有事請教, 我想請問成績好的小學生, 媽咪是否都是早放工 or 全職媽咪 ?

htcmama

其實除咗$$以外, 仲要考慮吓自己係唔係真係適合做一個全職媽咪, 如果攪得唔好, 工又無埋, 子女的關係又弄壞, 咁就真係得不賞失了.
自問我自己都唔可以勝任做一個全職媽咪, 所以我選擇交比外婆湊, 外婆對囡囡的起居入食照顧得無微不至, 而我每日放工都會返去同佢食dinner, 溫書同埋玩吓. 阿囡由k1已經開始習慣放學返來就要做好工課先可以玩, 呢d係一開始定好的規律, 唔關事你係唔係佢身邊. 如果要你係身邊佢先至做, 咁就係倚賴. 玩完下午再做我預先交比佢的課外習作或寫字. 跟住佢會夜晚等我返來比我睇. 我地昨天早上去完飲茶, 去埋冒險樂園, 再去埋意粉屋嘆埋個tea先返屋企(因為今日先正式開工).到6點幾我同佢睇吓書包, 諗住同佢睇吓d假期工課執返好晒未. 佢見我攞個書包出來就同我講, 媽咪不如我地溫吓d聖經金句, 英文同中文, 如果唔係返學唔識唔記得就幣. 我聽到真係覺得好恩慰. 阿囡今年已經k3, 3 年來佢係幼稚園都讀得好好, 名列前矛. 來緊9月會升小一, 其實如果真係到時無時間睇工課, 我都會搵補習社幫手. 跟住自己主攻同佢溫習. 我自己份工都係好好pay, 我又係得中五畢業, 有事又可請一日半日假, 所以阿囡學校攪的所有親子活動我都有參與. 所以我唔會放棄工作. 仲有我成日同阿囡講, 媽媽爸爸出外做嘢都好辛苦, 目的都係想你有更好的生活同未來, 你要比心機讀書同埋學嘢, 又同佢講幸福唔係必然, 要珍惜你而家擁有, 做好自己的本分. 所以我唔覺得要成績好一定要做全職媽媽, 而做全職媽媽後又唔一定會令小朋友成績好d. 因為呢d嘢係無得guarantee嘅.最重要係你點諗同點令小朋友知道自己的責任, 權利同義務. 為咗唔好令自己後悔, 你都要諗清楚, 或者可以的話, 試吓放一個長假, 真正體驗吓做一個全職媽媽先再決定啦.

祝福大家

cutiemo,
唔好咁諗啦. 可以換來多d 時間陪仔仔, 將來妳睇返轉頭, 就覺得自己當時既決定係正確的 ~~

cutiemo

祝福大家 寫道:
cutiemo,
唔好咁諗啦. 可以換來多d 時間陪仔仔, 將來妳睇返轉頭, 就覺得自己當時既決定係正確的 ~~

thanks 祝福大家

其實我只係想Husband會了解我所做的—切，但佢好似講極都唔明，總之好似差左，有時明明唔開心都要扮冇事!!

LeeCandy

Hi Htcmama,

我都知, 我都係中五畢業, 人工過萬, 公司又好, 已經做左十二年, 真係好唔想唔做, 但真係覺得辛苦, 如返工就得好少時間陪兩個女, 所以最後都決定唔做.

都唔知是對是錯, 至少我覺得有去試過, 到時我唔會用工人, 但會請鍾點.

Miffy2000

[/quote]

但是請鐘點都唔平ga！5，60蚊一個鐘，隨時同請菲傭差不多！
[/quote]

Agree! 所以最理想係一星期請鐘點來兩三日，幫手做清潔，其他自己慢慢做，因為我唔中意工人在家tun來tun去，而且，慳得就慳啦。

當然，辭工前一定要諗清楚自己係咪適合在家做全職主婦，同埋老公是否support你的決定。

pamcheung

HY412,

係我呀, 我用嘅方法同你差唔多, 不過因為我要返工, 所以進度要快d, 小一上學期已要訓練到她自己先做功課 (都用咗兩三個月), 唔識先等我返嚟教, 默書而家可以自己溫, 測考就要比 guidlines 佢自己溫完再同佢溫 (自己設計d題目比佢做).  上學期成績尚可.

加油!

