將軍澳富康德寶(DEBORAH)

fifi

homingm,

你細仔真係好叻﹐你安樂晒啦

HALAHA,

如果為左茶點就轉學﹐真係幾夸。如果係為左學費﹐學的野太深﹐我就認為學費一早就知﹐學的野就算深﹐先開學幾個星期﹐點知小朋友應付唔到啊﹐可能都係另有原因。你就唔好唔開心啦﹐笑下啦

wing530,

你聽日放假啊﹐我都唔知見唔見你好 我哩兩日就慘啦﹐weekend 果陣個女玩櫃門﹐唔過意撞到我的眼角﹐當時只係撞果下痛﹐之後又冇紅冇腫﹐點知過過兩日﹐開始有D紅﹐我都無為意﹐唸住可能撞淤左過兩日就冇野﹐琴日開始隻眼腫晒﹐今朝連半邊面都腫腫D﹐嚇得我一送完個女返學即過北角睇醫生。話係感染左細菌﹐而家就又係眼藥水﹐眼藥膏﹐又係消炎﹐消腫藥﹐抗菌素﹐止痛......一大堆藥。希望有用啦﹐如果唔得要去睇專科﹐轉介信都寫埋啦。

最慘係今個星期老公出o左trip, 我仲要谷住送阿女﹐唯有作幾日黑超媽咪啦 所以我話‘督’眼真係可大可小﹐個醫生話如果‘督’到/撞到個眼或眼週圍﹐最好第一時間用眼藥水洗下﹐如果冇都用凍滾水水洗下﹐因為眼同週圍皮膚好薄﹐好易受損﹐損左好易細菌感染﹐所以要好小心。你都快D投訴下﹐班度有個鐘意督人眼的同學仔真係好牙煙。小心為上﹐你睇我係人版來o既。

聽日我應該都會去接放學﹐你仲有冇我電話啊﹐等陣我PM個電話同車牌比你﹐我D接完佢D係車旁等啦﹐你都好易睇到我的啦﹐到時唔好笑啊

PERRYNMOM

Whyeye

I'm Ok on coming Sun too, how about other moms? & Where?

I saw your son's photo on the table, as all student has their own sit which had their name and photo on the table.  But they've re-arrange the sit and I saw that Ellie is sit behind Perryn in next table, and your son is sit opposite to Ellie now.  I still haven't meet your son yet, as I bring Perryn to school as early as I can then I hurry to office as I start work at 09:00 and my office is in Quarry Bay.

hinhinmom

各位媽咪,
我d學生相影得都好"肉酸"呀! 我會同仔仔出去再影.

wing530,
多謝你關心呀~ 我都係小病o乍~
你仔仔比同學仔"督"親隻眼仔呀~ 唔會係軒軒怪?! 你都係問下ms suen好d, 上次仔仔放學返黎同我講話佢同人爭玩具, 我都問左ms suen,同佢了解下情況, 佢話坐佢對面個小朋友同佢爭玩具, ms suen一行到埋佢, 佢地就一齊放手wo~ 小朋友爭玩具都在所難免~     

whyeye

Hi PERRYNMOM,

I am sorry I have something to do on the coming Sunday suddenly. Maybe the next Sat or Sun, are you ok?

I also asked if my son played with Ellie or Perryn but he didn't answer me. Is Perryn pronounced as "er-ryn" with the high tone on "per"?

My husband normally arrives school at around 9am... so you may not able to see my son la... let's meet some time. Where do you live?

Glau

HALALA
唔駛驚，仲有我O麻，其實每個小朋友轉校都有佢地既原因，只要覺得學校適合自己就得啦。
課程的確係深，阿仔有時都唔係好肯做功課，Ms Cheung 話下學期要寫ABC.
茶點方面OK la, 可能佢仲細，食乾糧比較容易D，
但我個仔響 nursery 時已經學會拿筷子食飯，我都唔知係唔係學校教!?

HALAHA

其實我都仲未知道個小朋友轉校的真正原因,但我之前同佢個媽咪傾過解,知道佢係細仔(12月出世),佢姐姐就讀藍田靈糧,因為覺得靈糧的課程太淺,所以選咗德寶,但依家又想讀返家姐嗰間.真正的原因等我問下佢媽咪先.
我囡囡前天開始流鼻水,吃咗葯都不是太有好轉,所以我想等佢好返之後帶佢去打流感針,打咗之後,是不是會少啲傷風感冒???
Glau,我囡囡是太陽組,你仔仔呢?

