有d自私    因我有2個女,自問真係無可能承担津小嘅壓力,而唔係阿女嘅問題, 另一方面係因為佢係唯一嘅英小,希望將來升中响本網有少少優勢,不過呢d野都無保証架    最緊要係囡囡開心成長,享受學習就得啦   

年年萬勝節都會攪party架....我都同緊2個女

luluma

beautymother, pancy

星期六 試左身la 除校褸外,其他全部中碼, 原來細碼校隻袖都長成二吋呀, 中碼那件, 肩位好似打欖球咁呀.....

hviy

係呀, 綱要上教的故事書, 係咪可以在學校圖書館借到呀一樣?

萬勝節有化妝舞會, 真係好期待呀, 都唔知着乜野好呢,,,,你地往年小朋友會穿那些服式架....係咪乜都得架, 可唔可以比d idea 我地呀.....

celia_ip

hviy,

原來唔係保良局千禧, 係"博愛醫院歷屆總理聯誼會鄭任安夫人千禧小學"呀, 記錯左添.... 咁圓玄係咪要自己去考架??! 我同事個囡本來由N1至K2都係讀緊奧斯卡國際班, 今年K3轉左去天水圍德怡國際班, 諗住考圓玄, 但驚考唔到,有無咩面試貼士呀??! (佢囡囡英文超勁, 仲流利過D鬼仔,但國語同廣東話就麻麻....   )

celia_ip

luluma

我囝囝一早講定萬勝節要扮"巴斯光年"啦, 因為早二年佢已經扮過巫婆, 南瓜, 彊師.

我曾經見過有個男仔(好細個, 應該K1),著住成套西裝,"立"晒頭,"查"到塊面白晒,畫埋彊師牙, 好型仔架~  

我媽咪幫我囝囝度過校服, 佢話要全部大碼先岩著 , 所以訂晒大碼, 恤衫仲要買22碼.....