Dr Kong 與扁平足

cwp

應該看骨科，醫生會為小朋友度腳形，做一個膠托放入鞋內，之後定期覆診更換膠托。
如果看政府骨科，可以由私家醫生或政府門診轉介，分別是由前者轉介，膠托要收費，後者則不用收費。

waiwaichu2003

我小朋友最近都係以下既機構check左有入字腳既問題,doctor提議用"鞋墊"去矯正,但仲未決定做唔做"鞋墊",因為要成$1200/對,小朋友而家3歲半,其實係咪真係需要咁細個開始著"鞋墊"呢? 請問有冇過來人知道呀?  

Bambi 寫道:
有扁平足要及早正視, 否則過了最佳矯形時機就無得矯, 成世扁平足.

開學前免費驗學童足患


【活動名稱】開學前免費驗學童足患

【內容】全方位足患檢查活動，找出小童足患的成因

【主辦】香港足科矯形師學會

【日期】8月17日及8月31日（星期四）

【時間】上午11時至下午7時

【地點】馬頭圍道100號

【查詢】2180-7690

林嬌嬌

你沒留意嗎??　從來 Dr K 只說自己是　”健康鞋”專家，
沒有說過穿上Dr K的鞋可以改善扁平足呀!!!

誰在取巧為$$$，大家心照啦．

venice121 寫道:
Hi sleeping-beauty,

我沒有特別為他訂造鞋墊, 只是購買dr. kong的鞋及膠墊給他穿著.現在他年紀漸長,腳形已經有所改善,我不知道是關乎鞋的幫助還是他年紀長大所以有所改善,總之,買了鞋就比較心安理得.   

Sukiooo

Bambi 寫道:
有扁平足要及早正視, 否則過了最佳矯形時機就無得矯, 成世扁平足.

開學前免費驗學童足患


【活動名稱】開學前免費驗學童足患



【內容】全方位足患檢查活動，找出小童足患的成因

【主辦】香港足科矯形師學會

【日期】8月17日及8月31日（星期四）

【時間】上午11時至下午7時

【地點】馬頭圍道100號

【查詢】2180-7690

謝謝Bambi介紹，Thanks。那裏分析得幾長盡同專業，比"Dr. K" 更好，最重要係一啲都唔會hard sell。但就真係好貴........$1280

HY412

最後我在上星期帶囡囡去 Dr. K 做鞋墊 ( 已用了 3 年 ), 扁平足是需要做足部運動才能改善, 不能單靠鞋墊或健康鞋去矯正, 而鞋墊和健康鞋亦不能醫扁平足, 只可以舒緩足部因扁平足所引致的不適.

原本都打算轉"香港足科矯形師學會", 但費用實在太貴, 囡囡在 "Dr. K" 做一對皮鞋用和一對波鞋用 , 費用是 HK$1,100, 因為每年要更換鞋墊,皮鞋和波鞋, 其實已經不便宜.

我覺得兩者做鞋墊的構造都好相似 !

Hanayori

我小朋友雙腳問題多多 (扁平足+腳跟外翻+入字腳), 3歲時已著健康鞋到5歲多都無好轉, 當然佢行得走得. 但怕骨骼成長后會遲. 所以幾個月前訂造鞋墊, 再加上定期見物理治療師跟進. 平時靠鞋墊及多做強化運動.  治療師話市面的健康鞋, 對真正的扁平足是無用, 最好仍是做鞋墊.

Hanayori

Hi HY412,

請問1,100是１對或是2對？　而做２對鞋墊是你意思或是Dr Kong 意思? 因為小朋友腳仔大得快, 而且鞋墊可用於不用的鞋, 除拖鞋外.

HY412 寫道:
最後我在上星期帶囡囡去 Dr. K 做鞋墊 ( 已用了 3 年 ), 扁平足是需要做足部運動才能改善, 不能單靠鞋墊或健康鞋去矯正, 而鞋墊和健康鞋亦不能醫扁平足, 只可以舒緩足部因扁平足所引致的不適.

原本都打算轉"香港足科矯形師學會", 但費用實在太貴, 囡囡在 "Dr. K" 做一對皮鞋用和一對波鞋用 , 費用是 HK$1,100, 因為每年要更換鞋墊,皮鞋和波鞋, 其實已經不便宜.

