旺角基督教服務處雋匯幼兒學校

fionkwok

waiwaichu2003,

午安呀!!! 我諗住縫係手巾呀, 鞋呀, 運動褲呀咁囖! 因為呢d野我搵唔到地方寫名嗎? 手巾都要縫幾條啦! 縫都縫到手軟啦! 同埋一條name label 都係得2幾個都唔知夠唔夠? 總之有地方寫到名既我就寫, 冇地方既至用name label 囖?

你同twins個女返pg有冇一齊玩架? 平時有冇其他小朋友同你個仔玩架?

fionkwok

Twins,

好開心又見到你呀? 冇咁忙啦! 得閒就上吓嚟啦! waiwaichu有冇帶d name label你睇呀? 我有個sales 既電話, 有須要我可以send 佢d 資料俾你!

我已經係上星期幫阿女買咗3件底衫啦! 舖頭個人話3件已經夠喎! 我你買有"龍"個種, 我妹話呢種通風d, 舒服d喎, 你可以試吓, $15/pc係花園街買到!

你個女咁叻既已經可以唔使著片去街啦! 咁係街要隔幾耐同佢去一次廁所呀? 係佢話你知有尿尿至去, 定係你叫佢去架? 我同阿女去親街都要同佢著學習褲架! 記得就同佢去廁所, 不過好多時叫佢去, 佢都話冇, 但唔夠一陣就係條片到痾, 真係俾佢激死!

Twins

Fionkwok,
其實我囡囡唔係個個星期六都要返PG架,
所以上星期六waiwaichu2003唔會見到我,
因此我冇得睇name label啦.
上星期waiwaichu2003已sent左D資料比
我lu~所以唔洗勞煩你了. Thank!
我都諗住買抵衫比囡囡, 咁我就去昅下有
窿窿果款啦.
至於囡囡介褲片都好突然既, 係佢自願性,
同埋係佢自己會同我講痾尿 or 痾ng ng既,
所以我諗都算成功左. 咁你就比D時間囡囡
去改變下, 唔好太心急, 終有一日你都得既!

waiwaichu2003

YENCHAN,

你老板真係可以去參加全港十大衰x僱主選舉,點解大一個人可以衰到咁,竟然想屈你同xx同事,仲要當住你老公面前講,佢係咪女人黎ga,如果係,我諗佢可能暗戀左你老公好耐gala,哈哈...
算la,lee d咁既人有天收佢既,早早做埋lee個月搵個第2份,上唔網,唔緊要la,我地明白,我地會係度幫你加油.............

waiwaichu2003

Twins & fionkwok,

係lu,原來你唔係個個星期返pg既,等我仲帶定d label比你睇tim!問老師先知你地唔定時返,冇計la,上星期係last個次pg,我諗要到8月開學至見到面!

我囝囝半介褲片狀態la,係屋企可以唔著片自己去susu,但ngng就要著返片至ng到,難得佢又忍受到咁耐,都唔知點搞?
出街暫時唔敢試,希望開學前會搞掂la!

係喇!我而家開始plan緊8月開學攞假個schedule,我老公叫我唔好放(因為佢多假果我好多),但我一來唔係好放心得佢一個同囝囝,二來我想同你地盡情咁傾下計,諸事八卦下咁,所以想問下你地開學頭個果禮拜,係邊個陪小朋友返學呀?時間係點安排呢?

fionkwok

waiwaichu2003,

其實我想問呢個問題好耐啦! 但成日唔記得! 冇記性!   

我最得閒所以一定係我陪個女啦! 咁多日都會係我, 雖然我老公都好想一齊去, 但又話只可一個人陪, 所以睇吓到時蛇唔蛇到啦! 當然啦! 我都真係唔係幾放心將個女交俾佢!      我都好想係你地自己揍呀! 學你話齋可以傾餐飽呀! 仲有, 我記得好似話有日係要我地離開學校, 出去買d小朋友鍾意既野返嚟俾佢地架, 咁我地咪可以去飲吓茶傾耐d囖 !

waiwaichu2003

fionkwok,

係咩,我都唔記得老師講過只可以一個人陪tim,咁點算呀,不過我可能揀幾日係我揍,你lee個全職媽咪未必日日見到我....

fionkwok

waiwaichu2003

有幾日咪可以陪長d時間既, 睇吓你可唔可以放個幾日? 同埋頭幾日都係返兩個鐘, 可以唔使放全日喎!

waiwaichu2003

fionkwok,

你指邊幾日呀?
如照timetable,我地只可以陪佢到8月16日,打後就唔駛家長陪(如小朋友ok既話),total得8日咋(計埋星期六),不如我地睇下夾唔夾到!

fionkwok

waiwaichu2003,

8-9/aug 只得兩個鐘, 你可以陪一日囖
10-11/aug 都係到12:00pm咋
12-13/aug 到12:45pm, 呢兩日我估食完lunch就走啦! 星期六放假睇吓你公司係扣半日定全日啦! 全日就梗係唔好你放啦! 唔抵嗎!!!
15-16/aug到1:15pm, 我就係話呢兩日應該係家長有須要離開一陣果兩日啦! 你話係咪呢?

