捧球課程

丸媽媽

wwktyw 寫道:
sneezy,
我覺得ssp都唔錯, 我上捧球總會個website, 見佢地ssp的活動同方向都幾好啦。  不過都係sat上去看清楚才決定, aberdeen & ssp都係相同場訓練, 可以一次過睇曬。

我都有活動在sat的, 不過check緊可否改時間, 要過左8月才知。

星期六上堂時間係2:00-6:00 (大約)

你所講兩隊球隊囝囝都跟過，基本上教法大致差不多，個人覺得aberdeen紀律較為嚴謹，較著重根基訓練（亦所謂基本功）。
而ssp相對比較輕鬆，小朋友會學得開心ｄ，但當然技術進步方面可能會慢少少

加入那一隊就要看看家長期望

HPChingchingma

wwktyw 寫道:
bbcar128,
今個sat我會去呀, 我小朋六歲半, 9月升小一, 其實都有小小驚影響佢架, 因為好似無曬d時間禁, 不過我打比香sir, 佢話初先只是sat訓練, sun比賽無禁快比佢地開始的, 我都想比我個仔try try。
wwktyw

唔好意思 !
見到丸媽媽
打招呼先 !
你好 !
我也借個位來講講先 .............. ........

好似香 sir 本身是沙田仔出身.
咁我想知棒總有沒有提意見 join 沙田呢 ???

bbcar128

Hi, wwktyw

因為我老公今  sat 返工, 所以要下次 sat 先可以去, 你睇完寄住報料

  

丸媽媽

晴媽
long time no chat la! 大仔升中未呀? 係咪已經打Junior?

聽講香sir響早兩年才轉過黎SSP教,佢係一個好有心既教練,對d仔收放自如,阿仔好鍾意佢o架

至於你問"咁我想知棒總有沒有提意見 join 沙田呢 ???"
好老實講,我覺得係咪因為沙田實力強勁,唔係咁容易俾人入到隊,阿仔之前上棒總d班咁耐,真係從未遇過有人向我地推介沙田隊(除左你) 連捧總寄表黎都冇見過沙田份表   不過話分兩頭,SSP同aberdeen既家長又真係好落力幫球會做promotion就真o既

HPChingchingma

丸媽媽 >>
係呀!
亞仔今年升中啦.
今朝坐 9: 40 ANA 機去日本千葉縣參加 BFA 的 A 隊比賽..........

香 sir 有 2 兄弟嫁  
記得早有隊友是玩棒總的訓練班.
佢是住馬鞍山 . 因為香SIR 那時都是住馬鞍山, 所以叫佢參加沙田隊. 大香 sir 幾好嫁. 又讀到書, 又玩得    

咁何文田有沒有介紹 ???

講開亞仔今次去日本 , 沙田仔都有7, 8 個啦...
沙田隊相信棒總都不用推介了 .

wwktyw

Hello各位,
我sat上左去睇, 雖然阿仔著住條jeans, 但都玩得好開心, 我決定join SSP啦, 因為發覺阿仔好LIKE香SIR, 同D小朋友又玩得開心, 佢地無因為我個仔係新加入而唔彩佢, 反而扮教練, 教我個仔動作應該係乜乜乜..., 見佢禁容入, 我都好開心, 今早EMAIL左份表格比CHERY(黃太)啦, 9月會開始架啦。

丸媽媽

程媽 >>> wow~你家大公子好叻呀! 原來做左香港代表出賽BFA 係咪第一次出國比賽呀?

都話你地沙田隊人強馬壯啦! 預祝大公子凱旋而歸

至於何文田隊,棒總都有寄表黎,不過又係識唔到人做推廣,所以對佢地了解唔多囉 不過咁岩前個星期,SSP去古洞夏令營集訓時,與何文田同場相遇,剩係見到佢地minor班球員,都高頭大碼過我地班仔好多,而且技術又成熟,一拍埋我地班仔就十足bb班咁   


wwktyw>>>歡迎你囝囝加入SSP,希望佢enjoy球隊

HPChingchingma

丸媽媽>>
前 2 年都有代表沙田隊去台灣嘉義市參加諸羅山盃比賽.
不過今次是中國香港 .

唔好咁講啦      
沙田有棒球隊都差不多成 30 年咁耐,
仲耐過棒總成立, 所以教練多源自沙田仔而已.
可能這樣, 更加要吃苦囉.

今年係古洞集訓 , 係返香港咪好
嘻.....嘻.......
佢地高大的.
所以何文田成績都唔錯架    

今年可能會遇到你 .......
細仔今年也參加    

丸媽媽

程媽
之前見你冇提,仲以為二公子唔鍾意打棒球添! 佢今年幾大? 咁細囡又會唔會玩? 如果玩就真係一門三傑

我都有考慮囡囡夠五歲時好唔好俾佢玩,雖然呢樣運動好好,但話晒女仔曬到黑麻麻唔係太好嘛! 佢已經天生成舊朱古力咁! 所以仍在考慮中...

