一個小學生的故事

麟媽媽

呢件事上各人都有錯，都已經由健朗媽咪分析過，
而我亦十分認同，但我卻不認同板主以下之講法，
咁樣講只將責任推到別人身上，咁B小朋友全無自制力？
小朋友返學，除左學書本上既野之外，
仲要學習人際關係、自理能力、分辨是非等等。
6歲人仔唔代表佢咩都唔知，錢之功用4-5歲都知架喇，
人總會面對引誘，人人都唔比帶錢係為左唔好引誘到他人？
呢個方法唔係最奏效，家長唔應一刀切，
只解釋點解唔比錢佢，咁樣小朋友未必服既。
反而應教佢有錢在手要點運用，點樣自制甚至點樣去儲蓄。
我有比零用錢我個仔既，你唔比而人地有佢梗係心痕啦！
比一個數目佢，可以比佢自己分配，等佢自理呢個小數目，
教佢要衡量D 錢點使，使左就無，教佢自制應使得使，
好似我個仔初時好鬼豪，成日請同學食野，久而久之…..
佢覺得唔好，開始發現身邊有飲食朋友，開始知邊個係真心友。
唔係講笑架，而家人仔早熟，學校係社會縮影一D 都無錯！
我仔而家日日要求拎野食返學，佢鍾意儲埋D 錢，
當佢將成堆碎銀換一張$100 紙時，佢好開心架。

一個家長 寫道:

我其實想講--->
小一生既家長係唔應該俾錢小朋友, 試問當一個無錢既小朋友眼見其他小朋友個個都有錢買野食, 而自己無, 佢既家長雖亦都有同佢解釋唔俾錢既原因亦都曾忠告過唔好羅人既錢或食物, 但試想想, 小朋友既定力有幾多??

阿笨與阿占

please PM the School Name, thank you!

ansontong

可否PM係那間學校! Thank you !!

doll_fish

你們知道哪間學校又點？其實每間學校也有你們認為的好老師及衰老師.正如名校也有壞學生,因為始終是人,樹大有枯枝。
我覺得b同學的家長不應給一個藉口：他得6年人仔,可以有甚麼居心。其實一個小朋友又他開始懂性開始,已會犯罪,例如一兩歲開始扭計,他知道那個 大人就他,哪個較嚴.不論他貪心或貪玩,總知這樣取人東西,便是不對.
假如有日有一個小朋友他去店舖取去東西,然後被人發現,跟住同個老闆說我只是貪玩,你估人們當不當他偷野.可能有時老闆會見他年紀小,見下家長便算,但大個後,還可以跟警方這樣說？又例如有人打你的仔女,對方說玩下,你們接受嗎？相信你們會 心痛,可能有時不是大件事,或者對方年紀小,你會原諒他.但如果我是打人小朋友的父母,我會聽他說貪玩的原因,但我對他說,我不會認同這原因,只是你要知道,打人是不對,然後教他如何對人.我更加不會當著小朋友面前維護他,幫他找藉口去擺脫罪名,有時真的自己錯,便誠實承認,這是身教。
其實,有時父母一些小動作,小行為,如見到有著數便取足,有免費東西派,取了一份不夠,還來回取多些,這些貪心的行為,小朋友會看在眼內,很自然便會學習,是不覺意地學習。
而這件事上,老師的處理手法,當然有改善的地方,但也不應與老師作對,小朋友也會學,認為有事,不需要理會老師的教導,因為阿媽會幫他,試這類小朋友長大成人後,會如何尊重人？

健朗媽咪

其實我覺得板主話b小朋友在呢件事後對老師的行為好反感&唔鍾意返學, 其實都要令b小朋友明白, 小小年紀已經攞人d錢, 家長仲理直氣壯地說他年紀小,控制唔到....佢哋的行為令人更反感, 正所謂"小時偷針, 大時偷金",b小朋友而家小時已經偷金, 如果唔教好佢, 大個咗仲得了

