本人想知各位贊成定反對全日制呢? 不如投票!

jk67jk

麟媽媽：

全日制扣減午餐時間, 大約多出1.5小時的上堂時間。 午飯時間的一小時, 有飯後活動 e.g. 圖書館時間、棋藝 etc.  3:00 p.m.放學後, 有些學校有輔導班, 幫助未能趕上課程的同學, 不用家長自己操心；此外, 也有課外活動在平日舉行 — 有些學校會安排兩輪校車﹐接送上課外活動及不上課外活動的同學 (雖然這安排比較少, 但我聽過有學校有。 有些學校會安排校車一律在課後活動時段後開車，不參加活動又需坐校車的，便自己在校做功課！都是大約45min左右, 不會太長時間)

另外﹐我知道有些全日制學校，for example compulsory 放 3:30，但其實 2:30 – 3:30 這段時間內﹐大部份是課外活動時間。

CSW

我都贊成返全日制。
我的小孩早上8:10上校車, 若8:30到校, 8:45開始早會, 12:30左右食lunch, 星期一至四放下午3:45, 星期五放3:00。佢既功課有部分會係導修課完成。另外, 學校逢星期五有多元智能課, 學生可以與不同級和班別的同學一起参與興趣活動。而額外自由参加的興趣班則安排在星期一至五的導修堂或放學後, 及星期六早上, 全部均有校巴接送。

不過, 我現在仍在訓練他要自己做功課, 不能等到我下班回家才開始做。

麟媽媽

jk67jk,

2:30-3:30pm 上課外活動？
唔係academic 科目嘛？！
如果係興趣班，使唔使比錢架？
我見亞仔學校星期六放學都有課外活動，
但都不比出面平，樂器都百幾蚊堂的。

小草

唔會

jk67jk

麟媽媽 寫道:
4 點幾先返到屋企…. 平時我個仔呢個時間，
已經做晒功課，沖左涼訓緊晏覺了。

麟媽媽,

      但係.... 我個仔已經唔知乜野係訓晏覺好耐啦！     

依家每日係幼兒園, 都係眼光光咁躺在床上, 因為社署規定全日制幼兒園一定要讓小朋友睡午覺。 亞仔話「冇辦法啦！老師話唔訓著, 都要訓係度。」 無奈！

瑄婷

我都贊成返全日制。
我女返8:00,放3:15, 上午學主科,而下午係興趣班(包括自費及免費的),放學前最後一堂係功課堂,小朋友不需另外返學參加課外活動,所以可坐校車往返,而功課大多可以在校完成.
每天返學係7:15上車,放學3:50落車.

jk67jk

麟媽媽,

我相信每間學校都不一樣。 Maryknoll 這類恐怕是acadamic 機會大些！    

我之前物識學校時, 有一、兩間是如此安排的；但應只為低年班同學啩！ p.5 - p.6 可能會係 acadamic 了。

至於是否收費, 有一半要, 有一半不用, 由家長按需要選擇。

p.s. 多謝瑄婷分享學校情況, 又知道了非我區的小學也是如此安排。

麟媽媽

因為我個仔好早6點幾上校車，
所以4點零鐘訓一陣囉！
你知我地返工既，特別我老公喇，
都成8點多先返到屋企架！
如果亞仔唔訓晏覺，9點無晒電架喇，
佢下晝訓一訓，夜晚十點幾過後先訓囉！
佢而家大個左，變得痴個老豆多D，
有時一齊玩啤牌，有時一齊玩電腦，
所以唯有下晝訓先可以見個老豆耐D。


[quote]
小草 寫道:
唔會

nn010

原本讚成全日制,但後來發覺: 回家後時間不夠用...(不少小朋友寫字很慢吧?) 做完功課食飯洗澡收拾書包就要上床了, 不要說溫習, 跟家人談天說笑的時間也沒有.

希望學校能安排最尾一節課為功課堂, 讓小朋友可以利用功課堂把抄寫類或簡單的功課先行完成, 回家就不用花太多時間於功課方面, 多些時間跟兄弟姐妹互動(讀幼稚園的弟弟經常說家姐沒時間跟他玩耍 :cry: )或 溫習或 遊玩或 參加課外活動等等

睡覺

麟媽媽﹕
         唔係呀 ，阿仔3:40pm放學，排得隊售合至上校車，回到家已經4:15分喇，跟住即刻同佢沖涼、吃下午茶，然後，由得他歇一歇，都差不多五點。功課暫見每次一定不會超過半小時。跟住，都已經五點多喇，跟住仲點可以唔俾佢自由活動呢？返左成日，一放下書包沒多久便又要做功課，好可憐.....真的需要relax.....(因為他在校不得自由ge時間已經八小時，他的性格極需要自由活動relax)