車厘子qt

PERRYNMOM,
你就好啦!可以去游水,我因為怕肥(細女2個月),所以今年無同大女去游水呀!
好自私添!
我都好想見下你個女,因為她們都好似呀!
嘩!你好叻!見過咁多小朋友,我到而家都認唔到d小朋友個名同樣呀!
所以都係出黎見下面,認識下,唔知係唔係生完無記性呢!
  

Yukmama,
係呀,我個工人是用印尼咩帶咩BB在前面接放學果個呀!不過就唔係日日接,有時係老公接,因他返輪班,有好多時間接囡囡放學架!


wing530,
好慘呀!現在決定搬葵芳呀!我已決定唔做啦!我會搵另外一份近d既!
經我再三考慮之下,我都係做番在職媽媽!無咁辛苦!
不如你都出黎見下面啦!咁未可以認識下啦!


homingm,
你細仔好叻喎!我囡囡今日返都仲有喊呀!不過老師話我走左她就收聲啦!


fifi,
點呀!隻眼好d未呀!你原來是揸車送囡囡返學架!我有一日見到有個媽咪又係咁,唔知係唔係你呢!
:idea:

whyeye,
你唔得閒呀!咁約Sep 11好嗎?

fifi

Glau, HALAHA﹐

原來德寶的課程都好深﹐仲要做功課﹐我唸每個家長都好矛盾﹐太深的課程﹐驚小朋友辛苦﹐太淺又驚小學會有問題﹐真係唔知點樣先最好。國際班仲沒開始做功課﹐我驚佢到時唔適應﹐所以而家開始﹐‘目訓’完黯覺起身食完生果﹐就自己比D練畫線條的書佢畫下﹐油下顏色﹐不過好快已經坐唔住﹐我陪住佢﹐佢就坐得耐D。真係要交功課﹐都幾麻煩。(交功課的好似係我D哩班家長咁)

而家要去接返學﹐返來傾過

homingm

車厘子qt >>我細仔返o左幾日學都無喊，我覺得佢可能對德寶環境太熟悉唔陌生，因為佢由bb開始每日都進出進入德寶送哥哥返學放學，同埋d老師又識佢，所以唔驚啦。

點解唔考慮做全職媽咪呀？有時湊仔返學放學，果種感覺真係好開心o架，佢又開心你又開心，仲有就係接仔放學時會多d機會接觸老師，可以知道更多佢o地係學校o既情況 :

fifi

車厘子qt ﹐

多謝你關心﹗但隻眼都係唔多好﹐book 專科﹐佢D好似約定咁﹐要下個星期1/2先有得睇﹐而家唯有食住藥先﹐聽日睇多次普通醫生(唔好停藥啦)

我都有homingm同樣的問題‘點解唔作全職媽咪呢’﹐何況你有兩個BB噢﹐可能會辛苦D﹐但自己教好過靠工人嘛。自己湊返學﹐真係可以跟得好貼﹐多少都有D幫助啦。

都有幾個係喳車湊返學﹐你見到的唔一定係我啊﹐我架車係棗紅色﹐下次見到行埋來傾幾句啊

wing530,

好開心今日見到你同你honey,仲有仔仔 多謝你的牒﹗唔記得問你﹐張牒你仲要唔要﹐如果係要﹐等我copy o左再約你。今日我一入返車﹐我女已經係度問‘點解個哥哥唔坐入來同我玩o既﹖’ 返到屋企﹐就第一時間同我隻狗仔講‘你唔好惦我o既牒﹐哩D係哥哥比我o架’ :

HALAHA

wing530 :
今天同honey去接囝囝,好sweat呀!!!
fifi囡囡係不係好靚女呢?
fifi :
點解給櫃門撞一撞都會咁嚴重,下次真是要小心啲啦.
車厘子qt :
你係不係兩個都是囡囡,相差幾多年,辛不辛苦呀? 依家做住全職媽媽先, 等佢地大咗,再揾嘢做,就不用咁辛苦.
今天班主任ms.cheung話給我聽,囡囡喳筆都幾有力,今天在學校畫畫都畫得幾好,咁樣我都安慰啲,其實我都好驚囡囡覺得大壓力,到時真是不知點算.

hinhinmom

HALALA,
小朋友o甘細抗流感針得唔得, 我問過醫生, 好似o甘細個打唔係幾好, anyway, 如覺得需要都會幫小朋友打, 但之後都會有傷風感冒架, 所以我都唔會比仔仔打住, 或者等大個d先啦~, 但你都可以問下你醫生個意見~

fifi,
你揸車送囡囡返學呀, 你會唔會將架車泊入富康呀? 可以停幾耐?

