取消中小學考試名次制度

天外之人

shadeslayer 發表於 22-11-3 01:53
講到輸，女兒真係專家，16歲前學術上墊底已經夠衰，非學術技能又麻麻，除了球類活動頗好。有兩個特別例子 ...

所以更顯得父母唔好阻止孩子自己想法,且若沒危險性的意見財政上又Support到就更要支持,呢啲亦都係更親密既親子泉源.

天外之人

beastiebistro 發表於 22-11-3 10:55
作為一個高度「參與」嘅家長，我又分享少少。

我非常同意小朋友需要經歷失敗，先有韌力去面對人生各樣挑戰 ...

若以這樣的想法,就正正唔需要選校都要揾所謂合理念......話就話合理念好似對小朋友學得會快啲,但都見唔少都係失敗例子,且更衹會令小朋友將來對唔適合理念及環境下不懂得什樣面對而逃避.
當然呢啲係我個人想法，個個家庭稔法唔同，

beastiebistro

天外之人 發表於 22-11-3 11:57
若以這樣的想法,就正正唔需要選校都要揾所謂合理念......話就話合理念好似對小朋友學得會快啲,但都見唔少都 ...

Sorry，我又要唔同意喇。
雖然我相信我小朋友喺任何學校都生存到，始終有適合同唔適合之分，唔單單睇佢哋係咪可以survive。可以survive，又唔代表可以flourish 。我估我仔入我母校絕對可以do well，但一定唔會去到而家嘅level。

例如我小朋友0-2歲係全英語語境，而且我認為英文學數係事半功倍嘅。所以我揀學校一定要英文教數，咁已經篩走一大堆學校。我自己係「和尚寺」大嘅，我喜歡兄弟情，所以我揀齋校。加埋合適嘅剩低唔多。

我慶幸我嘅選擇正確。

shadeslayer

beastiebistro 發表於 22-11-3 10:55
作為一個高度「參與」嘅家長，我又分享少少。

我非常同意小朋友需要經歷失敗，先有韌力去面對人生各樣挑戰 ...

我又覺得硬淨的人也可以痛哭。我看痛哭是 expressing emotions，基本上冇問題的。我鼓勵合理表達情緒。如果一星期捉10盤棋，打三場波，輸親都哭，咁就要搵出原因。

痛哭更可能是mentally 處理失望的方法，減壓方法。重要係自己找出 the best way to deal with negative feelings，重新出發。

beastiebistro

shadeslayer 發表於 22-11-3 13:38
我又覺得硬淨的人也可以痛哭。我看痛哭是 expressing emotions，冇問題的。我鼓勵合理表達情緒。痛哭更可 ...

咁我唔歧視會喊嘅人，亦唔係針對你女兒。I'm sure you get my point。

beastiebistro

天外之人 發表於 22-11-3 11:56
所以更顯得父母唔好阻止孩子自己想法,且若沒危險性的意見財政上又Support到就更要支持,呢啲亦都係更親密既 ...

又多嘴問句，如果小朋友話唔想讀大學，夢想係做行為藝術家，或者舞台劇演員，或者開車仔麵檔，你會唔會無條件支持呢？先指聲明我係會支持嘅，不過我會負責任咁講晒好處同壞處佢聽。咁其實算唔算支持呢？又算唔算阻止呢？


咁同樣，負責任咁話俾一個讀唔掂chemistry但好想讀醫，或者讀唔掂數但係好想讀engine，或者冇藝術天份但好想讀Fashion design嘅學生，其實佢可能唔係咁適合，又算唔算阻止呢？


人人都想聽feel good story。但係現實係每個feel good story背後有千千萬萬個failure story。

天外之人

beastiebistro 發表於 22-11-3 12:11
Sorry，我又要唔同意喇。
雖然我相信我小朋友喺任何學校都生存到，始終有適合同唔適合之分，唔單單睇佢哋係 ...

有資源的家庭,的確如你所做法都冇問題,什麼Level先係最好各人都唔同,更何況一山還有一山高,所以唔覺得一定係學校比到你小朋友咁既level.
我就唔太肯定英文語言學數學就一定係事半功倍,但肯定全語境可以講對那方面語言運用會比較快學識,我小朋友由出世到小學都係中文語境下成長學習,到現在全英中學都一樣冇問題,且數學仲有好多同學在WHATSAPP問點做,有次仲質疑老師答案錯,且最終都確認真係錯誤. 丘成桐都講過,數學好基礎係要有,最重要係努力同有興趣,且唔係常做別人出的題先係好,所以我衹會講鐘意學習就會事半功倍.

你小朋友喺你選擇下去到你認為好既Level很不錯,冇咩資源家庭都一樣唔好放棄,令小朋友鐘意學習,或向著小朋友突出的體藝發展,一樣都可以去到好既Level.

天外之人

beastiebistro 發表於 22-11-3 16:29
又多嘴問句，如果小朋友話唔想讀大學，夢想係做行為藝術家，或者舞台劇演員，或者開車仔麵檔，你會唔會無條 ...

