討論下.. ..國際學校會比名/神小好嗎？

MrBeast

李大人 發表於 19-3-4 15:07
唔駛長篇大論，有自由環境就有創意空間，外國㸃解創意空間大，因唔番工有政府養，各人可發展自己有關創意興 ...

kind of, 就好似有買六合彩先會中，但其實好多人除左間中有安慰獎一張都冇中過。我讀U的年代英國大學都已經話d教授太hea 只做research 冇funding.

MrBeast

Soundervolt 發表於 19-3-4 14:51
本帖最後由 Soundervolt 於 19-3-4 14:52 編輯

其實您對官津學校有太多誤解，而且概念上只係停留喺一群 ...

我fd canadian is 就complain 個女讀書冇動力，當然可能只是個別例子，亦有身邊朋友esf 入ivy keague。無論選l or i, know what u r getting into, 對學校和或課程的不足有對策，方為上策

Soundervolt

nkd 發表於 19-3-4 14:47
好的
期待

放唔放手都係睇父母心態，我都認識子女讀IS嘅家長覺得數學同中文太淺要外補，仍然離不開讀書同補習掛鈎嘅思維，而家去補習已經變成一種羊群心理嘅文化，成績唔好去補習追成績，本身成績好嘅又去補習（操卷或強化答題技巧）所以唔好以為所有學生讀唔掂先至去補習呢種舊思維。您見補習社同學生合相然後話攞A**，其實呢尐學生本身已經有能力攞A，去補習等同食维他命丸，所以好成績同補習社未必有直接關係。

我相信除咗學懂對子女放下之外，應該幫佢地裝備好面對學習嘅各方面能力，例如學習動機、自理、時間管理、閲讀興趣、專注力、創意思維、解難能力....等等嘅軟實力，令佢地對學習變得得心應手，無論喺任何教育制度任何類型學校都可以有好嘅效果，而唔係陪佢地一齊追趕分數呢尐低層次嘅讀書觀念。我仔已經讀緊中學，佢由小學開始已經需要靠自己，我地只係培養佢面對Holistic Education嘅軟實力。

nkd

Soundervolt 發表於 19-3-4 19:02
放唔放手都係睇父母心態，我都認識子女讀IS嘅家長覺得數學同中文太淺要外補，仍然離不開讀書同補習掛鈎嘅 ...

//我相信除咗學懂對子女放下之外，應該幫佢地裝備好面對學習嘅各方面能力，例如學習動機、自理、時間管理、閲讀興趣、創意思維、解難能力....等等嘅軟實力 //

請你解說一下，家長到底怎樣幫，你舉出的能力和特質，你是怎樣幫孩子的呢？

Osiana

Soundervolt 發表於 19-3-4 19:02
放唔放手都係睇父母心態，我都認識子女讀IS嘅家長覺得數學同中文太淺要外補，仍然離不開讀書同補習掛鈎嘅 ...

好多父母要先搞掂自己嘅思維，與時並進，先至可是幫助及培養到子女嘅軟實力。


好多父母本身都離不開 "補習，"谷＝好"，"玩＝學唔到"，"一定要讀大學"，"名校" 的等等嘅魔咒，以呢個思維點樣可以培養到子女有好嘅軟實力。

sweetbaby9999

mcl203 發表於 19-2-7 16:12
咁，唔少LS學生為避中文而選擇跳去國際，似乎佢地係不停錯判情勢～～～
...

小女由local 小六轉入國際，中文測試後，撥入最高級別讀中國語文及文學，第一天功課是有關梁山伯與祝英台故事反映故事時代背境，而工作紙問佢對歌曲化蝶的感想，女女聽完歌曲非常感動，甚至睇埋吳奇隆套梁祝套電影，睇左有喊，對梁祝故事佢非常有興趣，我個人感覺是國際學校中文唔淺，但佢用一種能令小朋友投入及欣賞中國文化approach 去教中文，同liocal school 要追Syllabus方式好唔同，local school 一定教得非常深，但同學如果對中文冇興趣，係追趕課程係非常吃力。女女可能會忘記哂佢死背那些課文，但我肯定的是即使好多年後梁祝蝶歌曲一響起，她會記得這個美麗的傳說

MrBeast

sweetbaby9999 發表於 19-3-5 09:11
小女由local 小六轉入國際，中文測試後，撥入最高級別讀中國語文及文學，第一天功課是有關梁山伯與祝英台 ...

e加你欣賞is 的教法，有冇反思過之前有冇用類似方法去啟發自己小朋友呢？ if no, why not?

sweetbaby9999

mytambb 發表於 19-2-8 16:19
本帖最後由 mytambb 於 19-2-8 18:16 編輯

同意，現在美國及西方國家是經濟龍頭，英文是通用語言。但未 ...

我不太同意這點，就我先生在科技界的經驗，一些中國科技巨頭高層大部分是海歸派，英語好，而有錢的大陸人多數送仔女去外國讀書，而純中國人在聘用ceo 之類也希望公司ceo 能系體現公司國際化，所以選擇管理人員，希望多揀一些能和外國人溝通，有體面的，我的意思是中文是非常重要但英文好就更好，有國際視野 也非常重要

sweetbaby9999

MrBeast 發表於 19-3-5 09:24
e加你欣賞is 的教法，有冇反思過之前有冇用類似方法去啟發自己小朋友呢？ if no, why not? ...

