swimming YMCA or 游天好

chuiathena

Oh ! Is day camp la !  I think too hard and wonder whether YMCA have a course  in O/S swimming.
Thank Zoey

Zoey

chuiathena,

妳決定左報邊間未呀?

chuiathena

Still not yet, but need to choose before the end of August.   YMCA need to paid the course free for Sept to December la

jjd

你講嘅係YMCA summer camp, 游水只係part of the programme, (not學游水), 你見到嘅obviously唔係教練, 只係day camp teacher or assistant, 我2個小朋友都參加過English camp, 內容豐富, 游水只係游一兩天, 其他時間玩其他sports, 去visits...etc, 仲有, agree with chiuathena, YMCA從來無喺九龍公園教, 佢哋游indoor pool架喎.

3littlemonsters

我在八月十六日下午一時半左右在九龍公園室外下層淺水池看到該班ymca camp 學生. 我仲問過其中一個好可愛的女仔, 佢話佢跟ymca來的, 是邊間我就無問.

我反而有興趣問問如果那些不是教練, 只是導師之類,.那班小朋友的安全豈不........一個看十幾個幾歲大,不懂游泳的孩子, 好危險喎.

ymca是會在公眾池上課的,起碼葵盛泳池就有一大班.要是你不信可以上ymca 查一查. 我相信其他地方的ymca都會有班在公眾池上堂.

順帶一提, 小型公開賽(聯會), 天主教學校聯賽都有25米的比賽給7歲以下組別參加的.

其實我不是要左右你們選ymca的決定, 只不過其實世界好大, 泳界也有很多低調的好教練, 好泳會存在, 只要各位花點心思時間去找, 一定會找到一些適合自己子女的泳班..有時盲目到一些有名氣的泳會習泳不一定是理想的.這就會選學校一樣.

另外, 一個可能很多家長都不知道的事實是: 很多大會, 尤其是泳天, 這些年來九成半有經驗的泳班及泳隊主教練都走了, 有實力的會自組泳會, 其他多會轉教私人...剩下的都是一些經驗淺, 由本會操水出身甚或報紙招聘的暑期工或臨時工 (讀完書未有工做又唔知做乜的人). 而因為成本問題, 現在於會所開班的泳會根本不可以同貴教練來教班..因為會所是要五五分賬或以上,另有些要交按金, 德藝, 博藝的租綫費每條$700一小時(非繁忙時間收費), 九龍灣會展(大力會主場)每年要交過百萬佣...大家拿計算機出來計計...你地一堂有多少學費是用來支付入場費? 餘下的有多少給教練?個會的行政費, 廣告費多少? 大力會在這裏放一個banner ad 一個月最少要3000, 街上十多架小巴車身廣告要五仟至幾萬一個月不等....錢從何來? 你估泳會是慈善團體呀!

還有, 你地有那個游泳天, 大力會的是由李志黃,黃大力親自教的? 不要說是這些總教練, 一,二線的教練都不會教泳班...
當然教泳班的教練也會有好的, 我都見過, 他們都有心機,有耐性教, 不過未懂得運用學到的教學方法和技巧, 像機械人一樣, 不知變通, 要時間浸吓才成形.

之所以我叫大家看清楚, 花時間去找一找另一些中價泳會, 它們多數由一些於大會教了很多年, 有經驗的教練開辦的, 因為這些泳會多是由幾位固定教練及"老闆"自己教, 起碼有行貨以上的水準. 老實說, 教練人工高些, 教都教得落力些啦...

名牌是用來給缺乏資訊的人的...(對不起, 本人說話是直接了一點, 不過我相信有七成以上家長,根本不知什麼叫" 教得好", 也不知什麼叫"游泳訓練" , 只好聽廣告, 信名氣, 所以到現在還有家長報史x福, 文理..等速成班包曉班, 只希望以最方便的方法來"了結"子女學游泳的這項"項目" 用最短的時間來決定子女是否適合學游泳, 好對自己有個交代)

好像有些家長說子女在甲會學了兩年都不懂, 到乙會學一期便學懂, 有很大進步, 又或時子女幾年前在甲會學過,學不懂, 幾年之後到乙會便學懂....云云, 故有的說甲會不行..

其實這些評語是對泳會很不公平的, 當然, 學生學得不好其中有可能是因為教練質素, 但亦都會是學生及家長的問題. 很多家長根本不知什麼是合理的學習進度, 亦不了解自己子女於游泳方面的學習能力, 我知道現在有很多家長以為只於暑假為子女報名參加泳班, 十堂內便可學懂游泳. 但這想法只對學習專注, 四肢協調能力佳及不怕水的學生適用...
結果出現了
"我個小朋友在xxx學了幾年(其實只是暑期才學, 一年中只學個半月) 都不懂得游泳" ,
或是
" 我個小朋友學咗成年都唔識游, "(其實個小朋友學游泳的時候只有四五歲, ,好怕水或好唔專心, 教練講乜都唔入耳, 而且更不會對人說其實同班的其他同學一早已經學識, 只得佢個仔未識...)
......等評語.

其實什麼年齡, 什麼能力的小朋友可以做到什麼的程度是有一個標準的(不在此說了, 大長了...), 大家評價一個泳會或教練時, 要親身去看, 不單看自己的小朋友學得如何, 也要看其他一同學的小朋友進度如何,亦要看其他會或其他教練教同程度的學生的上課情況如何..才可作出評語.

