人事關係?

uki

uki

我同意, 門當戶對好重要, 否則一入豪門深似海
因為工作關係, 眼見好多例子 :
band2尾--靠宗教背景入band1中.....連續兩年留班
band2頭--靠人事背景入band1中.....考試經常三四科肥佬
band1尾--靠特異功能入band1頭.....F.1 & F.3 留班
這些只是冰山一角.
究其原因大多數係家長要面子, 冇顧及子女心理發展
付出ge代價相當大...
當中亦有些家長臨崖勒馬, F.2轉校, 都有不錯的結果,
就是自信心提升, 師長認同, 繼而是表現不俗...

哈里波特 寫道:
都話係比你入law!!!!

問題係banding差幾遠? 若band 2尾/band 3 去top band 1, 我想小朋友一定會很吃力及承受很多壓力。你所謂的"機會", 其實可能入去一些banding匹配(或看高一線)的學校, 小朋友得到全面發展的機會仲大la。當然呢個係個人的觀點與角度, 唔代表其他人都要認同。

Give & take - "試"係要付出時間的, that's why 樓主會有咁多問題, 就係想作多方面考慮, 聽取多些意見作考慮je。

mody

hi DoReMi媽媽

妳完全講出我朋友的心情。我都好理解作為一位家長的如此諗法，有邊個唔想為自己子女鋪條好路比佢地行呢? 如果有更好的選擇，點解要放棄? 更何況，入到一間好學校學壞的機會都比較低啦! 要知道中學階段，小朋友對「朋輩」的影響是非常重視的，我相信中學 banding 高低的學校所收的學生總會有分別，所謂「近朱者赤、近墨者黑」! 有機會入到，讀到讀唔到都係後話，如果唔得，試一、兩年再轉出去程度較低的學校，無可否認，小朋友的自信心當時一定會受到打擊，不過，轉去程度較低的學校讀理應能應付自如，到時亦不難尋回自信。如果連開頭，有機會嘗試都放棄，邊個知道真係如果讀到、跟得上的話，到時又會有人話你當時的選擇是錯誤嗎? 甚至很有可能影響小朋友的一生。

我都支持我的這位朋友如果有機會有人可以幫到佢小朋友入到較佢程度稍高的中學的安排。我亦相信，佔大部分的家長 (當然包括我在內)，都會係咁諗。

不如在這裡做個統計呀! 睇下如果自己擁有「人事關係」可以幫到自己個小朋友入到較高程度的中學，你地又會點決擇?

DoReMi媽媽 寫道:
[quote]
哈里波特 寫道:
都話係比你入, 但入到去考第尾你去唔去? 呀女學校上年有個靠sport入, 都係留班收場, 你有幾多年青春? 可以留多幾多年?

樓主只係問以人事關係是否能入讀心儀學校, 事實~係可以, 至於入讀後所遇到o既問題~係後話!

而且每個人觀點與角度都唔相同, 你認為唔得而唔去嘗試, 係100% lose, 如果有機會而又想去試, 成功o既機率就係50~50, 若然真係有機會, 點解要扼殺咗佢?[/quote]

哈里波特

程度稍高 ~ 去馬 (eg band 1 中/尾去 band 1 top)
程度相差太遠 ~ no la. (eg band 2 中/尾去 band 1 top)
性格外向 ~ 可以搏下
性格內向 ~ 盡量匹配

DoReMi媽媽

既然要聽取多些意見, 集思廣益, 我又講吓我見到o既事實.

以強勁人事入名校o既學生, 並冇留班, 佢o既成績入學時應該係band2, 甚至band2尾, 亦因為哩個原因, 校長一直冇明確答覆話收佢, 只係俾佢一齊上入學前o既銜接課程, 到最後先決定話俾佢聽可以作入學準備, 哈哈, 但佢冇留班喎!  

反而, 有個別o既學生係憑band1成績派位入學, 結果因為有科目唔合格而要留班.

咁其實匹配o既定義係乜嘢呢? 要小朋友喺小學階段有佳績, 都係想佢哋有入讀心儀中學o既"機會", 得到"機會", 就要"努力"把握哩個機會, 否則匹配又如何?

至於話憑sport而入到band1學校o既學生, 根本佢就唔係靠人事, 大家只係一個deal, 學校睇中學生o既運動才能, 學生睇中學校o既banding, 即係話入到學校佢係需要為學校增光, 亦即係話佢o既責任就係俾時間參加學校o既訓練同出去比賽, 有幾多時間用返喺讀書度呢? 留班係有跡可尋, 並不意外.

當"機會"唔係自己o既, 叫人哋放棄有何難? 但撫心自問, 當你有咁o既"機會"俾你個小朋友, 有幾多人真係會貿然放棄! 成功係要靠"機會"+"努力",  缺一不可!

mody

hi DoReMi媽媽

  講得好!  

DoReMi媽媽 寫道:

成功係要靠"機會"+"努力",  缺一不可!

DoReMi媽媽

mody
唔好咁講, 只怕我o既說話又會惹起紛爭.

但作為母親, 我想自己o既仔女好, 亦都希望人哋o既仔女都好. 喺香港, 其實好多小朋友都有不同o既才能, 但礙於資源所限, 唔係每一個小朋友都能夠有機會去發揮. 既然你朋友有咁好o既機會而佢亦想去試, Why not?

哈里波特

當"機會"唔係自己o既, 叫人哋放棄有何難? 但撫心自問, 當你有咁o既"機會"俾你個小朋友, 有幾多人真係會貿然放棄! 成功係要靠"機會"+"努力", 缺一不可!
===============================
好多年前識人可以幫自己小朋友入GH Primary, 但因聽聞此校程度深, 要跟得好貼, 怕小朋友跟唔上, 所以我沒有考慮。
到考中學時, 囡囡成績都唔錯, 結果GH Secondary都收了她, 但for some reason都無讀。

有機會固然好 (好過無), 但真係要好好的考慮各方面是否配合, 塞翁失馬, 焉知非福, 結果我囡囡的小學生活係超快樂。

"努力"係必然架la。所謂"機會", 看你點睇, 其實去到邊度都有"機會", 睇你點去掌握。