培正家長 Chatroom

彥彥媽咪

lulu:

22號開完小學家長會,29號又到幼稚園開 ....個個星期六都返去,加埋送飯,我好似一星期係培正開足六日工...
==> 所以咪就係成日話, 你有得兩個係培正, 真係 worth 再同你老公傾下搬出黎喇...唔係真係 tun 到你傻...

嗱...一係你上我樹, 斷鐘計當你開房咁係我樹 heah...hehehe


另...你見到貓貓喇....係 1.5 hours bor....仲有, 我大彥香兒轉班有d難度, 因為佢何文田既 class 就係得 Friday only ja...(作死..咁轉鬼轉馬... )

Other than Friday, 諗諗有冇第二日呀....

英文....進行中, waiting for answer

Ellensu

Lulu0820,

你咁遠要送飯，真係辛苦呀！ 不過我之前都諗過。而家間新屋等緊裝修，我希望9月中搬到吧。

我呢排係何文田附近，見到好多孩子係附近住。同d家長8過下，原來住得近係諗得過的。因為可自己送飯，參加課外活動又方便，仲有係唔洗搭校車，真係精神好d的。

所以d家長講我知，好多人搬左就體驗到，比未搬前好好多。:D

彥彥媽咪

how come 成日個 forum 神神化化架, 又唔見左d 字既...

Sugarcream

好耐無上黎啦:

聽聞小一有個學生因普通話唔合格, 所以老師話俾佢試升, 如果上學期都唔掂, 就要返去讀番小一

彥彥媽咪

sugarcream:

聽聞小一有個學生因普通話唔合格, 所以老師話俾佢試升, 如果上學期都唔掂, 就要返去讀番小一

==>你資料來源係流定堅先, 係人地話你知定係你真係知有咁既人呢..?? 因為 so far 學校講係中, 英, 數, 常主科是但一科唔合格就留班, 冇包 PTH 的, 但若真係成績好差既話, 學校會俾壓力佢就唔奇既, 但我睇應未去到"試升"卦....:-|

另...小一既 PTH 又唔係真係咁難架咋喎, so 若真有其事, 咁小朋友之所以要試升咪仲有一d 野我地係唔知既呢....

要去八八先....

[ 本文章最後由 彥彥媽咪 於 07-8-30 00:34 編輯 ]

Sugarcream

彥媽:

係我姪女媽咪講架, 我姪女升P2啦, 佢阿媽個日同我講架, 不過唔知係咪老師嚇佢先咁講啦...... 普通話咋WO, 唔係掛

彥彥媽咪

Dear all 小學 parents:

今日開學如何呀....話咁快又一年了, 大家要努力呀...

我大彥同我講佢個班又多左 2 個學生, 本來 30 , 依家 32, 係因為第二班太多人所以撥去佢地個班 wor..

另外, 佢要坐最近窗最後個行呀, :cry: , 我問點解, 佢話係跟學號 wor, 鬼叫佢係姓 "Y" 咩.... 不過...點解要咁呢?   唔係跟高矮既咩, 佢坐咁後我問佢睇唔睇到黑板, 佢話睇到d睇唔到d wor...激死, 我叫佢睇唔到時一定要出聲呀, 唔係就聽唔明老師講課架喇...

我會呢個 week 都抽幾日去 gup gup 佢吃飯如何先...

依家幫佢打個 coloured D 既 timetable 先...

彥彥媽咪

Dear all 小學 parents:

今日開學如何呀....話咁快又一年了, 大家要努力呀...

我大彥同我講佢個班又多左 2 個學生, 本來 30 , 依家 32, 係因為第二班太多人所以撥去佢地個班 wor..

另外, 佢要坐最近窗最後個行呀, :cry: , 我問點解, 佢話係跟學號 wor, 鬼叫佢係姓 "Y" 咩.... 不過...點解要咁呢?   唔係跟高矮既咩, 佢坐咁後我問佢睇唔睇到黑板, 佢話睇到d睇唔到d wor...激死, 我叫佢睇唔到時一定要出聲呀, 唔係就聽唔明老師講課架喇...

我會呢個 week 都抽幾日去 gup gup 佢吃飯如何先...