HY412 寫道:
全職媽媽絕不比在職媽媽輕鬆, 囡囡 K3 時我開始轉全職主婦, 因為本身過去是工作狂, 不懂處理家務和煮飯, 用了 9 個月時間去適應, 當中苦處很難令人明白, 幸好老公和囡囡都很疼錫和支持我, 令我步向一個稱職的媽媽    

囡囡升上小一時, 她要從新適應突如其來的轉變, 在她小一上學期, 我會坐在她身旁陪她做功課, 但會經常灌輸給她知道, 讀書是要靠自己, 只要上堂留心便會懂得功課如何做. 到默書和測驗時, 會與她一齊溫書, 同時亦灌輸給她知道, 下學期起要嘗試自己溫習.

到了一年級下學期, 我已不用再坐在她身旁陪她做功課, 只會遇到她不明白的地方才教她. 到默書和測驗時, 由她自己溫習, 然後才幫她溫習一次.

到了今年二年級上學期, 功課方面她會利用一個小息先做好一部份, 不懂得做的回家後問我. 默書和測驗都是自己溫習, 而我再沒有幫她溫習. 出來的成績亦保持在小一上學期的成績, 所以我覺得我的方法是對的    .

竹葉青

完全贊同htcmama既講法,習慣係由小做起,我都同大家一樣處境,大女讀小二,細仔讀n1,又要供樓,我係大公司做準時返工放工,又係得中五,有萬幾,但一出去都唔洗諗一定揾唔返,我地仲係50:50比率添,是但一個唔做都唔掂呀,我一向都好想自己揍但真係冇可能,話就話多有多洗少有少洗(我之前都係咁諗)但邊有可能,就算講津校原來都好多錢洗(因小一讀私校)又要學依樣又要學果樣,又話要一生一體藝,又要咩每人一報刊等....樣樣都要錢,錢係買唔到關係,但冇錢就連關係都分分鐘冇埋(因為大家就會為錢煩躁),唔做野真係要三思,就算話老公揾果份還可頂得住都要肯定係咪鐡飯碗,其實現在得幾工係可以話好"揾陣"呀,所以真係要想清楚.
我都係住天水圍出九龍返工,我地仲帶埋子女出九龍返學添,阿女放學就去補習社,阿仔就讀幼兒園返全日朝8晚6,我地冇工人,全部由我地自己攪掂,辛苦係超辛苦架喇大家合作囉,其實咁都唔錯架,同仔女關係又好喎,係補習社做晒功課温晒書,只係返黎係咁睇下就ok,起碼一見到佢唔洗問佢關於功課既野,只係問佢今日開唔開心呀,大家關係幾咁好,sunday就同佢地去玩下開心下.都不知幾好.

htcmama

仲有我認為同囝囡的關係唔係用時間多少來量度, 係你為佢付出的心思及質素來衡量. 而家d小朋友好醒目, 邊個為佢好, 邊個錫佢, 佢心理非常清楚. 所以不防多d同佢講吓道理, 話比佢聽點解父母要佢做呢樣, 做嗰樣. 唔係淨係叫佢做, 而係多d解釋比佢聽點解你要佢咁做.
我都非常同意竹葉青所講, 呢個世界就係咁現實, 話就話小有小駛, 但係讀書學嘢, 就連學校活動樣樣都要錢. 唔通樣樣唔學, 唔參加咩. 放假日日留係屋企你眼望我眼就係好? 出去活動樣樣都要$$, 就算去公園免費, 買杯雪糕汽水都要$$啦. 雖則話$$唔係萬能, 但係無咗$$就萬萬不能. 如果唔係d底收入家庭都唔駛成日同政府爭取呢樣, 爭取嗰樣啦.  
我地呢d唔係咩大學生, 年青有為大把工等住唔憂做. 其實有份工人工好又唔差真係唔應該某某然話放棄唔做. 除非你100%擔保你老公唔會變(無論感情上或者事業上), 風平浪靜的時候當然係無嘢, 但當有起事上來$$永遠都係一個引起爭吵的主因, 邊個可以擔保所有嘢永遠不變. 尤其我地呢d唔容易搵工的一群. 為$$而弄至反面的例子真係多的是, 講的人當然輕鬆, 但係咪人人啱用真係要自己三思, 唔做份工好易, 你一句唔做大把人排隊等住做, 但要搵返就好難, 所以真係要諗清楚先好決定.我有d friend 都係唔憂米, 老公有份工, 有樓又有車. 當初都係諗住想多d時間對小朋友而唔做份工, 但幾年過後, 佢地都恨出來搵番份工, 不過都好難搵. 佢地話雖然老公搵到, 但係始終唔係自己搵嘅$$, 好話唔好聽買咩都要交待吓. 佢地話始終自己搵的$$點都韾香d. 以上都只係小小意見, 唔啱聽唔好見怪, 我都係希望大家三思而後行啫.  