wing530,
原本我地o個班又係叫anson o個個小朋友係女仔o黎, 佢叫anson au呀~   , 我奶奶會於16,17,18,19號帶仔仔去旅行, 所以佢返唔到學校開生日會, 不過我問左hinhin, 問佢想去旅行定係去生日會, 佢話要去旅行~比佢激死~ 可能上次去完布吉島上左穩, 成日話要返酒店住~   

wing530

hinhinmon, 放心啦, 唔係hinhin"督"架, 我尋日問過miss suen喇, 佢話見到事發經過, 有個小朋友"申"手叫anson玩, 剛巧anson轉頭, 咁就"中招"喇, 不過, anson好小氣, 仲未嬲完喎~     

我又唔知係個女仔喎, hinhin就好喇, 可以去旅行, 去邊度呀? anson又係好鐘意住酒店架, 自從4月去過日本, 佢同我一樣心思思呀! 比我, 都係去旅行好d~  

同hinhin爭玩具果個, 相信都唔係anson喇,     因為自少佢就無呢個本事, 係街通常比人"蝦"果個o黎, 我都有問過miss, 佢都話anson唔同人爭野, 只有佢行去搵miss, 同miss講佢又比人爭左d玩具喇~    

Glau & HALALA, 你地班主任係咪Ms Cheung呀? 我仔仔好鐘意佢架, 一見到佢就行過去say hi, hello 架, 我已經常聽仔仔講呢個名字架啦, 尋日阿仔班主任同我講, 佢地去廁所見到, 就自自然行去搵佢, 我估miss cheung係一個好好既老師喇~

係呀, 尋日我地放假, 咪一齊湊仔放學囉, 未來幾個星期五都會呀, 我上健康院3P課程呀!

車厘子qt, 搬去葵芳都唔係好慘o者,    因為我都係附近返工喎~ 如果你經濟許可, 倒不如做個全職媽咪啦! 你有2個小朋友麻, 不過, 講真就幾困身囉, 肯定辛苦過返工呀!   

好呀! 一齊見下面啦, 不過, 我比較"怕醜"架喎~   

fifi, 尋日好高興見到你呀! 當然高興唔係見到你眼腫啦!    見你做左黑超特工, 又用車接囡囡放學, 十足十好似明星湊女咁呀!   (講笑咋~)

你真係要睇睇醫生好呀, 我都無唸過你會咁腫, 咁犀利呀! 而家d細菌真係好勁呀! 仲有呀, d碟我唔要喇, 送比你架, 下, 你囡囡問起我仔仔呀, 不如約出來一齊玩下啦~

   

PERRYNMOM

Whyeye

I'm Ok on next Sunday, I live in Beverly Garden富康花園, where will you suggest to go (let's bring with children and let them play together), anyone is living with club house?.

Yes, it's pronounce "per win".

車厘子

My husband and I went to beach today with Perryn, now she become dark chocolate again, really so tried to go to beach with her.

Do you know that PGI has one small classmate last week, just two years old, name is Alison, she's not shy and shake hand with Perryn and never cry when she go school (wow, what a good baby), she's in Ms Sally's group.

Yukmama

Finally, I've decided some kindergartens for Perryn's K1 in next year.
1. Pui Ching
2. Mansung
3. Heep Yun 協恩 (it's for girl only)
4. Yan Yee 宣道 (but only 1 class in morning for next year K1 and have 3 classes in afternoon, so the chance to study morning class is difficult)
5. 循道衛理 (because have primary school in 寶盈, just start this year)
6. 梁省德, (because have two session English teacher and two session Mandarin teacher each week, each session is 20 minutes and have primary school in 南豐, but don't know this primary is good or not)

How about you?

HALAHA

我想問下9月份的學費係不係autopay,你們扣咗數未?
星期五派咗學生手冊,8月份老師的評估是不是全部都是"剔".

hinhinmom,
原來打抗流感針,不一定會減少傷風感冒架,咁我要再考慮一下先啦.
你仔仔無得參加生日會,不過去旅行仲開心啦!!

hinhinmom

HALALA,
上個月我問過DEBORAH, 佢地話9月份開始autopay, 今個月我未去check數, 應該扣左~

各位媽咪,
你地會唔會同小朋友報d興趣班呀?! 好似幾抵,我都考慮緊, 但deborah d興趣班通常o係下午, 我仔仔下午要午睡, 佢上午要返學, 如果下午又要上堂, 可能會好辛苦, (佢仲細ma), 都唔知好唔好報, 你地呢?
    