我覺得b小朋友佢話經過今次唔鍾意返學, 除咗係因為唔鍾意老師之外, 其實更怕面對同學, 通常發生呢d事之後, 犯事者都會比同輩排擠,會一段好長的時間比同學笑&睇唔起,  而且以板主所講, 我唔覺得b小朋友及其家長有悔意,只係一味將小朋友的過錯推在老師的處理不當上, 將老師的錯無限放大, 返而將b小朋友的錯輕描淡寫,當然老師在這事上真的犯了錯, 但成日都話b小朋友佢細個唔識, 控制唔到, 簡直廢話同不負責任, 不如諗下經過今次事件之後, 點樣令b小朋友健立一個良好的價值觀&點修補同學及老師的關係,從錯誤中學習汲取教訓至為上策

仲有, b小朋友所做的事,係都幾嚴重的過失,無比學校記小過/缺點已經偷笑啦, 在一d校規嚴/保守的學校一早記小過兼叫家長嚟照肺, 仲話向校長投訴老師, 要諗清楚其實點講都係b小朋友犯錯在先, 唔檢討下自己仲話要投訴,又話無去係驚比人秋後算帳, 真係唔明佢家長諗緊d乜野

麟媽媽

係真架…..我一向好小心自己既言行，
但一次買大閘蟹便招牌不保，我都覺羞愧。
話說我買了好多大閘蟹，使了不少錢，
咁我C9 仔心態便叫人送我一隻細細既蟹公。
得手後，我還沾沾自喜話比老公知，
我一時蓋過眼，我的一切都看在兒子眼裡。
兩星期後，我同個仔到中藥房買完野，
亞仔望住人地D 山楂餅，佢竟然開口問人拎！
人地梗比佢.... 出門口之後我開口話佢，
話佢咁貪心問人攞野食？！咁做好失禮！
佢垂下頭，細細聲講︰「你夠拎人成隻蟹囉……」
當時真係好似有舊大石掉中我一樣！
我硬住頭皮認錯，同個仔講我咁做唔啱，
我鐘意食大閘蟹，貪心問人攞真係唔啱既，
個仔見我咁講，佢咪又話佢都唔會再咁做囉。
唉…..真係見佢咁講完，我背脊標晒汗呀！

doll_fish 寫道:

其實,有時父母一些小動作,小行為,如見到有著數便取足,有免費東西派,取了一份不夠,還來回取多些,這些貪心的行為,小朋友會看在眼內,很自然便會學習,是不覺意地學習。

doll_fish

十分認同健朗媽媽的講法!!!!

leews

anyway, 我是八掛的, 請pm我是那間學校.

講真,老師的問題表現見過唔少,以下情形你地覺得有無問題:
(當然有些是自己經歷, 有些是親戚朋友的)

