一件唔開心的事

annie7711

請問再聯合醫院有怎麼training?


  一個同病相可憐 心如刀割的母親

annie7711

hello 軒軒媽,
   我個子也是在2歲10個月的時候(容鳳書)接受評估,也是說有輕微的傾向,我很擔心,怎麼接受?整天淚流滿面,家裡的人也是認為他只是言語發展遲緩,他是很喜歡跟人家玩的,我很想邀請你交流分享下,小孩現在已經入讀pp班,請問你在哪裡找到書,書裡真是說輕度的是可以痊癒的麼?但上網看的怎麼說得好像絕症一樣.?你的親戚的例子,是不是說醫生搞錯了. 我查詢過澳洲那邊的心理醫生,她說至少要有3個專家,才能判定這個症狀的,但香港太隨便了,那天才20分鐘的時間,還有5分鐘下班,醫生好像趕收工,開始收拾東西,就說小孩眼睛才看了2次,就說他有傾向,正常的小孩再玩玩具的時候也不一定會理會你阿,叫我們做父母的怎麼接受阿?      這何指不開心 的事情,簡直是天昏地暗!

annie7711

社工姑娘說不一定回來複診,但語言治療師就說要回來,為怎麼他們幾個說的都不一樣?你子上幼稚園未?輪候到兼收位未?

bigheadgirl

這幾天真的比個臭B攪到我哋兩公婆頭都大,真的疴了整整一個礼拜,又痴身,又扭計,又唔肯食嘢,今日先叫做好番D.

其實有邊個父母唔緊張和担心仔女吖,尤其現今多數只生一個or兩個,自己有能力梗係想比D好嘢佢哋,你估係我哋細個果時咩,大人顧住揾食,邊理得你咁多,係而家先越來越多D咩症咩症咁;總之我而家都唔諗咁多住(雖然未必做到),等亞B上吓training先,過咗4月諗吓比佢讀BB班(因協康的training到4月尾),又或者再繼續上協康的training,自己又睇吓書,上網睇吓有冇嘢幫吓亞B咁,不過話時話,亞B上咗專注力小組又真係好似有D進步,佢會唱"太陽伯伯",雖然佢只係唱"伯伯"兩個字 ,但我已經好開心,因佢以前係十分抗拒聽兒歌的,只係喜歡聽流行曲 ,上堂做完的手工紙,佢又會講"Ho Ho",表示係Miss Ho教佢的,上堂時又肯聽指令和坐定(雖然有時都會扭計),但我覺得佢已經有好大進步啦.

呀,Dr. Lee那邊的treatment要postpone到5月頭才start呀,到時再話比你哋知係点情況.

N21

annie7711 寫道:
請問再聯合醫院有怎麼training?


  一個同病相可憐 心如刀割的母親

其實我仔仔係容鳳書做評估時個Dr轉介去聯合醫院兒童精神健康科見醫生再做多次評估,之後個醫生就安排我上家長訓練小組,而仔仔之後就上佢地既訓練小組,3堂/week,有晒言語治療師同職業治療師一齊上,連同訓練的姑娘等師生比例1:2,費用又平,最重要係仔仔有進步,專注力好左,其他的同學仔都進步好大,eetc仲未排到前,有哩個training真好   

軒軒媽

annie7711,
唔洗咁絕望呀!如果你亞仔鍾意同人玩,又無明顯既特徵,最多都只係言語發展遲緩,真係唔需要攪到自己咁down,評估完頭幾日我都好似你咁唔開心,又好擔心,但睇完幾本有關既書之後, 知道多左呢個病既資料,又冇咁驚了,其實都係要我地付出更多既時間同小朋友玩,溝通, 佢地至可以改進到,治療師都係可能一星期只有幾個小時安排到同小朋友上堂,密集訓練最終都係要依賴家人,你對住亞仔咁sad,佢會知道架,對亞仔只有壞影響架,正面d同積極d啦!首先要自己學多d方法點同佢玩,至可以對亞仔有幫助!你要相信自己可以帶領亞仔離開自閉症傾向,如果你唔幫佢,佢至可能走向自閉症啫!努力啦!最緊要係自己點睇!
我亞仔而家只係返緊普通N1班,但老師同校長都好好,係佢地提意我帶亞仔去做評估言語發展既,同埋教我點樣應付亞仔D百厭野,但我覺得如果家中只有工人照顧小朋友,最好都係比佢返全日班,可以多d接觸人(講母語既),什麼是pp班呀?
至於我親戚,佢只係唔信個醫生所講,用自己方式教番小朋友, 很難話係醫生錯, 因為醫生只說是輕微及傾向既形容詞,根本沒有說是確實係!

