請問馬鞍山邊間幼稚園好？

christy_siu

亞豬媽:

朗思我聽d人講都話好, 不過真係好貴,3千蚊一個月點讀,請個工人都得.

我暫時未有比我囡去playgroup, 3:30 我囡都係訓緊覺

亞豬媽 寫道:
minib,
我兩次都係星期六去綠茵，兩次都有人帶我去參觀，我個囡仲周圍玩添，有興趣不妨去睇下。
我暫時都未報第二間，有人話朗思都好好，不過就貴d,好full呢，可以考慮下。

christy,
我都唸過報綠茵三月playgroup,不過3：30我個囡未瞓完晏覺.......

minib

christy,

我都會唸下俾阿囡讀綠茵個playgroup, 不過只係平日上堂, 無星期六,日; 要屋企人湊佢上堂就會麻煩d.

仲有阿囡都要瞓晏覺, 係咪等綠茵收留佢???
唔知有冇上午班呢?

minib

請問朗思係邊? 點解咁貴?

christy_siu

minib :

朗思係海濤居果到(係以前舊綠茵果)大快活果邊, 我有入去拎FORM 呀, 學校唔係好大,不過就多外籍老師,但諗諗下如果生一個就冇所謂比佢讀, 但如果有2個甘點算, 雖然話綠茵都係要 $2680, 但我又覺得綠茵好少少,可能有人讀過有信心D, 如果要報朗思我令願選"BOXHILL"啦 !

不過有時諗諗下又想比阿女讀政府果D學劵制-有補貼,不過馬鞍山又唔多呢D 學校, 所以我都有考慮升K1比佢讀"靈糧",到時再諗

我而家都去報Playgroup 架, 未知有冇朝早, 不過我諗多數星期六先會有.. 到時再睇

minib 寫道:
請問朗思係邊? 點解咁貴?

CS1

朗思响新港珹度,响大快活嗰面,ETC櫃員機行入去,好鬼鼠
點解咁貴?因為係國際學校 佢同聽濤雅苑嗰間Boxhill差唔多價!

minib 寫道:
請問朗思係邊? 點解咁貴?

可以

christy_siu :
我個囡有同學仔轉讀朗思,佢媽媽話在朗思學英文較綠茵好,因始終多鬼佬鬼婆教,但佢覺得綠茵學其他知識比朗思多,所以最後的答案是各有特色
其實若果要求唔高,綠茵都算係幾好的學校,但該校真的沒有學劵制津貼,所以我之前都有幫囡囡考出面的學校,最後竟然幸運地俾佢考到培正,所以下年佢應該會轉校,但要搭校車,我心裏都有點15/16,不過想起佢升小一不用我煩惱選小學,我只好選擇幫佢轉校

christy_siu

培正我阿嫂都有叫我去考k1, 我而家考慮緊, 但甘細個要搭校車我又唔想好似又遠左d, 不過我都會試下考 請問培正學費幾多 ?

可以 寫道:
christy_siu :
我個囡有同學仔轉讀朗思,佢媽媽話在朗思學英文較綠茵好,因始終多鬼佬鬼婆教,但佢覺得綠茵學其他知識比朗思多,所以最後的答案是各有特色
其實若果要求唔高,綠茵都算係幾好的學校,但該校真的沒有學劵制津貼,所以我之前都有幫囡囡考出面的學校,最後竟然幸運地俾佢考到培正,所以下年佢應該會轉校,但要搭校車,我心裏都有點15/16,不過想起佢升小一不用我煩惱選小學,我只好選擇幫佢轉校

亞豬媽

Christy & minib,
綠茵依家嘅playgroup係3:30開始，佢話遲d會開多班1:30，呢個時間好唔好d?

all,
我本身都諗住n1就喺馬鞍山讀，k1就出九龍，3歲幾又讀完n1,應該可以啩。

可以

培正學費$1600,學劵制津貼$1000,每月只是$600

christy_siu

可以 :

甘平呀 good 喎, 想問難唔難考呀, 面試如何? Thanks ! 校車費用幾多 ?

可以 寫道:
培正學費$1600,學劵制津貼$1000,每月只是$600

可以

非常難入,因培正要求學生下學年入學年齡必須足3歲才派表給你,而且面試時只能由幾位小朋友自己入課室,家長不能陪同佢入課室,然後老師會關上課室的大門,所以佢在入面考什麼你都不知道,到出來時你問番個囡,佢因為只得2歲幾,鬼識覆述給你知咩,所以去培正面試,第一關要過的就是bb自己肯入課室唔哭,否則老師唔會俾佢入去,話費時影響其他小朋友的情緒喎,所以我個女能考到入去,非常幸運的了

minib

嘩, 你個囡都好叻; 我都希望佢可以考到, 不過無乜可能因佢一定喊....

所以都要trian下佢, 你地邊個湊, 會唔會同屋企人有關???

你地幾時報playgroup? 一齊呀!

可以

俾佢哋讀咗n1先,等佢哋適應下學校的生活,然後再去考出面的學校,佢哋會以為新學校,會好有新鮮感,咁佢哋就識得答老師問的問題了,但學校收唔收就看佢同學校的緣份啦
你知啦,有時好難講,佢識答唔代表學校會收佢,佢唔識答又唔表示一定唔收喎,好似我個friend咁,佢個bb去in民生,怕羞到不答任何問題,黏著媽媽不肯放手,最後因為佢有哥哥在民生讀小學,所以收咗佢,但我個女個日的表現尚算ok,民生就無收佢,又好似我個女in靈糧,佢個日唔睬人,想一定唔收佢,但又收咗佢,你話奇唔奇怪,所以有好多因素影響收唔收個小朋友的,隨緣吧

minib

聽你咁講, 我都係快d俾佢讀N1, 如果唔係仲更加唔使考其他.  我都無太大期望, 又就bonus,無就再搵....

minib

你地唸住入邊間讀N1???