自由活動係有時玩車，彈琴，有時上網玩圍棋，有時玩他自創的玩意，昨天佢用完白膠漿做功課後，就再取幾把scissors出來給其它文具，在地上桌上不知玩什麼遊戲....整到間屋一團亂。(俾自由空間小朋友對他的創造力很重要吧？)

昨天琴老師要佢每天要練一小時琴，我心想，哪有時間啊？？朝早七點起來他通常都在看圍棋書，而加可能要把練琴時間分一半係臨上學前，幸好他好喜歡，否則真係攞命喇，醒來一刻一分鐘都無得佢歇息。

晚上六點多吃飯，七點多我開始跟他補習，八點40分左右，刷牙上床，跟他說故事或聊聊學校的生活或他說故事我聽，跟住九點左右，禱告熄燈睡覺喇，但他有時九點半才睡著。
那段兩母子談心的時間實在太短.....

如果放兩點半左右，他的精神狀態會好好多。他晚上補習時段，見佢真係好累，但又不能不溫習喎....

我諗年紀大一點本身睡很少的小朋友可能會無咁累吧，返全日都有多一點時間和精力。
阿仔自兩歲起沒有再睡午覺，平均睡眠四年來都係九小時左右，如果太累便十小時，唔知點解四年都差唔多。如果佢晚上發夢的話，第二天會更沒精神，這狀況也不少。

我想無話全日定半日至最好，睇下適唔適合自己個小朋友及家長罷了。

麟媽媽 寫道:
而家唔係咁上下架咩？
我見同學個仔讀DBSPD，
咪8點半上堂，2點45分放學囉。
因為我仔返半日，7點半上堂，
12點45分放學，我仲同佢講，
扣左lunch time，佢地又遲一個鐘上堂，
話就話全日，時間同我地半日差無幾咋喎？！


[quote]
睡覺 寫道:
最好全日制係八點半上課，十二點吃午飯，下午2點半放學，如果係咁就真係太好喇。

[/quote]

麟媽媽

睡覺,

你仔咁細細個要彈一個鐘呀？好乖仔喎。
我仔唔得呀…. 琴老師都知我半放棄的了！
我仔唔係日日練琴，學琴前三幾日練咋！
我都同琴老師講，唔使急考琴，
我都只係想佢當彈琴係舒暢身心的！
點知琴先生琴晚打比我，說考琴書會幫我買，
下次學琴開新書！睇黎佢都頂我地唔順！
我仔新學期深左好多，個個星期默書，
根本無咁多時間練考試歌架！！

Gisele

I prefer full day primary as I have only one son, I want him to associate with other kids more often.

睡覺

麟媽﹕
          我阿仔本身好鐘意音樂和彈琴的，所以即使上課一小時，佢都可以好集中。佢通常練老師教的只是彈每隻曲一次兩次便算，反而係佢自己東彈西彈其它的樂譜，所以可以彈一小時以上。而我又無要求要考試(哈，我至少最討厭考試)，而老師初級至四級都收同一價錢，所以我唔知阿仔學到乜級，老師鐘意點就點，佢教得阿仔好好，所以也好放心。
我仔仔係兩面人，可以很活躍，也可以很文靜和十分專心(限於佢愛的東西)

你阿仔會否是很好動的男孩？對於靜下來的玩意無興趣？所以要佢坐定定咁又唔係玩，所以有點辛苦呢？

是的，又要應付學校的功課，又要把課外活動學好，真的有點難度，所以，我只給阿仔學琴同自修圍棋兩項，這就足夠了，因為時間和金錢都唔容許。

我好佩服有些小朋友可以又上學又參加好多種課外活動。

zz

jk67jk 寫道:
麟媽媽,

我相信每間學校都不一樣。 Maryknoll 這類恐怕是acadamic 機會大些！    

梗係唔係la.

我知ga全日及半日的分別是,全日有一節小息時間長d,因要吃飯,再加多一堂class period用黎做功課,會有一日class period用來做課外活動.所以我投半日,時間好駛好用.

麟媽媽

睡覺,

我個仔最鐘意踢足球，暑假一星期3日都話唔夠！
音樂方面佢麻麻架咋！我老公先係音樂愛好者，
佢同你仔一樣，聽到電視配樂好聽，自己埋琴彈一餐架！！
我比亞仔學琴，都想佢好好專注彈一、兩隻歌，
睇佢都係應酬吓我！歌彈得好熟都好，無琴譜唔識彈架喇！
唔知係咪女仔唔同D，我見人地D 女背晒D 歌仔架。

睡覺

麟媽﹕

唔一定架，有些小朋友睇譜能力強過背譜，有些則相反，可能只是背"口旺"，靠個耳仔記音樂彈。

我識兩個朋友個仔都係背譜叻過睇譜，個女則睇譜能力叻過背譜。

我仔仔彈幾次都背到譜架。

mefaso123

我投半日制！反對全日制，覺得多時間用d

5354

半日制!!

cltan

全日制

dingdong.hk

Half day

Kids could have more time to play and run.