  
    

brenda0505

to bigheadgirl & other mums,其實我由開始都依家背景同你都有d似, 都係自已發現先, 最近先排到政府評估, 中間至依家去step, 協康, 我心情呢半年都時起時落, 如冇意外, 我應該5月左右會做全職媽咪, 對於我黎講係一個好大既轉變.

blmom

Brenda0505,

My son is also going to Steps for speech therapy (just started one lesson) and 協康 for 幼兒導師訓練。I want to try my best to help him.  He has improved a little bit the past month.   :
I hope he can get eetc training soon.  

大家加油！

bigheadgirl

brenda0505,
你係STEP上D咩呢?我亞B上speech therapy,差不多半年了,有D進步啦,不過我覺得佢係協康上專注力小組進步大好多,識講多咗,返到屋企又唱歌跳舞,個人都定咗好多,見到佢有進步,我真係開心到爆 .

我都係一个全職媽咪,呢份工真係好辛苦,24小時on call,隨傳隨到,無假期,無sick leave,無得唔撈,不過睇住亞B一日一日長大,一日一日進步,份滿足感真係無其它工比到你,大家一齊努力呀!

bigheadgirl

blmom,
我想問吓咩係幼兒導師訓練?

brenda0505

bigheadgirl & blmom,

我個仔響協康shaukeiwan專注力訓練小組都上咗4個月啦.  由初初crycry唔係上堂到依家同導師有回應及感統訓練時投入都大有進步,  我依家都係好希望佢快d有意思既字句出現就最好啦.  另想問我d相同背景既媽咪可唔可以搅下活動同d小朋友出下來, 大家交流下大小朋友一齊做下朋友呢? 唔知你地住邊區呢? 我住東區的

blmom

bigheadgirl,
協康幼兒導師訓練主要係邊樣唔掂就訓練邊樣，好像我個仔專注力唔掂同唔聽人講野就主要訓練這兩樣，有的小朋友大肌或小肌唔掂就訓練這些，我覺得咁樣針對性的training比較effective，你不妨試下。

brenda0505,
我也想同d相同背景既媽咪出下來大家交流下。我住Tsimshatsui的，但邊度見面都OK的。

annayee

其實小朋友發現有問題,每個父母都唔想見到,初初發現自己小朋友在1歲半時,都未識講野,個心都好急,好想佢快D講野,但係自己無技巧,唔知點教佢,同佢上PLAYGROUP,佢只係走來走去,原全當老師無到,相比其他同齡的小朋友,原全唔覺是同一LEVEL,他們好定,做咩都跟住做,當時見到個仔咁,都好DOWN,跟住去健康院見姑娘,先發覺有問題,再見埋醫生,話他有語言遲緩,但有眼神接觸,當時果刻真的很難過,不過都要面對現實,只好跟住安排去評詁中心做評詁,當時老公是接受唔到,他認為個仔無問題,即時到今時今日,個仔去協康會做訓練,佢都好少出席,佢話個仔大大下會無事,但我就唔認同,我無理會佢,只跟住各姑娘的技巧在家同仔仔做訓練,我發覺個仔真係要專登教佢野先學得多D,佢自學能力未有,一路睇住佢進步,老公都開始服我,開始認同我的教法,開始漸見光明,到現在我一出街又好,在家又好,食謹飯都好,同個仔玩僅都好,都會無時無刻教佢野,我會經常問佢問題,要佢答我,引導佢說出答案,訓練他自我思巧能力,久而久之,佢就會問返我轉頭,其實問佢問題,係比空間佢思巧,而且給他有個自主權(當然選擇唔可以太多,比如:你想食飯定食麵呀?),知道自己既存在,要佢知道,生存是為自己,而不是為了討好誰,自自然然佢覺得有咩需要都會同人說,唔會唔肯講野,因為要感受呢個世界要靠佢自己,旁人只係協助性質!

