小六呈分試分享區

kittylam

今日考完兩科，問下個仔考成點，有冇唔識，佢叫我唔好理…乜都冇講。

aeiou_drm

原帖由 alhy.love 於 15-11-19 發表
我開始怕問佢幾分添啦

我囝會問我想知好消息先定壞消息先。

alhy.love

原帖由 kittylam 於 15-11-19 發表
睇下小朋友心情好唔好，如果佢派咗卷放學係有笑容心情好，成績一定滿意，反之就心裡有數，接受到先問…



  ...

派哂卷，科科8x，班中有2位同學數學100分，咁份卷唔係深啦又唔好意思問D家長，阿仔英＆常係A，中&數係B，唔知仲係咪keep到B1

alhy.love

原帖由 aeiou_drm 於 15-11-19 發表
我囝會問我想知好消息先定壞消息先。

之前我仔都係咁問我

metrochung

原帖由 alhy.love 於 15-11-19 發表
之前我仔都係咁問我

x2，我仔不過通常都冇乜驚喜只有驚嚇

mammamia0603

見到咁多位家長都好緊張呈分試，我都分享一下小女嘅經歷。
我個女間學校星期二（17/11）考完呈二，尋日派卷，上次呈一中文失咗手，得82分，攞B，其他都係A，當時佢喺班房喊咗出嚟，因閱讀理解部份失咗好多分，我地都好唔開心，但我地知道佢已盡了力，所以只同佢講呈一唔好咪呈二考返好佢，不斷鼓勵佢，等佢振作，唔好氣餒。

本身有補習社跟開，所以早喺放暑期時，我地已經同個女講咗呢個暑假好關鍵，要放多啲時間去讀書，玩嘅時間唔會好多，好彩佢好懂事，明白我地用心良苦，所以由8月頭到考呈二呢段時間佢都好努力去溫習。補習社都好幫手，好努力去教我個女，到尋日派卷，派咗3科，其中一科係中文，佢今次喺班房都有喊，但係開心嗰隻喊，佢今次中文有93分，比上次進步咗11分，除了中文，仲派埋英文及數學，兩科都係有A，數學考到100分，雖然常識未派，但常識老師已經同佢講咗佢常識考得好好。今次呈二我地終於放下心頭大石，呢段時間俾個小休佢，等佢可以盡情去玩，去放鬆一下。等呢幾個星期去埋學校升中簡介會，我地就會同個女傾吓，自行報邊間中學，等佢自己作決定，我地從旁協助佢，之後就要為呈三作準備。

考試總有失手嘅時候，只要我地唔好放棄，同仔女一同去面對，等佢地明白父母會在佢身邊支持佢鼓勵佢，佢地一定會感受到的。
大家一齊加油努力，為升中這條漫長嘅路繼續奮鬥，共勉之。

kittylam

原帖由 mammamia0603 於 15-11-19 發表
見到咁多位家長都好緊張呈分試，我都分享一下小女嘅經歷。
我個女間學校星期二（17/11）考完呈二，尋日派卷 ...

好叻女，又懂事，真令人羨慕！
你就好，可以放下心頭大石，祝你女女入到心儀中學。

mammamia0603

大家咁話

kittylam

我個仔，今日考完兩科問下考成點叫我唔好理，聽日考英文，佢英文唔係太好，叫佢溫就話得啦，等一陣先。佢中午12：00放學就開始玩啤牌，而家仲玩緊，永遠既等一陣唔知等到幾時…我已經好忍佢，佢真係好過份，我有d想喊，呻完！

bb20040225

原帖由 kittylam 於 15-11-19 發表
我個仔，今日考完兩科問下考成點叫我唔好理，聽日考英文，佢英文唔係太好，叫佢溫就話得啦，等一陣先。佢中 ...

同我囡一樣，成日叫佢溫書就話等陣先，要等到幾時

洋蔥頭媽咪

原帖由 mammamia0603 於 15-11-19 發表
見到咁多位家長都好緊張呈分試，我都分享一下小女嘅經歷。
我個女間學校星期二（17/11）考完呈二，尋日派卷 ...

