公文式幼兒時段

JoannaLee

Hi,Becky
你想學那１科?我個女是獅子座，同妳講的一樣，但我個女都覺得中英文好好玩，成日有新東西學（比起幼兒學校）．數學是會重複，但當她拿１００分可以貼堂，有家人鼓勵，便會很開心，學得快便不會重複很長時間．

Becky..

Hello JoannlLee,

我女都好似係獅子座(8月).  我暫時想讓她學數.你囡囡幾大呀?

Pandapanda

Hi, JoannaLee
Thanks. 等我都試吓打電話去問先!

Panda

JoannaLee

Hello Becky,
我個女下星期便6歲,足4歲便學公文式數學.開始時課程只是數點點,劃線等,在教室上堂時會有唱遊時間和教他們玩數字棋,是1至30大粒和1至100細粒磁石棋.我女兒有6個同學一同學公文式,有2個不願做功課而放棄,不是個個小朋友也喜歡學.

JoannaLee

Hello Becky,
我女兒2歲前是奶奶揍,每次看醫生,都會問醫生個孫女是否有過度活躍症!差不多4歲,我替她做親子遊戲輔導,導師分析她是勁V人(主要用視覺接收訊息),好處是對文字形狀記憶好,但容易受外界騷擾分心,對她說話便左耳入右耳出,提議我多用能同時刺激她視覺及聽覺的方法替她學習.公文式中英文需每天聽CD及看課程唸讀,我不知是她長大了還是公文式的幫助,我覺得她現在用視覺及聽覺吸收知識的比例比以前平均.
如果她數學功課沒有問題,妳可以考慮給她先學英文或中文,因我見我女兒其他同學,比她遲1年讀(即3頭才讀),現在進度已和我女兒差不多,反而中英文要時間慢慢浸,做些開始也沒問題,好像我女兒英文大約學了20個月(即3中讀),以公文式的標準,現在還差少許才超越學年,中英文開始的課程,都有彩色圖片和只教單字,然後慢慢教短句,例如中文先教老虎,獅子,然後教老虎來了,獅子走了;英文教APPLE,LEMON,再教APPLE IS RED,LEMON IS YELLOW等,一步一步跟小朋友的進度上.有家長與我說,公交式像吃中藥一樣,短期可能覺得沒有大作用,但學下去便覺得小朋友真是學到.
現在每個家長都已預了一筆錢給小朋友學課外活動,我現在替她報英國文化協會,每堂成$200都不知她上堂時學到什麼,但起碼公文我知道她的進度,每科每月$440,我學3科便貴些,不過見她學得開心,我做阿媽都不可慳這些錢.

Becky..

Hello Joanna,
好多謝你比o甘多意見我.  我女都係好心散, 都好容易分心. 加上我認同公文的理念, 所以我先諗住比我女返公文.若真係可做到自學自習就真係好理想.  你提及的親子遊戲輔導是咩東東? 貴唔貴架?
我想問返公文幼兒時段係唔係會比較好d?  我附近o個間冇這種.  另外, 你囡囡要用幾多時間做公文的功課?
你囡囡係唔係今年上小一?  讀津校?  he...我真係八卦.
你講得冇錯.  小朋友的課外活動真係好貴.  我女現學芭蕾舞and 畫畫.  9月應會學埋鋼琴.  我好窮啦

JoannaLee

Hello Becky,
親子遊戲輔導是教家長利用玩具去了解小朋友,玩具會分幾大類,如依附(如毛公仔,奶瓶),攻擊(士兵,劍等)...,在陪小朋友玩的過程,不加自己意見,隨小朋友自己的方法和喜好去玩,可以觀察到好他們的性格.  
開工了,下午再說

JoannaLee

Hi Becky,
做親子遊戲輔導時,家長陪小朋友玩玩具,玩什麼任由她選擇,家長不要加個人意見,小朋友玩的過程,由她選什麼玩具,或說什麼,也能反映她的心態及需求,如超過5,6歲還玩奶瓶奶嘴,可能暗示她尚需要大人撫慰;不斷投籃希望入樽可能暗示她想大人認同,或自已有追求完美的壓力等.我在私人機構學,初階及進階各約$800,每次遊戲輔導$800,學生首次收$400,都幾貴!不過我見小童群益會寶琳中心也有社工替有情緒問題的小朋友提供這項服務,收費合理,你可以留意一下.
通常小學前小朋友都是返幼兒時段,會有唱遊時間,但我見有些家長因時間不合,都是其他時間返,問題好像不大.
之前說過,其實開始時課程很淺,如數學是數點點,劃線等,中英文只需每日聽CD及唸讀,時間不會太長.我女兒現在學至2A,即橫式加減數,1日做10版約130-150題,正常應10至20分鐘可以完成, 英文2A要唸句子及默寫單字,中文3A唸句子及默寫普通話拼音,完成3科我想約半小時至45分鐘,視乎她專注程度以定.她9月升小學,現在除了做3科公文式及學校功課(她讀幼兒學校,上學至8月尾)外,每晚我也給她數頁暑期習作,仍有時間可以玩玩具或看半小時卡通,所以如果只讀1,2科,應該可以應付.
我個女今年升小一,會讀津校.  之前想過報直資,但實在太大負擔.假設$2000學費,加上校車等費用,都幾貴, 而且我還有1個即將1歲的細女,大女讀直資,細女讀津校便沒分,2個都讀直資便好貴.我女兒派到的學校是千禧校舍,出名活動教學,以前上親子遊戲輔導的導師已說傳統教學不適合我女兒,和贊成我報讀這間學校,所以都不考慮直資,慳番學費給她們學其他課外活動.

