根德園及又一村唔知邊間比較好呢?

*vienna*

Thomas&mama
你說得很有道理！      
唉！我認為做香港的學生好慘,經常做白老鼠,教育制度改完又改。

我無報根德園,因我的姪仔讀緊k3,佢地d課程很艱深,功課又多,又要温默書,大嫂日"娥"夜"娥",開口埋口都剩係識得問佢"做完功課未呀、温完默書未呀, 默書點解會默錯架",繼而導致親子關係,經常陷入緊張！

讀書係一場漫長既路,條路有排行！

雖然有些小朋友的確是起步快些,但他們有可能因迫得太緊,而中途氣餒。

但我相信,只要循序漸進,培養小朋友主動探索,樂於學習,開發他們的小宇宙,很快便會追趕上。      

人生匆匆幾十年,我想我的小朋友有個愉快的童年！   

vickichan

我小朋友而家係根德園讀緊k1, 佢好輕鬆因為無功課做, 先生話下半年先會有畫線功課喎, 但係k2就唔係好清楚啦

takumi媽

Thomas&mama

講得好     

sisimama

alisoncheung,
你講這個倒模例子好

Marcus媽

想小朋友入謮一些程度交高/深的幼稚園都真是身不由己, 我自己個小朋友本性都係愛玩, 講真kv 是否真係適合我仔我依家都唔知, 如果有多間一條龍幼小中學直上,那當然是最理想啦,學sisimama話,現在問題是,即使幼稚園更精心設計一些培育課程,活動教or else,都只是三年,當升上小一,問題就開始了,我都perfer依家開始都買個保險, 比小朋友去一些比較側重學術的幼稚園, 希望佢可適應香港這個學習制度。

alisoncheung

Thomas&mama

你嘅論點我完全同意, 從日常生活中學習係容易好多, 所以我從囝囝小時候就開始訓練,聽嘅係英文兒歌,睇嘅係Disney英語同所有英語卡通片,到兩歲就開始睇Phonic Kingdom, 橫店佢都要睇電視,就索性比佢睇d有益又有趣嘅,我冇迫佢,佢只是自自然然學會了.到現時為止,我未覺得KV辛苦, 感到有壓力嗰個係我唔係佢.  我覺得小朋友一開門眼睛就在學習中,不論你教不教他,佢哋都不自覺哋學咗,自從囝囝2 歲上學後,佢學的東西有好多都唔係我教, 有d係學同學仔,可惜d同學仔來自不同背景,所以囝囝都學到d不良習慣,所謂近朱者赤,近墨者黑,我就要不停輸入更正程式, 都幾辛苦嫁.  所以我更加覺得學業成績並不是最重要,規矩一定要放第一位.

刎開KV學術成績來說,佢哋教小朋友規矩真係一流,唔使罰都可以令佢哋乖乖哋,呢個已經係我個願望.

最記得開學初期,囝囝成日唔貼凳, 上堂走來走去 (其實佢讀幼兒園時有同一個問題),你估KV老師點做??
老師要求每個小朋友先泊好張凳先排隊去音樂室,囝囝未做,老師不駡又不罰,不過用Magic變走咗張凳,囝囝去完音樂室番嚟唔見咗張凳,當然唔知點算,老師就同佢講,如果你自己坐住張凳老師就幫你變番出嚟.  自始之後…..坐定定不單止仲有手尾泊埋張凳先走開,我响屋企都有用呢個方法,不知幾work.  你知唔知我之前都鬧到口乾佢都賴理我.

如果你話要了解子女需要 (都啱嘅), 不過最好都係了解自己需要先, 自己希望仔女變成乜就做d乜囉.我絕對唔係追捧名牌的人,我選擇學校都係因應自己需求唧.

Sisimama,

係呀! 我自己都由德貞幼稚園讀到預科畢業,我媽咪從來冇為選校而煩惱過,你話佢幾幸福呢!

happybibi

Thomas&mama,

你說的也是我的心聲, 所以一開始我就選擇了活動教學的幼稚園.  可是不幸地, 我的小朋友, 上了學整整二學期, 仍未能適應, 一星期五日總有三四日扭計唔返學. 在無計可施之下, 就轉去根德園(我侄仔以前讀過, 他和媽咪極力推薦).  初時我也不太肯定, 但上了一個星期, 囝囝居然話好鍾意根德園, 我真是喜出望外.  其實我不介意他學了多少書本上的知識, 我只希望他能開心上學, 學好禮貌, 就已經心滿意足了.

小朋友有沒有壓力, 很大程度是看家長的態度.  由面試開始, 我也是抱著隨緣的心態, 沒有準備什麼, 我是T-Shirt牛仔褲. 囝囝就T-Shirt短褲, 就這樣去面試. 囝囝更是完全不會唱歌(佢係細仔), 以我所知, 佢重答錯一條問題tim.  可是first round就收了囝囝, 好好彩.