希望各位用自己的眼睛而不是耳朵來做決定
對不起, 我真的有點長氣, 希望不會把你們悶壞.

Zoey

泳會不熟的, 不便評論, 或者只以大力與 YMCA (不是 TST 那間) 來說, 在學界都一樣培育過不少優秀既泳員 (其中亦有我囡囡學校既師姐, 亦代表過泳會出國比賽);  我自己小朋友都分別在這兩所泳會學過, 我又覺得佢地當中不乏有經驗用心教學既老師, 若妳當真熱愛游泳, 不介意付出時間, 精神, 減少玩樂既時間, 肯苦幹的, 是一樣可以冒出來的!  但我絕對相信, 好泳會又豈止一兩間.

By the way, 我女都係一路在 25 m 池浸大, 依家深造班, 佢在 50 m 池是絕對可以生存, 但很慚愧, 因冇立志佢係這方面發展, 所以冇入泳隊操水, 所以同出面操開水既又真係無得揮!

chuiathena

Dear 3littlemonsters

            說得也十分有理.
(1) 我自已中學時游韻律泳,入過港隊.
(2)我有游總教練証書
(3)救生考到沙灘銀十字,优異章

但我嗰仔吾聽我講,連我老公都吾識游水.
游天 or YMCA D教練好吾好,真的可以看得出,現在我只著重地方.
YMCA TST 就算冬天都全程室內.
游天      冬天凍了些(我同囝囝入吾到更衣室,冬天慘D)

問題喺 : 囝囝冬天也叫要游水, YMCA 已做了member 可一起游.   游天50M池好吸引,但做德藝member 太貴了.

若在游天上課,family 在YMCA 游(只在冬天,夏天屋苑有池)一讓貴.

你喺我點揀? ?? 15/16     8月前吾揀吾舒服,因為我同小B報了YMCA 6歲水運會.(  不過就算吾喺YMCA學游水,今次也已報到名啦)


比D意見呀   

cy101

同意3littlemonsters所說, 這個summer囡囡跟教練學游水, 閒時都睇下其他教練點教小朋友游水, 如果有心揾教練,都可趁此時間睇下, 問下d家長意見等, 不過未必個個家長有咁多時間就真!

3littlemonsters

dear chuiathena,
如果你唔怕遠, 何不到南華游? 會費入場費都平d喎...

而其實九龍公園都很好, 上個冬天d水溫好暖好正...而且, 平心而論, 佢真係無新聞講到咁恐怖, 反而我覺得有時好過d會所(會所救生員多是外判的..)
今時今日的泳池管理公司為了競爭, set個價好低, 但好唔好彩今年救生員嚴重不足, 搶高晒個價, 人工貴過政府池(有一間泳池管理公司因為做唔到...結果要走佬, 成個池都開唔到.)...好多管理公司為了拉上補下...你明啦...d清潔同水暖都差了...不過我相信ymca會好過德藝, 因為德藝及博藝都是外判的(仲要係p & a 添...), ymca好似是自己請人, 不過我知道清潔一定無政府池咁密...因為而家多人投訴咗!九龍公園真係有改善...不過如果你怕人多就無辨法啦!

另外何文田都有個25米室內嬉水池,冬天都無乜人, 可以同仔仔去玩吓, 都幾開心..

多口提句, 你怕仔仔凍親, 可以同佢帶風褸出池面(唔用毛巾, 因為小朋友未入到更衣室條巾已經濕透...一樣會冷)另外要佢帶埋冲涼用品及浴巾出池面, 以後一游完就立刻著風褸入冲涼室冲涼, 抺乾身才出來穿衣服, 那便不會冷親啦! 仲有呀, 游之前飲d熱紅糖水(可加ginger, 燥熱底唔好加), 那便由身暖出來,無咁易病, 你可以試試..  

chuiathena

     南華   

New information ar.   A good suggestion, thank a lot . Let have a phone call to 南華 on tomorrow morning.
何文田都有個25米室內嬉水池,未聽過?吾係大環山游池呀?

((帶埋冲涼用品及浴巾出池面, 以後一游完就立刻著風褸入冲涼室冲涼, 抺乾身才出來穿衣服, 那便不會冷親啦! 仲有呀, 游之前飲d熱紅糖水))  今年冬天一定試,真的謝謝您   

3littlemonsters

何文田個池開咗五,六年了..它在愛民村迦密中學對面的路口轉入去..叫何文田體育館, 好靚ga..雲石地大堂, 豪裝呀!好有高級會所感覺,上層有餐廳, 網球場, 健身室, 乒乓球室, 波波池,室外有遊樂場, 噴水池,足球場,籃球場(你看完之後會了解什麼叫浪費公帑,好彩我不是納稅人 ...環境優美到不得了..最抵死的是它無乜人用..我通常冬天星期日下午一時多去, 基本上個池裏面只有十多人...

不過泳池係九月十月會闗閉維修(政府池年年維修, 但係唔知佢修d乜, 我由九公同何文田泳池開池游到家吓, 都覺得佢地闗池來"吞pop"同清budget.. ) 你要去參觀吓就快d喇!