我覺得每個小朋友其實係好聰明,慢慢到中學生更會自立,考慮及顧慮既野都慢慢比小學時候多,若是同父母關係很好,特別在於經濟上既野都會考慮,你所講既例子我都同你所指做法一樣,始終呢啲唔係壞事及有害身體既事情.所以唔可以講支持或阻止,因為比已有決斷能力既孩子去選擇.
同樣你所指學習能力既野,呢啲父母從孩子由幼稚園到小學歷程亦會睇到,明知不可為而為之,慢慢成長小朋友自己都知道自己能力,正常大部份都係父母明示或暗示比佢地覺得要向著這方面發展,所以點解講由小朋友自己去發展,咁先會自己創造出自己突出能力. 好像我小朋友到高中前,我都唔知佢將來想做什麼工作,我都以為佢做作家(因好鐘意寫故事),但近排因意外睇醫生,WHATSAPP講比佢知睇完醫生後,醫生既操作及安排敷衍,先確認佢有向醫科發展.

點解現實會有千千萬萬個failure story,我個人認為係因為從幼稚園開始既不公平教育制度下所做成.可能你都覺得唔同意我觀點,不過都希望慢慢可以改善吧.

Yanamami

其實成日講香港教育制度點差點不公平（雖然都唔係好好），但其實有邊個國家比較完美？芬蘭？咁如果我地唔係移民去芬蘭，一定衹能係香港既話，咁又應該點係一個不利既環境去生存？如果制度唔係我地可以改變既factor, 咁我地又點該做咩去避重就輕，盡量發揮，如陳sir成日講，打好手上既牌？

shadeslayer

Yanamami 發表於 22-11-3 17:50
其實成日講香港教育制度點差點不公平（雖然都唔係好好），但其實有邊個國家比較完美？芬蘭？咁如果我地唔係 ...

我的答案係，用錢去解決。香港還有直資國際學校。香港人應該興幸，內地新加坡等等本地人有錢都唔可以讀國際，香港有得揀。

有一些孩子問題可以用錢解決的。

如果家庭沒有條件，家長就只可睇開啲，唔好同學校聯手迫小朋友。

又有一些家庭有條件，但不願花那麼多在學費，咁係自己選擇，冇得怨。佢哋花好多錢補習，花好多錢課外活動，花好多錢買益智玩具，花好多錢買教材，就係唔會花好多時間教育小朋友，亦唔會花好多錢係學費方面。

shadeslayer

beastiebistro 發表於 22-11-3 16:29
又多嘴問句，如果小朋友話唔想讀大學，夢想係做行為藝術家，或者舞台劇演員，或者開車仔麵檔，你會唔會無條 ...

如果小朋友話唔想讀大學，夢想係做行為藝術家，或者舞台劇演員，或者開車仔麵檔，

Xxxxx

Why not.  但我希望孩子能力有充分發揮自己的才能。

讀唔掂chemistry但好想讀醫，或者讀唔掂數但係好想讀engine，或者冇藝術天份但好想讀Fashion design嘅學生，有呢個情況機會好細，孩子也有理智的。真的有這樣情況，父母也應該比意見，比意見不是阻止。父母唔準，才是阻止。

stillgood20

天外之人 發表於 22-11-3 17:37
我覺得每個小朋友其實係好聰明,慢慢到中學生更會自立,考慮及顧慮既野都慢慢比小學時候多,若是同父母關係很 ...

幼稚園唔公平．唔好刻意想太多!

我細囝邨內讀'無名'幼稚園．
升小學時．連A-Z．排序都唔清楚．
最後,連幼稚園都閉門大吉．

係幼稚園時期,玩下咪算喇．
根本唔係學習年齡。
升小學才正式開始學野．

只不過．我個人的意願．
未必合其他人用．

一間'咁差'幼稚園． 出d咩學生？
小學全級第一．(唔係我囝)．
我囝都唔差．可以理想升中便算了．

Yanamami

shadeslayer 發表於 22-11-3 18:09
我的答案係，用錢去解決。香港還有直資國際學校。香港人應該興幸，內地新加坡等等本地人有錢都唔可以讀國 ...

我地呢堆真係算幸運，總算叫有出路。

咁其餘一般雙職家庭，父母無大多時間兼顧子女學業呢？坐以侍斃？還是還有可以做到的地方？

其實我總覺得一個銀仔有兩面。一面話唔好一早睇死佢唔得(Say佢中文差或數差），你睇死佢，佢就一定唔會好，self fulfilling prophecy. 應該視佢有無限可塑性。另一邊廂亦可以話，你一早睇出孩子長處短處(Say佢學業麻麻，但足球了得），就唔好嘥時間逼佢讀書，應好好裁培個足球王子。

shadeslayer

Yanamami 發表於 22-11-3 18:43
我地呢堆真係算幸運，總算叫有出路。

咁其餘一般雙職家庭，父母無大多時間兼顧子女學業呢？坐以侍斃？還 ...