popoleung

我都係住觀塘的，邊到有得報公文呀
　


[quote]
JoannaLee 寫道:
再繼續說公文式英文
現在女兒學了1年多,上月學校小一模擬測驗後,老師在家長日時問我是否日日用很多時間谷她讀書溫習,因老師覺得女兒很多中英文生字都已經是長期記憶,像想都不用想已知答案,我解釋我只是替她報讀公文式三科,每日陪她做數學10版,中英文各5版功課,和睡覺前聽讀中英文CD．我自己要上班，還有１１個月大的細女要照顧，實在已沒有很多時間再教她其他．
我女兒在觀塘和樂村讀．
要開工了，明天再說

leungmama

Most of the centre didn't offer 公文式幼兒.  
Shatin / MOS  邊到有??

JoannaLee

Hi, popoleung
觀塘區在藍田,和樂村,曉麗苑和淘大都有,妳可上公文式的網頁看.  有家長話藍田比較商業化,曉麗苑地方細,和樂村的高老師以前是教師,年紀較大和細心.

bbpoon

JoannaLee ,

請問九龍灣那區好似有德福.淘大及德寶都有中心,請問其實那間較好呢?有什麼分別呢?

課程方面,有時我見paper有2A或5A其實升級制度怎樣劃分?

謝謝!

JoannaLee

九龍灣區我不熟,但其實三間都在附近,妳可以自己去見見老師,和問讀緊的家長比較.
公文數學及英文由7A開始,中文由5A開始,每級有200頁,學完200頁,老師覺得小朋友已經熟,會和他們測驗,測驗卷內容是在200頁抽些出來,如符合標準便可升級.

dleelm

JoannaLee

Please check pm. Thanks.

popoleung

Hi JoannaLee,

多謝你的資料

JoannaLee 寫道:
Hi, popoleung
觀塘區在藍田,和樂村,曉麗苑和淘大都有,妳可上公文式的網頁看.  有家長話藍田比較商業化,曉麗苑地方細,和樂村的高老師以前是教師,年紀較大和細心.

Becky..

Hi Joanna,

幾日冇上bk啦 !  我都讃成讀津校, 可以慳番d錢比小朋友參加其他活動.  我都同你一樣, 有個細仔快2歲了, 都要留d錢比他參加課外活動.  再者, 讀直資細仔又未必可以入到, 到時又要再煩多次.
另外, 我想問你多些關於遊戲評估的資料, 你在那間機構做? 可否pm資料比我? and 點解你要上堂? 唔係只係幫小朋友做評估?  我大女晚晚都訓得一般, 磨牙磨得好大力.  我好想知她有什麼心理壓力.
我女都係讀幼兒學校, 要番全日.  所以比她課外活動只有sat,sun.  我都係仲諗緊比她咩時間返公文.
同你傾計, 我好開心呀! 你比o左好多寶貴的意見比我., Thanks.  Keep in touch     

martha.bb

JoannaLee,

想請問一下公文英既cd要幾$1隻?同埋係咪１ grade 1隻cd?
我聽了公文講座,佢prefer我地報公文英[EFL](7A~F),你女女是不是讀呢個呢?因為我覺得係新課程,好似之前(7A~L)好D,你認為呢?THANKS.

SUSANNA

twokidsmum
你囡囡學得好快, 我女5月升3A (公文中), 到依家差不多4個月都未升班, 還開始重做舊課程.

mkwok

Susanna,

妳好呀！我囝囝將近讀了5個月5A(公文中)都未升班，對佢來說普通話真的好難。

你囡囡係大力學游水學得好吾好呀，剛剛上星期有評估，個教練圈左初二，我諗下期係升初二。

hoganmama

JoannaLee,

我仔仔剛剛5歲, 7月開始學公文數, 由6A開始, 今個月升5A, 我都想幫佢報埋公文英, 但我返到屋企都成7:30, 我想佢同我一齊做功課, 但我驚無時間,  我想問下公文英有無要限時間做? 大約要做幾耐? 公文英係咪interesting D? 因為我覺得公文數都幾悶, 重覆又重覆

Thanks!

hoganmama