waiwaichu2003

fionkwok,

我返去度度先,明天再講!

fionkwok

waiwaichu2003,

你返屋企度期度成點呀? 有結果未呀?

twins,
你又諗住點放假陪個女呢? 齊齊度吓啦!

waiwaichu2003

fionkwok,

未有時間同我老公傾呀,度完再話你知la!
昨晚又繼續縫阿囝d褲同外套,先發覺早兩個月前買既校服可能只啱今年著,於是今朝"嗱嗱聲"去左荔枝角間shop換大1個size,所以黎緊你地會見到阿囝著到有d"鬆泡泡"既感覺!

fionkwok

waiwaichu2003,

你個仔又會大得咁快既? 兩個月前你唔係已經買大咗咩? 而家已經唔啱著啦! 你就好啦! 你個仔係食咩奶粉架? 可以大得咁快!    我女到而家都係得果26-27磅, 好似食極都唔長高咁, 有冇辦法呢?
係啦! 你弟日會幾點到送阿仔到學校呢? 會唔會同佢食埋早餐先呢?

waiwaichu2003

fionkwok,

我之前都有預鬆小小gala,但lee兩個月,佢touchwood食方面進展得幾好,連我媽咪都話要同佢減肥(比少餐奶佢飲)喎,我緊係話唔好la,寧願佢而家肥dd,到返學初期佢實會唔肯食野,到時自自然然就會減磅ga ma!你話係唔係? 其實套校服今年ok ga,係驚下年再增磅唔啱啫!所以咪換左先囉!

增磅辦法-冇ga,順其自然la,健康咪得囉!(而且女仔都係唔好太肥好睇d!)

開學初期就緊係食埋早餐先返學la,穩定後,我會比支奶佢食完至返學,我諗我最遲會8:30am到學校,因為我返9:00,費事遲到喇!

Twins

fionkwok, waiwaichu2003,
我多數會揀8/8 & 12/8呀, 咁你地度成點呢?

仲有件事要話比你地知, 我9/7都去左申請學費減免,
果日個識員都同我地講應該唔合資格, 所以都有左準備係
唔得, 點知到左12/7佢打o黍同我講真係唔得呀, 咁冇計啦~
唔知你地申唔申請到呢?

Twins

waiwaichu2003,
點解你囝囝咁得意痾ng ng要著言片既?係佢自己要求架?
不如你放膽d出街唔好比佢著片啦, 帶多條褲仔比佢換仲好過,
懶濕左都唔驚ma~
星期六原來你帶埋name label比我睇,真係唔好意思o黍唔
切知會你我唔洗返學tim. sorry sorry!

waiwaichu2003

Twins 及 fionkwok,

我應該會揀8/8, 9/8 & 12/8,至於之後果個星期就睇下囝囝適應成點再作決定la!

Twins,

申請學費減免-嘩!你咁快就比人reject,連計都唔駛點計,莫非你搵好多...... 我個申請仲未有結果呀,不過,在商言商,有得減固然係好la,但減唔到都冇所謂la,其實以lee個價錢($21xx)讀full-day幼兒園n1真係好抵,外加bonus-老師,環境,交通及食物各方面都ok,我已經好滿足gala!

其實我都想出街唔比片片佢著ga,但我老公話驚搵唔到廁所喎,佢話如果囝囝出街瀨濕左,一切後果由我負責,所以我暫時
,等遲d戒得成熟時先試囉!

話件事比你地知,我阿囝昨日(當時係屋企冇著片片)"無嗱嗱"識去廁所個企缸度屙ngng,然後仲好"有文有路"咁搵塊布com住d ngng,再若無其事咁走返出廳 ,好在佢一出黎就撞啱我媽係廚房出黎,如果唔係....真係好難想像佢冇著褲係我張床度"碌離碌去"既情形..... ...情形可能有d似"蠟筆小生"入面個主角咁..... 精彩!!!!

fionkwok

twins,

你只可以放兩日咋? 係放全日定半日呢? 你咁快就交咗申請學費減免, 仲俾人reject埋呀? 我仲未交呀! 因為我只係得我老公做野, 好似話9月份可以申請其他政府既學費減免(係其他topic見到), 想問清楚再算! 但我想問佢地有冇話你邊方面唔合資格呢? 你已經係兩公婆都做野, 我聽聞點都會資助小小喎? 唔通你地真係超額得好緊要?      講笑咋, 我只係想問佢地會唔會話俾我地知reject原因既呢?

fionkwok

waiwaichu2003,

你係放半日定whole day呀?
講個秘密你知呀! 我女係好細果陣試過屙完ngng仲攞係手度玩呀! 好在佢d ng係一粒粒咋, 唔係就真係死啦! 你話係咪俾佢激死!