學校同學水平高，佢本身有好大進取心學好中文，晚上佢去完課外活動也有補習佢d弱科如數學，也有學音樂，中文課佢同我講過有問個老師點解咁多中文書要讀本咁悶內容的，佢有䏲中文小說如金庸武俠小說，三生三世，枕上書，何爾苼蕭默，去到小六，這已經係小朋友的責任去追求知識，作為父母我會介紹好書，帶佢去圖書館，帶佢行book fair 但真正要讀好書，要靠小朋友內在向上心，父母從旁鼓勵加協助

MrBeast

sweetbaby9999 發表於 19-3-5 10:04
學校同學水平高，佢本身有好大進取心學好中文，晚上佢去完課外活動也有補習佢d弱科如數學，也有學音樂，中 ...

有位朋友，佢小朋友有幾分蔥明，但在傳統小學就只是交行貨，不過朋友見成績中間所以無谷，但今年作文出事，於是我就借用ek高人的分享：建議佢要求小朋友作一個看過的故事的續集，小朋友覺得得意自然有心機做。傳統學校框架冇:這樣模式，父母可以自己做多一些。
我自己小朋友呢，反而在傳統framework 中慢慢進步，若小一時我比張白紙佢任寫，一定乜都寫唔到

jojosesame

填鴨 以課程深度為賣點 將課外活動 同 活動教學劃上等號 令到老師百上加斤。如缺少了生命 心靈教育 小朋友會很易迷失 將讀書變成家庭責任 很沈重

國際 以小朋友學習興趣為中心 重啟發 少功課 鼓勵閱讀及正面回應 自由度較大 成長以後 會比較開朗 比較願意與其他人交流 不重競爭

Moonlight819

sweetbaby9999 發表於 19-3-5 09:31
我不太同意這點，就我先生在科技界的經驗，一些中國科技巨頭高層大部分是海歸派，英語好，而有錢的大陸人 ...

絕對是，你見名人富豪子女多數讀什麼學校便知，人的身體最誠實！

貝珠

Moonlight819 發表於 19-3-6 07:41
絕對是，你見名人富豪子女多數讀什麼學校便知，人的身體最誠實！

咁又唔可以咁講，人地大把錢同connection , 將來生活也不是靠打份工啦。有錢人舒舒服服唔好?

MrBeast

貝珠 發表於 19-3-6 08:42
咁又唔可以咁講，人地大把錢同connection , 將來生活也不是靠打份工啦。有錢人舒舒服服唔好?
...

若對子女冇要求，必然宇宙定律：褲不過衫袋

elbar

tychow 發表於 19-2-4 17:23
身邊不少朋友的小朋友都讀國際學校 ，或打算中學出國所以讀哪間小學都冇所謂，有時覺得，自己小朋友努力裝 ...

如果根據某網上 「鄙視鏈」



中學篇：


國際學校 > 英國寄宿學校 > 其他本地名校 > 其他本地學校

Soundervolt

MrBeast 發表於 19-3-6 08:57
若對子女冇要求，必然宇宙定律：褲不過衫袋

呢句說話以前或對一尐暴發嘅人可能會發生，而家好多old money riches已經將家族資產同生意以基金方式營運，有專業團隊運作，蝕極有個譜。

Soundervolt

Moonlight819 發表於 19-3-6 07:41
絕對是，你見名人富豪子女多數讀什麼學校便知，人的身體最誠實！

名人幫襯嘅食店一定好味尐嗎？唔怪得咁多食肆掛滿名人幫襯嘅相喺舖頭....名人對選擇學校會有好多考量，有錢人、名人嘅仔女未必係讀書材料，阿龍、阿松、霸王花千金敗走本地學校，其他名人子女若果又讀唔掂顏面何存？高水準嘅本地學校亦唔容易入，但某尐有質素嘅國際學校只有錢有關係、買高昂Debenture就可以入讀，入到去讀唔讀到書冇乜所謂，有錢讀大學大把機會選擇，加上保安同私隱問題，所以名流有錢人多數揀某幾間IS，又有幾多名人子女會選擇入讀實力派GSIS? 歌神個女讀讀下都要敗走.....
我認識一位有錢朋友有三女一子，三個女讀IS但係週圍托朋友想搞细仔入DBS

Soundervolt

nkd 發表於 19-3-4 22:18
//我相信除咗學懂對子女放下之外，應該幫佢地裝備好面對學習嘅各方面能力，例如學習動機、自理、時間管理 ...

正忙，稍後繼續討論以上問題。請見諒!

Moonlight819

Soundervolt 發表於 19-3-6 10:11
名人幫襯嘅食店一定好味尐嗎？唔怪得咁多食肆掛滿名人幫襯嘅相喺舖頭....名人對選擇學校會有好多考量，有 ...

其實從你的回應仍然停留在「讀不到才讀國際學校」的思維，真的沒有什麼可討論！以為人家子女讀不到本地才轉IS, 讀讀下才發現傳統教育的缺點不能轉嗎？如大部分人尤其名人富豪選的質素也一定不會差吧！你可知道DGS全級第一也轉了去IS?!