但願每位家長都能以愛和包容去接受每一位小朋友在發展上的差異,只要付出努力,佢地一樣可以係社會成為一個有用的人!同時我亦好多謝我的兒子,如果唔係佢,我唔會學識咩叫包容和忍耐,而且唔會學懂與小朋友相處的技巧和唔會學識進入他們的內心世界和他們交流,好像多了一個知心朋友一樣!

bigheadgirl

Brenda0505, blmom & other mums,
其實大家出來交流吓係好事,我住將軍澳的,下午的時間會較方便出來. 我想問吓blmom你亞B去邊個協康中心呀,我都想比我亞B上吓幼兒導師訓練,好似幾好.

Brenda0505,
你亞B去咗政府評估未呀?

Annayee,
你好有心机呀 ,你亞B而家幾大呀?

annayee

bigheadgirl

多謝你呀!我個仔現在巳三歲八個月了,同兒子相處,時間唔係好長,但係就好充實,見佢每日都係度變僅,而自己都好似在成長僅,環境真的可以令一個人變得更堅強,因為我要提醒自己,個仔好需要媽媽和爸爸耐心的引導,如果我們都不幫他,他就會變得很可憐了!

bigheadgirl

你亞B同我亞B個case差唔多,又係歲半時去playgroup坐唔定,週圍走,我就好似儍婆咁追住佢,不過事隔半年,而家佢係協康返playgroup又 ok喎,老師仲讚佢添.

咁你去評估中心,除咗話佢言語遲緩之外,仲有冇話佢其它嘢呢?

annayee

bigheadgirl,

你仔仔幾多歲呀？

評詁中心只是說他言語遲緩,但係智力正常,於是建議他兩歲入学讀N1,及同時排協康會既早期訓練!

但現時黎講,佢的語言理解同表達巳可溝通,讀K1都會坐定,同同學和睦相處,樂意聽從老師教導,係學校老師無投訴,但係上堂就唔專心,時常分心,做體操無意識跟住做,但係去到協康會,唔係好樂意聽從姑娘的指令,如:叫佢收玩具又話唔收，成日都唔舒得Ｄ玩具，叫佢跟住砌積木，佢又鐘意自己砌，唔想跟住姑娘砌，地方大，就忍唔住走來走去，不過見到Ｄ好SET佢果Ｄ姑娘，佢又比較合作Ｄ。另外，就係佢的ＥＱ唔係咁好，一唔開心，唔用說話表達，用尖叫來代替，這一點我是最頭痛，因為會影响到人，不過好彩佢自己係學校唔會係咁，只係係屋企同係街先係咁！

bigheadgirl

亞B而家兩歲兩個月,仲未返學,8月會返N1,而家係協康會上緊專注力小組,一個星期兩次,另外有一日去STEP上言語治療,返咗協康後乖咗好多,可以坐定,會留心導師講嘢,聽指令.

其實亞B而家講嘢叻咗好多,不過有時都唔係好識表達自己,我計過佢可以講到50+個詞語,會自發咁講2-word sentence(如:去街,搭巴士等),亦可在提示下講句子(如:媽媽搭地鐵),不過發音就唔係好準.

另外佢又十分有主見及頑固,要自己揀鞋著,去邊度都耍知,唔鈡意去嘅地方就猛咁搖頭,但有時我都唔理佢,照去,佢又OK,激死!

bigheadgirl

亞B而家兩歲兩個月,仲未返學,8月會返N1,而家係協康會上緊專注力小組,一個星期兩次,另外有一日去STEP上言語治療,返咗協康後乖咗好多,可以坐定,會留心導師講嘢,聽指令.

其實亞B而家講嘢叻咗好多,不過有時都唔係好識表達自己,我計過佢可以講到50+個詞語,會自發咁講2-word sentence(如:去街,搭巴士等),亦可在提示下講句子(如:媽媽搭地鐵),不過發音就唔係好準.

另外佢又十分有主見及頑固,要自己揀鞋著,去邊度都耍知,唔鈡意去嘅地方就猛咁搖頭,但有時我都唔理佢,照去,佢又OK,激死!

秋海棠

當年我囡囡都係由佢, 當日佢著套私家衫和做評估, 到最後我都唔知佢係乜水. 直至佢係form簽名我先知佢係鄧醫生, 勁寸無禮貌.

bigheadgirl 寫道:
我亞B個医生係姓鄧嘅女医生,果日佢帶住個口罩,應該係唔舒服,之后我仲見到佢叫亞嬸幫佢去樓下藥房攞藥,可能係咁,佢果日非常之冇礼貌及cool,答多我一句都費事,難聽D講,係非常之"臭檔"及"寸".