很多父母(包括我)都希望小朋友有一個愉快的童年, 所以我和侄仔媽咪, 都是採取放任的態度的, 我們不會主動和小朋友溫習功課, 就算現在k2有默書, 我也沒有放在心上. 所以大人小朋友都沒有任何壓力.  我會用盡所有親子時間一起玩遊戲, 說故事, 同囝囝傾下講下等等.  

但我亦知道有一個根德媽咪真的很緊張, 緊張到要看心理醫生, 我估佢的小朋友(已畢業)唔會鍾意返學(這是一個很極端的例子).  所以我覺得想小朋友有一個開心的學校生活, 家長的態度是很重要的.

除了家長的態度外, 選擇一間適合小朋友性格的幼稚園也是非常重要的, 不論傳統教學或活動教學, 其實都有其可取之處.

雖然, 我仍然很欣賞囝囝第一間活動教學的幼稚園, 但我好慶幸能轉到根德園.  根德園的課程稍為深了些, 但囝囝handle到, 我也沒所為.

Marcus媽

happybibi
我仔現在也是在活動教學的幼稚園讀n1 最初都係返半日, 但我仔在說話方面不是太好所以我轉佢去返(全日班), 我小朋友也是上了學足足都有4個月, 一星期內都是總有3/4日扭計唔返學不在話o下, 同佢講返學好開心,老師會同marcus玩, 佢答我係"no 老師,no 老師" 其實我自己知這間學校d老師唔錯, 但係佢就係唔鐘意, 我都是不介意他學了多少書本上的知識, 現在我只希望他能開心上學, 學好禮貌,我都會好開心架啦!  我都不知道我仔是否能接受kv 這類教學法,真係要睇下有冇緣loh!

happybibi

Marcus媽,

其實我也不太肯定哪一類性格的小朋友適合根德園.  我本來以為扎扎跳, 好難座定定的小朋友不太適合, 但我囝囝就是座唔定的小朋友. 送囝囝搭校車時, 成班根德園的小朋友一齊玩到癲晒, 流晒大汗, 試過一次有一個小朋友跑到嘔.  等校車的地方, 大約有五六間其他幼稚園的小朋友, 除了一間國際學校, 最活躍的, 就是這班根德園小朋友.  但根德園始終是用傳統教學方法, 它並不適合所有小朋友和家長的.  要點樣選擇, 真係好難, 我只能說我自己的經驗.  現階段, 平常心去面試吧, 其他的事, 收了才再想吧.

maggieszt

alisoncheung，
      听了你的意見，我都定左好多，都係平常心去面試，有result先再算。其實其他媽咪講得都有姖們的道理，都係想搵一間適合自己小朋友性格的，但有時末必會甘好運一揀即中ge。我個囡就係文靜形，可以坐定定的，吾係太主動，我怕太過活動教學，姖吾會主動去學，听聞根德可以訓練到小朋友自律,獨立.....但願可以搵到一間適合的。

Marcus媽

happybibi,
多謝你能分享你d經驗! 我之前都係有d緊張,其實係因為我個仔都係大仔仲係十分自我個種, 說話方面都不是太好,，我每天回家都有同佢做小小training, 我要做的都做哂,每天都問佢你叫咩名,你係男仔or女仔 or else, 佢都答到, 但即場表現真係要睇佢自己了, 我依家都係平常心, 收左先再諗啦!  

alisoncheung

Marcus  媽,

唔好日日問相同問題呀,你要識收識放呀,問得太多佢哋會反感,到時老師問,佢賴有性格唔答你就企咗响到.到時神先難求.

我以前同而家都會同囝囝玩老師同學生遊戲,有時比佢哋做吓老師,佢哋會鍾意.  同埋玩老師學生遊戲順便可以敎埋面試禮貌.

Marcus媽

alisoncheung,
真的嗎? 多謝提醒, 唔怪得啦! 其實我個仔知自己姓什麼, 但佢答我時只會答個"名 only" 個姓次次都唔講, 要我同佢講 佢先再講個姓,有時仲答 "我叫bb" tim,  真係俾佢激c。 仲有我個仔發唔到男仔個"男",成日講 "爛仔" 如果佢答英文唔知老師點睇呢? !      算把了,我都係平常心算了。

alisoncheung

Marcus 媽,

哈哈哈,一d都唔出奇,個個男仔都一樣,唔好介意,冇答個姓冇所謂, 發唔到"男"字都冇所謂,起碼佢有答你呀,男仔一定遲鈍d,係冇女仔咁口齒伶俐嫁喇,但係一樣冇咁吱吱喳喳唧.  你估面試d老師儍咩,佢哋一樣知道呢點,可能清楚過你同我tim. 之所以KV分開男女面試囉,我覺得好公平.He, He 因為我嗰個都係仔ma!

