我係一位好普通o既小學老師

Miss_Chan_Chan

相信好多小朋友讀三年級或者六年級o既媽媽都會知道學校為基本能力測試 TSA而不停咁訓練學生，我學校亦都係一樣。

今年我就正係教三年級同六年級英文，今日開備課會，我向其他科任老師提供我設計o既補充工作紙，一片好心，但係其他老師就話為o左要train學生預備TSA，有好多試題要做，所以應該以考試為本，其他補充工作紙唔需要做。

我聽完真係好唔開心，我地教小朋友係為o左乜o野？應該係為o左增進佢地o既知識，而唔係為o左佢地考試好o的，考得好，唔代表小朋友學到o野。好多小朋友一考完試就將所有o野都唔記得哂，因為佢地只係利用短期記憶，根本冇將知識內化。

我好希望各位媽媽唔係只係為o左小朋友o既成績，佢地有冇將各科知識共通，靈活運用o既能力？有冇正確o既價值觀同態度？呢o的先係最重要。

Maxmami

Miss Chan Chan,

我真係好鍾意您
鍾意您的教學太度(sorry, 唔記得点寫)
如果個個老師都好似您咁就好啦

Miss_Chan_Chan

多謝！     

littlefatball

呢個世界系O甘

如果你真係吾想教music既話.

INTERVIEW 或在應徵信內請不要提.

但老實說, 校長當初就貪你這一點優勢!!!

如果吾系,未必會請你

而 家系講multi-talent架!

Miss_Chan_Chan

我係一名專科專教o既老師，老實講，係interview o既時候我已經講過我o既專長只係教英文，係呢間學校第一年就教過音樂，因為當時一個音樂老師突然辭職，之後我發覺唔稱職，就同校長提出，當時有好多同事都話我蠢，因為音樂係比教輕鬆，唔洗改簿，但係我真係過唔到自己果關，一個唔識o既老師走去教音樂，受害o既只係小朋友。

Maxmami

可能好快可以請到新老師, 你好快可以只是教英文, 啤小小耐性啦
:wink:
其實我都幾讚成woomooloo2005說法   

Miss_Chan_Chan

其實我都好番好多啦，我唔會因為我唔鐘意音樂而求其教，不過講真，我唔鍾意彈琴係因為細個果陣媽媽成日迫我練琴，我個童年一o的都唔開心。 :cry:

我唔同意有講法話，其實老師教科科都係一樣，只要係為學生教好學生就得啦。如果我對果科冇掌握，唔識教，當然我一樣有能力灌輸小朋友正確o既學習態度同價值觀，但係該科o既知識呢？將心比己，各位媽媽會唔會希望一位好老師，但係佢唔識教英文而去教你地小朋友英文呢？

教育係一種專業，你英文好唔代表你教英文好，如果唔係，求其搵個鬼佬教英文咪得囉！

如果每個老師都能夠係佢自己o既專科大展所長就好啦。

Maxmami

其實我都唔知可以再講什麼, 總之開心D, 希望在明天

Miss_Chan_Chan

Yeah!

william28

Miss_Chan_Chan,

有時都幾冇心情, 因為一心想教的科目, 教得唔多, 要兼埋其他科! 不過想回來, 不緊要, 鍾意教書, 講準確些, 係鍾意同學生相處及教懂佢地智(識)及能(力), 就唔好計, 始終學校都係一個團體, 都要有人攝位, 補位等等, 團體精神呀!
我都係今年唔使兼教, 但已連續兼教3年了, 當操練啦, 見到學生, 就唔計唔開心的事物

Miss_Chan_Chan

我好同意你o既講法，正如教差班好班都係一樣，所為專業教育者，我地都會盡心盡力去教。

但係為o左學生o既最大利益，有o的o野老師要爭取，我地要爭取教自己專長o既科目，唔可以由得行政者亂咁編教擔。

Maxmami

    
為好老師鼓掌

pearll

Hello Miss Chan Chan

請問家長如何從小培育
小朋友/幼兒對英語的興趣?