fifi

wing530,

你真係識講笑啦﹐嘻嘻﹐好彩﹐星期五咁犀利﹐星期六開始冇麼腫﹐可能係D藥需要D時間先有用﹐到今日﹐已經冇晒事啦 而家的菌真係得人驚

幾時得閑﹐帶埋仔仔一起出來玩 你仔仔平時多唔多多睇D 小朋友VCD o既﹐如果鐘意﹐我都有好多﹐可以燒幾張牒比佢睇下。我囡囡唯一靜得落來就係睇佢的牒

我女仲沒打流感針﹐本來唸住星期六打﹐最衰星期五夜晚可能凍親﹐星期六有D流鼻水﹐唯有壓後啦

HALAHA﹐

隻眼我都唸唔到會咁犀利﹐醫生講係因為入左菌 唉﹐冇法啦﹐老公成日話我係‘大蕃薯’(身手唔夠好嘛)

打流感針係預防D病毒性感冒(會發燒果種)﹐對平時凍親果D傷風冇麼作用o既。

9月應該係用autopay, 但好似到今日仲沒扣數。

你D 的學生手冊係可以‘剔’﹐可能同我女的唔同﹐佢D得一葉有晒今個星期學的野﹐另一業係老師的評語﹐同家長的會條。你D有D麼野要‘剔’啊﹖(八卦)

hinhinmom,

車可以park 入富康入面﹐有半個鐘free parking, 所以用來接送返學幾方便。

我都考慮緊D興趣班﹐又係覺得幾抵同埋個女又鐘意玩。但而家個女‘目訓’午覺﹐4/5點先起﹐食生果﹐玩D野﹐已經差唔多食飯﹐有時仲約下D小朋友﹐覺得唔係太多時間﹐同埋開學冇幾耐﹐唔想搞得太緊張。所以可能等下一次先報。(今次果D應該有兩個月堂﹐遲D應該仲陸續有來)我唸唔使太心急

HALAHA

hinhinmom & fifi,
我唸我不會報興趣班住,因為婆婆極力反對,話太辛苦,不過我覺得好扺,如果可以安排在星期六,日就好啦.
我囡囡都好中意睇小朋友的vcd,不過返咗學之後少睇咗,因為時間真係好似好緊湊.不過佢依家好中意睇明珠台的芝麻街,每日4:00pm 做.
fifi,我講學生手冊的"剔",一頁是老師的評語,一頁是家長自己評估小朋友在屋企的表現,我想問的是老師的評語是不是全部都"剔"咗.(即係小朋友在學校表現的好好)
你哋係不係真係約出來給小朋友見下面,我見講咗咁耐,都不是太踴躍,我就無問題.

fifi

HALAHA,

你想星期六﹐日﹐好似都有幾個course係星期六﹐日。我有興趣的係音樂跳豆班同兒童芭蕾舞班﹐但兩堂都係3:00-4:00pm, 咁囡囡就唔夠時間‘目訓’午覺啦﹐好似辛苦o左D. 星期六/日我D成日週圍去﹐唔係幾想又返埋學

你囡囡都鐘意睇小朋友的vcd啊﹐我比較少比個女睇有故仔的野﹐多比佢睇D educational vcds. 佢而家都有隻好鐘意的Sesame Street vcd (Kid's Favorite Songs),成日睇唔厭﹐一起唱同跳。你如果想要﹐我可以燒比你囡囡睇。

不過如你所講﹐而家小朋友返o左學﹐時間真係少o左﹐我而家朝早播D vcd﹐囡囡就會自動自覺起身﹐行出廳﹐囉住杯奶眼定定任我舞啦

原來你D本學生手冊可以‘剔’o既﹐我D本冇啊﹐只係老師寫評語﹐家長又可以寫返去嘖。

我D係想約出來比D小朋友玩下﹐佢D應該差唔多大﹐可以玩埋一起﹐wing530 的仔仔5月生日﹐我女6月﹐你囡囡呢﹖你住近邊度啊﹐我D都係住坑口。我就想平日﹐如前所講各個星期六﹐日的節目都排得好滿。 我平日都有幫囡囡約D小朋友係樓下club house玩﹐about 4:00pm﹐你D邊位得閑都歡迎一起﹗   

whyeye

PERRYNMOM & other mummies,

I am ok on Saturday (sept 11) only. I live in East Point City and there's a club house with indoor children's playroom. Perhaps our kids can meet there. Let's meet at around 4:30pm, ok? (since the playroom opens at 2pm and my son will be sleeping at that time) Anyone interested, you're welcome to join!