面試講D乜？點講？教下我呀！(8月9日)

shirley531

beverly@mimi 寫道:
嘩，呢個我都想問呀！同我問題幾乎一樣！
作估仔又怕被人識穿。

Yes, Yes, me too...   

beverly＠mimi

有無人可以教下我地應該點答至最合適？     

shirley531

beverly@mimi :
不如話前夫贍養費夠生活, 無做野, 全職housewife, 係咪大體D呢?!     

lemonnazybaby

我諗面試應該無標準答案話咁講就有高分
因為我女兒面試時, 唔見面試官拿住份marking scheme
反而係答的態度和反應決定學校取錄與否
唔知你認同否?

beverly＠mimi

shirley531 寫道:
beverly@mimi :
不如話前夫贍養費夠生活, 無做野, 全職housewife, 係咪大體D呢?!     

我去學做打雜 ，咁既生活，一定唔收，
講真實(好似太慘)，唔驕生慣養，但又嚇壞佢地。
都唔知點好？

beverly＠mimi

答得自然，但D說話未經修飾，驚人話講野唔經大腦、幼稚。
有時都唔知答真話定假話！

[quote]
ha8mo 寫道:
失禮？
我想問哩D野同個行業有咩關係？
仲要佢只係收你讀書，而唔係請你打工喎！

不過咁
有時D人唔係話聽到你講有興趣就認為你適合
因為佢地係行內人
點都知到有D職位係提唔到人興趣既
你講D咁野一定覺得你老吹
除非你舉到例子說服佢地

講遠少少，有時老細請人
唔係個個位都想請個搏殺格既人返來
因為有D位置係需要請個求安穩既人返來坐
D老細見到個申請人好aggressive話想升
即刻可以叫佢收皮

我勸你真係諗清楚先好答
自然D得架喇，唔好諗住冇左佢會死

beverly＠mimi

     驚.........

Teresa

岩岩"訪問"完一個interviewer (ie.  我老公, 佢年年都會interview會考生), 所以問左佢, 作為interviewer會問乜).

首先, 用英文介紹自己, 介紹自己學校, 介紹自己屋企. (1-2mins)

然後, 從佢比既answers再問(用cantonese).  eg. 學生話鐘意某一科, 就會問下佢點解鐘意o個科.  又會問下佢將來想o係邊方面發展. 問呢d既目的, 係想睇下個學生既態度係咪"寸"同唔尊重老師, 仲想睇下佢係咪講大話(or背答案).

跟住, interviewer就會睇下佢既HKCE results同school exam results, esp.  睇佢既conduct/attendence/lateness. 如果呢幾方面唔好, 就會問下究竟係乜野一回事, 當然老實作答 (認衰仔)好過講大話.

我老公話, 通常"死"o係interview過唔到關既學生會因為下列原因:
~ interview途中, 比人問幾問就喊到收唔到聲
~ 金毛仔女, 衣著似去wet多過去interview
~ 回答態度差, 乜都話唔知(就連in緊既學校有乜科都唔知), 兼冇禮貌, 個樣好似未瞓醒咁
~ conduct差 + 成績唔到standard

beverly＠mimi

Teresa,

     Thank you.

不過我想問，介紹自己屋企，我單親的，講出來都驚會被人歧視，但我唔想講假話。因為~講真實(好似太慘)，唔驕生慣養，但咁既經歷，一定嚇壞interviewer 佢地。

咁應該點呀？


"死"o係interview過唔到關既原因:
~ interview途中, 比人問幾問就喊到收唔到聲
  唔會，過關。

~ 金毛仔女, 衣著似去wet多過去interview
我衣著，都ok啦 ，我未染過髮 ，我都唔wet既，過關

~ 回答態度差, 乜都話唔知(就連in緊既學校有乜科都唔知), 兼冇禮貌, 個樣好似未瞓醒咁

我態度都唔會"寸"同唔尊重老師，話晒我之前都係領袖生。

眼瞓look，中獎，前一晚實瞓唔到。


~ conduct差 + 成績唔到standard
成績唔到standard 好驚呢樣中獎   

Teresa

beverly@mimi,

其實單親都唔係d咩問題.  而家都好普遍啦.  只要你講真話, 同埋你講既時候順便講下你點樣o係呢個環境中努力, 呢個係比到人地睇你係自強不息 --- 優點黎架.

我老公話佢以前見過一個case, 個學生成績唔太好, 有時有lateness.  佢黎interview, 老公問佢點解, 佢話因為自己屋企窮, 又單親, 要出黎做part-time供自己讀書, 又要幫呀媽做家務, 所以冇乜時間溫習, 有時甚至唔知醒遲到.

不過呢個學生講, 佢知道搵錢艱難, 所以如果校方收佢, 佢要比學費, 佢一定會真惜機會讀好書.  最後..... 係我老公recommend佢 (因為成績唔夠, 所以要"recommend", 類似1st waiting), 取錄左佢.

所以, 最緊要定, 同埋有誠意.

beverly＠mimi

Teresa,

可能俾人歧視得多，所以一講單親，見D人      ，咁既樣就知咩事。

你老公個case，講得好好呀，真係好有誠意喎。

多謝你既資料呀！      好有用，等我一陣間翻譯你英文先！     
(間PPDH interview 是用英文的)

beverly＠mimi

Teresa,

我仲想問下，如果問點解有興趣？點証明有興趣？

咁我應該點答？   

興趣好發自自已的內心，鍾意就鍾意，但口講無憑，做D咩先實際？       點証明？

Teresa

你可否講下那個PDDH是什麽教育機構？有什麽課程提供？ （有沒有website?)

~ 要了解一下PDDH才答到你個問題！

beverly＠mimi

PPDH即附屬港大掛。得3個course讀，(我就只可選2個，因為不是F.7畢業。)

他們的網址是：
http://www.ppdh.org.hk/en/assistant.htm

多謝你呀！

beverly＠mimi

ha8mo 寫道:
我都唔係好明
你係去讀書之嘛
點解間學校要歧視你單親？
你估佢地驚你要湊仔所以成日唔上堂，甚至中途退學？
咁你諗掂點答未？

係我自已驚囉，因為有D人真係會歧視，我以前去甚青年中心學一些course，佢叫我介紹下屋企人，我咪講左我媽咪同兄弟姊妹，個社工(中心亞頭)即刻話你father呢？我話我單親的。
之前佢話，下，你單親架？咁你做過D咩激走佢呀？
我話無，是他自已不handle好感情問題，同我無關！

之後佢都收我去讀，但第一堂開始就..................
一班人自我介紹，佢給我咪前竟然大聲同其他人講，
咦，我記得你單親喎，你無father架，識唔識自我介紹呀，你又無father教，同其他人唔同，點同人俾呀！


之前仲有好多野講...........................

所以我之後都會驚左俾人咁話。

我都無想好正式點答，驚到飛起。
仲有日半放榜。     

Teresa

beverly@mimi 寫道:
PPDH即附屬港大掛。得3個course讀，(我就只可選2個，因為不是F.7畢業。)

他們的網址是：
http://www.ppdh.org.hk/en/assistant.htm

多謝你呀！

你可以參考一下這個網址，拿一點idea:  http://www.qmw.ac.uk/courses/department.php?dept_id=17&article_id=47

或者，可以在google内用"why study dentistry"來search一下，有很多網站都可以給你一些ideas去回答這個問題！

beverly＠mimi

Teresa ,

好      ，等我search下先。