依家幫佢打個 coloured D 既 timetable 先...

fuhouse

囡囡書包好重呀
雖然淨係今日嗰D書，但係都好重，過幾日比佢自己帶飯時，再加上飯盒同水壺，真係唔知佢點攞。

帶到學生到操場為止，就已經唔比家長送，仔仔囡囡就要自己攞書包，仲要上三四樓，日日如是，真係驚佢條脊骨......，發育及成長時期嘛。

其實有冇家長投訴過呢?你地知唔知學校點解要有呢D規矩，家長幫小朋友攞書包上課室唔係更好咩。

依家D書，數學科又有幾本，聖經科又有幾本，你地話書包好難唔重，其實依家有D課本係活頁，將需要教D科目個幾張取出，全部放係一本活頁簿中，書包就可以輕好多。你地又有D咩意見呢????

[ 本文章最後由 fuhouse 於 07-9-4 11:12 編輯 ]

J'smama

我亦同意用活頁書, 我女個書包今日接近9lb.  要上三層樓, 對一個不足50lb的小朋友黎講, 實在太重la.

fuhouse

原文章由 J'smama 於 07-9-4 11:35 硐表
我亦同意用活頁書, 我女個書包今日接近9lb.  要上三層樓, 對一個不足50lb的小朋友黎講, 實在太重la.

有D學生好似仲要上到四樓，要向學校反映一下，我想暫時解決辦法就係家長將D書包攞到佢班房門口。

Lulu0820

早晨各位,

彥媽,

你昨日有無番去睇食飯呀?嘩,我第一次見到場面咁虛碪!!! 真係可以用誇張黎形容!好似新年去行年宵咁!

今年內聯網有同學名單,我地班正正三十人呀!

Lulu

彥彥媽咪

lulu..

我第一次見到場面咁虛碪
==> 咪係囉, 所以我話我自己醒架 (hehe, 懶醒 ), 打死都唔頭幾日去, 全家出動既 hui hum 面我領教過, 唔制...等大家d "熱潮"過後先啦, 我最怕同人迫...

其實 if 你係送飯既係真係都幾多人架, 因為好多係叫工人送去, 所以 around 12:30pm 會成個中環 bunbun 集會咁, 又會見到d 婆婆拎飯比個孫, 一路撥扇一路企, 都幾辛苦架...

因此依家我地學精左, 唔會 12:30pm show up, 因為都未入得, 盞得個等字, 又熱又焗 there, 我地會等 around 12:40 先 show up, 到時d 人潮散咁D, 我行條樓梯都快d 丫...


今年內聯網有同學名單,我地班正正三十人呀!
==> 你有 ID and password la? so quick? 我都未見大彥有既...??


課外活動
==> 你打算報乜...? 個人分享, 佢地個d English/中文學術既麻麻 (係玩多過學, 你當比佢有 1 hour 同人 gee lee gu lu 就 OK 既, 唔好期望太高), 我地上年上過, 成效不大, 自己出去揾好過, 要去就去下佢d 運動既會好d, e.g. 我大彥會 continue 跆拳道, swimming just 開始 try, 要觀察, 小提琴個類因為係 group learning, 唔多好, 仲唔係平, 出面揾個 one-to-one 教都可以平過佢, 係睇你有冇心機四維問啦....

英文我仲等緊人覆...唉...叫人問既野, 又唔好意思催人嘛...我會再另揾賢能...hope by end of Sep 有 good news to you.



你阿女抄手冊抄成點...??

Lulu0820

彥媽,

食lunch真係好誇張 !我熱到成件衫濕晒,差d要買過件T-恤換!但我攞飯比佢食,所以始終都係要迫!

我地昨日已經有id同password,貼係手冊第一頁,昨日爸爸請左假,兩隻野係屋企玩左個幾鐘電腦,之後個囡就話要學電腦,放學後個d活動就唔join喇,返到屋企已經五點幾,邊夠時間用,都係想比佢join食完飯後個個電腦組!

我個日聽個同校車既媽咪講起,佢小朋友係學校學小提琴,剛剛被選入樂團,佢話因為佢跟學校學,所以從未考過出面d試都入到,如果係出面學,就會要你有五級或以上先可以考樂團,d個info可以參考吓,因為學校個樂團攪得幾有規模,有成70幾人,又多表演又會出吓外地,聽落好吸引!我囡囡就唔考慮住,因為佢依家學琴已經用好多時間,邊有可能再學多樣樂器!