我覺得兩者做鞋墊的構造都好相似 !

olkan

我個囝囝今年5year old都係扁平足, 他去年經常哭說膝頭痛, 我初初以為佢發骨折, 但後來看報紙知道扁平足都會經常膝頭痛, 加上我老公都係扁平足, 所以我帶他去康正(公司名)睇, check倒有扁平足, 腳後外翻, 治療師說因為小朋友都係細, 有baby fat, 對腳要10 year old左右才定型, 因為他係中度扁平足, 所以訂造了一個硬腳模給他, 希望可刺激倒對腳的足弓位的成長, 減少扁平足的機會. $1300一對, 因為他細, 大約一年左右要換一對(視乎對腳大得快唔快),約三個月返去俾治療師check下進度(免費的, 簡單地), 她會建議小朋友做運動幫助對腳. so far他著了腳模後, 只有兩次哭說腳痛.

上星期再check腳, 扁平足好了少少, 但因為沒有做運動, 減低了進展程度, 加上因為囝囝的腳大了兩個size (由31號大到33號), 舊腳模的足弓位跟現在的足弓位不合, 所以治療師建議要再做一對. 明天去攞.

各位媽媽, 如果小朋友真係有這需要, 我建議唔好因為想慳錢或覺得問題唔係禁嚴重就唔理, 想想千來元, 除12個月, 都係百多元一個月. 如果過了黃金期先去補救, 可能已經太遲.

唔好因為小朋友對腳快大, 特登買對大好多的鞋給他, 會著壞腳的.  我都試過帶囝囝去健康院見醫生, 希望他轉介去足科睇, 但醫生說他的情況唔係好嚴重果種, 同佢得4 year old(去年的事), 起碼要6 year old先會考慮. 叫我到他6 year old才要覆診, 看看是否真的有需要.

因我老公有扁平足, 行得耐就會腳痛, 有時影響到連腰都痛. 所以, 我真係唔錦等到6 year old先去慢慢排政府.

ngyanting2000

Sukiooo,

我想問吓＄１，２００係診金嗎？　我都想同我囝囝去ＣＨＥＣＫ吓，　因為幾年前(約二歲半）我囝囝都係ＤＲ KONG CHECK 到有扁平足, 我問要唔要去看專科，但次都話唔洗咁早睇，過多幾年先，無問題（每年都去二次買鞋都有簡單ＣＨＥＣＫ），　今年八月囝囝又ＣＨＥＣＫ都有，我再次問要唔要睇專科，又話唔洗過多一年先決定，因為我係旺角間ＤＲ KONG買隔離就有專科睇，請問我要唔要打囝囝去睇專科, 請給意見好嗎？ 你睇個醫生係唔係都解釋得好詳細.

THANKS.

NGYANTING2000

HY412

Hi Hanayori,

第一對是 HKD650, 第二對是 HKD450, 因為皮鞋和波鞋的硬度和物料唔相同, 如果只訂一對, 要經常將鞋墊取出取入, 都幾煩 ! 是我的意思, 不是 Dr. K 的意思 ! 而足科矯形師學會訂第二對鞋墊是沒有優惠, 所以最後都係用回 Dr. K 矯形鞋墊.

[quote]
Hanayori 寫道:
Hi HY412,

請問1,100是１對或是2對？　而做２對鞋墊是你意思或是Dr Kong 意思? 因為小朋友腳仔大得快, 而且鞋墊可用於不用的鞋, 除拖鞋外.

olkan

ngyanting2000,

      剛剛看到你的問題, 多口問句, 店員有冇同你講, 你囝囝對腳係真扁平足定因為有baby fat在足弓位的(假扁平足)呀! 我聽講dr. kong有d(所謂顧問), 其實只係上過數堂基本訓練課程的店員.