1. A先生見到B同學(P1)因為跳了兩級樓梯, 要她午膳時間執好書包後, 揹著她那個書包, 來回地下和六樓行三次, 行完先可食午飯。
2. B老師, 一名有讀寫障礙的學生(F2)因未能抄得切黑板所寫的東西而要求暫不要擦黑板, B老師卻拿她的病來笑, 還叫同學不要借給他.
3. Miss C, 數名同學未有完成她的功課, miss c話幾位同學未盡學生責任, 所以要他們坐地下, 用椅當桌用去做好功課, 才可以堂堂正正咁上堂.
4. D老師為了讓他的一年級bb成績好好, 結果用大量禮物引誘佢地, 但到考完試之後就話"目的達到了, 你地張成績表就係最大禮物, 乜野去反斗城任取, ps2全部講下架乍"
5. E老師為了達到自己想要儲書包的目的, 竟發email要學生將書包送俾佢. 還用其他老師EMAIL來誘騙家長送書包給她.
6. Miss F為要學生學英文字, 列明每一個字是幾時教, 然後在默書時邊個唔識就要抄2^X次, X就是教該字的週數. 如一週前教抄2次, 一佪月前教抄2^4次=16次, 一年前教抄2^52次(仲要人一週內交, 最後減刑到抄十萬次)
7. 實習老師G一天見到男同學打女同學至流血, 但因該女同學是班中壞蛋之一, 她竟置之不理, 還叫同學打人行埋D.
8. H老師因在班中不見了錢. 懷疑是X偷的, 要她將書包所有東西倒在黑板下讓全班檢查, 還要他除剩基本衣服(當日約10度)......(不過最後證實真係x偷的, 不過當時已經運走了)
9. I老師因不滿Z同學上課表現, 襯一天有同學無申請帶了電話回校後, 於小息時將該電話放入z同學書包的暗格, 結果......訓導主任當然當了z同學偷電話, 見家長兼記缺點.
10. a,b,c,d同學於街上將e同學的書包扯下, 拖行一段路,然後當籃球來掟, 還拋入載垃圾的大桶, 其中一邊揹帶斷了, 書本文具散在垃圾堆中. J和K主任先要四位同學在該垃圾桶找回所有物品(這個都算合理). 然後罰四位同學輪流弄花/弄爛自己書包表面. 其中一個同學因為個書包都過千銀, K老師便要其他三位同學將他的書包拿出馬路拖行至爛為止. 家長投訴時K老師竟說是學生自己提議這樣做.

當然這個世界還有很多很多好老師......

doll_fish

我想知道這些事是親眼見,還是從學生口中得知？以上十件事,有些我也覺得老師的處理手法不恰當,不過,點都好,凡是不單只聽片面之詞,有時學生也有責任(不是指以上十件事).
我覺得老師和學生之間要互相尊重,老師和家長之間也要互相尊重。有時很慨嘆現今政府只懂踩老師的不是,只將老師的錯誤地方放大,學生錯則只把責任推到老師及家長身上.學生英文不好,又賴老師,但政府全無檢討他的教改.
有時社會上有很多人為悲劇發生,有車禍,有人斬人事件,有時是因為人的壓力太大,返工時間又長,全無空間給自己'頭頭'.仲叫人生3個,夠錢養,但沒有時間對他們,除非你不著緊自己的兒女。

ilovemimiko

我都想加把口！

無疑小朋友仲細，其實佢未必知道呢個行為係”偷”，佢只係

ruby2004

leews 寫道:
anyway, 我是八掛的, 請pm我是那間學校.

講真,老師的問題表現見過唔少,以下情形你地覺得有無問題:
(當然有些是自己經歷, 有些是親戚朋友的)

1. A先生見到B同學(P1)因為跳了兩級樓梯, 要她午膳時間執好書包後, 揹著她那個書包, 來回地下和六樓行三次, 行完先可食午飯。
2. B老師, 一名有讀寫障礙的學生(F2)因未能抄得切黑板所寫的東西而要求暫不要擦黑板, B老師卻拿她的病來笑, 還叫同學不要借給他.
3. Miss C, 數名同學未有完成她的功課, miss c話幾位同學未盡學生責任, 所以要他們坐地下, 用椅當桌用去做好功課, 才可以堂堂正正咁上堂.
4. D老師為了讓他的一年級bb成績好好, 結果用大量禮物引誘佢地, 但到考完試之後就話"目的達到了, 你地張成績表就係最大禮物, 乜野去反斗城任取, ps2全部講下架乍"
5. E老師為了達到自己想要儲書包的目的, 竟發email要學生將書包送俾佢. 還用其他老師EMAIL來誘騙家長送書包給她.
6. Miss F為要學生學英文字, 列明每一個字是幾時教, 然後在默書時邊個唔識就要抄2^X次, X就是教該字的週數. 如一週前教抄2次, 一佪月前教抄2^4次=16次, 一年前教抄2^52次(仲要人一週內交, 最後減刑到抄十萬次)
7. 實習老師G一天見到男同學打女同學至流血, 但因該女同學是班中壞蛋之一, 她竟置之不理, 還叫同學打人行埋D.
8. H老師因在班中不見了錢. 懷疑是X偷的, 要她將書包所有東西倒在黑板下讓全班檢查, 還要他除剩基本衣服(當日約10度)......(不過最後證實真係x偷的, 不過當時已經運走了)
9. I老師因不滿Z同學上課表現, 襯一天有同學無申請帶了電話回校後, 於小息時將該電話放入z同學書包的暗格, 結果......訓導主任當然當了z同學偷電話, 見家長兼記缺點.
10. a,b,c,d同學於街上將e同學的書包扯下, 拖行一段路,然後當籃球來掟, 還拋入載垃圾的大桶, 其中一邊揹帶斷了, 書本文具散在垃圾堆中. J和K主任先要四位同學在該垃圾桶找回所有物品(這個都算合理). 然後罰四位同學輪流弄花/弄爛自己書包表面. 其中一個同學因為個書包都過千銀, K老師便要其他三位同學將他的書包拿出馬路拖行至爛為止. 家長投訴時K老師竟說是學生自己提議這樣做.

