閱讀派的完勝、練習派的潰敗、未來香港語文的大躍進

1998Ruby1998

我好清楚自己英文唔係練習得來，係睇書、電影、劇集、打機得來。我甚至同幾個好朋友都係用英語溝通，唔用廣東話（因為我中文太差，好容易講錯野用錯字，畀班朋友笑）

其實有邊個老師唔知想語言好，就睇多書？不過實行就難。

記得中二果陣，我入差班（因為中一除了英文之外，其他都唔掂） 。
個英文老師超好人，不斷鼓勵我地閱讀，甚至孖堂 110 分鐘全部攞來睇書。我果陣英文好過全班 9 條街（因為佢地差到連 past tense 同 singular／plural 都會錯），所以佢特登去幫我借只限高中的小說。

結果？其實我果班 30 人，得我同幾個人係鍾意睇書＋英文程度達中二，其他人英文都好差，我可以夠膽話當時我班英文最差果個連小四程度都成疑，甚至你地仔女英文都好過佢。

然後因為學校查課堂紀錄冊，發現我個老師進度慢，加上有家長表示想上堂「教書」，所以個老師臨考試兩個月停左 reading period，不斷加操 grammar。我個老師唔止教我班，仲有精英班。

當年我班同精英班都唔太鍾意佢，成日睇書唔教書，搞到教書進度咁慢。升上中三果陣，佢地先話呢個老師係好老師，真心想同學英文好。可惜佢冇再教書，離開學校結婚生仔。

不過成效有幾大？我果班肯定唔係好大，因為佢地連基本 grammar 都未搞掂，佢地寫作文畀我睇，程度連我小五果陣都冇！連考試 grammar 果 part 都攞唔到分，點確保佢地將來考 DSE 英文有 3 呢？當時我做英文科長，可以幫老師睇分，我總分 89，排 12/215，班第二名係我個好朋友，79分，排 108/216。最差果個，46 分，包尾。

我不得不承認，DSE 英文算淺，比中文淺好多，文化、詞彙、片語等等，都冇咩點出現，只要肯努力操卷，攞 4 冇難度。肯上補習班，記曬作文 d standard phrases and patterns，英文攞 5 都可以。但係呢班人，將來投身社會果陣，英文未必如 DSE 成績一樣「好」，畢竟唔係真功夫。如果將英文卷調教到中文卷果種程度，要睇古文（例如莎士比亞）、詩經，作文卷要寫 1200 字（要引經據典）等等，恐怕我連 5 都冇。

至於我中文？我年紀約大，約少睇中文書，甚至有一點點抗拒，屋企中文書少到阿媽都投訴我「偏食」，莫講金庸同瓊瑤，白先勇、衛斯理、君比、阿濃、馬翠蘿、韋婭等，我都只係聽過個名，佢地一本書都冇睇過，老師推介書籍，英文果d 我都認識，中文書，我一本都唔知。所以作文永遠最高都係得 5*，上唔到去 5**。閱讀卷更加係慘劇。無論我做幾多練習，上幾多補習班，都補唔到，仲搞到一家人都好痛苦。我有時候諗，如果小學同初中睇多d 中文書，可能有機會中文同英文一樣好。

練習同閱讀，兩者並全，相輔相成，要自己去調教兩者份量。我學俄語，唔洗練習，一點即通。但係我學法語，需要足夠份量的練習先可以。同樣係學習語言，但係一個靠上網背下 noun、verb table 就得，另一個要操練。（問我點解，我都解釋唔到，不過唯一肯定我俄語好過法語，因為我 Facebook chat group 用法文傾唔到幾句就露餡，反而俄語可以）

serinac

jumphigh 發表於 17-1-6 00:14
你回覆的內容有明顯的邏輯謬誤，不過，这也是一般人常犯的，不在此解釋了。
...

你的回答方式有點似曾相識，不過遲啲就可以印證到

serinac

jumphigh 發表於 17-1-6 07:42
你經常被人指出有邏輯謬誤嗎？咁建議你看看李天命的書，最近也見有網友提起这位邏輯大師
...

你係第一個「高人」指出我有「邏輯謬誤」，如果身邊有更多的友人指出我有這個問題，定必自我反省，不過他們都是一般凡人（包括我自己），不是高人。可能我忽略左，沒有問他們我有沒有這個問題，下次我同人地傾計時，多問一句先

李天命？我好後生時已聽到佢嘅大名。他講嘅嘢太玄，一般凡夫俗子未必領悟到。以前認識對他推崇備至的人，話佢點勁、點勁，到底還是升唔到呢，還是凡夫俗子一名。沒有慧根的人，裝蒜也沒有用，只會露短，讓人一笑置之。

serinac

jumphigh 發表於 17-1-6 08:38
李天命說的是邏輯學，不是禅學，何來玄？

你都話係邏輯學啦，既然是一門學問，一般人是不容易深入了解，若只懂皮毛，知其然而不知其所以然，便班門弄虎，只會讓人笑話。若了解深入，但又過於強調、執著，便會影響人與人之間的互動和關係，不利於人際關係的建立。

我之所以話李天命講嘅嘢係「玄」，是較適合高階思維、用於去判斷別人說話背後的思維邏輯；一般凡人睇了他的書，好的會自我感覺良好、升呢；唔好的，會越睇越覺得思維混亂，簡單啲講係「唔明」，就好似佛計嘅「玄」。

