06年9月入讀蘇淅幼稚園K1既家長, 入唻交流下啦!

wewetwet

CanKan,

平時都是印印姐姐湊返學,如果唔駛飛就有時會自己湊放學,間中會拉埋隻佬一齊去,甘阿囡就會超級開心啦!

你們有冇睇手冊呀?又有評估了,阿囡終於唔係全部粉紅色啦,禮貌嗰度有紅色啦!快啲睇下啦!

joeytcy

係咩...等我今日見到阿女問佢拿黎睇下....

另cankan...深海魚港酒樓係咪摺左呀

joeytcy

十月媽
你女女點呀

十月媽咪

joeytcy,
唉...唔好提喇, 阿女d鼻水翻兜, 個肺依然痰多, 不過就好似咳少左, 但咳果陣依然聽到好多痰聲, 好鬼煩既呢!    

joeytcy

你女女咳左幾耐呀....係咪同醫生d藥唔夾呀.........
係咪轉天氣所以甘呀.............

十月媽咪

joeytcy,
佢開頭只係少少鼻水, 咁食左收鼻水葯, 其實已經好左好多架喇! 咁上星期六同佢去飲, 我舅父好人得滯, 就買左d明治既士多啤梨朱古力畀佢食, 佢一晚之內, 食左成十粒, 出事喇, 食完d痰就唻料喇, 一直到而家都清唔到, 超煩!

至於d鼻水, 可能同轉天氣有關, 亦可能畀同學仔惹番轉頭! 事關佢噚日返學果陣明明有戴口罩的, 放學果陣, 我見佢個口罩唔見左, 再望下佢個鼻, c咯, d鼻水又唻料, 救命呀! 真係無眼睇!

醫生畀左四日葯, 而家食左三日, 食埋今日睇下點先, so far其實佢個人好精神架, 除左食完葯之後, 無幾耐就要瞓覺, 其餘時間都係鬼打咁精神的, 所以我諗佢問題應該唔大的, 但如果真係食晒d西葯都清唔到, 我就會的佢去睇中醫, 灌佢飲苦茶架喇! 豈有此佢呀真係!

joeytcy

原來我個女好鐘意食苦瓜....反而到依家都唔係好食蝦...所以佢唔食蝦餃同燒米...你地個小寶有無咩特別唔食架..

十月媽咪

唉...我個女太多野唔食喇, 我只能夠話, 佢淨係鍾意食以下食物:

蔬菜: 菜芯, 菠菜, 蕃茄 (其他菜全部唔食, 瓜類全部唔食, 豆類全部唔食)
肉類: 雞肉, 魚肉 (豬牛羊全部唔食)
五穀類: 飯, 粉, 麵, 麵包
生果: 萍果, 橙, 香蕉, 梨, 奇異果, 火龍果, 士多啤梨 (提子唔食)
其他: 雞旦, 奶, 乳酪, 芝士, 果醬, 牛油

零食: 朱古力, 糖, 雪糕, 餅

joeytcy

十月媽...

我個女細d個時都唔食菜架..不過有次佢呵唔出...跟住又生非茲....跟住我地嚇鬼佢話佢唔食菜先係甘...之後佢就食啦...............hehe...     

十月媽咪

joeytcy,
咁你個女都易搞d, 我果個, 真係好鬼揀飲擇食的, 好似見到d豆係綠色, 佢就已經唔肯放落口架喇, 仲要係畀個咬牙切齒既衰樣你睇, 跟住再同你講: 咦呀, 媽咪, 唔食呀, 好核突呀!