真係好喇! 原來有機會再見你,識到你呢個資深前輩家長,可以做下我支盲公竹,因為我對棒球知識仲係烏噹噹咋!

丸媽媽

程媽

尋日你細仔有冇去多石打funny game？

我地輸得好慘淡呀！
無法啦！沙田隊同我地實力太懸殊喇！ :cry:

不過阿仔都符符碌碌打中一球，已經開心死佢

佢打中果球都幾搞笑，可能佢冇諗過自己會第一棒就擊中，打完個波仲傻左咁企響度，竟然唔記得要上壘，結果俾捕手clap佢出局

可能呢次始終係佢第一次比賽及第一次在比賽中擊中球，希望遲下吸收多些經驗會好ｄ   

HPChingchingma

哎呀!
漏左 一篇 , 對唔住呀!

我仔仔己 是 junior , 沒有到多石啊呀 !
好野    
擊出第一球    
玩多的 ,  上場多的就 ok  
你要鼓勵多的    
記得10月 - 11 月留意棒總有否 < 諸羅山盃 >選拔棒球員啊 ...........)))))))))))
)  
我細仔可能細細個已是在球場上長  , 也時時聽到教練罵人,  亦知道好辛苦 . 所以佢唔多想玩 .  係爸爸想佢玩多的. 不過, 我就暑假時給仔仔上暑假班. 由k.1 開始.  去年小一時,  就給學校選左玩考擊樂.  而且是 saturday 下午 ,  跟練波時間撞到正.  不過 , 佢爸爸一定話要佢今年入隊. 到時2 邊去又或者告假喎 !

而且隊中有幾位的哥哥亦是我大仔隊友  , 同是 99 年, 佢地父母都話今年入隊 ,   所以佢爸爸見有伴 , 都想今年註冊玩埋啊  ........   

大仔剛從日本回來, 是 台北, 日本千葉 , 日本野田, 南韓後第 5 名.  成績唔錯 , 4 賽 3 勝     


據棒總網上資料::::::::::::::::
賽事消息

2006. 08. 22　領隊楊杰玲　電郵報告
香港"A"代表隊今天首場對戰韓國於比賽時間內打畢五局以7:2並壓制對手無安打取勝！可惜第二場對戰日本千葉選拔隊在對方第六棒先後擊出滿壘全壘打及兩分全壘打的兇猛火力下，打畢三局以0:13被提前結束，首日賽事完結後排名A組第四位。
明天將於日本時間1200對戰B組第三位印度隊，及於1400對戰A組第三位中國隊，以決定567名。

2006. 08. 23　領隊楊杰玲　短訊報告
香港"A"代表隊硬撼印度，血戰中國，揚威松下山棒球場，今天全勝而回．香港勝印度10：5，勝中國7：0．得第五．兩天比賽計三勝一負．

丸媽媽

HPChingchingma 寫道:
大仔剛從日本回來, 是 台北, 日本千葉 , 日本野田, 南韓後第 5 名.  成績唔錯 , 4 賽 3 勝     

2006. 08. 23　領隊楊杰玲　短訊報告
香港"A"代表隊硬撼印度，血戰中國，揚威松下山棒球場，今天全勝而回．香港勝印度10：5，勝中國7：0．得第五．兩天比賽計三勝一負

wow~~~成績點止唔錯，連中國隊都嬴左喎，我直情覺得戰績彪炳呀！ 恭喜∼恭喜∼     

你唔好見我仔仔成11歲，佢只係今年先第一次註冊minor參加今年季球咋！幾時得黎夠班參加棒總d乜乜盃選拔球員o丫∼咪玩啦！

仲有我都想問你知唔知，如果我仔仔想繼續玩埋下年minor，唔知超齡未呢？（佢10月尾生日）
其實係因為我都唔想佢咁快升major呀！

chungmingbaby

Hello 丸媽媽

<<不過阿仔都符符碌碌打中一球，已經開心死佢 >>

仔仔好叻呀！他的信心和興趣定必增加不少！加油呀!

:

程程媽，long time no "talk" la.. 你仔仔good job ah.. ssp 也有三個隊員到日本，今次港隊的成績有很大進步！


Sneezy,

希望你能加入ssp la，因為我們學校已有两名ssp球員 (I see you in our own school forum)，上星期見班主任時，還提義我推介棒球給學校！

WongCW

Piglet_mamaie,

咁我仔應該同你仔一班啦, 咁你仔有無join佢地個比賽, 係派左去邊隊, 我仔派左去大埔隊呀

WongCW

程媽,

想問下係咪夠5歲就可以參加呀啦, 我都想幫我女報呀, 我仔就係hk區學緊, 同埋想請問hk區重有邊到可以學捧球呢

bbcar128

Hi, everybody

我重未有時間去睇佢哋上堂呀, 希望今個 sat 可以抽空去啦, 另外因我嗰仔係好唔專心及無時定, 所以想找隊紀律嚴d比佢, 你哋覺得 ssp or aberdeen 好 d ?

