九龍禮賢幼稚園K3家長請進！

penpen

hihi~ 阿囡尋日放學話俾我知佢做小領袖呀! 我問佢要做d咩~ 佢話拍拍手, 彈琴, 轉轉轉..., 佢講番都好開心!
尋日終於派咗冬季運動服, 我囡著22, 件衫就有少許鬆, 但係條褲就著到好似d男人跳芭蕾舞咁! 笑死我!! 真係好貼呀! 可能因為阿囡pet pet大啦~ :-mrgreen:
隻碟我阿囡都有聽, 我要同佢溫多d先得,因為佢認字比較差呀! 有時真係好鬼激心!! :evil: 但係佢背歌書果d歌就好鬼叻喎! 真係俾佢吹漲!
講開痴纏我個囡都係, 每次我話司機姐姐黎喇~ 跟住佢就要同我good bye kiss,但係佢個good bye kiss係要鍚晒我臉呀~ 額頭呀~ 咀咀呀~ 搞到司機姐姐同個褓母見到都笑, 有時同學仔見到都笑埋一份添~!

bosze,
我都覺得半個鐘好似小咗d, 唯有早餐食飽d, 因為1345先返到學校嘛~ 不過可能有好多遊戲玩呢?!  

littleeva

penpen

囡囡好叻呀做小領袖. 相信她一定很開心很開心.

booze

您仔仔好叻. 又諗又唱. 好投入喎. 叻叻叻

gracemami

原來我地見過面. 唉...我越來越無記性了... 下次希望能夠認清楚.

各位.

我好開心呀. 昨晚老師來電. 稱讚仔仔有好進步.  禮賢老師真係細心. 我已為學校不來電即是表示小朋友沒有事. 點知有進步老師都會來電. 也講了很多仔仔在學校的事情. 知道他的好同學是那一,兩位. 仔仔回家都好開心話我知 老師讚他有進步.

我想問下大家關於著衫方便.  您們幾時開始比小朋友著 褸仔.
現在我都係比他著外套. (可放在書包) 如果換了褸仔咁未唔可以放在書包內. 是否放在椅子後面呢 ?

朱古力

各位媽咪，昨日睇左學校派既進度表，好開心，感覺好似派成績表，但我問囝囝相中既小朋友，佢就唔識，反而所有老師主任及園長佢就講晒出黎．

penpen

del

penpen

littleeva, bosze,
thank you!我諗個個同學仔都會有機會做小領袖既!! 不過我都覺得妹豬真係好開心!! 見到佢開心我都開心埋一份

朱古力,
係呀! 感覺真係好似派

朱古力

penpen,

我囝囝都好無記性架,同佢溫習時我會寫字和畫畫比佢認,通常教完再問番佢都記得,但過一兩日佢就比番晒我喇!

penpen

朱古力,
家陣我諗住開始隔日同佢溫習, 唔會好似之前咁間中溫下, 另外隔咗果d日就係要同佢講故事, 朗讀故事呀!! 一定要加油先得!!  

bosze,
最後排正中(即係由林主任果邊數起第三)果個就係我個囡喇~ 今日阿囡仲派埋上次生日會影咗果張相, 老師仲會用相架相起添~   

KiuKiu媽媽

好幾日都無入來這里了, 只系想告訴大家禮賢已經取錄左我個囡入小一啦, 好開心呀!!

星期五去旅行, 大家玩得開心D呀, 食物就真系唔需要帶咁多, 因為大約得1小時度食野架咋!!

因為我自行前往9:45先系門口集合, 1:00度就解散, 所以都系得3小時, 集体活動都差不多用2個小時間

希望大家都有一個難忘的親子旅行, 今年系我第三年參加啦!!

朱古力

KiuKiu媽媽

恭喜你呀!       

GraceMami

littleeva,

唔記得唔緊要, 家長班這麼多家長, 我連自己組內的也未認清.

如果遲些再泠一點會著褸, 現時只讓囡囡穿毛衣, 書包放了件背心薄毛裡外套.

我相信如果著褸, 返到學校會有地方讓他們掛起的, 書包應該放不下褸仔.

GraceMami

penpen,

咦, 我囡囡早前都說做小領袖呀, 我問她是否玩估領袖, 她說是做小領袖, 也是說要拍手轉圈等.  我一直以為她是在學校玩估領袖遊戲.

早兩日, 她又說參加敬拜隊, 我問她敬拜隊做甚麼的, 她說站在李老師旁邊便可以了.  可能是在 "親親天父時間" , 老師選一些小朋友出去跟老師一起領唱詩歌吧.

囡囡未試冬季運動服, 不過, 應該just fit, 她的size比你囡囡大呀, 穿24.

GraceMami

KiuKiu 媽媽,

恭喜你呀.  

係呢, 想問下小朋友面試禮小的情況是怎樣的, 是小朋友單獨面試嗎? 要見家長的嗎? 通常考甚麼?

penpen

KiuKiu媽,

恭喜晒妳呀! 明天有機會我

KiuKiu媽媽

GraceMami,bosze,朱古力及各位,

多謝哂!!

禮賢的小一面試系大約5個小朋友(與外來考生)一起考的, 但每一位小朋友都會有機會答問題, 今年系問標誌及有4張圖片叫小朋友依照排序講出圖片的故事內容, 這是我囡囡話我知的, 基本好多都系問這些問題, 唔使擔心, 唔系咁難, 我估學校最主要系睇小朋友的表達能力同當時個人表現, 您地會讀返禮賢小學嗎??

或者您地可以系明年出席小學的簡介會, 聽取多D小學的教學理念對您地是報讀禮賢小一會有幫助!!

sunmoon

kiukiu媽媽,

恭喜你小朋友考到禮賢小學!我係今年考禮賢幼稚園嘅，想問吓禮小收番幾多%嘅幼稚園畢業生呢?

煩請指教，謝謝!

penpen

hihi~ 今日天氣好好, 好彩打定抵, 著定件短袖響入面,需然老師之前講既活動同遊戲都未可以玩足, 但也是很難忘呀! 就好似上次開生日會佢見到我上台貼旦糕一樣, 到家陣佢都仲提緊, 我相信佢都會一樣好記得日後還會再提好多次架!  阿囡返到屋企都仲話今日旅行好開心呀! 見到阿囡咁開心, 需然今日好倦都係值得既!

bosze, 朱古力,
很開心可以meet到你哋喇~ 可惜係冇機會可以同你哋傾多d啦~ bosze, 你囝囝同張相一模一樣, 我一見到你囝囝已經認得喇~

sunmoon,
小學會收番一半幼稚園既同學仔!  

朱古力

penpen,

係呀！今日走來走去都無機會傾多幾句，你囡囡塊面好圓，好可愛，好想"meet"下佢．

我下午趕住返工，順便幫老公去運輸署做少少野，所以無搭番旅遊巴士走，你地自由活動食物時玩咩呀！因為我已經走左喇！今日好攰呀，不過囝囝好開心，學你所講都值得．

sunmoon

Penpen,

唔該哂!

shermanbb

Anita_Lee,
   Hi, 原來我阿哥個女朋友個阿哥係你鄰居,你仔仔係唔係叫其其呀?佢叫samson仔呀,世界真係細,hehe

朱古力

bosze,

來日方長，總有機會．

今日我自己揍囝囝返學，不過我地遲到，唔知老師有無關課室門呢？囝囝識唔識得自己開門呢？真係膽心喇！