我update左個留言，有關於一般家長可以做乜，其實就係能夠睇開啲，唔好逼得個小朋友太緊，保持到家庭關係係最緊要。

學業方面，我覺得大部份孩子中學畢業前都唔好太快睇死小朋友讀唔到書。如果我女兒16歲嘅時候成績唔係咁好，家長就斷定佢讀唔到書，今日嘅情況就會好唔同。

Yanamami

shadeslayer 發表於 22-11-3 18:09
本帖最後由 shadeslayer 於 22-11-3 19:09 編輯

我的答案係，用錢去解決。香港還有直資國際學校。香港 ...

我諗我地呢度幾個家長，其實都有一個共通點，就係花好}私人時間係子女身上，所以無論大家觀點上固有唔同，但結果孩子發展都係叫人老懷安慰。

係EK咁多年，見唔以家長發帖問買咩補充練習，去乜補習班或者功課班，到小五六時才問孩子英文不好怎改善，又或者每年重複又重複向果幾間學校面試或申請上既問題，感覺上臨急抱佛腳又或者是抱外判心態，就覺得無落心思。教養孩子真係要俾好多精神時間心血(唔係花時間去谷，去陪學校癲)，無咁多不勞而獲。上世紀可能仲有家境清貧，孩子生性，自己發憤圖强既例子，而家社會我覺得真係少之又少。

barque

shadeslayer 發表於 22-11-3 01:53
講到輸，女兒真係專家，16歲前學術上墊底已經夠衰，非學術技能又麻麻，除了球類活動頗好。有兩個特別例子 ...

我們鼓勵女兒去嘗試做自己喜歡的活動，她有參加debate和MUN. 其中本地和外國的MUN都有去玩。之後主力做MUN 唔同council 的chairman.

beastiebistro

Yanamami 發表於 22-11-3 19:50
我諗我地呢度幾個家長，其實都有一個共通點，就係花好}私人時間係子女身上，所以無論大家觀點上固有唔同， ...

其實都係因為我衰多口搭嗲先搞到有咁多版啫。不過，我真係唔同意又唯有出下聲。教仔方法有好多種，有啲人真係放埋一邊吽下就開花結果，我啱啱用相反方式，有準備有舖排咁一步步做都有返咁上下成績所以分享下。下下圍爐就冇進步啦，我都學緊嘢㗎。

我諗我咁多嘢講嘅另外一個原因喺我另外一個身份。我幫我母校做mentorship programme做咗超過15年，每年我大約要見100-150個中五／中六學生，同佢哋傾吓理想，幫佢哋搵合適嘅舊生mentor配對。學校係傳統名津校，所以有部分學生家境確實唔錯嘅，但亦有好一部分係來自草根階層嘅。雖然sample size都唔可以話好大，我諗已經比一般家長見多一兩百倍咁多嘅中學生。當中當然有少部分好生性發憤圖強，但係更多係飯來張口take things for granted嘅（呢樣唔只有錢嗰啲，基層嘅都有！）。當中有少部分係好請楚自己想點，大學入咩科將來做咩嘢。但更多係完全冇頭緒完全唔知自己想點，阿媽話讀醫就讀醫，阿爸話做藝術家冇出色就唔搞藝術。傳統名校喎！

有啲話，阿媽話我成績咁好冇理由唔讀Law，咁咪讀囉。原來其實心裏面想玩音樂。有啲話，係呀我係唔夠分㗎喇，但係阿爸話做醫生先搵到錢，咁咪頂硬上囉，考唔到我都唔知點算...

其實我意思係大家唔好俾太多credit俾中學生，而家嘅中五生好多都冇方向，或者係被家長控制咗個方向。呢樣嘢絕對同幼稚園／小學教育公唔公平冇關（再講一次我地係傳統band 1名校，都要幼稚園小學有啲啲成績先入到），完全關家長有冇俾合理引導有關。Yana媽講得啱，現今（起碼我見嘅千幾二千個）會生性，自己發憤圖強唔知有冇兩三成。

Anyway，又多嘴咗。不過都係分享吓啫，同意嘅同意，唔同意嘅冇問題。

shadeslayer

有趣。

中學畢業，孩子有冇主見，有冇搵到自己強項，有冇找到興趣，我覺得同孩子嘅upbringing 嘅關係大啲。

Yanamami

shadeslayer 發表於 22-11-3 21:47
有趣。

中學畢業，孩子有冇主見，有冇搵到自己強項，有冇找到興趣，我覺得同孩子嘅upbringing 嘅關係大啲 ...

Upbring呢個可能係我家唔合用了。同一個阿媽生，資源一樣，但大細Y兩個就好唔同。大果個傻更更，從小到大屬中規中矩，但反而比個聰明得多而成績好幾倍既妹更有主見同目標。

ABC-DAD

shadeslayer 發表於 22-11-3 21:47
有趣。

中學畢業，孩子有冇主見，有冇搵到自己強項，有冇找到興趣，我覺得同孩子嘅upbringing 嘅關係大啲 ...

同意，同一家庭，唔同時間出生嘅子女，Upbringings 都唔會絕對一樣。
寫左啲嘢，按錯掣就無左。

瞓醒再算，可能放返自己漫淡貼會方便啲，唔會太離題。