HPChingchingma

想找隊紀律嚴d當然係沙田隊.

      

HPChingchingma

WongCW 寫道:
程媽,

想問下係咪夠5歲就可以參加呀啦, 我都想幫我女報呀, 我仔就係hk區學緊, 同埋想請問hk區重有邊到可以學捧球呢

通常5歲細個只有在暑假才有開班的.
我知有 CHUNGMINGMA 仔仔的深水隊棒球會,和沙田隊棒球會有開班. . 官塘都有棒球會. 不過未聽過有 咁細個.

近 2 年 馬鞍山的純陽小學在閒時都有辦的.
不過剛剛的暑假開了很多班.
你可以問該學校平時有沒有的.

HPChingchingma

棒球會的名 稱 簡 介 聯 絡 >>>>>>>>>>

<<<<<<<<<<<<<<<<<<<<<<<<<<<
沙田體育會棒球會 宗旨: 推廣棒球 電話 : 2691 5657
傳真 : 2602 1966
招收球員 : 6- 8歲 電郵 : [email protected]
  會址 : 新界沙田瀝源村壽全樓地下

  
城市業餘棒球協會
招收球員 : 16歲或以上青年及成人 電郵 : [email protected]

  
何文田棒球會 宗旨 :  電話 : 9017 8699 (梁先生)
- 致力推廣及發展本港棒球運動，組織棒球訓練及球隊參加公開棒球賽事 電郵 : [email protected]
招收球員 : 5 - 9 歲 網址 : http://htmbc.tripod.com/home.html  

  
香港仔棒球會 宗旨 :   
- 推動棒球運動， 提倡德智體群美之精神 電郵 : [email protected]
  網址: http://hk.geocities.com/aberdeen_baseball/index.htm
招收球員 : 5-10 歲 , 男女均可   

  
深水土步棒球會  電話 : 9096 6932 (鄭君權先生)
招收球員 : 7- 12歲 傳真 : 2107 1881
  電郵 : [email protected]
  網址: www.sspbaseballclub.org

  
觀塘(青少年)棒球會 宗旨: 提供棒球運動予區內外青少年參加.
電話 : 6477 3699 (謝先生)
招收球員: 5歲或以上 傳真 : 2661 1705
組別: 5-7 歲, 8-12歲, 13-15歲及15歲以上 電郵 : [email protected]
活動資料:
星期六下午, 觀塘遊樂場
星期日上午, 將軍澳寶習公園
網址 : www.kwuntongylbc.com

  
紅磡棒球會 宗旨 :   
- 非牟利團體，提倡及推廣棒球體育活動 電郵 : [email protected]
- 鼓勵及培育對棒球有興趣之青少年參與棒球 活動   
- 參與香港棒球總會、香港少棒聯盟及地區棒球會之比賽及活動   
- 本會純為體育團體，並無任何政治立場，謝絕任何與政治有關之活動   


葵青棒球會 宗旨:   
- 提倡及推廣棒球運動和團體精神 電郵 : [email protected]
- 提高球隊運作   
- 提升球員水準及合作性   
- 提供青少年及成人一項有益身心之群體活動   

  
南區棒球會 宗旨:   
- 推廣棒球活動 , 參與社區運動發展 電話 :9124 1969 (郭先生)
- 培育棒球人才 , 提供棒球技術訓練 電郵 :[email protected]
  網址 : http://hk.geocities.com/southking15

招收球員: 7至12歲   

  
香港道教聯合會純陽小學 學校簡介:  電話 : 2642 2355
請瀏覽學校網頁 電郵 : [email protected]
  網址 : www.syps.edu.hk/indexa.html
  


荃灣棒球會 宗旨: 電話：9846 6916
- 致力推動棒球運動，促進及加強青年人積極參與運動 電郵：[email protected]
招收球員 : 任何年齡人士
網址 : http://hk.geocities.com/twbaseballclub/index.html
  


黃大仙(棒球)體育會 宗旨:
- 提倡及推廣棒球活動，促進與各地的棒球活動；建立友誼，交流交化． 電話：9101 3839 (盧小姐)
電郵 : [email protected]
招收球員：
黃大仙區內外居民均可，
暫收十二歲或以上人仕．
網址 : http://members.lycos.co.uk/wtsbaseball/html
  


香港島棒球會 宗旨:
推廣棒球予香港島居民參予.
電話 : 6477 3699 (謝先生)
招收球員: 7 ~ 9歲，男女均可。
傳真 : 2661 1705  
活動資料: 逢星期日, 魚則魚涌公園
電郵: [email protected]  

WongCW

程媽,

你d資料好詳盡.

Thanks