班長擁有的權力？

cell

我個女都係班長,佢做左五年了都不覺得有特權 。以我所知佢應該無權力罰人企或不准去洗手間或罰抄等, 佢只可以擇名, 等老師回來後才決定點罰的。但因佢太好人所以被老師訓話過要佢惡d喎。

師奶

暫時只知我仔嗰班班長有此特權。
打聽左3B同3E班班長並冇此特權,他們班長冇權决定罰企或罰抄,只可以擇名。

June

會唔會係A班班長自以為有此特權呢?
不如直接同班主任 clarify 啦!

[quote]
師奶 寫道:
暫時只知我仔

師奶

Hi June
我有諗過班長是否自以為有此特權？
但仔仔話已經有幾位同學罸過抄書,也見班長認真地check過有沒有抄齊及見她叠好。
同班主任clarify,我怕仔仔下塲更慘！
一位平平無奇學生又怎能和成績優良學生相比。

羊咩咩太太

我覺得班長係幫老師收發書簿或轉堂時維持下秩序;老師點可能或者點可以下放處罰權予一個小朋友呢?況且,我有理由懷疑一個小朋友辨別是非的能力,再講,佢極其量只可以點名,再由老師去判斷;苦這件事發生係我囡囡學校,我一定會向老師查證

xmanman

我就覺得應該先同班主任了解,  並告訴他事件的經過,  看看班主任怎樣解決! 惡班長有權在手, 但不懂去handle 權力,  所以一定要教導她正確的方法!  

我小兒也試過,  風紀唔准他帶錶返學,  但沒有說明原因, 只是說如果再帶就沒收了!  回到家, 我兒子告訴我,  當時我覺得風紀無權沒收任何人的物品, 風紀都是小朋友,  可能她用錯方法 , 所以就找班主任!

經班主任了解,  原因係兒子的錶太大隻,  似玩具多過手錶,  所以不適合帶回校!  也教導了風紀的處理手法! 風紀明白後,  再也沒有用強權,  反而用獎勵的手法,  兒子很受樂,  之後仲同風紀friend 啦!  

emiluihk

各位好呀 ,

      可能你地會覺得我太天真,但我始終認為如果有問題
出現直接問及支會班主任比較好, 何必自有自的惴測及不
滿呢 ? 況且,如果你唔向學校表達意見, 即在敎導你的子
女有咩事都唔會出聲,不平的事也要低頭於强權之下 ,
這樣我們的下一代出到社會亦不過如此了, 加上我唔相
信小學生經過反應後還會公報私仇,如果真的有這情況
那不是一個更好的良機給那位學生加以敎導 ?

      對不起, 我只認為小朋友加以正確敎導手法,應該
可以改好的, 大家都爲人父母,亦只望小朋友好啫,唔
好咁快用大人世界既手法去看待佢地 THX
如有得罪,請多多包涵。

cell

emiluihk,

       對不起, 貼錯位置。

師奶

Hi emiluihk
我都明白有問題要直接同班主任傾最好。
我想講2件真人真事1.妹妹曾經教過幼稚園,眼見學生父母投訴，結果小朋友被老師針對。
2.有朋友向學校投訴,結果佢嗰女好快無得做班長，派成績表時班主任冷淡對待他,也不願多談他的子女,朋友無奈離開。
當然都有好老師喇！但我唔敢搏。
我希望能忍一時之氣,風平浪靜。
我知道佢唔開心,只好同佢講當温書,讚下佢等佢開心d。
多謝你意見！

jk67jk

1.妹妹曾經教過幼稚園,眼見學生父母投訴，2.有朋友向學校投訴,

坊間都習慣了有事便「投訴」。

我認為以心平氣和的方式去「了解」會好一點。

我會去查詢老師是否真的下放了權力給風紀去處罰小朋友；也會去查詢這個程度的懲罰是否得老師許可。
如果老師答我「是的」，我便會多謝她花了時間解釋，我會跟進自己孩子了。
「交談」、「了解」，好過一開聲便是「投訴」吧！

cell

師奶,

我也曾為了女兒的測驗分計少了向老師說, 老師當時在電話裏很友善的, 我也沒有担心。 但過了不久女兒向我哭訴老師在課堂裏大駡她" 我那裡有計錯你分"。隋後的每一堂也無原伙無故被駡。我跟著也忍無可忍之下向班主任投訴, 她也是無奈地說"我知道了'。但是沒有任何行動的。係我女女心目中, 她對老師的觀感大大改變。(佢一直都很崇拜老師的)

睡覺

所謂了解、溝通下...
在老師來說一樣代表 "投訴"﹗
哈，無分別﹗
有那個家長係擺明投訴架？   

jk67jk 寫道:
[quote]1.妹妹曾經教過幼稚園,眼見學生父母投訴，2.有朋友向學校投訴,

坊間都習慣了有事便「投訴」。

我認為以心平氣和的方式去「了解」會好一點。

我會去查詢老師是否真的下放了權力給風紀去處罰小朋友；也會去查詢這個程度的懲罰是否得老師許可。
如果老師答我「是的」，我便會多謝她花了時間解釋，我會跟進自己孩子了。
「交談」、「了解」，好過一開聲便是「投訴」吧！ [/quote]

師奶

Hi jk67jk
我都有叫個仔乖d,咁就唔會比班長罰,同樣都借這件事教個仔用罰企或罰抄方法對待同學,會傷害彼此感情,它日有機會做班長的話,就千萬不要這樣。
希望個仔再乖d,咁就唔洗罰抄。

師奶

Hi 睡覺
你說出我心底話。
我妹妹都叫我咪咁天真,只要我唔小心講錯說話,"交談"就變成"投訴"了,每當佢講起以前幼稚園工作時,我就更害怕。

jk67jk

咁就冇說話好講嘞！ 因為你們子女的老師我未見過, 你們交談的語氣態度我又見唔到.... 我仔間學校的老師就唔會咁囉~

有！ 梗有家長擺明投訴啦！ 個口唔講, 但係語氣表達左; 如果係面對面, 個表情出賣左~  

如果老師真係咁無道理, 就真係幾無奈, 點過渡小學這麼多年呢！ :-|

假若家長真係唔去了解事件, 萬一位班長只係自把自為, 渣住雞毛當領箭﹐咁同學仔咪有排受？ 係咪要去搵機會了解好d呢！

師奶

Hi cell
我也想講你知,我妹妹親眼看見同事如何針對一位4歲小朋友,也親耳聽過同事講這個小朋友母親的壞話,也見佢放學假仁慈地對着小朋友的母親。最後妹妹揾到好工就離開了。
遇到好老師也要講彩數的。

jk67jk

師奶，

查實你個仔係幾多年班呀！ 家長是否事事插手, 還要睇小朋友是幾大呢！

師奶

3年班了，一個8歲小童,沒有老師授權,何來有咁大的膽子呢？而且沒有家長質疑過，即使他們覺得不合理,也沒有人敢過問。

jk67jk

:-|   無奈！.... 唉~

師奶

仔仔好開心話我知班長改變罰的方法。
班長改左有獎有罰,乖又寫低個名,罰照摘名,但摘左名只要乖就可以免罰,警告左唔聽,同埋講清楚摘名二次先罰企,摘名三次先罰抄。
話班長冇之前咁惡死,好開心咁話"班長其實唔係好惡死"。
我未解釋比佢知誤會左班長,現在有獎有罰好公平,下次就唔好話唔服喇！
仔仔好開心話明白,見佢唔再誤會班長偏心。
真係好開心。