Do you worry your new P.1 child in primary school?

cherrychunhim

我都係最担心溫習的問題, 以前幼稚園太輕鬆又唔駛考試測驗, 上到小一又要默書, 唔係你想同佢溫佢就溫, 亦都唔你佢肯溫就識or記得一味遊雲, 有時幾好心機都會好容易起火

羊咩咩太太

Doublefour,

唔好諗咁多啦,對自己心儀既小學一條心,自行派位唔得,就等大抽獎;如果咁唔好彩,須要去叩門的話,有d小學睇你對學校既誠意,即睇你係咪將他們放在首選;有d學校唔收第三志願以外既叩門生.你要做下research.

另外,如果經濟許可,你可以搵多幾間私校或直資先做保險,萬一真係派得唔滿意,先考慮私校;以前幼稚園老師,主任,校長都會教我地選校都要睇番學校既教學模式是否適合自己小朋友;唔好一窩風,人話好自己就話好;否則辛苦了自己同囝囡.

而家開學了,我都盡量relax自己同小朋友,學校開學時做了assessment,我亞囡都做唔番幼稚園既表現,但我都鼓勵佢,都係個句,遊戲啱啱開始,慢慢來;比d空間佢慢慢進步.

你邊個網架?放鬆d啦

Doublefour 寫道:
II-3/羊咩咩太太 :我囡未升小一, 出年先升, 我都開始睡唔好, 擔心選學校NO唔好, 又擔心考私小/直資唔得.

II-3,你小朋友讀個間小學好勁架, 那間.

迪迪洛洛媽媽

我個仔好似你們講的混合體, 唉!

羊咩咩太太:

一模一樣, 平時亞仔好夜都唔願瞓覺! 攪到朝早唔願起身, 日日都話好眼瞓.


G-Ma:

我個仔都一樣, 好多嘢都唔食, 所以要自己帶飯 (不過下個月才開始), 個書包已經貴咁重, 帶埋飯就更加重到嘔,食飯又慢吞吞, 唯有到時等老師話佢, 又跟吓其他同學仔, 希望會改好d.

cherrychunhim:

同你小朋友一樣, 以前幼稚園沒有考試測驗, 上到小一又要默書考試測驗, 但小朋友都好似唔緊張, 有時真係幾好心機都好容易起火.

ii-3:

絕對同意, 又要擔心呢樣個樣, 仲慘過我自己去返!

Doublefour:

唔好太擔心, 有時自己會不自覺表露出來, 對大人及小朋友都形成一種壓力, 可能會影響面試.  其實每個父母都擔心子女的升學問題, 但沒有辦法, 每個小朋友都要經過這個階段. 我那時就自我安慰, 自言自語咁諗 (好似傻婆咁), 就算得或唔得, 機會都不只一次, 可能將來會更好呢!

ii-3

死火!我擔心的事終於發生啦!

剛剛老師打比我老公(原來我今早電話無電,自動息左)話亞女哭,她說好掛住我地,比我老公同亞女傾左一陣!
個老師話亞女上個星期都有哭過一次!(老師話全班得我個女係咁!)
但係我回想個女都無異樣,又話上學開心!

唉,今晚我都唔知點安慰好!

  

Maxmami

你囡囡無事口Y MA ?
有無好好同佢傾下亞  

ii-3

Maxmami,
她唔係好想傾, 整係話好掛住我, 又好肚痛, 所以哭.
她問我點解返左小一後就成日肚痛, 但係我問她咁星期日痛唔痛,她說星期日開心, 所以唔記得痛!
我都唔知點教她. 今日一早又話肚痛, 都唔知今日她會唔會又哭!
  
ii-3

sandylaw

你個女會唔會太緊張所以肚痛呀？聽醫生講太緊張係會令腸郁動得勁d，跟住就會肚痛

ii-3

sandylaw,
我都係咁想, 己經話比個女知, 叫她掛住我時,或者肚痛時,想一d開心野,或者在心中唱首她好喜歡的開心歌.  唔知她今日在學校會唔會記得咁做,還是又哭一場!
:cry:  :cry:
ii-3

sandylaw 寫道:
你個女會唔會太緊張所以肚痛呀？聽醫生講太緊張係會令腸郁動得勁d，跟住就會肚痛

Maxmami

ii-3,
不如你試下同班主任講下, 請佢留意下你囡囡, 會唔會係唔習慣or有D事你無留意

睡覺

阿仔之前的幼稚園是讀下午班的，而他一直到係慢熱又適應能力不太好的孩子，又好yim尖，唔係咁鍾意一大班人的團體活動......七月時幼稚園畢業禮要上台時，還忍不住哭了(因為太多人喇，佢有點驚恐吧？)。

加上，他又算是細仔，仲未夠六歲。

可是....剛上小學，才十天，竟超乎我想像的適應得好好，還對我說直至加下已經認識了四位男同學，又說他很勇敢的舉手自願幫忙老師做野(完全不敢想像)....    我實在感到很驚訝。
唔單只咁，佢仲話好喜歡上學，希望快點返全日(要先返七天半日適應課)。

唔知係學校太好，定係佢突然轉左性..
哈哈﹗我之前的一堆擔心都一掃而空。

希望佢唔係三分鐘熱度。