YanYan0116

好同意, 雖則$唔係萬能, 但如果有充裕的儲備, 真係可以小好多煩惱及問題.

如果停2,3年再搵過第2份, 我寧願做多一段時間之後真真正正退休好過.

wing530

人工, 學歷, 年紀我都係同你地差唔多, 我仔仔今年9月又係升讀小一, 不過, 我就剛剛quit左份工, 我自己都考慮左4~5個月先決定到, 做埋今個月, 我就正式成為full time mami, 對我黎講, 我壓力仲大過返工, 我自從有了bb後, 我都無正式煮過飯, 平時我地都係無飯煮婦, 所以, 我嘅轉變會好大, 而家經常失眠, 做一個全職媽媽真係唔容易架~     

我知道quit左份工, 一定搵唔番, 又無學歷, 年紀又大, 所以, 我已做好一切心理準備, 為左阿仔, 我願意博一舖呀!    

nanalam

我既小朋友而家讀緊 P.1，我又從來無想過 quit 份工喎！經濟方面係一個 concern，但係我更加覺得自已唔 qualify 做全職媽咪。quit 份工就請唔起工人，要洗衫煮飯做家務，仲邊度分到時間陪小朋友？我而家只係放工返去 check 功課同溫下書，有時都勞氣到嘔泡！若然一路睇住佢做功課呀，分分鐘鐘上頭條畀人告虐兒啦！:evil:

其實唔駛太緊張既，我反而覺得從小訓練下小朋友自律同獨立 d 仲好囉。你下下跟到咁足，盞佢倚賴你。初初上 P.1 係要幫下佢 guide 下佢既，但都係培養讀書習慣既好時候。要佢自已試，真係唔明唔掂先出手教佢。Otherwise ，分分鐘鐘一路要做紙版警察睇住佢讀書架！試過真係唔得先再算啦！ 小朋友既野，有時你真係估佢唔到架！

GiGiMum

Hi! All moms,

我同你地剛剛相反, 因為我女升小一後, 我老公便會變成湊仔公, 而我就工照打 !!!    

點解會咁???

    

因為我同你地年紀相若, 而我老公的工作壓力很大, 又時常要返大陸, 搞到週身病通!!!     

所以他時常想唔做, 提早退休, 搬返大陸住!!!

我其實也不反對, 只是唔捨得份工, 因我有二萬, 工作又清間,準時収工, 試問到那裡找呢???     

而女女在大陸升學, 沒有免費教育, 相反香港有, 我們打算買了層樓, 層樓全是我老公支付的, 他可靠利息渡日!!!

相反如果他唔做, 我地唔使請賓賓, 阿女唔需要去補習, 仲有我唔使交税, 計落仲有着數!!!

仲有就是我老公好net 煮飯, 煮得好食過我好多, 所以就名正言順咁做湊仔公!!!

    

姊妹們不妨學吓       

      

祝福大家

GiGiMum,
如果我是妳, 我都會係咁樣安排的    
我就覺得做湊仔公或湊仔婆都無咩所謂. 可以的話, 始終有個人打理屋企及照顧兒女係好d  

GiGiMum

祝福大家

多謝你支持!!!

其實我地咁做, 無非是想有人照顧女兒, 所以欺生我們的生活實素, 也値得的!!!     

竹葉青

可以自己照顧當然是好事亦係大家夢想,但至少都要好似你咁,又有私人樓,又有份人工高又清閒兼準時收工既工作先得,試問有幾多份工可以咁,我公司年年都cut人又外判,我都好希望好似你咁,但冇計現實即現實.生活質素都要用錢型造出黎,為有大家努力面對.加油呀!!!!

JJBBCC

Hi! 好有同感!
我都恨出來搵番份工, 雖然唔洗供樓有工人,  但始終自己搵$$韾香d. 唔洗買咩都要交待,有時想買多D嘢扮吓靚,送吓禮物比老公,都會肉痛, 但同老公講揾工,佢就唔回應,我又好鐘意自已教亞女,揍亞細B! 心大心細!