*vienna*

我只報了又一村、創價、培正,很開心又一村收左我仔仔,其餘2間仲未考！
我放棄報讀一些所為課程出名很深或商業味很重的名校,因為它們都只是滿足家長的需求,課程越深就越好,最好日日有默書測驗, 總之把小朋友操練成一批只識考試而考試的"人才"！
沒想過操之過急,分分鐘有意想不到的反效果了！
對學習的動機慢慢失去了興趣！
痛苦之中的記憶是短暫、容易忘記的，
愉快之中的記憶是長久、難忘的。
如果小朋友能從遊戲中學習,效果是事半功倍的。

眼見年青的一代,越來越受不起挫折,輸唔起,做事急功近利,
以前公司新請來了一個大學生,經常遲到又欠缺禮貌,高傲自大,
做事馬虎,做不夠2星期又嫌辛苦辭工了！(好彩走得快)
後來請了個中五畢業生,守時有禮,轉數又快,又肯謙虛地向別人學習,現在終於升上主任一職，出到來社會做事,剩係讀書叻係無用架！

讀書係漫長既道路,不如先把小朋友在基礎教育裏,培養讀書的興趣,發掘潛能創意,從小學懂禮貌、孝順和品德培養！

一間好的學校,除了課程、環境外,老師是整校的靈魂,老師沒有愛心,不喜歡小朋友,欠缺教學熱誠,學校怎樣再好也沒有用了！

又一村d老師比到我很大的信心,我會好放心交我個小朋友比佢地！

培正和創價同樣也是好學校,等面試完畢才能再作比較！

*vienna*

睇見我呀嫂,為左考到名小學,報左根德,經常見佢為左教我姪仔功課、默書外,日操夜練課外習作,搞到精神壓力大,成日喊！
真替佢心痛！    

*vienna* 寫道:

我無報根德園,因我的姪仔讀緊k3,佢地d課程很艱深,功課又多,又要温默書,大嫂日"娥"夜"娥",開口埋口都剩係識得問佢"做完功課未呀、温完默書未呀, 默書點解會默錯架",繼而導致親子關係,經常陷入緊張！

ILoveYou520

*vienna*
你講得很啱！     

我對根德無乜好感，
因前年大女去in,覺得d老師麻麻,
最後收左女女我都放棄左。
  

*vienna* 寫道:
我只報了又一村、創價、培正,很開心又一村收左我仔仔,其餘2間仲未考！
我放棄報讀一些所為課程出名很深或商業味很重的名校,因為它們都只是滿足家長的需求,課程越深就越好,最好日日有默書測驗, 總之把小朋友操練成一批只識考試而考試的"人才"！
沒想過操之過急,分分鐘有意想不到的反效果了！
對學習的動機慢慢失去了興趣！
痛苦之中的記憶是短暫、容易忘記的，
愉快之中的記憶是長久、難忘的。
如果小朋友能從遊戲中學習,效果是事半功倍的。

眼見年青的一代,越來越受不起挫折,輸唔起,做事急功近利,
以前公司新請來了一個大學生,經常遲到又欠缺禮貌,高傲自大,
做事馬虎,做不夠2星期又嫌辛苦辭工了！(好彩走得快)
後來請了個中五畢業生,守時有禮,轉數又快,又肯謙虛地向別人學習,現在終於升上主任一職，出到來社會做事,剩係讀書叻係無用架！

讀書係漫長既道路,不如先把小朋友在基礎教育裏,培養讀書的興趣,發掘潛能創意,從小學懂禮貌、孝順和品德培養！

一間好的學校,除了課程、環境外,老師是整校的靈魂,老師沒有愛心,不喜歡小朋友,欠缺教學熱誠,學校怎樣再好也沒有用了！

又一村d老師比到我很大的信心,我會好放心交我個小朋友比佢地！

培正和創價同樣也是好學校,等面試完畢才能再作比較！

Joshua_BB

Hi Vienna,

I fully agree with your viewpoint. I have heard hundred times from friends, friends of friends about the toughness of homework from 根德園. So, I don't even bother to apply K1 in this school. Kindergarten education should provide a joyful and happy learning through daily life, games and inspiration, not duck-feeding the little kids with words even adults don't encounter daily (more yearly).

又一村have given me a very good impression about their goals and visions on kindergarten education. I am happy my son got accepted to study K1 next year.

*vienna*

Joshua_BB
Nice to meet you！希望將會同你仔仔一班。
我唔希望自己的小朋友,像倒模出來的小鴨子般,只聽指示做,為了分數去死背硬記而讀書。

我只想他是為興趣,自動自覺地去學習尋求答案！
自從in完後,又一村的確另眼相開,喜歡它的環境大而幽美,設施齊備,最緊要係每位老師都很重視家長,透明度高又有視象系統,可睇小朋友上堂,多姿多采的課外活動,十分重視德育訓練。
而且學校的網頁又一村學校製作認真,就算我返工時,都可了解兒子學習情況,可惜根德是沒有網頁的！

Joshua_BB 寫道:
Hi Vienna,

I fully agree with your viewpoint. I have heard hundred times from friends, friends of friends about the toughness of homework from 根德園. So, I don't even bother to apply K1 in this school. Kindergarten education should provide a joyful and happy learning through daily life, games and inspiration, not duck-feeding the little kids with words even adults don't encounter daily (more yearly).

又一村have given me a very good impression about their goals and visions on kindergarten education. I am happy my son got accepted to study K1 next year.