當然這個世界還有很多很多好老師......

[size=x-large]點可以這般教呀

HONYIN

Pls also PM name of school. Thks!

414928

相信b媽好愛自己小朋友,而且也相信自己小朋友是一時貪玩。不過,學校是社會縮影,小朋友會有佢地自己的學校環境,學生在學校不只是學知識,還學習如何在一個社區生活,小朋友係父母心中永遠是好的,但離開父母佢自身行為就是別人對他的看法了,所以整件事他無論出於那種心態下犯事,他都是一定錯的,(當然老師處事方法確是有問題),家長要從旁指導,要以旁觀者心態教導,因為係你心中已判定了小朋友是出於貪玩,這是錯誤的,而且會比小朋友一個錯誤訊息,我玩者咩,唔係偷,媽咪都係咁諗的.....
我也沒有給錢小朋友,因為小一確實沒此需要,不想他對錢看得太重,對錢有錯誤價值觀,我會買一些佢喜歡的小食比佢帶回學校,這樣就不怕他買些不健康食物,或遺失金錢,當然每間學校也不同,我小朋友學校未有小賣部,所以可帶食物回校。

健朗媽咪

我都好同意weima的講法

同埋我覺得一個6歲小朋友應該有意識知道咁做係唔啱, 因為我亞仔而家得5歲, 都知道唔係自己的野唔可以攞, 要問准物主先, 得到物主同意先可以攞,如果唔係就等如偷, 係小偷的行為, 會比警察拉, 就算係人地比野佢都要問過媽咪先可以要,唔可以隨便要唔識的人東西/食物, 呢d係由細個開始返幼稚園就要教,就算家長無教, 返幼稚園時老師都會有教,呢d係最基本的常識同個人品德操守,所以我覺得b小朋友已經返小學, 無可能唔知呢d道理,而且6歲的小朋友無理由毫無自我控制的能力,我覺得亦都唔可以用貪玩嚟同佢開脫, 因為佢真係好明顯係貪心, 因為個銀包傳來傳去又唔見其他同學會攞入面d錢

小朋友做錯事係唔緊要, 而且佢只係一時的貪念, 每個人都會有做錯的時侯, 但最重要在佢做錯時要比適當的指引同懲罸, 等佢有正面的訊息,知道自己做錯同事情的嚴重性, 如果唔係佢下次可能唔只攞同學的錢, 可能會做d更過份的事,例如高買...

所以真係奉勸一下b小朋友的家長, 要記住可以愛錫佢, 但唔可以盲目溺愛,可以保護佢, 但唔可以包庇佢, 如果唔係等如害咗佢

B媽

我覺得b小朋友係咪有心偷錢,要視乎小朋友當時表現同平時既行為!更重要係家長,老師點handle呢件事!好明顯老師有問題,而家長唔知道點應付,結果令小朋友唔清楚自己錯mug野!