唔係嘛? 豆咋喎, 好核突???? 都唔知咩料子! 吹漲!  

joeytcy

哈哈...昨日我個女無帶書包返學呀...
事原姑媽拿住書包..我個女就甘上左校車....一個唔記得比..一個唔記得羅....haha...
我問亞女你幾時先知...佢話坐坐下 : e....個書包呢...跟住佢同審審講話唔記得羅個書包...審審話唔緊要....甘跟住我問佢...你係咪好緊張呀...返到學校無書包....然後亞女話係呀..不過李老師話唔緊要....

joeytcy

唉..我個女有時都會架...不過我就無咩夾硬要佢食...如果有樣野佢真係唔食..我通常會同佢講試一談先...跟住食完佢都係唔食我就又得佢lou...(起碼掘左佢食一談先)

CanKan

十月媽咪：

你既行程實在緊湊，禁樣趕發，心理壓力都唔少野。而家忙完未呀？

cankan

CanKan

wewetwet：

我都睇左亞女個評估啦！紀律果度係紅色，我重特登攞本手冊同亞女傾，解釋俾佢聽老師話佢紀律做得到同埋紅色係最好，叫佢繼續努力。

上星期老師派左張比賽既圖畫你地有冇交，我見手冊冇話到要幾時交，剩係見倒張畫後面話係11月9日前經學校交回，禁咪星期一晚同個女同埋老公係度攬左成粒幾鐘，跟住星期二朝早攞番學校交，點知老師話太遲，上星期已經收左。哎！下次遇著依 d情況，真係要問清楚老師幾時交至得，免得白費心機！


cankan

CanKan

wewetwet：

我都睇左亞女個評估啦！紀律果度係紅色，我重特登攞本手冊同亞女傾，解釋俾佢聽老師話佢紀律做得到同埋紅色係最好，叫佢繼續努力。

上星期老師派左張比賽既圖畫你地有冇交，我見手冊冇話到要幾時交，剩係見倒張畫後面話係11月9日前經學校交回，禁咪星期一晚同個女同埋老公係度攬左成粒幾鐘，跟住星期二朝早攞番學校交，點知老師話太遲，上星期已經收左。哎！下次遇著依 d情況，真係要問清楚老師幾時交至得，免得白費心機！


cankan

CanKan

wewetwet：

我都睇左亞女個評估啦！紀律果度係紅色，我重特登攞本手冊同亞女傾，解釋俾佢聽老師話佢紀律做得到同埋紅色係最好，叫佢繼續努力。

上星期老師派左張比賽既圖畫你地有冇交，我見手冊冇話到要幾時交，剩係見倒張畫後面話係11月9日前經學校交回，禁咪星期一晚同個女同埋老公係度攬左成粒幾鐘，跟住星期二朝早攞番學校交，點知老師話太遲，上星期已經收左。哎！下次遇著依 d情況，真係要問清楚老師幾時交至得，免得白費心機！


cankan

CanKan

joeytcy,

係呀！我同你初相識果間酒樓冇左啦！果個位置似乎冇麥邊間酒樓做得長喎！

cankan

CanKan

十月媽咪：

我覺得痰依家野，中藥好過西藥。

原來你業餘幫人打稿，怪得之你成日都可以洋洋數千字禁回覆我地啦！我有時都要諗諗個字點打，或者搵 d 同音字頂住先。

cankan

CanKan

我果女都係有好多野唔食，佢細個好鍾意食魚，但係而家最鍾意食肉餅同雞翼，佢食肉，唔食瓜、豆腐、蛋黃、蕃茄......，佢鍾意食麵飽、pizza....。

糖果、汽水、薯片等零食就梗係食啦，不過佢似乎唔鐘意食棉花糖。

cankan

十月媽咪

CanKan,
我都知除痰係中葯好過西葯, 但佢d鼻水今日都仲有dd咁多, 同埋星期一同佢覆過診, 醫生開左消炎葯, 要食足四日呀, 所以轉中醫之前, 一定要食晒d消炎葯先啊! 好慘!

我幫人打稿, 係響我入U前開始架, 大大話話, 都打左超過十年喇! 所以基本上呢, 我一放對手響個KEYBOARD度, 隻手就會自動波咁郁, 跟住D字就會自動蒲頭, 我個腦只係需要諗下打咩內容, 而唔需要諗個字點打架!