曾蔭權表示，讀私立幼稚園的人士不是中產，他們是很高薪的，月入應有逾10萬。

G-Ma

平心而論, 其實唔資助私立幼稚園都正常既, 只係亞stupid tsang衰多口講咩十萬蚊人工, 引起公憤.

理由如下:

1. 小學都只係津貼官津, 唔會津貼私小, 咁幼稚園無理由有例外

2. 如果一但連私立幼稚園都津貼埋, 咁肯定好多人會過檔去讀私立, 到時d名牌幼稚園競爭更大, 可能又有幾十人一班, 學生要走鬼呢d咁既情況.

judy

牟利幼稚園, 是從事教育生意的私人企業, 是以盈利為最終目的的, 政府不可能用公帑去津貼私人企業嘛.

本來 ， 此計划既可以令到家長得到最實際的利益 ，還可以為學券制這新構思做一個實驗 ，一舉兩得。可惜，他沒有將所有學生都包括在內，為的可能是"牟利幼稚園, 是從事教育生意的私人企業, 是以盈利為最終目的的, 政府不可能用公帑去津貼私人企業"這樣低能之理由，佢今次捉蟲啦！要知道，政府是資助學生，不是資助私人企業，學生要到那里，是學生之自由。這道理就象我們給窮人綜援金，我們不必理会他們到那里買東西，不必害怕給人扣"政府用公帑去津貼私人企業"一樣。

麟媽媽

唔會喇！名牌私立唔會自降學費低於二萬四，
因為market 始終有需求，無必要轉非牟利，
佢地會繼續搵錢笑呵呵！你睇直資小學，
有人寧願比錢都唔讀津校，幼稚園一樣。

G-Ma 寫道:

如果一但連私立幼稚園都津貼埋, 咁肯定好多人會過檔去讀私立, 到時d名牌幼稚園競爭更大, 可能又有幾十人一班, 學生要走鬼呢d咁既情況.

wewangwang

但以家不是津貼幼稚園,學卷制係政府出錢津貼家長去交學費.從這角度看,點解不用於全部幼稚園等它們來個公平競爭,家長多個choice.

軍魁星 寫道:
牟利幼稚園, 是從事教育生意的私人企業, 是以盈利為最終目的的, 政府不可能用公帑去津貼私人企業嘛.

wewangwang

名牌私立分幾種,3000幾學費如St. Catxxx個D影

G-Ma

咁到時d人又會話, 點解李嘉誠d孫都有得資助? 係咪應該要入息審查? 問題又一大堆, 永遠都好難做到人人滿意既.

wewangwang 寫道:
但以家不是津貼幼稚園,學卷制係政府出錢津貼家長去交學費.從這角度看,點解不用於全部幼稚園等它們來個公平競爭,家長多個choice.

[quote]
軍魁星 寫道:
牟利幼稚園, 是從事教育生意的私人企業, 是以盈利為最終目的的, 政府不可能用公帑去津貼私人企業嘛.

[/quote]

G-Ma

d牟利幼稚園可以開d班剛剛好符合政府要求, 到時收左你再迫你讀d增潤班, 遂樣同你計錢, 佢地又多條財路啦.

[quote]
麟媽媽 寫道:
唔會喇！名牌私立唔會自降學費低於二萬四，
因為market 始終有需求，無必要轉非牟利，
佢地會繼續搵錢笑呵呵！你睇直資小學，
有人寧願比錢都唔讀津校，幼稚園一樣。

wewangwang

G-Ma,

都唔會既,始終頂級有錢人係少數,好似生果金,over70歲就免入息審查人人可以

Aimee

私園不列入"學卷"之列，我可以理解，亦認同。但點解選擇收費超過24000一年的非牟利幼稚園的小童唔可以得到學卷？over 10000一年的錢都係我地自己俾番je？優質的學前教育成本唔輕，政府唔鼓勵超過24000一年？以一比15計, 上下午都15人一班，加埋有720,000, 平均1個月5萬，要俾，日常用品(教材、玩具、圖書、清潔用品...)，行政費，老師人工，共同分擔部份的租金，園長、主任、文員、嬸嬸英/普老師的人工真係足夠嗎？咁幼稚園係唔係要訂24000一年學費，再同家長收一年10000/20000的雜費？唉！

麟媽媽

佢地想繼續做名牌，自然要搵Quality customers，
一如名津校攪珠都比人話水準參差啦！
所以一定仲有捧場客，D 名牌校長定過抬炸彈！
要驚既係收費一如非牟利既私立幼稚園，
佢地就真係驚D 學生拉大隊過檔喇。

G-Ma 寫道:
d牟利幼稚園可以開d班剛剛好符合政府要求, 到時收左你再迫你讀d增潤班, 遂樣同你計錢, 佢地又多條財路啦.