唔急唔急,d野你慢慢搵,我都唔會比呀囡join好多野,我估佢攪唔點!分享吓佢昨日既慢動作!4:05pm番到屋企,洗手食茶點同個妹傾計攪到5:00pm,之後同佢爸爸玩電腦玩到6:00pm,再去樓下做運動30mins,之後番黎沖涼食飯,攪到7點幾,練琴30mins,再收拾書包講故事,9:00pm就訓覺!無功課做都仲得,一有功課做都唔知點算 ....

Lulu

彥彥媽咪

lulu...

係架, 小學 life is really different from KG, 好多野要顧, 佢地又因為上學時間長左, 所以好多野真係要幾趕下架...

我打算都問下大彥上唔上 lunch 後既活動, 不過我初步都唔想佢去, 寧願俾佢自己自由下, 因為你睇個 timetable, 小息得個 10 mins (要做眼保操呀咁), 根本去得 restroom 都夠鐘喇 (你地女仔個d 仲耐) so in fact 都冇得點 relax, 係得個 lunch 係長dd, 仲要佢爭氣食得快至係 ja wor..

So 我寧可佢 lunch free D , 去下玩, 而佢就多數 lunch 完去 library 的, 我都 happy ga...reading 都好呀!!

所以我多數都唔報了.

Lulu0820

彥媽,

又arm arm身水身汗完番黎,今日比昨日小d人,我呢硬係唔夠d bun bun快 ...

我都係諗住比佢上lunch之後個電腦組,佢c都話要上,都係佢爸爸啦!

今日有功課做喇,佢仲話我知上左英文堂,睇吓佢返黎有物update先!

Lulu

Ellensu

Lulu0820,

送飯真係人多，但自己上去睇下就放心d。咁你自己要保重呀，天氣好熱，你路程遠仲有個細女喎！:D 學校既飯盒我感到質素一般，我女都喜歡我送屋企飯佢食。

我新屋未整好，所以仍較辛苦。 阿女唔係咁叻，又唔敢比佢太多活動。lunch 就報下故事閱讀/ 合唱團。不過阿女既中/英/ 數都弱，我都要搵老師或補習班幫下比佢呀！雖然我唔想佢咁辛苦的，但試1年佢係培正追唔追到先再打算。你女係咪中-- 國語/ 英/ 數都報班呀? 有冇好介紹呀？:) 如果數學比較弱，珠心算岩報嗎？我見學校有班。

Ellen

小蕎媽媽

彥媽、lulu、Ellensu:

第一日返學之後，我自己就忙到不得了，忙到晚晚返到屋企都見唔到個囡，希望明天好d啦。

我老公都有去學校睇吓，呀囡響學校搭食，第一日佢食左一半，今日食左1/3，我老公話d野食普通啦，同埋呀囡根本都唔會食咁多。

免費班我地報左棋藝同合唱，而收費班就重未諗好。

Ellensu:
呀囡都話想報珠心算，你知唔知學校個course好唔好呀?
其他出面的中英數有冇好介紹呀，我就冇idea.

原文章由 Ellensu 於 07-9-5 17:55 硐表
Lulu0820,

送飯真係人多，但自己上去睇下就放心d。咁你自己要保重呀，天氣好熱，你路程遠仲有個細女喎！:D 學校既飯盒我感到質素一般，我女都喜歡我送屋企飯佢食。

我新屋未整好，所以仍較辛苦。 阿女唔係咁叻，又唔敢比佢 ...

Ellensu

小蕎媽媽,

我都唔知學校既珠心算好唔好，但我個女數學底子就唔係幾得，所以另一個考慮係佢唔知吸唔收到！ 同埋珠心算一定有功課跟，我都感到而家既小朋友真辛苦，要補咁多學術野。你知唔知仲可點train數理logic 呀？自己 train 有冇效呢

Lulu0820

我都係同囡囡參加中午既電腦小組,其他d就唔join,佢架校車4:00pm番到樓下,仲快過我出去接佢 !!所以點都叫佢跟車走啦!

中英數都未諗,過左九月先算!

Lulu

[ 本文章最後由 Lulu0820 於 07-9-6 09:58 編輯 ]