叻女，兩次都考得好大局已定，可以放下心頭大石去慶祝下

預祝你小朋友入到心儀中學

洋蔥頭媽咪

原帖由 aeiou_drm 於 15-11-19 發表
我囝會問我想知好消息先定壞消息先。

我仔都鍾意咁答

洋蔥頭媽咪

原帖由 alhy.love 於 15-11-19 發表
派哂卷，科科8x，班中有2位同學數學100分，咁份卷唔係深啦又唔好意思問D家長，阿仔英＆常係A，中& ...

A同B都唔差啦，點都好，小朋友已盡全力都值得稱讚  

洋蔥頭媽咪

原帖由 kittylam 於 15-11-19 發表
今日考完兩科，問下個仔考成點，有冇唔識，佢叫我唔好理…乜都冇講。



  ...

你仔仔真係好有主見，不過聽你描述，應該唔駛太擔心佢成績。但恕直言，我反而有啲擔心呢啲態度，升中後你仔仔應該幾反叛下，要小心處理。

mammamia0603

洋蔥頭媽咪 發表於 15-11-19 18:27
叻女，兩次都考得好大局已定，可以放下心頭大石去慶祝下

預祝你小朋友入到心儀中學

謝謝

洋蔥頭媽咪

原帖由 bb20040225 於 15-11-19 發表
同我囡一樣，成日叫佢溫書就話等陣先，要等到幾時

小朋友開始大個，會有自己性格，亦會開始挑戰父母權威，家長一定要學懂冷靜。
通會我仔玩緊或睇緊野，我會問仔仔你想幾點做xx？佢會答我幾點去/半個鐘，或者玩多一/兩局....，通常佢都肯守諾言夠時就去做。我地小朋友開始進入反叛期，家長亦要比啲空間佢，等佢覺得父母亦會專重佢，管教要收下放下，孩子反叛行為都會溫和啲。 互勉之

kittylam

原帖由 洋蔥頭媽咪 於 15-11-19 發表
你仔仔真係好有主見，不過聽你描述，應該唔駛太擔心佢成績。但恕直言，我反而有啲擔心呢啲態度，升中後你仔 ...

唔使到中學，今個暑假已經開始超反叛，暑假高咗好多，開始生暗瘡，開學有變聲跡象，情緒好波動，小小事就會好癲，我為免同佢正面衝突，死忍爛忍，可以做既只係上黎呻一下，。

kittylam

原帖由 洋蔥頭媽咪 於 15-11-19 發表
小朋友開始大個，會有自己性格，亦會開始挑戰父母權威，家長一定要學懂冷靜。
通會我仔玩緊或睇緊野，我會 ...

我4：30問佢玩到幾點，佢答我話玩到4：45，結果到而家仲係度玩緊，中途去沖咗個涼咁大把。

洋蔥頭媽咪

原帖由 kittylam 於 15-11-19 發表
我4：30問佢玩到幾點，佢答我話玩到4：45，結果到而家仲係度玩緊，中途去沖咗個涼咁大把。



  ...

妳仔應該食住左妳，知妳冇佢乎，呢類性格初中要睇緊啲，千其唔好比太大自由佢，唔好比佢打機，否則好難管倒佢，有排煩

kittylam

原帖由 洋蔥頭媽咪 於 15-11-19 發表
妳仔應該食住左妳，知妳冇佢乎，呢類性格初中要睇緊啲，千其唔好比太大自由佢，唔好比佢打機，否則好難管倒 ...

你講中咗，佢已經食住我，之前同佢正面衝突攪到關係好差，而家我好多都放開咗，儘量忍，呢排叫做好小小，但佢都唔會聽我講。打機我又唔太擔心，我一直冇禁止打機，因為我同daddy都會打，佢自細就打機，打機全家最勁係佢，而家佢興趣已經唔係打機，變咗玩啤牌魔術，今日已經玩咗差唔多10個鐘，佢10：00上床，上床前仲玩緊，出街都係帶幅牌唔帶ipad，我對佢冇晒辦法，希望個反叛期快d過…