[quote]
麟媽媽 寫道:
唔會喇！名牌私立唔會自降學費低於二萬四，
因為market 始終有需求，無必要轉非牟利，
佢地會繼續搵錢笑呵呵！你睇直資小學，
有人寧願比錢都唔讀津校，幼稚園一樣。

G-Ma

wewangwang,

其實我小朋友已經入左小學, 我都無份享受呢份遲來既福利.  不過我覺得政府肯資助總比咩都唔做好, 起碼宜家都一定有人受惠到, 只不過未做到人人滿意.  推行政策唔係咁容易, 有好多可能會引發到既問題未必宜家即刻可以留意到.  咁政府肯先行第一步, 再一步一步改進都係好既, 好難一步登天.

sonma

我覺得咁樣又會多咗d大陸人來港生仔

MaMaEva

wewangwang,

我同你一様個女明年升小一la, 其實政府點解唔參考日本, 新加坡或其他歐洲國家的教育制度呢, 由幼稚園至小學都係免費, 到升中學才須要交學費.  如果肯用多d時間商討修改計劃, 好過臨時臨急才出對策吖.  人地澳門特首話推出教育資助; 香港特首跟住要推行.  其實佢地知唔知我地d家長須要d乜先得架.

MrsBunBun

好想去平機會告政府歧視中產!

[quote]
freddielau 寫道:
更令人反感的是，政府的福利政策一向將中產階級和部分收入良好的家庭排除在外，這是不合理的。因為，中產階級和高收入家庭已經交了稅，照理，他們應該和其他人一樣有權享有綜援性質以外的福利，如果在這方面排除了他們，那就屬於另一類的歧視；再說，政府資助幼兒教育的目的並非為了濟貧，而是為了鼓勵生育和提高幼兒教學的質素，那有甚麼理由要將私立或牟利性質的幼稚園排除在外呢？

KaHeiMami

政府已把私立幼稚園踢出資助範圍, 為何再要將非牟利幼稚園劃分兩類, 學費高於某水平又不獲資助? 這又是否雙重標準抑或是屬於另一類的歧視 而全日制幼稚/兒園通常要交12個月學費, HK$48,000 上限係點定   根本設上限係多餘, 連少少福利都唔俾中產享受吓 只識得叫我哋準時交稅   

健朗媽咪

其實而家幼稚園申請學費減免都有一個學費中位數做參考, 減免額學費計算以兩者較低者計算, 中位數好似都係唔過兩仟一個月(半日), 我諗政府咁做都係唔想幼稚園抬高收費, 其實如果唔係讀名牌幼稚園, 以返半日, 每年收11個月學費計算, 平均每月學費上限係$2182, 我覺得都算合理,起碼比現時申請學費減免的中位數高, 至於雜費,一向就算申請到學費全免的家長都係要自己比, 無得資助

對報讀私立幼稚園的家長, 政府應該要照比學卷呢d家長, 扣除學卷後多出的學費由家長自付, 家長可以有更多選擇空間, 同埋真正幫到中產人仕

同埋返全日的家長如果合乎資格可以同現時一樣, 通過入息評審, 可以得到比學卷更高的減免,咁做先公平同真正幫到家長而又唔容易比家長/校學灠用

老狐狸

好想去平機會告政府歧視中產![MrsBunBun]

You really Mrs Bun Bun.

dina

KaHeiMami 寫道:
政府已把私立幼稚園踢出資助範圍, 為何再要將非牟利幼稚園劃分兩類, 學費高於某水平又不獲資助? 這又是否雙重標準抑或是屬於另一類的歧視 而全日制幼稚/兒園通常要交12個月學費, HK$48,000 上限係點定   根本設上限係多餘, 連少少福利都唔俾中產享受吓 只識得叫我哋準時交稅   

absolutely agree!!!!!   

pigmei

[quote]
G-Ma 寫道:
咁到時d人又會話, 點解李嘉誠d孫都有得資助? 係咪應該要入息審查? 問題又一大堆, 永遠都好難做到人人滿意既.

李嘉誠d孫都有權讀非牟利,都一樣可以受惠,根本無分別