看完你的文章後
覺得你是一位好老師
努力呀!
祝福!

Pearll

Miss_Chan_Chan

我覺得要從閱讀開始，只要佢唔怕睇英文圖畫書，慢慢佢就唔會怕學英文，當然真係要點教，就好複雜，但係一句講哂，唔好迫小朋友，唔好令到佢怕，唔好令到覺得學英文係向媽媽交代。

謝謝你的支持！

pearll

Thanks! Miss Chan Chan

woomooloo2005

agree    

william28 寫道:
Miss_Chan_Chan,

有時都幾冇心情, 因為一心想教的科目, 教得唔多, 要兼埋其他科! 不過想回來, 不緊要, 鍾意教書, 講準確些, 係鍾意同學生相處及教懂佢地智(識)及能(力), 就唔好計, 始終學校都係一個團體, 都要有人攝位, 補位等等, 團體精神呀!
我都係今年唔使兼教, 但已連續兼教3年了, 當操練啦, 見到學生, 就唔計唔開心的事物

william28

Miss_Chan_Chan,

邊個最清楚學生o既最大利益? 我們清楚或我們以外的人清楚呢? 自己教專長o既科目, 是否一定讓學生得到最大利益? 行政者編得咁樣, 唔通學生一定得唔到最大利益? 我相信行政者編得咁樣, 係平行晒所有人(教師+學生)的利益! 當然有時有些行政者編教擔真係為著少數人的利益, 但我覺得唔多, 如果妳遇到, 妳唔好彩! 我年年都見到, 唔多, 唔奇怪!

judy

Miss_Chan_Chan 寫道:
相信好多小朋友讀三年級或者六年級o既媽媽都會知道學校為基本能力測試 TSA而不停咁訓練學生，我學校亦都係一樣。

今年我就正係教三年級同六年級英文，今日開備課會，我向其他科任老師提供我設計o既補充工作紙，一片好心，但係其他老師就話為o左要train學生預備TSA，有好多試題要做，所以應該以考試為本，其他補充工作紙唔需要做。

我聽完真係好唔開心，我地教小朋友係為o左乜o野？應該係為o左增進佢地o既知識，而唔係為o左佢地考試好o的，考得好，唔代表小朋友學到o野。好多小朋友一考完試就將所有o野都唔記得哂，因為佢地只係利用短期記憶，根本冇將知識內化。

我好希望各位媽媽唔係只係為o左小朋友o既成績，佢地有冇將各科知識共通，靈活運用o既能力？有冇正確o既價值觀同態度？呢o的先係最重要。

Miss_Chan_Chan,

睇完真係有啲感動。

對，基本能力測試，目的只是拿些數据，去看看學生之程度是否達標，而且，一不會公佈成績，ニ不影响升中派位。真係唔明，教師一方面投訴壓力大，一方面却盡做些累己累人之事，何苦呢？

bigBmama

問題是很多學校擔心如果TSA成績差，便會成為殺校的藉口；而且在外評中，TSA成績亦會決定該校中英數成績是否達全港平均水平，試問哪間學校希望自已的學科水平低？（明報小一攻略也教家長選校時要看學校外評報告）
現在很多小學都狂操TSA和Attainment Test，無論對教師、學生、甚至家長也是雙重折磨。小女就讀的小學，升小六的暑期功課是中英數TSA和Attainment Test補充共六本，相信真是做到人都癲，幸好今年她升中一，唔使做。
所以Miss Chan也要體諒同事的心情，如果TSA和Attainment Test的成績唔好，影響學校收生要縮班，到時你空有抱負，也不能發揮（請恕我直言）。
歸根究底，都是教統局的政策畸形，令大家也成為考試的奴隸。 :cry:  :cry:  :cry:

WW

Miss_Chan,

妳係邊區教書 ga, 做妳學生真好喇.