家長可以同b小朋友冷靜講解,令佢明白自己行為不當,再同老師商討問題,同令老師知道b小朋友亦受到心理傷害!如果唔可以同老師有共識,再同校長反映!

eddie503

..................
b君家長真係慘, 睇到嘔血定!!!
人言可畏!!

表面證供, 不代表事實之全部.
不竟6歲人仔真係好細個.
鄰家孩子叻, 吾代表個個都叻.

B媽

啱聽!

eddie503 寫道:
..................
b君家長真係慘, 睇到嘔血定!!!
人言可畏!!

表面證供, 不代表事實之全部.
不竟6歲人仔真係好細個.
鄰家孩子叻, 吾代表個個都叻.

春卷

健朗媽咪 寫道:
我都好同意weima的講法

同埋我覺得一個6歲小朋友應該有意識知道咁做係唔啱, 因為我亞仔而家得5歲, 都知道唔係自己的野唔可以攞, 要問准物主先, 得到物主同意先可以攞,如果唔係就等如偷, 係小偷的行為, 會比警察拉, 就算係人地比野佢都要問過媽咪先可以要,唔可以隨便要唔識的人東西/食物, 呢d係由細個開始返幼稚園就要教,就算家長無教, 返幼稚園時老師都會有教,呢d係最基本的常識同個人品德操守,所以我覺得b小朋友已經返小學, 無可能唔知呢d道理,而且6歲的小朋友無理由毫無自我控制的能力,我覺得亦都唔可以用貪玩嚟同佢開脫, 因為佢真係好明顯係貪心, 因為個銀包傳來傳去又唔見其他同學會攞入面d錢

小朋友做錯事係唔緊要, 而且佢只係一時的貪念, 每個人都會有做錯的時侯, 但最重要在佢做錯時要比適當的指引同懲罸, 等佢有正面的訊息,知道自己做錯同事情的嚴重性, 如果唔係佢下次可能唔只攞同學的錢, 可能會做d更過份的事,例如高買...

所以真係奉勸一下b小朋友的家長, 要記住可以愛錫佢, 但唔可以盲目溺愛,可以保護佢, 但唔可以包庇佢, 如果唔係等如害咗佢

very agree.
I told my girl (K3) this story today, she 立刻said B is wrong, because 貪心，then I said A is wrong too, she ask me why? I said A 唔應該上堂玩银包，Then my girl said 唔應該帶銀包返學，(我後來explain 了小學可buy 小吃).  But my girl and me also not feel that the teacher is wrong (語氣不在討論範圍，because we all are not at scene, right?).  My girl also said if the case happened at street, police will arrest B.
我想講的是:
1. 不要小看6歲人仔，他(B) experience 3 yrs kinder before, 這件事不該當他是無知，應細心跟他discuss and teach him/her again.
2. The case is finish, 家長們不應只feel the teacher or the school is wrong.  Teacher 有責任教好學生，佢有幾十個学生喎！我不是認為老師方法對，but at least 方向對，品德嘅嘢，由細就要執得緊
3. very important, must not let B feel the teacher is wrong, 要教佢明白是白己錯，因他錯，老師才罰佢，Let 'B' know 老師is 對事不對人的，免他不喜歡上學or不喜歡老師，否則他只將責任推於別人(teacher 惡而自己只是無心)，就不會藉著此事而成長了。

doll_fish

同意春卷的說法。
點都好,老師指責,也是想教好學生,只是處理方法問題.有時,家長教自己子女時,也會不覺意用錯了方法.如果個老師不處理,可能問題重大。
其實教院有教老師的兒童心理學,不過學生是人,行為可以很多種類,老師在讀書時,未必把所有case讀過,而且臨場環境不同,真很看老師當時的應辨.試想想,初初做父母,你會很多時第一次面對子女的問題,在第一次時,有時會不知如何是好.有時要做得好,真是靠經驗。
現階段,不是再追究老師如何錯,最重要是教好小朋友,建立一個正確的價值觀。否則,損失的最終是小朋友自己。