以前有個網友的EK戶口名，好似係叫「武林宗主」，他應該係「李」姓，我有睇過佢寫的那本書，他寫的東西較貼地，好多可以參考嘅方，但難以覆製。唔知佢有冇鑽研李天命的書呢？

樓主，不好意思，騎劫了你的post 添！

Vanadium

http://www.hkmsa.org/oachieve.html

剛見到呢個廣告，立即諗起樓主個主題，對比得好搞笑。

shadeslayer

Doray 發表於 17-1-5 22:03
咁樣樣Push 到咁Extreme 都唔得恰當

Push extreme 只做運動 only (飲食照舊）減肥有甚麼問題？

shadeslayer

jumphigh 發表於 17-1-6 08:38
李天命說的是邏輯學，不是禅學，何來玄？

李天命係哲學家，不是邏輯家。哲學要邏輯好，但也有哲學性(無一定答案的思考)，探討極深層次問題或學說。

serinac

jumphigh 發表於 17-1-6 10:09
「若了解深入，但又過於強調、執著，便會影響人與人之間的互動和關係，不利於人際關係的建立。」啊！原來 ...

你搵我過橋話樓主，都搵個用詞勵害啲嘅人吖！我教小朋友，受人恩果千年記，識感恩懂包容，要與人為善，如果唔係，贏左道理，輸了朋友，以後就冇朋友架喇！

我自己理解坊間講嘅「升呢」=「升 level」
自我感覺良好又覺得自己升level 嘅人，通常會覺得自己與眾不同，但旁人卻不這様認為。

從詞義上嚟講，「玄」當然不等同「唔明」，你係「高人」，當然明白李大師講嘅嘢。但好似我呢啲無慧根嘅凡人，就覺得佢講嘅嘢好復雜、難明，有啲同現實生活脫節，就好佛家講禪咁，有點摸不著、看不透的似是而非感覺。如果能將復雜的東西，用顯淺易明的方式講出來，讓無慧根嘅人都聽得明，我認為才算「大師」。

係呀，好可惜架。我覺得嗰位「武林宗主」有時講嘢都幾有見地，佢應該讀過幾多書嘅！不過，佢就係成日講嘢嘴巴不饒人，被版本主封完一次又一次戶口，但又用不同名稱，不停復活，都幾有意思。所以好多ek新人想睇佢嘅「高見」，都搵唔到，真可惜！

希望你唔好學佢咁啊

shadeslayer

見有些人討論價值，我在其他題目中有一文討論價值，可作參考。

Xxxxxxx

有一些東西有自足價值, 又有工具價值, 重要的是認清兩種價值, 要取那一種價值, 是乎自身需要。沒有一種價值清高一點, 另一種價值就低俗D, 别人看不起。

舉個例, 運動有自足價值（即從運動本身得到快樂）, 又有工具價值（即運動可强壯身體)。醫生建議一位肥伴童多做運動是基於工具價值, 即運動可强壯身體, 完全沒考慮自足價值, 即孩子喜歡多做運動與否。正常人不會說醫生建議低俗, 不會說運動的真義在於尋快樂。

閱讀也是一樣。

Doray

shadeslayer 發表於 17-1-6 13:34
Push extreme 只做運動 only (飲食照舊）減肥有甚麼問題？

My response is to this "狂做大量運動就得，其他什麼也不用理，開心任意吃什麼也不怕"

This also applies to reading.  If the kid is addicted to reading and ignores all other things, do you still think there's no problem at all?


"過猶不及"  是重點。

shadeslayer

jumphigh 發表於 17-1-6 14:05
你不知道邏輯是屬於哲學系？

你又不明。你知不知道哲學不等如邏輯。邏輯是不會玄，哲學會玄。李天命係哲學家。

shadeslayer

jumphigh 發表於 17-1-6 14:09
你可能英文好，事業成就高，但你應該不了解哲學，不認識李天命。他是在中大哲學系教邏輯的。
...

李生的書有幾多本係純邏輯，有幾多本講哲學？

little_yolky

1998Ruby1998 發表於 17-1-6 02:19
我好清楚自己英文唔係練習得來，係睇書、電影、劇集、打機得來。我甚至同幾個好朋友都係用英語溝通，唔用廣 ...

見到你個帖講自己既中文經歷, 讓我諗起前幾個禮拜同阿女們去大眾買書時, 見到個約中二三既男仔, 阿媽哦佢叫佢睇多D中文書, 阿媽手上攞住一本已經係好淺, 仲淺過我大女最深果本書(但我大女高小咋), 但個男仔仲好似無厘興趣唔想睇咁, 期間, 位阿媽不斷哦佢。

我心諗, 阿仔啊, 你咁既款, 過多幾年點去考中文呀? 實行做炮灰啦。

shadeslayer

Doray 發表於 17-1-6 14:18
My response is to this "狂做大量運動就得，其他什麼也不用理，開心任意吃什麼也不怕"

This also applie ...

狂做大量運動就得，其他什麼也不用理，開心任意吃什麼也不怕

Xxxxx

有人咁講咩？

我再試過：

以減肥為目的，只做大量運動 (維持正常飲食不變)，不用「任何」其他減肥產品療程，有乜問題？