sayoma

我女女上年升小一時學校安排足部檢查,而女女亦有扁平足 (一隻較差,一隻輕微)我亦在專職治療中心做了鞋墊，矯形師話鞋墊只是輔助，最最緊要多做腳部運動才是治本的方法，而矯形師教的運動很容易我女通常一邊看電視一路做，7月剛復診,較差的腳變輕微,輕微的已正常了，而鞋墊亦可繼續用，不用再做新的，因女女的腳只大了DD，當然運動要繼續啦，半年先再復診．
另外矯形師話買鞋有無牌子都可以，但最重要選合適的，買鞋時要預多大約一隻手指空間，而鞋後跟位要硬（故定腳踝）．
而著鞋時腳要盡量緊貼鞋後跟，空間應留在前面，讓腳趾有空間生長  
我覺得最緊要叫小朋友多做腳部運動

林嬌嬌

那些所謂顧問, 叫你同小朋友買鞋要買大2個手指位,
其實更加會令小朋友對腳大得更快, 一d專業知識都沒有 !!

但是, 我覺得, 沒有扁平足的小朋友, 著 D. K 既鞋又幾好 wor.

olkan 寫道:
ngyanting2000,

      剛剛看到你的問題, 多口問句, 店員有冇同你講, 你囝囝對腳係真扁平足定因為有baby fat在足弓位的(假扁平足)呀! 我聽講dr. kong有d(所謂顧問), 其實只係上過數堂基本訓練課程的店員.

ngyanting2000

Sayoma,

請問你小朋友係邊度做鞋墊, 小朋友有咩腳部運動有助扁平足有改善?

sayoma

hi,ngyanting2000
我女是在寶血醫院（明愛）專職治療健康中心做鞋墊的，＄８００一對，至於腳部運動我唔知點形容好，因為我怕形容得唔好就麻煩了

Sukiooo

ngyanting2000 寫道:
Sukiooo,

我想問吓＄１，２００係診金嗎？　我都想同我囝囝去ＣＨＥＣＫ吓，　因為幾年前(約二歲半）我囝囝都係ＤＲ KONG CHECK 到有扁平足, 我問要唔要去看專科，但次都話唔洗咁早睇，過多幾年先，無問題（每年都去二次買鞋都有簡單ＣＨＥＣＫ），　今年八月囝囝又ＣＨＥＣＫ都有，我再次問要唔要睇專科，又話唔洗過多一年先決定，因為我係旺角間ＤＲ KONG買隔離就有專科睇，請問我要唔要打囝囝去睇專科, 請給意見好嗎？ 你睇個醫生係唔係都解釋得好詳細.

THANKS.

NGYANTING2000

ngyanting2000,

$1280 係首對鞋墊價錢，第二對$800。去果度CHECK係完全無收費，連解釋都搞咗成9個字，解釋得好詳細。
我之前去Dr. KONG 既遭遇同你一樣，但我見小朋友請况唔係咁嚴重，所以冇理到。
而我就問過呢間個顧問，對Dr. KONG 有何看法。佢就話Dr. 啲鞋都乎合應有條件，只不過因為唔係度身訂做，咁就冇咁FIT。而好多人左右腳係唔一樣，如只係穿STANDARD的鞋墊就會有"左脚啱時右脚唔啱"嘅情况出現啦。

meimeilam

我個仔都係有扁平足, 佢係足科矯形中心度做鞋墊, 由 K3 到而家升小四, 每年都要 check 一次腳, 好彩次次都有進展, 不過就真係幾貴, 冇辦法啦, 為左佢著想, 貴都要比。

小丑魚

大家好,

亞仔都有扁平足問題, 今年初在政府醫院義肢矯形部跟進, 矯形師替亞仔做對鞋墊, 我就把鞋墊放落亞仔出街鞋就可。 剛剛8月底覆完診, 矯形師話亞仔左腳嚴重佐, 所以要把"弓"位再加高小小, 政府醫院的鞋墊好鬼硬, 可能亞仔著慣了他沒有投訴。 因為一開始亞仔就在政府醫院跟進, 我想問一下各位, 在"香港足科矯形師學會"的鞋墊是否同樣好硬?  他們檢查完小朋友腳仔, 再訂做鞋墊, 你們就把訂做鞋墊放入小朋友出街鞋, 是嗎?  

meimeilam

小丑魚 :

係呀! 係 "香港足科矯形師學會"的鞋墊係好硬, 一樣係將鞋墊放入小朋友出街鞋度。